一生懸麵 (荃灣千色匯I) (已結業)

食湯麵最易入口，喺商場裏面搵食就最好，唔使周圍行又涼爽今次同屋企人試吓呢一間，有沾麵同拉麵選擇，口味同配菜都可以自己選擇我地分別叫左一個檸檬柚子沾麵同埋白湯豚骨拉麵，小食叫左餃子同唐揚炸雞檸檬柚子沾麵，沾麵湯底都好濃郁，配上檸檬柚子，味道清新唔會覺得膩白湯豚骨拉麵，湯底一樣濃郁， 麵條都掛上湯汁，口感好好叉燒入口即溶，的確幾有水準另外2款小食餃子同炸雞都係即叫即整個炸雞好滑同幾Juicy餃子餡料都好足，外皮脆卜卜整體黎講都幾有水準，當自己去左轉日本啦

行過幾次見到呢間都好多人食同埋好多好評，今日到我一於去試下！（幸好可以趁冇咁多人嘅時段入嚟食下，食完轉個頭已經開始多人排隊了！😋）作為一個豬骨湯底迷，一定要試吓呢個特濃豚骨沾麵，佢個湯底超濃味又唔會太鹹，湯入面仲有好多豚肉粒（咁驚唔夠食另外加咗份叉燒，已唔係好大食嘅朋友可以唔使嗌因為佢本身嗰份都唔少！蛋都有兩隻！超足料）而令外辛辣麵，個人認為比想像中無咁辣，不太吃到辣既我都食左唔少！而且湯底入面都是有滿滿的肉粒的！而小食方面，餃子同炸雞都好出色（炸雞真係好大份），餃子個底剪得好脆內裏好熱口，大讚啊！

荃灣作為我同男友最近嘅市中心，當然要成日係戈到覓食啦～ 千色匯3樓中間就有大大間沾麵店，之前係旺角見到想食架啦，一於今次就試下一入去店員招待有禮，仲比我地坐4人位，座位寬敞舒適睇完menu介紹，就知道一生懸麵呢個名係指日本職人心態，用一生都在研究造麵，研究到極致，搞到我好鬼期待我叫左魚介豚骨沾麵，加蛋，加竹筍，結果多料到爆晒棚，都只係$100。我鐘意沾麵唔洗怕索晒d湯令麵條冧晒，每次食嘅時候浸一浸就得，浸一下香濃濃郁嘅魚介豚骨湯再放入口，真係唔可以淨係用好好味黎形容沾麵世一至於男友就叫左期間限定嘅檸檬柚子沾麵，好夏天嘅感覺，佢個湯會酸dd同埋清新d,不過我都係鐘意翻自己戈碗嘅咸味佔多章魚燒🐙唐揚雞都有翻咁上下水準，真係滿足！

平日六點幾，眼見都有好幾張吉枱，我們拿著一袋二袋，樓面卻死硬地要人坐二人bar枱，完全沒有服務可言，只不斷說二人都係要做bar 枱，真係咁都得？後生仔員工，生意唔係咁做，這樣的規矩和服務態度，食物再好都不會幫襯。

一生懸麵元祖店係旺角，之前已經聽過有好多人排隊一嚐沾麵。而依家佢係荃灣城市廣場開咗分店，趁住消費券熱潮就係夜晚拜訪一下呢間店~今次試咗網上大推嘅海老拉麵($83)同檸檬柚子沾麵($88)，見大部分人都選擇試沾麵，因為佢同出面唔同嘅地方係提供咗爐頭俾大家去加熱個湯，推薦大家選擇凍嘅沾麵，隨大家需要係咩熱度食沾麵。海老拉麵店家提供大量櫻花蝦，基本試cover曬成碗麵，如果鐘意食蝦麵絕對係大推，而且想試招牌沾麵嘅都可以揀海老沾麵，但因為見到佢有期間限定嘅檸檬柚子沾麵，所以就試呢款拉麵。而檸檬柚子沾麵酸酸的，好開胃，不過要小心湯底會隨住煮嘅時候太耐而變得太濃同過鹹。最後都加咗個唐揚炸雞，炸雞有5大塊，大大件，味道就不過不失。店家都提供咗檸檬水，因為拉麵都比較濃味所以最後用杯檸檬水fresh一下。而且最後都有一張蓋章卡，食滿指定數量就會有野送，不妨一試~

今晚遲左收工，重應承左陪個同事落荃灣千色買月餅，所以買完就諗住簡單食埋個晚餐先歸家同事推介呢間千色匯三樓既「一生懸麵」地方比起平時d拉麵店黎講唔算細了，都坐得舒服! 環境望落乾淨衛生餐牌選擇貴精不貴多同事點左白湯豚骨拉麵$68湯底好濃郁豚肉夠厚身夠淋麵質爽滑，而且有點掛汁效果我就點左辛辣拉麵$78湯底好香，加埋微辣，非常惹味半熟蛋半流心超正煎餃子$28煎得好靚，皮夠薄夠脆口唐揚炸雞$32有4件外脆內滑，有肉汁唔乾身整體拉麵同小食都好好味

