141
19
15
港鐵天水圍站 E3出口, 步行約2分鐘 繼續閱讀
電話號碼
24886002
開飯介紹
位於獨立屋的小店,甜品款式多元化,有日式甜品如紫薯窩夫及綠茶心太軟,也有港式甜品如芒果腸粉。店外的塗鴉更適合文青拍照。 繼續閱讀
營業時間
今日營業
全日休息
星期一
全日休息
星期二至日
16:00 - 01:00
付款方式
現金
食評 (189)
甜品係唔飽架😆 焦點食評
等級4 2018-05-17
339 瀏覽
今次搵食搵到天水圍,係西鐵站附近就有間隱世甜品鋪,呢度有大量車位,就算揸車黎都唔使擔心冇位泊先叫左d中式甜品,芝麻糊$24 、椰皇燉蛋白$48 、紫薯糖水$28;芝磨糊有香濃既芝麻味,食落唔會太稀;想養顏就可以食下個蛋白,皮膚當堂滑哂;紫薯夠哂甜,配埋碗薑味濃郁既糖水,好正又係養顏系列,今次個豆花仲要竹桶上,豆花豆香薑味濃,加埋d黃糖真係冇得輸鮮雜果紫米露$32,椰奶較多,所以奶味較種,岩哂鍾意食椰汁既我,仲有好多生果,例如西瓜、芒果、火龍果、哈蜜瓜等鮮雜果奶凍$38,呢個又係有一堆生果,仲有麻薯同朱古力條添,個奶凍就係白色切左一粒粒,同平時食開既有d唔同呢碗就真係好似食緊河粉咁,湯底係深黃色既黃果汁,餸就係芒果粒,河粉就滑溜冇比,真係未試過咁滑呢個脹到好似個包咁,我係上面淋d朱古力都瀉哂出黎,切開就係軟綿綿既紫薯加蛋白,實行外脆內軟呢個窩夫整得真係好脆,中間仲有d oreo 醬添,上面仲淋左朱古力醬同糖霜,加埋d忌廉、oreo餅同個芒果雪糕,就好似一幅畫咁芝麻味就真係第一次見,一切開蛋糕,中間d芝麻醬係咁湧出黎,勢不可擋,所以大家真係唔好早切開哂,而則邊仲有士多啤梨雪糕、生果同忌廉添食完咁多甜品,都應該要飲返杯,小朋友就好鍾意呢杯飲品,因為有得玩又有得飲,餐廳先準備左隻吉杯,入放左d柚子,仲有梳打水、糖醬、蝶豆粉汁,之後我地就可以將所有野倒埋一齊,製作屬於自己既飲品,小朋友真係玩得好開心,好似做緊實驗咁想食楊之甘露又想碗甜品再凍d,不妨試下呢款,如果再甜d就好啦!呢個時候飲返杯清甜既西瓜汁的確解渴最後食到悶悶地,仲可以食返d辣野刺激下添魚肉燒賣$8 魚蛋$8 蒜香香辣雞翼尖$20 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-02
841 瀏覽
平時宵夜糖水多數都係元朗食涼粉,朋友推介一糖,位於元朗屏山,近天水圍西鐵站,門口可以泊車,方便。朋友推介必食鮮杧果腸粉$45,杧果新鮮香甜,腸粉爽滑,有真腸粉口感,配合鮮甜杧果汁,果然好介紹!生磨芝麻窩夫$62,賣相不遜酒店茶座;温熱脆皮窩夫配合軟熱棉花糖再加上冰凍雪糕球,口感多重享受,甜而不膩;兼且份量充足,可供二人分享。焦糖燉蛋$28,燉蛋質感較一般厚及柔滑,有法國風味,而非中式燉蛋加焦糖;配料士多啤梨也不會酸,確實超值。Bailey’s 心太軟$58,朱古力心太軟加上雪糕已經很好味,Bailey’s甜酒混在忌廉中打起泡配合得宜,伴碟水果亦能解些油膩感。楊枝金露沙冰$42,將楊枝金露糖水底打造沙冰,再加上杧果丶西米丶柚子等配料,故此有沙冰口感亦有楊枝金露風味。菠蘿活乳酸梳打$32,梳打水和菠蘿糖漿分開上,可自行調節口味。紫黃特飲$32,紫色藍蝶花,加入梳打水時賞心悦目,浪漫指數爆燈。同行朋友竟然要食腸粉$10燒賣$8,話要同其他糖水店做比較!腸粉爽滑,燒賣彈牙,果然認真! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-05
