一樂日本料理 (已結業)

尖沙咀之前新開左間放題 同朋友一直都好想試 今次考完試終於得閑去食估唔到呢間鋪咁特別係要用WeChat scan QRCode先可以訂到食物 同平時填表真係好唔同 不過又真係幾方便嘅每人可以揀一款帆立貝 我就揀咗蒜味帆立貝 真係幾新鮮 又大粒 燒得又唔錯食放題點可以唔食魚生呢度嘅魚生種類同平時差唔多 我幾鍾意呢度嘅三文魚同帶子 都好新鮮 三文魚好厚切 啲帶子好大粒 encore 左幾轉呢度嘅壽司整體都唔錯 甚至有海膽壽司 都幾多選擇 而我哋最鍾意嘅都係火炙三文魚壽司，鰻魚壽司encore嗰陣叫咗好多炸物都係必試 尤其是榴槤炸彈 睇得出真係好真材實料 榴槤醬好濃郁另外呢度都好多好多選擇係平時放題冇得食嘅 例如海膽茶碗蒸 燒茄子 明太子玉子燒等等真係幾高質最後仲可以任食Movenpick雪糕添

一樂放題既環境比起平時既日本放題店好吾同！地方大 座位距離遠 吾會人逼人 仲有私人包房！ 我諗哩個係佢既賣點黎！成個感覺好有格調！吾會嘈到傾吾到計一入到去有一行行既熟食！有個生蠔吧 飲品區 最特別係有鮮柞橙汁！ 見到有員工真係成堆橙拎過去啊！ 吾係將傾就價！仲有甜品 雖然選擇吾算多 但都好好味！大家吾好以為生蠔可以任食！ 其實每人要夾$48蚊！但係一定要加啊！d蠔好大隻！肉汁好甜 覺得自己係海係游緊水咁😇😇雖然奶味吾係好重！一個人食10個都不是問題！ 抵到喊！ 擔心太伏都可以打卡 同讚好fans page 就拎左一隻試食先！😍每人都仲有一個元貝食 好大粒！仲可以自選燒法！入面既選擇真係吾夠出面多！但每樣都超高質！ 特別係海膽蒸蛋！超好滑同有蛋香 上面有個小香菇 蟹柳同蟹虸🙊超正！刺身方面，三文魚一如以往既高質！ 但係佢既帶子都好好味！凍冰冰 同埋好新鮮食落去絕對吾會帶雪味！火灸壽司細細粒 可以試多幾款都仲有胃放啊！同埋佢既甜品係有榴連冰棒同movenpick 雪糕！（朱古力同士多啤梨）美中不足既係佢居然無芝士年糕啊！😭😭🔥希望可以加番😂😂

好滾動啊！終於可以一試期待已久既高質放題🎊講真！而家放題周圍都係！但係質素越黎越參差，吾係食物質素差！就係餐廳環境逼夾！吾可以好好享受😅先講下呢度既環境！絕對吾會逼夾，鬆動之餘！環境又靚😍裝修絕對吾會馬虎❤❤起碼吾會密集式咁坐！坐都坐得舒服啲😀食都食得開心啲入番正題！呢間放題價錢一般比出面高！當然佢既食物質素真係有番咁上下！款式吾洗多🎂最緊要夠高質😘三文魚刺身！魚油豐富！入口冰甜！食過番吾到轉頭😀😀仲有人氣之選！油甘魚魚肉同魚油既脂肪比例岩岩好！大大粒既鮮甜帶子🍎更加吾可以錯過！甜蝦大隻得黎又夠鮮味😋😋😋絕對吾可以錯過🤟🤟壽司方面！我個人而言最中意既緊係火灸三文魚啦😋5成熟既三文魚🍣就最迷人！魚汁同魚油都慢慢咁流係魚生片既表面！仲慢慢流入壽司飯入面❤軟殻蟹牛油果卷更加無得彈！炸到金黃鬆軟既軟殻蟹配埋熱到透既牛油果🥑其實仲邊有得輸呢？最正既係去到只要係facebook! share同打卡就每人送一隻手掌咁大既生蠔😍生蠔極度creamy! 好比我係澳洲食既生蠔🎊🎊中意瘋狂食蠔既人加48蚊就可以瘋狂任食🤤🤤

