一糖 (屏山)

營業中

休息中

身為元朗人，雖然元朗有好多糖水舖，但好食既黎黎去去都係個幾間，公司有位住天水圍既同事介紹佢個邊有間糖水舖既窩夫好好食，係西鐵站行落去就係，趁星期六放假緊係帶埋爸爸媽媽試下！爸爸叫左個原桶豆腐花配紅豆沙，真係好大個桶😂 份量都唔少，佢揀左黃糖配黎食，唔會太甜，豆腐花都有豆味，但可以再滑少少，咁就perfect池！紅豆沙略嫌稀左少少，不過又有白合同埋其他紅豆沙要有既配料，都幾重紅豆沙味，彌補返佢比較水既不足，我個人鍾意稀啲的，但爸爸就食慣杰啲🤣媽媽叫左紫薯窩夫配雪米滋！呢到既窩夫真係極級推介！非常之脆，窩夫入面仲有紫薯餡，好飽肚，可以揀配雪糕定雪米滋，店員話全店得呢個窩夫可以配雪米滋，所以我地都揀左，但就令到窩夫比較乾身，都係配雪糕開心啲🤤 紫薯餡甜度適中，唔會食完好膩，真係唔錯唔錯😛我就叫左個榴蓮心太軟配曲奇雪糕🍦榴蓮味重到未切開都聞到，切開之後全部漏哂出黎喇😍 齋食入面榴蓮軟心餡好香滑，但唔知點解連個皮食會有啲奇怪味，撈埋雪糕又正常返😂🤣 好得意既味道！配料有啲生果，但味道麻麻，唔夠新鮮，反而扣分了我地去到既時候full哂，大家可能都要等下位喔！

返工返咗成日心情好翳悶最好去食甜品 經過天水圍西鐵站 隨意openrice下 發現附近有一間甜品舖 即去地方隱蔽 需要少少地圖輔助 不過好快就搵到裝修幾特別 地方都闊落 唔需要逼住一齊食 可以同朋友吹耐啲水都OK選擇了較特別嘅baileys 心太軟 不嬲都鍾意飲 估唔到佢同朱古力又幾夾 互相有提升嘅作 而且配有球雪糕 有少量生果伴碟叫多咗個桃膠蛋白椰皇 正正常常既價錢定位中等 店員好快一叫就過嚟落單 不過餐具屬於自助形式順帶提一提 自駕人士有免費車位泊車好方便

話說應該半年前左右，經朋友介紹下，先知道天水圍西鐵站樓下有間甜品店幾有日式風格之餘，又多日本甜食~~雖然上次食得非常滿足，卻遲遲都未去多次今次終於有機會同朋友相約了~~半年後的久違一餐，見到個餐牌多左勁多頁侍應都多左，因為生意量都愈做愈大吧~佢除左甜食之外，仲多左小食系列~~咁就不妨一試了~~我同我朋友都當晚餐黎食燒賣魚蛋 各$8燒賣魚蛋係正路，完美既~~~因為佢無用我最憎的機製膠魚蛋，所以食落去有魚味、有咬口燒賣也不似蒸左好耐，係新鮮既蒜香香辣雞翼尖$20話開B仔都有賣雞翼尖，所以見到呢度有，都好自然地叫左份但原來我朋友不食雞翼尖，要我一個人承擔曬都有少少難度不過都幾惹味既綠茶雪糕香焦朱古力窩夫 $60綠茶雪糕的綠茶味香濃，唔係用CHEAP CHEAP 貨架，誠意十足~~同埋大愛佢既窩夫，空氣感十足，不是食落係一團麵粉團既感覺係好鬆軟，外層好脆，好軟熟的感覺再配上香蕉加朱古力一點都不膩我朋友就點左個薄荷朱古力雪糕既石板街窩夫 $60佢都大讚好好味~~~由於佢住天水圍站附近，所以佢都估唔到有間甜品店咁好食又起左近我地真係食上癮咁~~~瘋狂地想一次過試曬佢地既甜品黑糖芋圓紅豆仙草冰$55

