一糖 (屏山)

營業中

休息中

之前食過一次。覺得唔錯。今晚同朋友食完晚飯會去食吓糖水。六個人去左一糖，安排我哋去坐兩張四人枱拍埋的枱,已經坐了四個人。見佢哋差唔多食完，咁我哋好迫咁坐埋去。之後佢哋走咗,我哋諗住坐鬆啲但服務員好快過嚟話這張枱是坐十個人的。要安排人過來坐。我哋話10個人真的太迫。仲好大聲同我地理論，我哋話現在抗疫呀。熟人都坐開嗰啦！仲要迫去四個唔識的人。唔係呀！佢哋俾人嘅感覺只係一心為生意，其他少哩！至於食物方面，我哋叫凍楊枝甘露西米露但一啲都唔凍，叫咗熱糖水，椰汁燉蛋一啲都唔熱，兩樣嘢都好似室溫咁！我哋食到一半已經唔想再食。咁嘅糖水舖以後都唔會再幫襯！

第一次留食評.之前食過幾次.都覺得好食..但今次真係嬲.本身朋友想要杯水.個職員話要俾錢買.8蚊枝okay.咁我朋友話唔要啦之後啲職員係度講8蚊枝我買!其實啲態度可以唔洗咁串既.你細細聲講無問題.問題係好似特登大大聲講說話俾我聽咁.之後埋單我唔服氣就同佢講要枝水.個職員啲語氣又好嘲諷咁嗌 :要枝水啊~其實都係想食個糖水姐.做乜做到趕客咁?雖然糖水係好味.但服務態度真係不能夠接受!以後唔會再幫襯...

今日同老婆食完飯，出咗去食糖水，咁啱就搵到天水圍西鐵站附近有呢間糖水舖，我見住喺附近咁多年都冇去過，一於決定去試一試。呢間鋪位於天水圍西鐵站附近一條小路行落去，佔地都幾寬廣，唔似元朗區內一般糖水舖坐得咁逼。裝修我覺得幾有風格，有特色，絕對唔馬虎。呢間鋪主打係食窩夫，老婆最後喺好多隻口味入面揀咗呢隻蘋果肉桂窩夫（ $60），雪糕就揀咗芒果味。一上碟已經聞到好香，同埋睇落去整得幾靚。本身仲驚會中伏，之不過食落又幾有驚喜，蘋果同肉桂意外地夾，窩夫餅底就正常質素，強烈推介大家如果未食過，可以試一試呢個。本身食飽飯，唔係特別話想食熱嘢，但係見到隔離兩張枱都有食到呢碟雞翼尖，最後決定叫嚟試一試佢。食落真係幾辣幾頂癮，整得好入味，我覺得已經完勝元朗某間出名嘅糖水舖。抹茶活乳酸梳打（$32）雞翼尖食到一半已經覺得太辣頂唔順，咁就叫咗杯野飲。一上到枱覺得幾特別，杯中已經有抹茶粉，乳酸同埋梳打水就額外上，可以俾你自己到落去個杯，而唔係佢一早溝定俾你。呢間小店真係幾有驚喜，之後有機會都會去試多啲唔同款式嘅產品。

在西鐵站附近的隱藏甜品店營業時間由4點開始到1點，西鐵站附近都無其他營業到凌晨的食店，位置是西鐵站落輕鐵月台，再往聚星樓方向，5分鐘就到，適合一班好朋友食宵夜，食完仲可以趕搭尾班車。今次也是經朋友介紹去試試的。店外一幅手繪牆是打卡位，畫功精美，日頭可以影相打卡。糖水有中式西式，款式多，餐具自取，今次試了焦糖Oreo窩夫，窩夫烤得內軟外脆，有水準。不過冬天坐外面都幾凍，怕冷可以選擇坐店內，不過位置不多。

聽說這間很多人介紹，一直未試過，今晚心血來潮，試下，一試，簡直難忘深刻，我未試過咁難食既糖水，半啖已收左我皮，直接倒左。叫左個芝麻糊，同紫薯丸子西米露。先講芝麻糊，未開蓋已經感覺到好稀，好搖。一開蓋，銹味（唔識形容）撲鼻。。再用匙羹一筆，依個應該叫芝麻湯，水到無倫，再試半啖，不是吧，銹味+稀+淡+。。到西米露，我叫個熱的，拎上手，唔熱+凍。我都知外賣熱西米露，送黎預左無咁熱，都唔會凍掛？心諗應該係紫薯泥係凍加落去，但係落單到送到，無15分鐘，咁就暖？咪玩。目測餐牌係至少有30粒丸子，依到應該10粒都無，利害（我都知實物同圖會有出入），再試半啖，未試過咁難食既西米露，又倒得。如果佢話係做西式甜品窩夫出名，咁佢就唔應該做中式，完全垃圾！！真係咪玩啦，浪費食材

