一糖 (屏山)

營業中

休息中

聞說這間甜品店最近很火熱，今天就來試試吧！特別要留意，店家開下午4時，逢星期一休息，不要太早來。點了個芒果腸粉，不過不失。叫了2款窩夫，分別是抹茶麻薯窩夫和朱古力麻薯窩夫。先說賣相，看着很不錯。窩夫皮脆內軟，混合了麻薯在內，口感特別，好味。反而伴碟的雪糕就很一般，而伴食的cream，不算甜，但也不算幼滑，很一般。比較可取的是窩夫不甜，適合不太喜歡甜食的人。最後，叫了個鮮雜果芝士撻配生薑茶定食。這個反而令人欣賞，生薑茶夠薑味，芝士撻的皮很鬆化，芝士味道啱啱好，不會太濃，配新鮮生果，口味清新。

今日去朋友係天水圍既家作客，食完晚飯之後朋友送我地去搭西鐵，行行下另一個朋友話想食甜品，住呢邊既朋友就帶我地去西鐵站附近既呢間甜品舖試下。呢間甜品舖比較特別既係佢真係一間獨立屋，真係朋友帶我地過去先識路。門面裝修都好日系。我地各自嗌咗一個甜品，咁熱既天氣梗係食冰喇，我就叫咗佢地「氷之系列」既「焦糖布甸牛奶冰」($65)，一嚟到已經覺得好日本風，而個布甸好結實，牛奶冰加埋啲脆米再加焦糖都好夾。另一個朋友就叫咗個「Bailey's心太軟」($58)，有揀一個雪榚，佢揀咗士多啤梨味，同埋仲有一啲雜果係上面，我都分咗一半嚟食，個心太軟幾有酒味但又唔會太重，夾埋朱古力味啱啱好。鍾意食榴槤既朋友就叫咗個「榴槤皇子」($60)，呢個朋友係第一次嚟，都話覺得正，話榴槤肉好多，啲椰香味配搭埋好特別，不過對於唔食榴槤既我始終都係唔敢食。

喺呢度附近住咗咁耐都唔知原來呢度有一間糖水舖而且仲好近天水圍站行幾分鐘就到雖然行入去嘅時候條路比較靜但係原來好多人！仲有人等緊位添睇餐牌都好多野揀有唔同嘅特色飲品有冷有熱仲有原筒豆腐花！天氣咁熱梗係叫沙冰啦！呢杯椰汁紅豆沙冰加上曲奇雪糕係炎熱嘅天氣簡直係人間極品雪糕嘅誘惑加上沙冰嘅口感一大人生享受另外呢度最出名就係叫窩夫差唔多台台客都會叫我哋都唔執輸叫咗個綠茶麻薯窩夫配士多啤梨雪糕唔好講笑真係超好味窩夫外殼熱辣辣而且非常香脆一邊就軟身再加煙煙人人嘅麻薯口感層次豐富食到停唔到口唔怪得個個都叫如果覺得淨係叫甜品太單調呢度仲可以叫小食有燒賣腸粉腸仔再配埋咖喱汁宵夜好選擇呢度仲有焦糖布甸可以叫個布甸口感好滑好香蛋味而最後我哋就叫咗個紫薯soufflé 因為朋友非常鍾意食紫薯上邊軟綿綿嘅蛋白配上下面嘅紫薯蓉口感又幾特別喎啲蛋白好鬆～食落質感好得意！

夏天既胃口只能容納呢d🤪🤪🤪，行行下覺得點解咁耐仲未到以為執左嚇死自己會白行一趟😖😖，好彩仲係度，不過我坐室內都係餵蚊，仲要係白紋衣蚊，頂佢！一路食一路對腳係咁un,廢事再比蚊咬🙄，首先係雜果楊枝甘露，媽呀，d生果唔知雪左幾耐唔新鮮，個面乾哂得返陣衣係面咁既呢😭😭😭，（睇相都見到生困係唔爽雪到透哂！）咁既質地西瓜，哈蜜瓜，火龍果擺係我屋企都會掉低唔食🤦🏼‍♀️，仲要碗野係唔凍既，之後個綠茶麻薯waffle, 即整係熱同好脆，但夾住既麻薯太少，罐頭紅豆勁甜，綠茶雪糕係奶味既，食左$88 ， 但都唔係好食，好啦，食左兩次都係經歷唔好既，但又唔執喎，無他既，食既過程睇到好多好似我呢d貪近既圍村人大宴親朋咁買勁多外賣，唔多憂無生意🙄，唔好成日話間野日式裝修啦，擺d木系傢私同掛幾塊布就當係呀？有幾日呀請問🤔

