一福 (已結業)

見有新開餐廳，諗住試下，點知未試過食野會食到一肚火。叫左一個豚肉鍋，先來一客三文魚刺身。無人俾豉油你，要叫先有。好，我當你唔記得。之後個鍋黎左，望樣係 okay，點知一食，湯是凍的。菜，唔止凍，仲生生地。呢 d 鍋，一向都係先煮熱，d 餸熟左大半，熱湯上，放係個細燃料架上面係熱住咁解，係唔可能靠呢個細火整熱同熟個鍋。同個侍應講，佢只係拿去擺埋一邊，諗住用個細燃料架熱住就得，又係度搞下搞下個鍋。離晒大譜！個客唔洗食㗎！個鍋放上個火爐度熱一熱就得㗎啦！依家 d 食物俾你咁玩既咩？識唔識煮野食㗎？成件事完全當個客無到，連基本煮食如何奉客都唔識！食寫係食落肚，呢舖真係食唔落。食野唔單止食物，但有服務。完全無人想理會你。成個餐廳上下，完全符合唔到基本既飲食界服務的基本要求，點可能俾個客食凍又未熟既野！做食店點可能唔理食物質素？呢間野，唔係零分，係負分！

同女朋友去深水埗食飯，見呢間餐廳評分唔錯就嚟試下，點知坐低環境好迫，同隔離枱相距好近，心諗都算可能食物取勝一來就聽見隔離枱投訴個牛肉鍋熱得太慢，要求職員拎去廚房加熱，點知職員好串咁講廚房唔得閒幫你，佢地講咗一輪終於肯幫手加熱，隔離枱亦黑住面好快食完走人講返我地自己，叫咗3樣嘢：蕃茄味牛肉鍋$95加$20配白飯同鮭魚壽司牛肉鍋本身完全唔熱同生材料，嚟到先點火慢慢煲，等咗10零分鐘先有得食。一食個湯底都唔知乜味，總之無蕃茄味牛肉又硬似隔離街市買嗰種。得啲金菇同蔥係最正常.....海老拉麵賣相就整得好靚，但一飲個湯就知係味精，無驚喜，蝦係夠大隻...但係有霉味！係霉味費事肚痛就冇食了。油甘魚壽司無鮮味，我怕肚痛點晒wasabi食咗就算。其間有個職員好無禮貌，上錯嘢食仲堅持無上錯，最後其他同事提佢錯先拎返走。價錢嚟講就貴一截，但服務&食物質素就比快餐店更差，唔會再嚟。

呢個係我第一次係度寫的食評,  因為我覺得真係要比人參考下, 完全唔明點解會有五十幾個笑, 十幾個喊before睇我寫D野前, sorry係唔會有相, 因為食物係非常普通, 亦都唔係值得討論同我覺得有大問題ge地方講真, 真係無心做囉間野, 專重下自己係做緊日本餐廳啦, 最基本最基本可唔可以乾淨少少呢, 行去廁所, 要推過一塊鐵門,勁污糟, 有油呀, 跡呀之類. 咁你去完廁所返去入邊, 又係要用手推開果塊面. 喂大佬呀, 我返入去係食D生野架, 我洗完手, 轉個頭要拉開果塊咁污糟ge門, 我點樣食魚生呀. 個廁所臭ge, 地下濕晒水, 唔知係尿定水定咩. 喂真係.. 做日本野食基本野啦乾淨, 茶餐廳咩家彈, 你賣緊碗面八十幾九十蚊架, 唔係三十蚊碗魚蛋粉呀大佬好喇, 得果5/6台客, 一坐低到野食黎, 叫左兩次先比D碟我, 食到一半無啦啦比人埋單, 上錯野食, 叫左個豬肉鍋黎果陣要提先識比匙更, 喂咩service呀? 仲衰過金太朗囉, 要比加一架. 可唔可以專業少少呀, 都唔係要你唔該前唔該後, 但基本野都做唔到...咁ge環境去食, 真係無下次.