一糖朋友強烈推介依間甜品店好出色，所以特登去試石板街窩夫窩夫好軟熟，夠香👍🏻再配上果仁、綿花糖加朱古力，口感豐富😋Bailey's心太軟朋友點了Bailey's心太軟一定要襯熱食，流心朱古力帶有的bailey’s酒香，心太軟仲配左幾款新鮮水果，解朱古力甜感，一切開朱古力漿洶湧流出，👍🏻👍🏻必叫蒜香香辣雞翼尖不錯咸點小食，香新香辣，配杯飲品岩岩好鮮雜果蛋撻配薑茶定食依個係小編推薦，撻好有芝士香味，中間餡夠曬熱，非常濃厚❤️芝士蛋撻酥皮香脆

與友人晚上十點多想找個地方繼續聊天，他帶我來到這家天水圍西鐵站旁邊的甜品店———一糖。走過來的路上黑漆漆的，但愈接近便會感到人氣！餐牌厚厚一本，甜品選擇困難症立即出現，牛奶冰、心太軟、窩夫、奶凍、中式糖水、特式飲料⋯⋯⋯⋯每個看起來都好像很好吃。焦糖布甸牛奶冰$65有焦糖布甸、可可米點綴的牛奶冰、楓糖漿。牛奶冰的奶味不算濃郁但可接受，倒上楓糖漿後中和了彼此的甜度剛剛好。相比之下焦糖布甸有點失色了，看餐牌時也知道並非面上有一層焦糖脆脆那種，看照片比較像現在有些燒布丁的那種。單純以味道來說蛋味不重甜度不足，質感偏向魚膠粉那種膠的感覺⋯⋯我覺得有待改善。朱古力心太軟鮮雜果配雪糕$50心太軟朱古力味濃，好食！不過鮮雜果嚴重貨不對版⋯照片中是草莓、芒果和香蕉。現實中是火龍果、西瓜、哈密瓜？也是有兩片香蕉囉。水果不當造不是問題，但若果有此情況，應該要在餐牌標誌？或是下單時口頭說一句？以上，都沒有。難免讓人有貨不對版的感覺。

天水圍一糖一直是我的摰愛，每次吃糖水必定會幫襯一糖。腸粉腸粉滑口，沾上甜醬花生醬，別具風味。燒賣魚蛋腸仔魚蛋採用陳皮魚蛋，彈牙有咬口，燒賣魚蓉味十足。甜酒朱古力窩夫窩夫很脆口有蛋香，加上朱古力及甜酒，味道非常匹配，綠茶雪糕更有濃濃的茶香。朱古力心太軟朱古力味香濃，有流心的效果，豐富口感的層次。熱椰皇蛋白用原個椰皇去燉，蛋白香滑有椰香，且熱度十足。益力多沙冰甜甜酸酸，益力多味突出，完美融入沙冰中。鮮雜果蛋撻配生薑茶蛋撻有超濃的芝士味，喜歡芝士絕不能錯過。生薑茶真材實料，薑味十足。

天水圍 一糖飯後甜品，選擇了這間新式的甜品鋪！入到新界，依間神秘角度的小店餐廳係必食既，雖然位置比較荒涼鮮雜果蛋撻配紅棗茶定食蛋撻好味，有芝士的香味，中間餡軟軟的夠熱熱騰騰的芝士撻 咬下去呈流心狀態 ，正！芝士蛋撻酥皮香脆，一啖咬下去，芝士鬆化蒜香香辣雞翼尖除了甜品餐廳仲有多款鹹點。今次朋友就點左蒜香雞翼尖，十分入味，雞肉軟嫰，入口即散，開頭微微泛辣但愈吃愈麻辣、過癮! Bailey's心太軟朋友點了Bailey's心太軟必須襯熱享用，朱古力漿洶湧流出，流心朱古力帶淡淡的百利酒香，令整體更香濃味白桃活乳酸梳打白桃汁、乳酸、梳打水，分開三款上枱，自己調教味道。味道清新估唔到新界這個地方，居然隱藏著一間這麼真材實料的甜品店，我敢講如果衝出巿區發展，一定是最人氣的甜品店，推介⭐️⭐⭐️⭐⭐

食完飯點都要食返啲甜嘢先覺得圓滿，話晒女仔都有兩個胃啦🤣嚟到「一糖」滿足埋我第二個胃啦，地點就喺天水圍站隔離，真係好方便呀。打開餐牌都有好多選擇，最後就揀咗芒果乳酸冰 $58芒果香甜，啖啖果肉，配合香滑乳酸冰酸酸甜甜好開胃！薑汁湯丸（芝蔴）小丸子香濃又唔會非常辣口嘅薑汁，配合芝麻湯圓簡直係一絕嘅配搭，小丸子爽口彈牙而且入面嘅芝麻餡非常細膩香滑。魚肉燒賣 $8五粒新鮮魚肉燒賣爽口彈牙，魚味香濃，真係食飽飯都忍唔住叫返碟啊！

