一糖 (屏山)

營業中

休息中

聽到好多人話一糖唔錯，就同埋屋企人一齊試下啦！晚上10:30，㩒㩒下電話見到有一糖外送服務大家滿心歡喜地點餐，點完諗住比錢，見到沒有服務，但因為大家都好想試，所以就外賣自取。買了外買，Order咗薑汁紫薯雪耳芋圓糖水，份量好少，但都要$40，不值。另外叫了百利甜酒朱古力窩夫加雪糕球，完全沒有百利甜酒味，個雪糕球細到呢⋯⋯又叫了楊枝甘露，d碌柚苦到打冷震，d西米又硬味道麻麻，唔會有掛住想吃的念頭！可能聽到話不錯，期望太高了吧！

返工壓力太大，一收工同同事去食個甜品，想搵間坐得耐唔趕人走啲甜品店，又有中西式甜品嘅店唔係咁容易，終於俾我地搵到一糖。因為佢夠近西鐵站，而且環境好靜好舒服。💁‍♀一睇餐牌就俾佢個窩夫吸引，咁我地就決定試一試。我地特別鍾意佢個石板街窩夫🤤！因為佢有好多杏仁，係原粒杏仁，夾埋朱古力漿同埋綿花糖，唔洗靠個CREAM 同雪糕都好好味。而且佢都焗得好夠外脆內軟，本身個朱古力窩夫都好夠味，咁香蕉味果個唔洗講，一樣咁出色。😝💁‍♀一路食一路傾計就梗係唔好俾佢停。我地再叫左佢新出嘅榴槤皇子，榴槤好香，係個椰皇入面有啲果凍，再有好多榴槤肉係面🤩，成件事係好香濃，口感亦十分夾。💁‍♀仲有冬天限定嘅川貝圓肉燉雪梨，我地叫黎潤一潤肺，畢業返工遇著豬隊友都燥🤯。食完燉雪梨即刻潤返哂。😳😳😳💁‍♀最後焦糖燉蛋不過不失！我地好鍾意呢間店嘅環境，坐得好舒服，甜品好高質，絕對係放工chill一chill 嘅好地方 !🤫

今天來天水圍探朋友，佢推介我食依間在附近小有名氣的甜品店。首先係蒜香雞翼尖，出面食雞翼尖，絕大部分都係抄元朗X仔，但呢間的雞翼尖有自己的風格，蒜香味好重，一上菜已經聞到，雞翼尖夠大隻，辣得來好香而不是一味追求死辣，抵讚。跟住係百利甜酒窩夫。窩夫食落脆口、有餘溫，同甜酒味既汁係絕配，我未試過其他味的窩夫，但甜酒汁呢個實在好出色。然後係BAILEY'S  心太軟。係心太軟隔黎配生果，好有心思！心太軟既皮做得好靚，味道都好濃，一切開，濃郁既朱古力醬湧晒出來，食落仲係熱辣辣！好好味！最後我想講，鋪頭的門口仲有大大幅壁畫，岩晒各位潮人打卡。

喺天水圍加完班，同事話去食甜品吹吓水，於事就跟大隊去呢間隱世小店試吓鮮雜果芭菲面層雪糕再加多款新鮮生果，再配中層朱古力脆米，而底層的牛奶布甸則奶味濃郁，由頂往下食，每層口感各有不同楊枝金露沙冰楊枝金露糖水就食得多，沙冰都喺第一次試，同樣好味蜂蜜白桃梳打泰象梳打水超夠氣又持久，杯底的白桃醬夠清甜，蜜糖另上，可按個人喜好而添加，夠貼心焦糖Oreo窩夫窩夫烤得外脆內軟，配埋oreo同焦糖同食超好味疏乎厘紫薯底層鋪滿大大嚿的香甜紫薯，而面層的梳乎厘空氣感十足Bailey's 心太軟心太軟焗到外脆內流心，切開後濃濃的朱古力醬帶有Bailey's甜酒香百利甜酒朱古力窩夫窩夫內裡夾有麻薯，增加口感，忌廉加入百利甜酒打成有淡淡的酒香焦糖布甸牛奶冰布甸口感滑溜，牛奶冰綿密幼滑配上朱古力脆米同焦糖漿同食，滋味滿滿鮮芒果腸粉腸粉皮是用蒟蒻做，椰汁味香甜質感爽彈，芒果餡夠熟夠香甜，再淋上芒果醬汁超好味蒜香香辣雞翼尖雞翼尖夠淋入味，香蒜汁惹味後勁夠辣魚肉燒賣/腸仔(咖哩汁)魚肉燒賣夠軟熟，與腸仔加埋咖哩汁是絕配