最近得知深水埗一福有omakase ，我決定一個人去試探軍程早一點來舒舒服服嘆返個omakase 安康魚肝頭盤～好creamy 的魚肝，入口甘香伴菜的青瓜洋蔥好fresh 刺身拼盤～白身魚，由淡味開始，鯛魚好新鮮，赤貝極鮮味、牡丹蝦我至愛全部由日本新鮮空運到港，Omakase 真系一福的No.1食完啖啖濃厚的海膽後，好物沉歸底仲有大大隻生蠔壽司拼盤～鰻魚反卷、海鰻卷住芝士超級帶子壽司好鮮味、柚子三文魚🍣又系新鮮美味、吞拿魚腩100分火炙油甘魚爆油好甘香、重點系大大啖一囗吞唔曬嘅海膽壽司🍣⋯⋯真糸好🈵️足仲有雪場蟹什菜湯鍋～好新鮮冇雪味，慢慢拆肉慢慢㗳好溫暖喔最後一味～牛乳雪糕🍦好smoothie 十勝紅豆100分的甜品下次我要再食甜品拼盤

妹妹生日飯在這間餐廳食 是家姐介紹的 我們都覺得壽司十分出色很喜歡炙燒三文魚，接近入口即融蔥拖羅餡多到爆出黎，讓人心悅還有這三倍長的鰻魚，啖啖滿足手卷也很足料三文魚新鮮呢個丼飯不得了, $99咁多選擇 可以自選呢！魚生全部厚切，滿足呢份牛肋肉丼飯一般般，牛肉食落好似牛腩，鞋口，不推薦最後的甜品，可惜店員話冇曬雪糕，以芝士餅替代，感覺可惜，很想食雪糕呢🤭總論而言對呢間餐廳的魚生壽司很滿意，會再幫襯，最後消費滿一定數目有優惠券送，下次可以使用，感覺都算抵食

尋日夜晚九點幾同友人係深水埗附近食拉麵，友人話之前食過呢間一福都可以再來嘅，於是就抱著入去試下的心態入到去坐低就發現d台面痴立立，覺得都唔緊要啦算，我地supposed來食好嘢的基本上成餐飯都係唔好的經驗唔知係咪因為就來收工的關係🤷🏼‍♀️🤷🏼‍♀️一黎係上左幾件壽司先，d飯都幾酸應該醋落多咗我當時真係覺得咁嘅價錢食一件壽司真係食對面街爭鮮仲好過🙂🙂因為我坐在牆邊連著一排的沙發位後來女職員著住鞋一嘢踩上我隔離的位置係度dup牆，唔知係掛咩上牆度🌚🌚其實我作為一個食客坐係度感覺真係好差，難聽d講句食茶記都唔會咁啦更何況你唔係茶記仲要收我加一唔係俾d咁嘅服務，環境，經歷我囉....真係沒有之一差，只有最差然後上嘅番茄豚骨拉麵舊叉燒仲凍嘅你會好明顯feel到係啱係雪櫃拎出來仲未完全整熱曬的感覺🌚🌚🌚🌚🌚🌚🌚🌚🌚我只係知道自己食緊麵但係唔知自己食緊咩味嘅麵後來問個職員可否俾隻碗仔我我女職員係廚房入面拎一棟出來fill落我隔離個櫃度佢係當住我面一隻一隻咁fill曬落櫃之後先俾last個一隻我🌚🌚🌚🌚 咁嘅侍應我真係第一次見後來問佢拎杯水d人都唔識應人嘅....直接擺兩杯水係台面收咗加一服務費我真係唔

話說大家都出左花紅，我地決定食餐好，聽男友講有間一福食開唔錯，仲有新出既omakase，咁去試下啦場內乾淨，裝修有日本風首先係頭盤，男友說係鱇魚肝，味道嫩滑，油脂重終於到刺身啦，望落都吸引，我最鍾意緊係隻蠔，新鮮大隻，海水味唔重，配上新鮮海膽，岩晒我另一重頭戲壽司，最吸引緊係海膽三文魚丼，海膽軟綿濃郁，三文魚子大粒，味道鮮甜，配上日本米很夾，另外吞拿魚腩入口即溶到牛肉壽喜燒，份量很多，牛肉肥瘦均勻，配上日本蛋，但很飽讓了大部份給男友甜品我都很喜歡，牛乳雪糕嫩滑奶味重，配上紅豆同綠茶芋圓很有日本味道埋單我地食左$1430，食物環境都很好，但服務態度有待改善，e.g. 欠缺笑容同食物既講解。