每次想吃甜品，定必會想起一糖。沒去一排餐廳多了新的甜品款式，當然要點一兩款品嚐。香蕉朱古力窩夫配曲奇雪糕窩夫外脆內軟，有濃濃的蛋香，沾上忌廉，香蕉及曲奇雪糕，味道很匹配。紫薯泥椰皇蛋白紫薯少少甜，蕃薯味突出，呈布丁狀的蛋白口感嫩滑，帶點椰香。紫薯，椰香及蛋白的味道配合得天衣無縫，呈簇新的味覺享受。朱古力心太軟配綠茶雪糕切開心太軟，朱古力像溶岩般流出來。朱古力味突出，綠茶雪糕也滿載著綠茶味道。魚蛋燒賣腸粉即使是普通的街頭小食，餐廳也很用心整齊排列好，魚蛋是陳皮魚蛋，煙韌有魚味，腸粉很香滑。紫黃特飲用碟豆花製作的特飲，賣相吸睛，柚子味突出。芒果沙冰芒果味突出，甜度適中。

聽朋友說這間甜品很吸引, 又多人讚, 見到啲相又幾靚, 所以就來試下。 晚上8點多到達, 基本上全場滿坐, 因為晚飯太飽的關係, 並沒有叫窩夫, 可能就是這樣就覺得中伏吧？ 老公叫了雜果西米露, 但份量是很少(可能食過B仔佳記的太大兜吧?) , 味道普通, 生果得幾粒, 所以也沒有影相。我叫了黑糖芋圓紅豆仙草剉冰, 嗯, 我覺得同實物與圖片係不符既~ 仙草係正常, 但芋圓是超硬, 一啲都唔QQ =_=可能無嗌窩夫, 唔知呢間甜品點解咁多人食同場見到坐對面既男仔叫了朱古力乳酸冰, 也跟圖片相差太遠吧???!

食甜品唔使分時候，想食便食😎今日連晚餐都未食就想食甜品，知道天水圍西鐵站附近有間幾好食嘅甜品鋪，一於同朋友去試下啦😉兩個女仔可以食到幾多野？！答案係好多😂睇到餐牌見到益力多沙冰個賣相好吸引❤️ 原支益力多😍 滿滿嘅沙冰再加支益力多😚一定要飲啖先可以放到益力多入去💋 其實我忍唔住咬咗益力多一啖😋 真係有好濃嘅益力多味👍再叫咗個餐廳推介嘅石板街窩夫配朱古力雪糕😎 果然窩夫真係好香口，再配上少少綿花糖果仁朱古力醬，令窩夫變得好sweet💗 但上面個cream太heavy, 我就試咗少少啫😜不得不提個朱古力雪糕，好濃朱古力味，配窩夫食比起單食雪糕更好味😉朋友叫咗個鮮果蛋撻配生薑茶定食😁 其實因為定食有兩個芝士撻同埋鮮果😋所以就決定要定食，好似抵啲😎 就連不太喜愛芝士嘅朋友，都對個芝士撻都讚不絕口😂 又滑又香嘅芝士味，熱食最佳👍朱古力心太軟配雪糕😊 心太軟焗得啱啱好 切開嘅時候仲有流心朱古力效果❤️其實天水圍要搵間好食嘅甜品舖係有啲困難🙈 而且呢間甜品舖外面有一個超大停車場可以免費泊車😎真係好方便一啲揸車人士 可以放心享受甜品💗

一糖位於天水圍西鐵站附近的空地停車場內，都不難找到，對於喜歡宵夜的駕車人士就最方便不過！店內的座位不多，但有空調；店外的座位相對較多，但夏天就要小心蚊蟲了！那天我們倆人甜品當晚餐食！食甜品前先來份咸食，腸粉配上醬油更是香滑，加埋陳皮魚旦真是不得了！推薦嘩！跟住就係甜品出場啦！乜原來咁大份架！紫薯窩夫外脆內軟，質地既不是空氣感、也不是死實那種，窩夫內還有不少紫薯粒，糖度剛好，配上紫薯蓉及士多啤梨雪糕，一流啊！必試啊！芒果窩夫，相對較為普通，沒甚驚喜人係貪心架，見以上3款都幾好食，我咪再點多個榴連皇子囉，但點知個配塔咁怪，內裏的椰子味布甸加上榴連肉，整個味道偏淡，個汁好唔掂，只知道自己食左好多糊狀物⋯如果要試就最好有心理準備！另外賣了雞翼尖，都幾辣架，味道偏甜，不太推薦

