一糖 (屏山)

營業中

休息中

我們一家3口嚟食，晚飯後慶祝情人節食甜品，所以過嚟食。 我們叫咗個熱嘅即磨芝麻糊，榴槤心太軟配薄荷朱古力雪糕 ，鮮芒果腸粉，跟住要咗10蚊腸粉，8蚊魚蛋，8蚊燒賣配咖哩汁。個熱芝麻糊好一般，唔好食呀，有燶味，好稀，好失望，諗住好好食，咁都一般，碗糖水24蚊，覺得不值。個榴槤心太軟， 本人覺得都ok，都好都幾好食，因為我好鐘意食榴槤，當然味道同真差好遠，但係都滿意，係幾好食，都濃榴槤味，個雪糕就係普通雪糕冇乜特別， 58蚊價錢都合理，賣相都ok。個鮮芒果腸粉就比較覺得特別好食， 第一次食，覺得好新鮮嘅，好食，價錢就貴咗少少，成45蚊 ，另外個腸粉覺得個燒賣都幾好食，啲咖哩汁都好味道 ，埋單食咗153蚊，最唔滿意係芝麻糊，唔得。因為芝麻糊係我最愛的糖水，所以好失望

最近經常返天水圍，每次搭輕鐵經過都見到圍村個邊有間寧寧舍舍唔同裝修既鋪頭，牽牽成日都話想去，特登約埋細佬一齊去八下（≧∇≦）行入去比較靜，不過食甜品都好少一個人去架啦，有伴就唔怕啦，我覺得呢到好適合情侶、或者一大班朋友一齊黎，有車人士當然就更好啦。燒焦香蕉船牽牽一見到「香蕉船」張相就發光喇，見室內都好暖就叫比佢食啦，三球自選雪糕都幾大，兩片香蕉帶點焦糖香，令蕉味更加突出，如果可以做到脆焦糖就更好喇，兩旁既忌廉我就唔太欣賞，因為焦糖香蕉加雪糕已經好夠甜，而且牽牽多次想扶住隻船「不」雪糕，都因為兩旁忌廉而攪到一手都係～生磨芝麻窩夫即叫即做窩夫入口暖笠笠，其中兩件上有大大粒焗至半溶既綿花糖，同窩夫一併放入口，非常夾，平時我好怕食焗溶左既綿花糖，因覺得太甜，估唔到夾埋窩夫又幾好食喎，另外兩件我揀左同薄荷朱古力雪糕一齊食，雪糕夾窩夫就唔使講啦，一定夾到不得了，大大份，焗至外脆內軟既窩夫令人食得非常滿足，不過我唔係太食到芝麻香味～鮮雜果芝士撻配生薑茶定食新鮮熱辣既食物就最好食，熱辣辣既芝士撻，充滿芝士香，入口半溶芝士令芝士控既細佬大愛，撻皮又鬆又脆，鍾意芝士既一定要試，鮮雜果部份既火龍果無乜味，凍

從天水圍西鐵站Ｅ出口轉左，第三次來到這間隱身於露天停車場內的日系甜品店一糖。同行朋友第一次光顧，被店外石灰牆上由三一製作的Chino Lam所畫的鯉魚壁畫吸引了。店主曾留學日本，店內裝潢亦貫徹簡約日系風，以石灰色為主調，配合木製傢俬及落地大玻璃窗門。尤其欣賞如掛畫般的餐牌。店家不定時推出新產品，每次來都有驚喜！包括焦糖Oreo窩夫、Mocha脆脆麻糬窩夫、養生花茶和秋冬限定的椰皇燉蛋白。抹茶麻糬窩夫配綠茶雪糕 $50 Mocha脆脆麻糬窩夫配曲奇雪糕 $60必食招牌抹茶系列！窩夫面灑滿翠綠抹茶粉，茶味甘香，甜度得宜；厚度適中，略嫌烘得稍乾。隨窩夫附送滿瀉的紅豆！清甜軟熟，綠茶忌廉幼滑。每一口都吃到粒粒白色麻糬，煙韌軟糯，配合抹茶的回甘，亳不覺膩。吃完招牌試試新產品Mocha脆脆麻糬窩夫。這一份烘得剛好，外層微脆，內裡鬆軟，有Mocha味脆脆和綿花糖增加口感，比抹茶味甜但可以接受。紫薯窩夫配紫薯雪米糍  $58  紫黃特飲 $32 焦糖燉蛋 $28之前吃過沖繩直送紫薯系列的紫薯棉花糖和紫薯梳乎厘，反而未試過其招牌窩夫。每一款窩夫均有不同的擺盤，看得出有花過心思。紫薯窩夫外型贏在起跑線，灑