917 瀏覽
呢間甜品店真係睇無數咁多人介紹過,成日喺附近蒲都搵唔到時間過來,是日約左朋友喺元朗食lunch兼睇埋套戲,就坐車過來食。朋友住九龍區,好少入來,但佢都聽過呢間甜品店。甜品店位於天水圍站附近,我地坐左西鐵來,原來路程都好近,而且行到附近就已經見到小平房設計嘅甜品店。外圍嘅壁畫係我見過好多次,有好多人喺度打卡。呢間甜品店好似喺停車場入面咁,所以如果駕車都好方便,有位泊。佢地有室內外座位,室外其實都幾舒服,一來天氣唔係好熱,有陣陣涼風,其實幾好坐,加上如果有帶狗仔來,就啱哂,可以坐室外。而室內都有五、六張枱,裝潢好日式風味,用木枱木凳,環境唔錯,加上我地去嘅時間尚早,四點零鐘,大概有四枱客,都唔會好嘈,幾舒服,唔似好多市區嘅甜品店,凳都未坐暖就已經要趕你走。呢度啲甜品都幾多款式,有紫薯、窩夫、沙冰、雪糕、芒果、花茶、撻類等等,價錢唔貴,我地點左兩份甜品同一杯飲品。生磨芝麻窩夫 窩夫四件,面頭鋪上燒棉花糖,旁邊有忌廉及雪糕,窩夫可配上一球雪糕,我地揀左薄荷朱古力。我幾鐘意呢度嘅窩夫質地,做到外脆內軟,特別內餡完全冇飽滯感,仲有少少似食緊麻糬,煙煙韌韌不過芝麻味唔算好濃郁,配合甜滋滋嘅棉花糖,我同朋友都好喜歡。雪糕都係大家熟知果隻牌子,冇乜特別,溶得有點快。香芒雪糕奶凍32蚊黎講,都相當抵食啊,雖然做法簡單,裡面有芒果汁,可能加左奶或者忌廉煮成,比較稠身,香甜天然,好似芒果冰咁。芒果粒份量大方,食落就唔算話超甜,仲帶點芒果微酸,我幾鐘意奶凍香滑,有奶味,質感挺身荔枝沙冰沙冰打得非常細,入口滑溜,完全冇碎冰感,好飲,只係略甜。裡面有啲類似啫喱糖,叫三色Q果,口感豐富,兩粒荔枝亦很香甜。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-20
995 瀏覽
<一糖>是天水圍的隱世甜品店, 自成一角,牆身的大型塗鴉,充滿日式風情。餐廳主打紫薯甜品,紫薯控必然不能錯過。紫薯窩夫 $58窩夫表面灑上紫薯粉及糖霜,賣相紫醉金迷,我見傾心! 新鮮焗起的窩夫,入口香脆,雪糕口味有多款選擇,香甜的芒果與紫薯最合襯。在每格窩夫填滿紫薯蓉,口感黏糯、軟綿,再沾上芒果雪糕,更加蜜甜窩心! 伴碟還有脆薯片,薄脆吸引。棉花糖紫薯 $32棉花糖脹卜卜,除了表面的紫薯粉,墊底還有熱燙紫薯蓉,配料豐富。倒上朱古力醬,更加邪惡,拉起綿花糖,質地軟溶,配上紫薯蓉,味道濃甜,口感多層次。宇治抹茶奶 $32宇治抹茶奶有濃郁的抹茶香,甜而不澀,配上滑滑奶泡,口感滑溜、順喉。鮮雜果蛋撻配紅棗茶定食 $46定食是清新的配搭,芝士蛋撻酥皮香脆,一啖咬下去,芝士鬆化、流心,啖啖滋味! 