話說今日嚟食糖水，其實都唔係第一次幫襯，因為住元朗屯門其實食糖水嘅都唔係真係有好多，今次我點左個窩夫，期間我覺得好口渴，想話要杯水，佢話要$8一支水, 無問題，因為真係好口汗，點知佢賣哂，我就話咁可唔可以到杯水俾我，佢話唔得。我口渴到再食唔到落去，之後有位姐姐，見我地唔係好滿意出嚟解釋，話因為啲水係生水，煲熟咗都唔敢俾我哋飲，咁我哋就返問返佢咁我哋啲糖水同沙冰點做出嚟，其實做食肆水都唔可以補比一杯真係好過份，但最過分嘅係佢話啲水係有問題咁點樣整糖水呢

近期心情不太好，吃過晚飯後要吃點甜品令自己開心一下🥺⭐️食物⭐️1️⃣原筒即撞豆腐花$30: 第一口已覺得口感很硬，但店員很好再換另一筒豆腐花，可惜朋友說沒有以前那麼滑了！😟2️⃣芒果窩夫$50: 窩夫烘得很脆✨而且不會太硬，芒果也不酸，雪糕🍦有幾種味道可選擇，我點了薄荷味雪糕，整體不錯👍🏻⭐️環境⭐️有室內及室外位置，室內座位不算太多，近鐵路站，而且有位置泊車很方便🚙⭐️服務⭐️除了有個別員工態度比較一般外，其餘員工也很好，主動。⚠️總結⚠️這間店鋪長期也很受歡迎，而且開至凌晨一時也可以泊車🚗食物種類也很多，特別住在附近的朋友也可以試試🥰

今日老公突然話好想食糖水， 之後就帶咗我黎一糖。 對上嗰次食原來已經係一年前有多， 今次再嚟回味一下。店舖外面有一小處係開放式位置比你坐， 呢個位置都係比人方便食下煙hea下。咁耐冇食，今次竟然有新甜品食。我就叫左新野石板街窩夫， 窩夫有兩層， 合併一起都幾厚下， 還可以分開4小件，內裏有少量朱古力和棉花糖， 感覺煙韌又唔會太甜。 份量都好多下，兩個人食都好飽肚，再配埋薄荷朱古力雪糕， 感覺涼浸浸又係另一種風味。另外叫咗杯益力多沙冰， 呢個沙冰都幾有gimmick， 全支益力多冰放咗喺上面， 感覺好新穎，裏面還有三色Q果，感覺非常冰凍， 真係啱曬而家夏日炎炎嘅天氣。今次出咗好多新甜品，款式非常多， 價錢都好經濟。 如果揸開車，呢度都幾好，有免費泊車之餘地方仲好寬闊， 都係一個唔錯嘅選擇!

這間甜品店在天水圍西鐵站隔離，其實這間鋪頭冇乜太大問題，但今晚在這裏叫了一個熱的綠豆沙。我只吃了一羹，便放下。我朋友也幫我試吃了一羹。大家都說這個綠豆沙應該是全宇宙最難食的綠豆沙。不單止稀溫溫，十分明顯那些綠豆是煮好之後放在雪櫃放了很久很久之後再攞出來融雪再溝水給客人吃，我可以發毒誓一點兒綠豆的味道或氣味也沒有。甜味也沒有。只有一種10分不新鮮的味道。我不會為$20一碗這樣的綠豆沙跟店來的侍應動氣。只吃了一羹之後便走了。

返娘家係最開心嘅事！難得返去住幾日就諗住同屋企人食下糖水宵夜😍難得媽咪同我地癲梗係開開心心食盡佢啦！就諗住去過就諗住去個空曠啲嘅糖水店，感覺身心都舒暢啲又唔使坐得咁迫！又可以望下星室！不過揸車就會方便啲因為佢去天水圍站附近有免費停車場👍🏼呢間甜品店款式非常多有中式有西式基本上仲有好多特色飲品熟悉小食等等基本上包羅萬有應有盡有，有西式糖水，中式糖水同香港小食，例如魚蛋燒賣腸粉等！甜品真係好多選擇，樣樣心思思！吃左綠荼心太軟配綠荼雪糕！香滑綠荼流心做得好好配埋綠荼雪糕一流！叫左石板街窩夫，大大件，熱辣辣！好抵食😆益力多冰有驚喜，成支益力多冰🤣好吸引👍🏼芒果腸粉，芒果唔酸，皮係椰子造，好滑身😁