早幾日同老公行完深水埗後就肚仔餓，於是就喺附近一帶揾食，行到福榮街見到一間叫一福的日式料理店，見佢店面部電視播放的食物幾吸引，所以今晚晚飯決定選這兒了，一行二人入店後立即安排入座，店員亦很有禮貌的，現場地方不算太大但環境唔錯，裝修得幾日式，坐低後好快店員就向我地推介由㕑師發辨的料理，深水埗都好小聽有厨師發辨食，於是就決定試下la，落單後好快送上前菜叫鮟康魚魚肝配赤貝、跟住到刺身(油甘魚、海胆、生蠔、鯛魚、章紅魚、同赤蝦)，之後接住係壽司拼盤有(燒海鰻、燒鯛魚、帶子、中拖羅、油甘魚、同海胆三文魚子飯)、跟住有一碗味噌湯，其後就係一個蟹肉豚肉鍋，蟹肉好新鮮好食，豚肉味美肥瘦適中，到最後再送上一碟豐富的甜品作結尾👍🏻這間一福，無論整體食物，環境，店員服務質數都好好，最重要係喺深水埗都食倒廚師發辨，這間高質日式料理值得向大家推介😋😋👍🏻

話說我地出左雙糧，我地決定豪一次，網上發現左不錯既日本野，一福，咁岩佢地出左新既omakase，好像不錯，已試下啦店內環境清潔，以招財貓做背景。首先前菜，康魚肝新鮮，濃郁肥美，配上新鮮甜美赤貝刺身，很開胃主菜到了，首先係刺身，用料毫不吝嗇北海膽真蠔很大隻，鮮甜嫩滑，配上creamy既海膽，很夾ar其他刺身赤海老，的鯛，天鯛，鰤魚，我最鍾意鰤魚，肉質肥美，油脂重，正壽司方面有系撚鯛，九繪，中吞拿魚腩，海膽三文魚子丼，穴子，用料新鮮，吞拿魚腩入口即溶，夠甜美，燒過既穴子，油香重又軟主角當然係海膽三文魚丼！魚子爆滿甘甜，配上新鮮濃郁既海膽，天衣無鏠最後主食，牛肉壽喜燒，份量很多，牛肉牛味重，肥瘦均勻，好食最後就係甜品，牛乳雪糕牛奶味十分幼滑濃郁，配上紅豆，煙韌既宇圓，達成一個完全既結局！ 埋單食左$1430，價錢上唔平，但用料很好，今餐係值得既！

喺深水埗嘅日本餐廳本身比較少，有omakase（廚師發辦）提供嘅更加係估佢唔到，雖然位處平民地段，但都提供高質素食物，以價錢黎講絕對物有所值，相比其他omakase直頭係貼地價。頭盤先黎安康魚肝配赤貝刺身，佢跟柚子汁令到個魚肝食起黎感覺無咁膩，魚肝又好甘香，配得好好跟住黎嘅係刺身拼盤，除咗大蝦、海膽同魚生外，仲有蠔添。之後到壽司同壽司飯，配特別配制豉油自家制麵豉湯，好足料。食到已經7成飽，再黎是晚我最喜愛嘅豚肉蟹鍋。豚肉濃香而且好滑，蟹肉更係超鮮味分量又多，個人覺得最正係呢道菜，湯都飲埋最後黎個巨峰提子軟雪糕甜品，清新消滯總括黎講，地方雖然不是特別豪華，但整潔舒適，價錢合理。唯一差少少嘅就係可能我地唔係坐吧枱，上菜時無乜介紹菜式。另外見其他人食單點都好唔錯，有機會會再黎試下

日本料理向來價格都比較高，今次來到深水埗，希望吃到平民價料理。餐廳不大，但也不至於要等位。不過座位就說不上很舒服。點了個壽司盛（$188）壽司款式不算特別，而質素及新鮮度都只屬可以。海膽算是甜的，但不夠鮮。蟹糕也是欠缺鮮味。其中最令人深刻的就是那丁點魚子，非常新鮮甜美。另外點了個刺身盛（$198）帶子有點薄，但還算新鮮。海膽沒壽司盛的鮮甜，不過相信出自同一批。魚類刺身說不上肥美，但用價錢衡量，質素算是差不多了。又點了個芝麻醬凍烏冬（$72）抵食之選！份量多，配料多！不過個人覺得稻庭烏冬還是熱的好吃。男友點了生啤一杯（$48）用冰杯上，更能保持啤酒溫度。值得一讚我點了白桃梳打（$25），沒什麼特別總結：雖然說不上很鮮甜，很美味，但以價格來說，總比某些連所壽司店有心思。而且店員挺用心工作的，值得一讚。