來到荃灣千色匯有很多食肆可以選擇，有日式的，越南的，又有泰國、馬來等，最後選了吃拉麵，千色匯的「一生懸麵」地方都幾寬敞，午市過後人流逐漸減少。「白湯豚骨拉麵」湯味好濃，厚厚的湯底掛在麵條上，豚肉也是較厚身的有嚼口，溏心蛋富蛋香，還有爽脆的荀絲和紫菜，一碗美味的拉麵便吃得飽飽的。魚介豚骨沾麵 因一角青檸提升了整體的味道，麵條同樣爽身軟硬適中，沾麵用的魚介湯頭是用清湯底但已好足味，豚肉更以火槍燒過，增添口味。

今晚與家人收工吃拉麵，先拎飛仔再安心出行，店員就安排入座了。有埋紙袋收藏口罩好貼心。每人點一個拉麵唔同款可以試兩隻口味。點了海老拉麵加黑木耳，辛辣拉麵加义叉燒，唐揚炸雞，章魚燒。有冰水飲下麵好重要。海老拉麵-乾蝦香口鮮味，個湯底濃味。木耳對身體好通血管，有口感配合湯食更佳。流心蛋：蛋香味夠又有口感。辛辣拉麵-有少辣更加開胃，麵軟硬得宜。叉燒肥瘦平均，口感及味道更好。蔥花令拉麵更出色。章魚燒-熱辣辣，香口好味道。唐揚炸雞-即炸香口配合檸檬汁加沙律醬更加好味道。

荃灣千色匯餐廳商店都挺齊全，逛街後找地方晚餐，看到限定沾麵檸檬柚子口味吸引了我，裡面小巧帶日本拉麵檔風味。😍章魚燒很想念的味道，外脆內軟，粉漿份量剛好，加上八爪魚粒菜粒，配上醬汁和木魚，一大享受😘唐揚炸雞無骨雞肉炸得外脆內嫩多汁，炸皮不會過厚，配上檸檬汁和日式沙律醬，減少油膩感，香酥可口😜😜檸檬柚子沾麵上枱熱湯滾滾的，可自行選擇麵的軟硬度，麵條彈牙適中，一小撮麵沾上柚子檸檬熱湯，口味清爽不膩，帶有淡淡柚子香，檸檬店員會先放一邊，湯頭不會帶澀味，溏心蛋半熟口感一流👍🏻野菜山拉麵芽菜椰菜蔥花滿佈湯面，叉燒燒得外皮香脆，淡淡焦香味，肥瘦適中，脂肪肥美有咬口，湯頭清淡不過咸。😋整體來說，有種日本拉麵店感覺，上菜速度快而且會貼心提醒熱碟，希望繼續有限定口味！🤗

聽說一生懸麵開到荃灣了，今晚放工就來試試，早的話還能逛一會商場呢。這裡主要有沾麵和拉麵，也有一些小食如章魚燒、煎餃子、炸雞等。期間限定的檸檬柚子沾麵 $88湯底濃郁鮮香，有柚子香味，加上豚肉粒，味道清香宜人，可能為了較易掛滿汁的關係，麵條比拉麵的粗一點點。吃之前夾一口麵，放到醬汁中沾一下，沒有油膩感。烤過的叉燒有焦香，不會太燶海老拉麵 (蝦乾) $83跟沾麵一樣，拉麵有半隻半熟蛋、叉燒。最搶眼滿瀉的櫻花蝦乾，吃得很滿足。海老拉麵的湯底鮮香味濃，不油膩，鹹度適中。吃完麵之後我們把湯都喝清了章魚燒比預期美味，外焦內軟，配上柴魚片、海苔、mayonnaise，吃六個都不膩近年很多小店普通一碗拉麵都過百，以一生懸麵的味道和價錢，性價比很高，我們下次會再來！

自己好鍾意係日本拉麵真係會揾下有咩拉麵店好食呢間拉麵店好似聽過個名又咁啱行商場見到飲食指南有，就上去試下喇🌿環境：傳統日式拉麵店裝修風格，木系，簡潔舒適🛎服務：服務員殷切有禮，餐廳防疫意識很高，會提供口罩袋，每一張枱亦有提供消毒搓手液🥢食物：餐廳提供沾麵、拉麵、小食及飲品🟢檸檬柚子沾麵$88呢個沾麵係季節限定一聽個名就感覺好清新、解暑麵條選了偏硬，吃落更有口感個麵包括半隻糖心蛋、兩塊炙燒過好香嘅日式叉燒、鋪滿了椰菜，兩塊檸檬，可以用來調味個湯熱熱的、裏面全是洋蔥和香蔥，還有叉燒粒，湯底是淡淡柚子的香氣👍🏻👍🏻🟢雞軟骨棒$28好吃！必選！原本以為係粒狀嘅雞軟骨，上枱先知道係一條條的棒狀，而且質感更似雞柳，上面亦是鋪滿洋蔥、香蔥和芝麻，更有沙律醬和日式醬汁，口感非常豐富！🟢唐揚雞$32外層非常香脆，裏面雞肉很嫩滑多汁，檸檬汁同沙律醬調味，可口美味！總結：食物豐富有質素又幾大份，可再encore！