今日食飽飯之後，口痕痕地想食甜品就黎依間朋友介紹既甜品店喇，依間甜品店喺正天水圍地鐵站隔離，都幾方便。店舖面積其實都幾大，有室外同室內唔使怕冇位🤗🤗Menu上面既價錢一啲都唔貴，直頭可以當放題咁黎食啊😂首先叫左杯Oreo曲奇奶昔🍪🍪入面有滿滿既Oreo曲奇餅，仲有好香既奶油味😋😋😋椰皇燉蛋白加湯圓🥛係用原個椰皇燉架！椰皇蛋白熱辣辣，好滑，再加埋芝麻湯圓，正！榴槤心太軟🎂榴槤控必食！！！係必食！！心太軟好皮焗得超脆，一切開，榴槤味即刻湧入個鼻度，放入口榴槤既香味簡直令人欲擺不能🤤🤤🤤Baileys朱古力窩夫🍫窩夫烤得外脆內軟，配上帶有微微酒香既朱古力醬好襯☕🍷玫瑰蜜糖玫瑰花茶流心芝士撻定食🌷🧀食左咁多甜品點番杯解膩既花茶就最適合，順便食埋件芝士味特農既芝士撻就岩岩好🤣🤣🤣

朋友同我食完飯之後又帶我去食甜品，她說要帶我去食天水圍的隱世甜品舖。甜品店位置都比較近，就係天水圍西鐵站附件，不過四周就只有這一間店果然是比較隱世，店鋪裝修光猛整潔，而且我去的當天仲落緊魚，但係裏面的客人已經不少，看來名氣真的名不虛傳。甜品舖的選擇好多，我樣樣都好想食，最後我地叫了一個石板街窩夫，椰皇燉蛋白。石板街窩夫：窩夫是即整的口感鬆軟，食的時候還有絲絲暖意。窩夫裡還會加入鮮忌廉，果仁，棉花糖和朱古力等，搭配埋曲奇雪糕口感豐富而且感覺不會太甜和膩。椰皇燉蛋白：呢個真係超正！餐廳用了椰清水燉蛋白，所以味道清甜，蛋白嫩滑加上椰皇的肉更滑嫩爽口，我地都覺得超正。食完唔係好夠喉所以再叫多左個鮮雜果撻配紅棗茶定食，鮮雜果撻原來係芝士撻底，味道不會感覺太膩，我地可以按照自己的喜好放入鮮雜果，可以食之餘有可以自己DIY一下，不錯.

成日都話大西北無乜甜品店，我又覺得係真既。不過一係有就係高質既甜品鋪，我講緊既係呢間位於天水圍西鐵站出口一出行大約5分鐘既一糖！真係比呢間餐廳既外表吸引左，呢到有好出名既窩夫同心太軟，完全吸引到我每樣都嗌一嗌！嗌左個Baileys心太軟，香蕉朱古力窩夫仲有綠茶牛奶冰，食完都覺得自己胃口大！心太軟真係好好食，好濃既Baileys味而且熱辣辣既心太軟配埋凍冰冰既雪糕，真係一流既配搭！同埋個窩夫真係外脆內軟，唔似出面啲脆皮窩夫咁得個脆字，無乜口感囉！至於我最喜歡既都係食冰，綠茶牛奶冰真係好好食呀，配埋另外上嘅紅豆同埋丸子🍡真係連擺盤都好有心機，覺得自己去咗一間高級嘅日本甜品店食甜品咁樣，零舍覺得自己食呢餐甜品食得特別開心同幸福☺️