同朋友喺天水圍西鐵站附近食完晚飯就上網隨意搵間就近嘅甜品舖傾計楊枝金露沙冰芒果配搭柚肉酸甜開胃而且楊枝金露沙冰質感幼滑加埋西米口感豐富蜂蜜白桃梳打杯底嘅白桃醬味道清香唔似水果香精；泰象嘅枝裝梳打水氣泡感重而且持久；蜜糖另上可以按個人喜好自己加鮮雜果芭菲鮮果款式唔少除左木瓜同西瓜仲有芒果同火龍果；牛乳布甸質感嫩滑配搭忌廉奶味香濃Bailey’s 心太軟蛋糕外層薄脆；切開之後朱古力漿洶湧澎湃朱古力漿質感濃稠而且朱古力味濃郁配搭百利甜酒忌廉甜度適中百利甜酒朱古力窩夫加左百利甜酒打成嘅忌廉質感輕盈奶油感強但酒味唔重；窩夫偏厚身而且夾帶麻薯口感煙韌焦糖Oreo窩夫窩夫口感香脆鬆軟而且中間嘅奧利奧曲奇半溶同樣有驚喜焦糖布甸牛奶冰牛奶冰質感綿密配搭焦糖醬同朱古力味脆米好夾；布甸口感順滑加上蛋香味濃配埋焦糖焦香鮮芒果腸粉腸粉皮薄帶椰汁香而且蒟蒻質感爽滑；內餡芒果飽滿配埋芒果醬香甜疏乎厘紫薯疏乎厘質感蓬鬆空氣感十足；底層鋪滿紫薯蓉再喺疏乎厘表面撒上紫薯粉啱哂紫薯愛好者魚肉燒賣/腸仔(咖喱)食完甜品就想再食鹹點；魚肉燒賣緊實口感彈韌有魚鮮味；腸仔配搭咖哩汁香蒜香香辣雞翼尖雞翼尖份量幾多而且夠入味；醬汁蒜蓉

食物味道不錯，但香蕉船看照片時似乎很大，但事實上好細。另外服務只是一般，例如埋單時要求找錢比D一兩蚊我，個靚妹仔就話繁忙時間做不到。天呀，找個一兩蚊要你幾個鐘咩？！我唔知換另一個職員結果是否不同。但覺得服務仍然有很多改善空間或許會再去試試

之前第一次試、唸住OpenRice有外賣，結果送漏嘢⋯錢又收佐.又唔肯送返來.打返去竟然話下次送返來⋯仲有下次？ 其實d糖水.講真：影真麻麻哋.唔會有下次咯⋯多謝晒⋯ 第一次打食評竟然比佐你

數月前筆者被家住天水圍的朋友帶到這家隱世甜品店「一糖」，它的紫薯窩夫是一試難忘啊。今天的同行友人正正是一個標準紫薯迷，筆者決定帶她來這裡滿足一番。「一糖」就在天水圍西鐵站附近，還好筆者曾到訪一次，今次尤如識途老馬般帶路。但其實沿路也設有不少箭嘴指示。筆者以往曾吃過三數次冰類甜品，每每是開頭數口嚐到甜味，往後則後繼無力。非常難得這客冰品，每一口充滿濃郁的牛奶味，倒上焦糖後更加香甜呢。焦糖布丁頗有雞蛋香，入口滑溜，一不小心便會直接滑進喉嚨去了。這個就是同行朋友的最愛：紫薯窩夫。窩夫可配雪糕又或紫薯糯米糍，紫薯迷的友人當然是點紫薯糯米糍。糯米糍煙韌的外皮下包著香甜紫薯蓉，為這碟紫薯甜品打響頭炮。切開窩夫後大有驚喜，裡邊藏有紫薯餡。而窩夫碟上也有幾團紫薯蓉，沾上來一起進食，滿口都是紫薯甜甜的味道。看到「一糖」餐牌有新推出口味窩夫，禁不住多點了一客石板街窩夫。窩夫可配一個雪糕球，口味有6款供選擇。筆者選擇了曲奇味雪糕。窩夫外表呈巧克力的顏色，應該是混和了巧克力粉。窩夫上還淋了朱古力醬，雖然沒有像紫薯窩夫般切開有餡料在內，但每一口都是濃郁的巧克力香。因爲是石板街，巧克力以外還有杏仁跟棉花糖來增加口

普普通通的椰汁紫米露，外表平凡！內裡居然甜到嘔！每位朋友都食得開開心心，最後一碗紫米露原來內有乾坤！一啖都食唔到！窩夫都算唔錯，其他都尚可！但最失望居然係最普通紫米露以後都唔洗黎！

天水圍比人感覺無咩美食但其實唔係！今次搵到呢間甜品小店係正天水圍西鐵站下面，一分鐘可到路程令我大讚：好好味啊😍而且擺盤非常用心，未食已經係一大享受😛桃膠椰皇燉蛋白 $56冬天梗係要食d暖笠笠既燉品一糖既椰皇燉蛋白特別加入左桃膠感覺養生左十萬倍🥰桃膠洗得好乾淨，而且燉得好軟滑配埋蛋白既幼滑，兩者口感好夾椰奶味道都好香好欣賞佢個甜品唔太甜單靠食物天然既甜味去提升香氣，夠曬天然😋抹茶麻糬窩夫 $50上網見到好多人有order窩夫就知道窩夫係呢到既名物今次我配左曲奇雪糕🍦窩夫好脆，師父控制溫度手勢不錯切落去已經聽到卜卜脆既聲外皮鬆脆，但那裏有好煙韌而且濕度足夠，不會太乾窩夫那裏夾左麻糬，經過烘培d麻糬呈現半軟糯狀態，十分有咬口！不得不提d紅豆，粒粒分明，全班都大大粒加埋抹茶味窩夫一齊食，好夾啊！😜Bailey’s心太軟 $58酒味非常突出，不單內餡有滿滿既baileys流心心太軟外面亦好大方，有好多baileys味既cream，愛酒之人不能錯過呢個甜品！♥️配埋薄荷朱古力雪糕，口感清新一凍一熱，真係好過癮兩款甜品既擺盤都好有心思糖霜、日式雪糕碟、擠花、黑色瓷碟影相打卡一級棒！試左三個甜品都好滿意