新開張個陣見到網上有人介紹就過黎試下，覺得甜品種類太少。隔咗年幾再黎睇下，發現多咗好多甜品，總有一款啱你心水！我地4個人叫咗焦糖Oreo窩夫、草莓芭菲、香蕉紅豆朱古力奶凍、芒果腸粉。本身以為Oreo窩夫會好似普通甜品鋪咁淨係灑啲Oreo粉同埋放塊Oreo餅，點知原來塊窩夫中間係夾咗好多Oreo碎，好有驚喜！而且窩夫外面脆得黎入面又有鬆軟，值得一試。反而草莓芭菲冇想像中咁好食，因為冇咩關於草莓嘅原素，同埋太多cream搞到好膩，不過個賣相幾靚。朱古力奶凍好滑好有奶味，同香蕉紅豆一齊都好夾。芒果腸粉嘅腸粉皮好厚，入面嘅芒果都冇走雞，每一條都有足夠嘅芒果。

食完飯就梗係要食返個糖水啦。其實呢間鋪頭嘅地點呢，系有少少遠嘅。如果你搭車入嚟，西鐵應該係要轉輕鐵嚟嘅，再唔係行過嚟都可以架。不過對於揸車嘅朋友就一定夠晒方便啦。因為佢哋出面有好多空位可以俾你泊車。但要留意星期六日就應該都幾多人下嘅。好啦首先講吓佢哋嘅裝修啦，鋪面入面係真係幾日式架，不過位置有限，可以係出面食嘅，個感覺都幾好feel架。講到服務啦，睇岩食咩就好落order喇！之後等一陣就已經即刻有嘢食㗎啦。一定要講佢哋個窩夫真係好好味！呢個窩夫入面係有餡嘅夾埋佢哋個雪糕，真係超級無敵勁好味

工作中去到尾段， 剛剛記起呢間甜品店開店，（4點先開）去到在大石地上一間屋仔，日式設計，入內地方唔大，桌椅唔迫，好舒服！入內問店員做不做外賣！佢話無題！揀好落單，佢哋在水吧半開放式廚房內整食物，包好比我時先收錢！仲會冷熱食物分開兩袋！綠茶心太軟配綠茶雪榚（$51）每樣食物包裝企理，心太軟打開頂部塌了，賣相就有點醜！將雪榚、紅豆蓉、忌廉加埋一齊！賣相好啲，紅豆偏甜，大大粒有咬口，雪榚幾濃抹茶味，忌廉滑，心太軟香濃茶味！好味（如果堂食嘅擺盤應該更靚）生磨芝麻窩夫配綠茶雪榚（$63）紙盒盛載企理，窩夫加半溶棉花糖，同事比我食咗一件，窩夫外脆內軟，好香濃芝麻味！咬開見中央滿滿黑芝麻碎！好香！店員有禮斯文，我睇餐牌選擇困難，佢叫我慢慢，之後交食物比我又細心解說包裝，服務窩心！食物同服務都甜入心！都係堂食會好啲！

今晚同朋友喺天水圍食完飯.....有著傾都傾不完嘅話題....所以決定去搵甜品食下...我朋友即刻諗起喺天水圍車站附近....有一間隱世甜品店....仲話佢一個月都要嚟幾次....皆因有佢最鍾意食嘅榴槤心太軟佢仲介紹話尼度有好多不同種類嘅各式甜品.....呢間糖水鋪，位於天水圍西鐵站附近....感覺上呢間甜品店有別於現時一般嘅糖水店....見到佢哋嘅裝修格局....同場邊外圍嘅畫作....都下左一番功夫我都被掛在牆上五顔六色和林林種種既餐牌所吸引而且發現佢哋呢度嘅糖水或甜品嘅種類.....喺外面都比較難食得到.....亦都帶畀我一種新鮮感嘅感覺呢度唔單止有甜品.....而且亦都有熱騰騰嘅暖胃小食尤其是佢哋嘅雞翼尖唔會乾爭爭而且肉質細滑再加埋辣辣魚蛋簡直一絕之後黎返個特飲先到我最鍾意食嘅主角出場喇就係朱古力心太軟你會睇到呢個心太軟嘅朱古力漿超級濃郁....食落去嘅口感相當細滑....而且配以軟身嘅朱古力蛋糕我真係可以一次食兩個然後到我朋友食呢個榴槤心太軟我都試咗一啖嗰種榴槤香味....連門口都聞得到😂😂😂唔怪之得我朋友話一個月嚟幾次拉....佢仲話每次返到嚟西鐵站附近....都會心喐喐走

隱秘糖水店。一直都聽周圍既人講一糖既甜品都唔錯，整得比較精緻，所以今次就去試下。 一糖的確係比較難搵，夜晚黑黑地就好易搵唔到。但有種柳暗花明又一村既感覺，經過漆黑既停車場之後就見到以木為主題既糖品店。地方都幾大下，有位泊車，而且有入面同出面既位可以揀。一糖既甜品選擇唔係好多，今次就試一下佢都幾出名既pancake。我就揀左Oreo pancake。Oreo pancake 係有一球雪糕既，所以可以中和一下pancake。但就有啲唔夠，食到最黎就有啲乾。 但pancake就整得唔錯，都幾鬆軟，內裡就有啲Oreo 但可能個味唔夠重，所以唔夠出。 都有試左啲小食。但就好一般....