放假約埋朋友返屋企玩，食完飯緊係要食埋糖水啦！天水圍嘅甜品舖唔多，所以我就帶左佢地去一糖☺外牆有大大幅畫俾大家打卡😍 我地8點幾去到，連出面都坐到半滿🍀玫瑰蜜糖玫瑰花茶（$38）粒粒玫瑰花浮係杯中，勁香！再加埋蜜糖，清清甜甜，唔錯！🍀芒果沙冰（$38）沙冰打到好幼細，勁豐富嘅芒果味，幾甜！沙冰上面有幾舊芒果肉，杯底嘅啫哩大細岩岩好，可以用吸管吸到上黎之餘又有口感！🤤🍀楊枝甘露沙冰（$42）比起芒果沙冰，芒果味冇咁重，反而多左陣椰奶味，柚子同芒果酸酸甜甜好開胃！🍀黑芝麻心太軟配薄荷朱古力雪糕（$58）成個甜品又有cream，又有雪糕，又擺左好多唔同嘅生果做伴碟，分量十足！生果都幾新鮮👍🏻一切開個心太軟，啲黑芝麻流心就流晒出黎，正！😍🍀Baileys 心太軟配曲奇雪糕（$58）心太軟外層好脆，個蛋糕係好濃郁嘅朱古力味，心太軟上面嘅Baileys cream就係中間倒落啲朱古力流心度，香得黎又唔會好甜，好食！🍀紫薯窩夫配雪米糍（$58）除左紫薯窩夫，碟上面仲有紫薯蓉，紫薯片，紫薯雪米糍，真係岩晒紫薯控！🤤窩夫外層好香脆，一切開就見到中間係滿滿嘅紫薯蓉，紫薯蓉好香滑！雪米糍都好好食！🍀桃膠椰皇

天水圍友報料話🤔天水圍西站有間穩世日本風糖水😻😻咁近我又點會唔黎打個卡呢💓💓那見到門口既lee 個 壁畫就知自己黎得岩啦😌🎈當我地瘋狂影門口，店員姐姐話我地識野呀！係佢地係日本搵人番黎畫🎈和風呀🤩坐低一黎就比佢地既「沖繩直送」 四個大字吸引左🤤🤤🤤係紫薯呀😻😻😻一黎就打孖叫🤤🤤🤤招牌🎈薑汁紫薯雪耳芋圓糖水（$40）暖笠笠精選！果然係日本野🤤超大舊紫薯呀🤤唔會好粉😋好濃既薯味☝🏻配埋辣辣地薑汁🤤🤤🤤 真係好暖胃🥳 重有qq 既芋圓同地瓜圓☺️ 養生人士精選🎈紫薯窩夫配雪米糍（$58）💓💓💓你以為佢淨係有幾篤紫薯溶係旁邊咩？喂！中間都有夾心紫薯嫁🤤🤤🤤！！ Waffle 外面脆身！焗得岩岩好！🤤金黃鬆脆！配埋兩粒紫薯雪米糍，皮薄☺️一咬成口都係雪糕🤤🤤🤤好味呀！心太軟系列🎈榴槤心太軟配綠茶雪糕（$58）💓💓💓如果你喜歡榴槤，一定一定一定要食呀！你會比佢既爆醬流心榴槤溶震撼左你🤤🤤🤤🤤 再加埋會咁嘅綠茶雪糕簡直一流，旁邊仲有幾多新鮮生果🎈Bailey’s 心太軟配曲奇雪糕（$58）如果你喜歡烈酒類嘅甜品😋就一定要試呢個甜酒心太軟上面有一層Bailey's嘅cream☺️ 有甜酒味得黎外面既心太軟蛋