新界牛都可以食到沾麵嘞😋因為有呢間日本拉麵店囉！正正子😍😍當然要試吓一個湯拉麵，一個就沾麵，咁先試得清楚嘛👍🏼今次試咗店舖推薦嘅辛辣湯底🌶味道唔算太辣而且湯底有少少黏性，所以完全斟到啲麵🥰而麵底都幾多，真係好有日本食的感覺題外話，隻溏心蛋真係不得了！點解可以咁正㗎如果想飲湯底，可以預先同店員講聲，就會加入特製濃湯🍲另一碗就係湯麵了，海老湯底的，見到有咁多乾蝦就知嘞，湯底好鮮甜，正呀👍🏼麵底一樣都係好多好夠飽，好正呀！試埋小食唐揚雞🍗一咬入邊有好多汁而且外皮炸得好脆👍🏼真係值得推介喔除咗炸雞之外，去日本一定要食章魚燒🐙所以今次就試吓呢款嘞！入面真係有章魚㗎，雖然係細細粒，不過章魚丸就是要一啖一口才是最爽！題外話🗣餐廳環境可以睇到師傅即煮真係幾好睇👀有種睇表演的感覺👧🏻

沾麵幾時先可以去日本？無得去日本旅行，唯有食日本拉麵懷念一下，哈哈 。所以去荃灣行街，就去了眾安街荃灣千色匯食一生懸麵，叫兩個沾麵食食食………沒有加一服務費，單點價錢，埋單大概231元，平均每人115.5元。先講柚子沾麵，88元。裡面有流心蛋，叉燒，筍條等。微微食到有柚子香。麵條揀選了較柔，但食下去，還頗有硬度，都有彈性，有咬口。沾麵湯底較濃，偏鹹，重味。叉燒不硬，有咬口。海老沾麵，83元。一樣有流心蛋和叉燒，另外有少許露筍，有兩片檸檬，檸檬的汁流到麵條中，令整個沾麵有一些酸流流感，幾特別。沾麵湯底味道同樣好濃郁，偏鹹，重味。上面的櫻桃蝦份量超級多，滿佈整碗湯。另外，有叫燒餃子，28元。和唐揚雞，32元。燒餃子有五隻，味道正常，皮薄，沾些汁一起吃，不感肥膩。唐揚雞就有四件，每件都幾大隻，外皮脆香可口，雞肉嫩滑好味，加上又夠熱，一炸好就出枱面，所以好食。碟子旁邊有少許沙律醬，和檸檬，可以加沙律醬到炸雞一起食，微酸，更開胃，更好味。

今日去荃灣做facial，做完後約老公係千色匯等，一齊食晚餐才回家。行到千色滙三樓，就選擇「一生懸麵」食拉麵🍜。在門外等了5分鐘，店員就安排有坐位進入，當然要做安心出行，量體溫啦🤒️！進入店內開放式廚房，見到當中都是後生仔製作烹調食物過程👍。座位都坐得闊落，感覺環境都很乾淨👍。枱上巳經有點餐紙，我同老公每人一張落單紙，自己填喜歡吃的拉麵🍜。《海老沾麵》＄83湯香噴噴很濃蝦味，份量十足，還有半隻糖心蛋，叉燒焦味很香，麵質彈牙加埋青檸汁，味道清新😋。《辛辣拉麵》＄78辛辣湯底濃湯，食落辣辣哋，啱晒老公要食辣味😋。《燒餃子》＄28餃子薄皮，肉汁豐富😋。《唐揚雞》＄32雞件食落熱騰騰，很香口😋。

之前試過旺角分店很不錯！原來荃灣都開了～未到晚市不用排隊！馬上入坐（笑）店面好闊落～店員都好細心，會將食客分隔開坐！坐得好舒適，每枱亦都有提供搓手液同口罩套，讚！先來一客～海老沾麵湯底鋪滿海量櫻花蝦，濃而不膩！加上青檸汁又多了一份清新口感！火灸叉燒外脆內嫩，焦香味好香口，入口即溶！沾麵麵質好彈牙！麵條係全粒粉製成，比軟闊身～每一口沾麵掛到湯之餘，亦比普通的拉麵多了一份麥香！讚！友人點了限定的～檸檬柚子沾麵賣相超讚！配料除左有溏心蛋，仲有蘆筍、椰菜，好清新好健康！柚子檸檬配熱湯出奇地夾，湯底比較清淡但好醒胃，好適合近日天氣咁熱既時候食！值得一提～每台附設電磁爐，方便食客將沾麵湯底加熱！雖然今次沒試用～但設計很貼心！今晚胃口特別好，再追加兩份小食～（笑）雞軟骨棒～免治雞肉夾雜着雞軟骨，啖啖肉！配上芝麻、沙律醬及蔥花～香！必點！章魚燒～上菜是仲係熱辣辣！粉漿不會太厚，不錯！環境舒適～份量足！味道亦在合格以上！算是我荃灣區最喜愛的拉麵店～