窩夫與蝦子餅光顧了一糖多次，間中還是會再來，最近又去吃下午茶。一糖的流心芝士撻是窩夫的最愛，是下午茶必點的，流心芝士撻定食($55)的選擇多了，窩夫選的菊花蜜糖花茶是其中一款新增的飲品。菊花蜜糖花茶採用成本較高的川寧茶包，蜜糖是另上的，可按個人口味自己決定加多少蜜糖，菊花的份量不少，氣味芬芳，有清熱解毒，清肝明目的功效。流心芝士撻水準依舊，叫窩夫吃得津津有味，還吸引到搭枱的情侶跟著點了一客芝士撻定食。除了芝士撻，窩夫與蝦子餅還想吃窩夫，窩夫的口味很多，有生磨芝麻、紫薯、綠茶和朱古力等，要選哪一種呢？窩夫與蝦子餅最後選了生磨芝麻窩夫配綠茶雪糕($62)，新鮮即製的窩夫外脆內軟，黑芝麻味超級香濃，黑芝麻有烏髮、通便和解毒等功效，多吃有益。如果不加棉花糖的話會更合窩夫與蝦子餅的胃口。蝦子餅還點了一杯楊枝甘露沙冰($42)，裡面有芒果肉、柚子肉、水晶珠和西米，口感豐富，特別要讚的是西米處理得非常好，比平日吃到的西米煙韌得多。

一班人足足有三個多月跟甜品斷絕來往，原因是要預備渣馬的半馬賽事。幸好心機沒有白費，亦不負眾望，每人都順利打破個人紀錄，希望下屆能更進一步。賽事完成後，我們一起去了飲茶，興高采烈地討論賽事途中的有趣經過，最後，有人提議駕車入新界食甜品，眾人和議，便結帳起行。駕車朋友是元朗地胆，更自稱食盡元朗區，要帶我們去食他認為元朗區至好味的甜品，包保好味過教育路那邊的甜品店。連過西隧和大欖隧道兩條隧道，半小時便到了目的地。原來甜品店是一間小屋，位於天水圍站附近，鄰近屏山文物徑。這裡還有停車場，方便駕車仕來覓食。我們早來，甜品店剛開舖。店子不大，店外的牆身繪了一幅和風鯉魚像，頗具特色。店內裝修簡約，牆身是時下流行的 “泥水牆”，屋頂吊了些吊燈，配上高身桌子和櫈子，簡單而又舒服。店主把桌子連起，招呼我們就座，然後送上餐牌，並且介紹了幾款小店的主打甜品。朋友當然趁機諸多意見。最終，我們點了【抹茶活乳酸梳打 ($32)】、【楊枝金露沙冰 ($42)】、【薑汁紫薯雪耳糖水 ($32)】、【咖喱魚蛋 ($8)】、【鮮芒腸粉 ($45)】、【芝麻糊 ($24)】、【椰皇燉蛋白 ($48)】、【Bailey’s 心太

艱難的一年又到了盡頭，不過我為人犯賤，冬至當天仍然心癢難耐，刻意從「坑口站」坐上港鐵，千里迢迢趕往「天水圍站」，務求想一試「天水圍」港鐵站旁邊，依附在一間小屋的甜品店「一糖」。食評開始之前，我暫時先說句「題外話」，原來「殘疾/長者/學生」「八達通」轉乘的票價優惠是有限制的，限制可能在於轉乘的時間，因為我從「坑口站」坐港鐵上到「天水圍站」，轉乘優惠時限也過了，我倒蝕了一元的「八達通」票錢。雖然我是身處於港鐵「天水圍站」旁邊，但是礙於港鐵路線的設計問題，其實我只是身處於「天水圍」的邊陲，還未試過正正式式進入「天水圍」市中心範圍內部，見識「天水圍」的商場和食店。我暫時放下對未能進入「天水圍」範圍的執著，從路邊走下來，進入「一糖」食店所處的小屋裡面。雖然「一糖」沒有很明顯的空調效果，但是「一糖」環境都頗為整潔和寧願，偶然坐下享受甜品，感覺也不錯的。「一糖」樓面的環境無疑是新淨企理，侍應見狀亦立刻上前招呼我，遞上設計和相片都十分美觀的餐牌給我，讓我開始參考和決定選擇吃什麼甜品才對。可能天水圍「一糖」開店時間尚短，所以餐牌暫時仍保持十足潔淨和完整，令我對「一糖」的甜品有了期望。我本來在不想睡眠質素