其實之前都食過幾次既 ，但每次都必嗌呢隻百利甜酒朱古力窩夫因為真係幾特別，仔細食落，入面係有麻糬質感既東東吾會食到滯之餘仲係回味無窮。個人感覺一定要配埋朱古力雪糕先係perfect match呢個五十幾蚊又吾覺得貴wor最緊要係好食之前試過沙冰都無咩特別，今次試下呢隻焦糖雪花冰配焦糖燉蛋，六十幾蚊左右，望落又真係回哂本既，但認真個燉蛋係不好吃的個雪花冰 無咩味 落埋焦糖汁都係得個甜字總括來說，平時太多人去啦、環境就真係麻麻地、略貴但去到一定要食佢地既窩夫

天水圍城，仿以被困，其實轉個角度看，更像是城牆以外的放逐；被放逐，即逃離了中心，反而打開新天地，更自由。西鐵站旁一直走，經過了狗狗泳池，四面佛，還有那棄置多年，一扁頹垣敗瓦，但近年終於肯修 葺重建的古屋大宅，就看到了「一糖」，仿如亂石中的塊寶，立於荒野之中。外牆的塗鴉，店內略帶摩登日式味道的裝修與設計，看來暗示了它的食品應該是混合了傳統與創新的元素。看看餐牌，以西式甜點為主，waffles 有好多選擇，就點了一份加了麻糬的試試，因為這個在香港不常見。本以為是一粒粒加入waffles，但原來是與粉漿混和了。吃下有waffles的蛋香，又有麻糬煙韌軟糯的口感，混然天成，正！另一個是 Bailey's心太軟，未試過加入酒的口味，其實沒有很濃烈(否則要十八禁？！)，但那個 Bailey's 忌廉醬卻可平衡了朱古力 岩漿的濃與膩， 配搭恰到好處。圍城中甜品小店不少，但地茂守舊乏味居多，這間隱於圍城一角的，可是難得的精緻。

唔係朋友介紹都唔知原來天水圍西鐵站E3出口旁邊，係法定古蹟聚星樓附近，有間非常有特色既隱世甜品屋，外牆畫滿Graffiti, 絕對係打卡熱點，而且甜品種類目不暇給，有選擇困難症者要決定食咩相信有一定難度。我同朋友下午6點未食晚餐就走左嚟依度食甜品，幸好甜品以外也有一些熱食，推介蒜香香辣雞翼尖，惹味香口之餘，煮得夠淋又夠辣，絕對好食過元朗既X仔甜品我同朋友都選左一些偏熱既款式，Mocha脆脆麻薯窩夫，窩夫外脆內軟，口感不錯，雪糕口味有不少選擇我選左薄荷碎朱古力，典型既味道，勝在不會太甜，跟窩夫一冷一熱既組合很夾另外叫左Bailey's心太軟配綠茶雪糕，愛爾蘭奶酒做成既Cream覆蓋係大大件既心太軟上，切開後流出濃濃既朱古力漿配上Baileys Cream 味道好豐富，賣相一流。無凍不歡既我亦叫左楊支甘露沙冰，味道調得剛好，芒果肉又新鮮，食完又唔會覺得太甜，值得推薦甜品屋可以選擇坐室內或室外，仲有車位可以泊車，推薦大家預留時間食甜品之餘行埋古蹟，包你可以影相影到飽

放假日，來左天水圍朋友度，佢帶我去食甜品！係天水圍西鐵站E3出口一出，行兩分鐘就到一糖Idou Dessert!哩度環境都算大，出面同室內都有位！餐牌目錄都幾厚，多款甜品選擇！我揀左冬日暖笠笠推介💕椰皇燉蛋白（熱），朋友就揀左焦糖Oreo窩夫，最後揀左一款小食-咖哩魚蛋😋椰皇燉蛋白熱食最滋潤，熱辣辣，蛋白燉得非常滑，食落口即溶，帶有一陣陣椰香味。朋友個焦糖Oreo窩夫賣相十分吸引，朋友話窩夫好鬆化，加埋雲哩拿雪糕一齊食，甜入心！小食咖哩魚蛋不錯，$8有9粒，價錢好抵食！

睇咗食評特登走過嚟食糖水同窩夫，點知平平無奇，冇咩味，好淡口。d西米未夠浸泡時間好硬，根本唔值得我特登走入黎食糖水。價錢都有番咁上下，要食呢d糖水出面d糖水鋪都有啦！唉⋯嘥時間