如果住係天水圍，又食厭左元朗嘅小食甜品，就可以一試天水圍屏山嘅一糖甜品，個到嘅梳打飲品可直得一試，同咪啲冰甜而不溜，只可惜朱古力味心太軟，我個人不太喜歡，如果對朱古力有要求嘅話，我個人認為不要一試，而服務放面其實人手不多，雖忍耐一下，如雖點菜單不要太耐念，服務員由其是某長髮，瘦削女職員，佢真係會視而不見，態度不好，我都希望店主能夠主視問題⋯⋯！！講真如果係同朋友一聚都常算一個好選擇，喜歡影相嘅朋友們亦是好地點！

放工得閒特登搭鐵入去上璋圍食一糖，由一去到，到食完都陸續有人入去幫襯 天氣咁熱，個個都入室內食，幾乎冇人坐室外嘅位入正題，首先點左個抹茶牛奶冰同心太軟食下。抹茶紅豆小丸子牛奶冰冰同料係分開上，好似好有態度咁先試左乜都唔點嘅牛奶冰，味道好淡，牛奶味都好淡，幾乎係冇乜味道的。之後撈左小小抹茶醬，味道有大大嘅提升！ 抹茶醬顏色係濃濃嘅綠色，可以見到有小小綠茶粉。就咁試小小，我估係綠茶粉溝嘅糖漿同煉奶，好好味！綠茶夠香，糖槳嘅甜味混落淡淡牛奶冰上面，味道啱啱好！加上糖漿稠稠地，為入口即融嘅牛奶冰加添了質感配料小丸子同紅豆冇話好出色，中規中矩啦！紅豆煮得夠稔嘅，又冇煮完雪落雪櫃搞到硬掘掘。小丸子夠煙韌，唔會爛patpat,冇乜特別。總言之，抹茶糖漿係呢份甜品嘅亮點辣味雞翼尖等緊個心太軟期間，嘴𡁻𡁻想咬下野，就順手嗌左碟雞尖試下。我一向都係元朗X仔雞翼尖嘅fans,見呢度都有雞翼尖食，就挑戰下，睇下有冇驚喜。食左第一舊，就高下立見呢度嘅雞翼尖比我感覺係辣味還辣味，雞翼尖還雞翼尖。個汁唔入味，得個小小辣字而且冇乜蒜味，香都唔香下 真係非常一般。朱古力心太軟心太軟黎了！配嘅係雜果同曲奇雪糕。雜果食得出

其實如果唔係住果頭o既人都唔會專登去食！雖然好近西鐵站（出站大約行5分鍾）鋪頭o既位十分充足，夜晚果陣户外中會擺多十幾張台，但晏左去都可能要等一等位！餐牌選擇十分多，飲品種類應該都可以滿足到一部份朋友既口味，約埋一班朋友來坐下係唔錯既選擇。今次我同朋友簡左 白桃蜂蜜活乳酸梳打 同 菠蘿蜂蜜活乳酸梳打。仲簡左日本抹茶口味o既麻薯窩夫，上面配左紅豆、一球綠茶雪糕同埋抹茶cream，當每一口都有依三樣野o既時候幸福指數簡直要爆炸！窩夫入面o既麻薯絕對無偷工減料，吃起上黎中好纏綿。鋪頭紫薯都好出名，但因為晏就已經食到有小小飽，所以下次希望有機會再試下啦！