吃過濃味芝士撻,可以吃鮮果解膩,再呷一口温熱的紅棗茶,寧神靜氣,感覺細膩。蒜香香辣雞翼尖 $20除了甜品,多款鹹點都十分美味。蒜香雞翼尖十分入味,雞肉軟嫰,入口即散,開頭微微泛辣,但愈吃愈麻辣、過癮! 魚蛋及燒賣浸泡在咖喱汁中,同樣惹味。原桶即撞香滑豆腐花(黃糖) $30豆腐花是名副其實的香滑,熱辣辣的、滑不溜口,帶香醇的豆香,灑上適量的黃糖,淡淡清甜,更是令人回味! Bailey's心太軟 $58Bailey's心太軟必須襯熱享用,用叉拮開,朱古力漿洶湧流出,流心朱古力帶淡淡的百利酒香,令整體更香濃。配上一球草莓雪糕,味道酸甜誘人。椰皇燉蛋配腐竹白果 $56椰皇燉蛋的椰香比想像中更加濃郁,連同軟嫰燉蛋享用,是冬日暖笠笠之選。殼中椰肉可以輕易挖出,一口椰肉,一口腐竹糖水,口感滋潤、豐富。總括而言,甜品都是用心製作,新鮮熱辣,特別欣賞蛋撻配紅棗茶的定食組合,是新鮮、多元化的組合,即使一人來食,也能滿足多個願望。 繼續閱讀
(以上食評乃用戶個人意見 , 並不代表OpenRice之觀點。)
隱世甜品店 焦點食評
等級4 2018-02-15
719 瀏覽
最近經常返天水圍,每次搭輕鐵經過都見到圍村個邊有間寧寧舍舍唔同裝修既鋪頭,牽牽成日都話想去,特登約埋細佬一齊去八下(≧∇≦)行入去比較靜,不過食甜品都好少一個人去架啦,有伴就唔怕啦,我覺得呢到好適合情侶、或者一大班朋友一齊黎,有車人士當然就更好啦。燒焦香蕉船牽牽一見到「香蕉船」張相就發光喇,見室內都好暖就叫比佢食啦,三球自選雪糕都幾大,兩片香蕉帶點焦糖香,令蕉味更加突出,如果可以做到脆焦糖就更好喇,兩旁既忌廉我就唔太欣賞,因為焦糖香蕉加雪糕已經好夠甜,而且牽牽多次想扶住隻船「不」雪糕,都因為兩旁忌廉而攪到一手都係~生磨芝麻窩夫即叫即做窩夫入口暖笠笠,其中兩件上有大大粒焗至半溶既綿花糖,同窩夫一併放入口,非常夾,平時我好怕食焗溶左既綿花糖,因覺得太甜,估唔到夾埋窩夫又幾好食喎,另外兩件我揀左同薄荷朱古力雪糕一齊食,雪糕夾窩夫就唔使講啦,一定夾到不得了,大大份,焗至外脆內軟既窩夫令人食得非常滿足,不過我唔係太食到芝麻香味~鮮雜果芝士撻配生薑茶定食新鮮熱辣既食物就最好食,熱辣辣既芝士撻,充滿芝士香,入口半溶芝士令芝士控既細佬大愛,撻皮又鬆又脆,鍾意芝士既一定要試,鮮雜果部份既火龍果無乜味,凍冰冰天氣,飲生薑茶特別暖,不過細佬覺得啲薑味唔似生薑,佢話似薑味精油~呢個定食份量都唔細,食完真係好飽好滿足~即撞香滑豆腐花滑到不能想像,唔係誇張,佢好似係我咁大個女食過最滑既豆腐花,大埔、元朗出名既香滑阿婆豆花我都有食過,我亦次次都會揀熱既黎食,但呢到既豆花真係仲滑過其他地方所食過既,又香又滑,一定要食~諗起都想再食。蜂蜜白桃梳打白桃有香味但完全唔甜,加返蜂蜜,味道不過不失~芒果汁好香好甜,好開心唔係我最憎既台灣芒味,飲得太快,唔記得影相添XD整體我覺得熱甜品感覺出色啲~值得一提,店外牆上既畫畫得好靚,記得影相,如果室外既檯櫈換埋,切合返幅畫,我覺得會更吸引呢~ 繼續閱讀
(以上食評乃用戶個人意見 , 並不代表OpenRice之觀點。)
你可能會有興趣的...