食過呢間日本料理覺得不錯，所有寫下食評！說一下裝潢並不算高級，但也十分整潔，有一個長長的bar 枱位置聽說這裡會有omakase 食，bar 枱應該係for 食omakase有個小食任選三款的set ($99)，也比較划算，所以就叫咗個set，包括：忌廉薯餅、芥辣生八爪魚、海膽蒸蛋。忌廉薯餅外面炸得非常香脆，金黃色的外層十分酥脆，內餡的薯蓉香滑軟綿，熱辣辣即叫即炸好開胃。芥辣生八爪魚是我的最愛吃的日本小食，芥辣味濃，入口就有一股辛辣的刺激口感，但又不會搶去八爪魚的鮮甜，吃得出八爪魚的鮮味。海膽蒸蛋樣子超級吸引，蒸蛋的蛋香濃郁，滑滑的口感加上用料十足，很豐富。當然也order了刺身，我地選了5款一福自選刺身盛，任選5款刺身，自由度高。刺身新鮮鮮甜，沒有雪藏味，而且每件也相當有份量，不是薄薄一片的北海道刺身丼，用料相當豐富，非常新鮮及高質好味黑蒜油豚骨拉麵，用料同樣相當之多，叉燒有成４－５片，真係好落本黑蒜香濃，但有點偏油，麵質彈牙，溏心蛋有點熟左少少，但裡面都係溏心的整體來說深水埗有如此水準的日本料理店真的很少有！而且價錢實惠又好味更是難得，希望佢地可以keep住個水準啦！

150蚊個海膽拖羅飯簡直係有欺騙成份。 我令願用正價食返第二間都唔再幫襯依間垃圾。 你話相片只能作參考都算， 連飲食男女幫佢拍條片都係流既。 成碗飯縮水超過三分二。 另外其他野食不值一提，拉麵整到成碗公仔麵咁。 黑醋豚肉拉麵？？？ 仲衰過出前一丁。 而待應個個黑哂成。 好似一入門口就得罪哂佢地咁。 最搞笑係有想問落單,咪揮手叫左個男待應， 但佢直行直過話唔得閒， 然後去執枱就冇理過。 即係坐左入舖既客係冇咁緊要， 做多枱客先最緊要？？？？

今晚又黎深水埗吃好西，平日黎深水埗多數食豬潤麵、車仔麵，但今日發現原來深水埗仲有平價高汁日本野。小店雖然唔大，但都有幾多食物揀，除左拉麵、仲有壽司、手卷、卷物、丼飯同料理。我地揀左個丼飯、加d壽司卷物。漁師風雜錦刺身丼 $128呢個刺身飯真係不得了，整個飯都鋪滿刺身，款式多，有三文魚腩、油甘魚、海膽、生蝦、吞拿魚，北寄貝等等，食落仲好新鮮。最特別係個飯底，每粒飯都有味，似用左醬汁煲成既飯，但又唔會太濃味搶左刺身既鮮味。軟殼蟹手卷 $22除左刺身飯，原來呢間店既所以飯都係秘製既，連手卷都不例外。軟殼蟹炸到脆卜卜，配埋沙律醬同秘製飯，唔洗點豉油都好好味😋✨明太子吞拿魚卷 $38呢個卷物好特別平時好少見，卷最入係明太子，食落有少少辣味，外圍鋪滿滿魚子，上面仲有吞拿魚蓉，口感豐富，鮮味。另外，仲點左穴子一本壽司、油甘魚壽、馬刀貝壽司、三文魚壽司。穴子壽司好大條，口感彈牙，饅魚味濃。另外三款壽司都好新鮮，色澤光亮，平均每件都係$7-$9，性價比好高。

上星期三和朋友到了一間日式餐廳吃晚飯 --- 一福, 這間餐廳位於深水埗, 距離地鐵站不算遠。我們點了八款壽司, 三個小食,兩款甜品 和兩款飲品。三文魚壽司和帶子壽司很鮮甜, 吃下去很新鮮的。另外, 那個和牛薯餅烹調得很有火氣, 吃下去很脆的。海膽蒸蛋也很美味。再者, 我們嚐了火炙鮭魚沙律, 我覺得這個沙律很好吃,第一次品嚐火炙鮭魚配沙律, 由於在其他餐廳大多是 煙三文魚配沙律的。飲品方面, 我們點了白桃梳打汽水和烏龍茶。那個白桃梳打汽水都有很濃的白桃味, 我還喝到有少量的酒味的感覺。最後到了甜品, 我們點了“日式梳乎厘軟雪糕” 和 “甜品拼盤”。這兩款甜品也很好吃的, 雪糕款式, 我們點了蜜瓜和牛乳味。甜品拼盤包括心太軟, 抹茶厥餅, 水信玄餅和奶凍。我最喜歡心太款, 朱古力味道很濃郁。我們抱著肚子脹脹的樣子離開這餐廳。最後, 若你是喜歡新嚐試日本食品, 不仿到訪這間餐廳嚐嚐, 地點很方便的。