今日入左元朗探親戚 咁難得入到黎決定食返d特別d既野先走之前都有試過華嫂冰室 同 肉餅飯睇到openrice見到有間甜品鋪幾特別門口仲有大量唔會抄牌既車位揸車黎食勁方便！完全唔洗煩搵位一行三人 叫左三樣甜品 大家share食！Baileys心太軟🍮依到既心太軟 有外脆內流心效果 朱古力味都好濃而佢既baileys味係源於心太軟上面個d cream所以酒味唔會太濃 就算係1d酒量唔好既朋友都可以試下！擺盤方面 側邊仲會配有d火龍果 食d水果可以解下膩🍫鮮果流心芝士撻🥧配紅棗茶定食🍵流心芝士撻係即刻焗 所以要等耐d時間 大概20分鐘左右佢既芝士味唔係好濃 所以食多幾個都冇問題而且隔離仲要有d水果跟埋 唔係罐頭水果我已經好滿足😌紅棗茶係用紅棗糖水沖既 但入面都有d紅棗粒粒！幾有誠意mocha脆脆麻薯窩夫🥞之前係尖沙咀都有食過麻薯窩夫覺得好好食 所以今次決定係依到都試下🤪mocha味唔係真係好濃 唔飲咖啡既我都接受到！上面既脆脆有d似阿華田味窩夫都尚算外脆內軟 性價比高🤗4點幾黎到 人都幾多好多學生放左學都黎食 坐滿哂人！🐵

今次搵食搵到天水圍，係西鐵站附近就有間隱世甜品鋪，呢度有大量車位，就算揸車黎都唔使擔心冇位泊先叫左d中式甜品，芝麻糊$24 、椰皇燉蛋白$48 、紫薯糖水$28；芝磨糊有香濃既芝麻味，食落唔會太稀；想養顏就可以食下個蛋白，皮膚當堂滑哂；紫薯夠哂甜，配埋碗薑味濃郁既糖水，好正又係養顏系列，今次個豆花仲要竹桶上，豆花豆香薑味濃，加埋d黃糖真係冇得輸鮮雜果紫米露$32，椰奶較多，所以奶味較種，岩哂鍾意食椰汁既我，仲有好多生果，例如西瓜、芒果、火龍果、哈蜜瓜等鮮雜果奶凍$38，呢個又係有一堆生果，仲有麻薯同朱古力條添，個奶凍就係白色切左一粒粒，同平時食開既有d唔同呢碗就真係好似食緊河粉咁，湯底係深黃色既黃果汁，餸就係芒果粒，河粉就滑溜冇比，真係未試過咁滑呢個脹到好似個包咁，我係上面淋d朱古力都瀉哂出黎，切開就係軟綿綿既紫薯加蛋白，實行外脆內軟呢個窩夫整得真係好脆，中間仲有d oreo 醬添，上面仲淋左朱古力醬同糖霜，加埋d忌廉、oreo餅同個芒果雪糕，就好似一幅畫咁芝麻味就真係第一次見，一切開蛋糕，中間d芝麻醬係咁湧出黎，勢不可擋，所以大家真係唔好早切開哂，而則邊仲有士多啤梨雪糕、生果同忌廉添

禮拜尾都見到好多人去食！都滿場！終於去叫咗外賣拎返去食舒服啲。但因為已經好飽，淨係食咗芋頭西米露，屋企人叫咗榴槤心太軟 + 楊枝金露。哈～ 我哋叫嘅嘢好明顯唔係用來影相呃like 嘅。但我見佢當食嘅甜品有啲係擺得幾靚嘅～試咗少少榴槤心太軟覺得唔好食，有啲苦，而且熱嘅榴槤好怪！ 講返自己叫嘅芋頭西米露，俾個 dislike！西米露完全冇芋頭嘅香味，即係所有料都係之後先mix埋一齊。佢係椰汁水西米露加芋頭，因為佢亦都缺少咗椰奶嘅香味。啲西米都唔彈牙～～   冇下次！我同屋企人話一定要寫返個食評話俾人知係唔好食，幫下人！ 

果日咁岩揸左車又想去食糖水，聽聞天水圍開左間糖水鋪都OK，所以就去試下啦。一黎到都見到好多車，而且都算多人果日去到都成十點左右，都差唔多坐滿人。大部分人都係揸車黎。今次試下個窩夫同埋芒果河粉，窩夫一黎到第一時間影相先，個窩夫熱辣辣真係幾好食，加埋雪糕真係一絕。芒果河粉個河粉都OK,但係d 芒果就有d酸，總體黎講都算可以。其實呢間鋪頭一個好大嘅缺點，就係真係好多蚊，食完一餐糖水真係隨時送20個蚊爛俾你，所以大家食之前記得帶蚊怕水同埋蚊怕貼