聽講人生不如意事，十常八九。 家事國事天下事，遇到有不如意，不順心， 順路又啱時間，找個朋友吹下水，飲個糖水，梳理一下，減少負能量，何樂而不為呢 撞啱天水圍西鐵旁邊，有間企理又夠潮的甜品店，門外又可以短暫停泊車輛， 順路就立即起錨（即興的），我今日食左芒果小丸子，同行朋友食芝麻糊+湯丸，我其實好少三點幾四點咁早食甜品的，所以都無留意味道如何（你懂的），不過傾下講下笑下喊下鬧下又個零鐘，以時間計，坐咁耐係抵食喎。（幸好呢個時段唔算滿坐，否則咁樣坐唔係幾過意得去） 古今多少事，都付笑談中。 希望食完朋友行運一條龍。

天水圍西鐵旁既一間甜品店非元屯天人應該就未必識得搵。（其實可能屯門元朗天水圍人都未必識）今次冇影外圍，其實都幾難搵！但入到去都幾靚幾有風味！其實已經去過好多次，今次就寫一次食評俾大家介紹下。今次食咗雜果窩夫配曲奇雪糕，價錢非常經濟，而且性價比很高，我好鍾意食窩夫入邊有麻薯，煙煙銀銀！不過其實，個人覺得綠茶窩夫比較好食，綠茶窩夫配紅豆好夾雪糕方面，唔係咩貴價雪糕，但係都不錯！唔知大家有冇覺得食糖水要有腸粉魚蛋食下，可能因為比B仔涼粉影響到！😂😂（扯開話題，B仔涼粉糖水就麻麻哋，但啲腸粉好好食)今次係一堂食腸粉魚蛋都不錯，夠熱又唔會好硬就做足本分！👏🏻👏🏻呢張都係基本野，不過佢推介咖喱汁！我哋就麻麻哋，好彩另外上，點左一下就無再點了！🤪最後一題，佢哋啲員工都幾好態度，問晒佢啲窩夫邊個有麻薯邊啲冇，咁煩都冇發脾氣好有禮貌咁答！識佢少少腸粉分開啲咖喱汁上佢都好樂意！抵讚！我哋周不時都會去下，貪佢近近地幾方便！又經濟實惠！又有窩夫食！啲嘢飲都幾好飲架！如果你哋去開屯門元朗天水圍都可以去吓！唔使次次都食B仔涼粉啦！

我之前聽見天水圍，就會覺得很遠。自從上次去過錦上路，先知到原來由紅磡去天水圍，都只不過係約35分鐘，比起以前要坐成個鐘頭，快了很多，所以友人推介我的時候，我就安排今天下午到訪。這裡好近九鐡天水圍站D出口，行過幾間邨屋，就看見一個很大的停車場，而一糖就位於其中，屋外仲有一幅很多的壁畫，是用人手畫上去的。芒果腸粉45元，腸粉真的好爽好滑，夾埋芒果就仲正，這個腸粉在其他地方吃過，可惜都做得唔好味，估唔到在這𥚃找到，我推介這個👍👍👍白桃活乳酸梳打32元，白桃汁、乳酸、梳打水，分開三款上枱，自己調教味道，有得玩有得飲，三樣加埋真係好正。楊枝甘露沙冰42元，開始時以為沙冰為主，點知有濃郁芒果汁，仲有好多沙田柚肉，又有好多西米，我很喜歡楊枝甘露，不過外面很多地方都令我失望，今天竟然在天水圍遇上了真材實料的它，下次想吃，怕且要再來了。疏乎厘紫薯49元，面頭的蛋白焗得很脆，內裡的紫薯則好香甜，如果再想層次豐富，就再加朱古力，不過我覺得將蛋白加紫薯，已經好好味。鷄翼尖20元，份量好多，起碼有廿隻以上，味道剛剛好，連唔食雞翼尖的老公，都吃了七、八隻，証明真的不錯。魚肉燒賣7元5粒，和市區的味道差不多，不過質

今晚嘅晚餐麻麻，而且唔覺有食過嘢，所以好想食糖水甜品，好掛住幾個月前食過嘅黑芝麻心太軟。。所以揸車專登去食啦！一坐低餐牌都唔洗睇我已經先落單啦！兩個朋友叫了原桶即撞香滑豆腐花，芒果腸粉，雞翅尖。。。 等了又等。。。朋友都食哂我個心太軟都未嚟。。。終於店員行過嚟話之前焗失敗咗，要再等多陣，之後我聽到話已經失敗咗三個，店員又再走過嚟問我再等定取消，等咁耐唯有取消啦！比完錢上返車，朋友都話他們嘅糖水唔好，雞翅尖又唔掂，太失敗喇！我都好失望呀！