今日早左半日放工，同班同事一齊去屏山出名嘅冰室食lunch，食飽飽後諗住散步去天水圍西鐵站，等個肚子消化下。點知呢頭大家ee牙牙，又話飽，又話食唔落，嗰頭就有人話附近有間一糖好好食，於是又一齊入去。店內本身好寧靜，不過俾我地闖入去之後就嘈到死喇🤣坐左一陣，店內已經有8成滿，估唔到下午時段都幾多人黎。環境簡潔，以灰色為主，但夠光猛，所以好舒服。甜品種類好多，窩夫較出名，賣相精緻吸引，但肚子確實無能為力再放食物，於是揀左d冇咁漏嘅甜品。鮮雜果奶凍，雜果嘅顏色繽紛，望到已經好悅目怡神，令人心情愉快。滑滑軟軟嘅奶凍，質感細滑Creamy，入口奶香十足，甜度適中。豆腐花用木桶上，簡單平民化嘅食物，經過呢個華麗嘅包裝，身價都升值。豆腐花豆味香濃又夠滑，當中帶有薑汁味，糖水或黃糖自由選擇，豬認為黃糖冇咁甜，有d咬口，但食豆腐花緊係甜甜先好食啦，所以最好就兩樣都有，咁就最prefect喇。椰皇燉蛋白，原個椰殼清燉，妹子話:有椰水嘅香味，一啖食落去，蛋白口感嫰滑，濃濃嘅蛋香同奶香味好濃郁，充滿喺口腔入面。豬見妹子食完鮮奶蛋白之後，仲挖d椰肉出黎享受，令人滿足嘅甜品😋宇治抹茶芭菲，有綠茶雪糕，茶味幾香，仲

如欲更睇到此台店更生動的相關食評,可以收看收下 Youtube 連結 - 一糖 Idou Dessert這家甜品店, 如果不是附近(元朗天水圍屯門人)居民, 會比較不好找,因此, 我拍左上面條片入面, 有教大家如何前往,今次同兩個朋友去傾計 + 食甜品分別是 : 楊枝甘露 / 黑糖芋圓紅豆仙草剉冰 / 香蕉朱古力窩夫曲奇雪糕其中 黑糖芋圓紅豆仙草剉冰 / 香蕉朱古力窩夫曲奇雪糕很值得推介, 剉冰做法地道, 仙草味濃, 芋圓夠Q彈, 碎冰透心涼,而窩夫烤得外脆內軟熟, 就單單以窩夫而言, 已經勝過坊間很多窩夫店配上拖肥醬及香蕉, 配搭得剛好, 不會太膩再配上一球自選雪糕, 各式其式, 完全看你自己需要而彈性選擇楊枝甘露黑糖芋圓紅豆仙草剉冰 （芋圓，紅豆，仙草，剉冰，黑糖汁）香蕉朱古力窩夫曲奇雪糕

元朗就知道出名多糖水多嘢食，所以次次黎呢區都主要去元朗食嘢。今日無意中係OpenRice度搵到天水圍呢度都有糖水舖！夜晚十點，因為唔熟呢頭，我哋揸車係附近搵咗一搵，有少少隱蔽，有條小路一落到去就見到個糖水舖！仲要有個好大嘅停車場，啱晒揸車黎嘅人！不過其實佢都好近地鐵站，（其實係正地鐵站對面）所以搭地鐵嘅人都好方便！間糖水舖個樣係好特別，係一間屋仔🤩，出面有啲塗鴉牆，所以日頭嚟應該可以影吓相🤣。估唔到有咁多款式嘅甜品糖水，仲有鹹點！而且外表都好靚，價錢都唔貴，好多都想試！最後我試咗佢哋呢度好似好出名嘅綠茶麻薯窩夫，朋友就揀咗朱古力心太軟。我哋每人再嗌左杯飲品，Oreo香蕉奶昔同埋白黃橙特飲。綠茶麻薯窩夫配朱古力雪糕 $50我最鍾意食麻薯，呢個窩夫係唯一有麻薯嘅，所以就揀咗呢個啦！有四件，分量多，而且仲配有紅豆同綠茶cream好足料。窩夫啱啱焗起，外層仲係好香脆，而相反入面有好多麻薯，所以好煙靱，外脆內軟。我覺得個窩夫蛋味都幾香，配埋綠茶味同埋配料加上雪糕，成個配搭好match。呢個價錢性價比高！朱古力心太軟配曲奇雪糕 $50一切開個心太軟啲朱古力就流晒出嚟，好治療😝朱古力味好Rich，啱