上星期黎天水圍探朋友 望下個openrice 見呢間糖水唔錯 一於決定夜晚食完飯黎食個糖水！呢到有幾款signature嘅waffle 個個都好吸引 諗左好耐決定試佢呢個新出既生磨芝麻Waffle！其實行入餐廳都見到好多人點Waffle 經過親我地張枱都聞到陣陣牛油香 所以對佢都好有信心 出到黎估唔到真係好好食 勁正呀 (想再encore！！！)因為全部都新鮮即點即整所以外脆內軟 有粒粒芝麻係入面 其中2塊仲有焗左既棉花糖係面 唔洗夾雪糕都可以食2塊 真係比好多台灣系既cafe做得更好 唔會一味厚實或者軟諗諗 真心正而我見隔離台個梳打好吸引 所以叫左杯蜂蜜綠茶梳打 自己mix幾得意 有得飲又有得玩 加上都幾大杯 下次可以share飲下次再黎一定會試麻薯waffle同Baileys心太軟

星期日同屋企人係元朗區食完晚飯同男朋友揸住架車兜兜下見仲有d餓Search到呢間有好多車位之餘又有唔同既甜品選擇 所以黎試一試唔難搵 到左仲發現原來係天水圍站隔離 下次唔揸車搭西鐵都幾方便首先去到見到佢係一間小屋依家真係好少會係香港見到呢種單層地舖 間屋有一面牆仲畫哂Graffiti 好有外遊feel 我諗如果下晝黎都可以影下d mood shot天氣甘熱 梗係揀左坐室內啦裡面裝修都幾靚 拍得住上環d cafe食物方面，見到佢個紫薯menu甘吸引 就點左個好少見既紫薯疏乎里 上面個層疏乎里做得唔錯 打到好企身之餘食落唔會好似食空氣甘冇味 夾埋佢底層個紫薯蓉 食得出係足料真紫薯 好香又唔會太甜 另外好多人推介心太軟 見佢都有5/6種 本身好想試榴槤但男友唔食 又唔想自己食哂一個 所以最後揀左個綠茶 佢個portion都幾大 有雪糕 紅豆 仲有cream 心太軟焗既時間同流心程度都啱啱好 個紅豆雖然偏甜 但加埋雪糕同心太軟一齊食 絕配!!食食下有d口渴 叫左1杯野飲Oreo香蕉奶昔 個蕉味好重 好香好match個oreo味 飲完好滿足了整體食物都好唔錯 下次一定會再黎

食完晚餐，緊係要食甜品！專程揸車去一糖到食，店外有得泊車，好方便！搭西鐵就落車行3分鐘，都好近！我地點左兩款野食，包括芒果腸粉同埋曲奇紅豆沙冰。腸粉入面粒粒芒果都好大粒! 而且仲好甜唔會酸！口感好實在！腸粉質感好滑，好好食，點滿芒果醬食，yummy yummy !!曲奇紅豆沙冰好足料, 底下勁多紅豆粒，味道唔會好似一般紅豆冰咁超甜, 岩岩好!而且椰香味好濃郁，賣相白雪雪好靚。今次絕對係一個新嘗試! 食完好滿足！推介想係天水圍搵好甜品食既你地!

見今日早左收工, 番到天水圍想食甜品做晚餐就決定試試風評唔錯的一糖.由天水圍西鐵站落車, 行大概5分鐘就到, 沿路掛有店鋪的旗確保沒有走錯路, 店外有車位方便開車前來.可以選擇室內或戶外食, 今日天氣開始轉涼所以決定坐入店內, 店鋪不太, 但裝修幾新, 牆上都掛上推介的產品.坐低就有點肚餓, 於是先點一份熱食小吃四寶(腸粉, 腸仔, 魚蛋, 燒賣). 除左基本醬油, 仲有咖喱汁, 味道有點辣但同腸粉好夾，好入味。食完暖番少少就開始食主菜. 見Menu介紹新產品芝麻窩夫決定試一試.同一般窩夫一樣有4件, 但唔同既係有2件上面烤左棉花糖, 而每件窩夫都混合左芝麻而製成, 口感好豐富, 棉花糖同窩夫都蝕為一體, 略嫌唔夠甜可以再點雪糕同Cream.