聽朋友講呢間放題唔錯 於是就同幾個朋友見仲有折就book 檯黎試下！😍環境比較闊落 坐得舒服 裝修都睇得出心機👍原來餐廳係用we chat 落單 呢個唸法又幾環保 雖然用起上黎要逐個禁 但係d 單又齊 可能唔洗人手check 冇漏單問題👍👍👍呢度有moverpick 任食！仲有其他韓國雪條 襯野食未黎 食翻個先 而且出面成個櫃都係甜品可以自己拎😆 飲品都有好多選擇 不過我最欣賞係呢部鮮榨橙汁機 睇住d 橙由上面榨落黎 再可以即刻飲 好健康 而且又唔酸 jeng🤤🤤🤤呢度d刺身咩都有 三文魚 吞拿魚帶子油甘魚 全部咩都有 而且又好新鮮 又夠肥美😭💕三文魚真係好肥美 油脂分佈都幾均勻！成塊放落口好滿足🤤🤤🤤呢度d 壽司都好多款式 最鍾意個煙三文魚 烤得剛剛好 好味 最後encore左🤤另外都鍾意個黑松露帶子三文魚 一次過食我最愛嘅刺身 又夠細舊一口食得哂👍😆每人可以簡一個扇貝 果然好新鮮 好厚身😍呢度d 榴槤炸彈係我食過咁多間放題最多榴槤肉係入面 一咬就爆榴槤醬 好香🙈😍羊架都燒得均勻不過有少少so 但肉質鮮嫩多汁 好juicy👍整體黎講 咩都有得食 而且環境闊落 食物高質 雖然價錢比平時

朋友有日突然約食飯，有男仔在場，所以就揀左平日較少食嘅放提店👻去到，店員細心介紹點餐方法同有咩優惠！一知道優惠，大家立即like and share Facebook，就可以送一隻生蠔！隻蠔都好新鮮同creamy😽呢度點餐同內地嘅餐廳相似！wechat add 佢個舖頭，再scan QR code,就有得點餐！咁樣做又方又環保♻️！每人有得揀一款燒帶子，肉夠厚同juicy!無燒到乾曬！高質！任點食物選擇都足夠，而每樣嘅質素都不錯👍🏻剌身帶子好鮮甜！三文魚夠厚又甜，十分推介！壽司大小適合女孩子一口食，又唔會食壽司飯食到飽曬！火炙都整得剛好，唔會過熟。羊胺好大件！肉質好淋，無咩羊蘇味！必點！燒豬頸肉燒到個邊好脆，送酒一流！串燒牛舌又厚又淋，時間控制得好好！甜品有榴連炸彈，外脆內軟，榴連控可以一試！外面重有movenpick任拎😽好滿足！

聼朋友話厘間放題唔錯 今日特登去試下! 先講環境真係幾好 間格比較寬鬆 坐得好舒服 餐廳內點菜係用手提點 落單好方便 上菜快值得一讚！🤗我首先食左刺自先 我試左好多款刺身包括三文魚 吞拿魚 油甘魚 鯛魚 帶子等等 刺身非常新鮮 擺得好靚😍再試其他壽司卷物包括火炙魷魚海膽壽司、櫻花卷同其他各式各樣壽司，全部都新鮮而且飯底好細舊😄食多幾件都唔會甘快餓！我係海膽迷，最欣賞佢既海膽菜式,特別係個海膽手卷及海膽茶碗蒸蛋，甘甜軟滑 ! 焼物款式不算太多，但每様都水準不錯，我試左燒牛肉、燒雞串，燒蝦，牛脷同菠蘿，每款都好味，燒得剛剛好，好juicy 🤓飲品選擇都多，有汽水，茶同唔同牌子嘅啤酒仲有鮮榨橙汁，正！反而佢送既燒大忛立貝較普通，送了兩隻日本生𧐢，口感係creamy個種而且有啲惺，唔啱我口味😳😳😳最後甜品環節估唔到有Movenpick杯裝雪糕和韓國牌子雪條，仲有我最鍾意嘅番薯糖水，真係大滿足！

之前聽朋友講尖沙咀嘅呢間一樂放題好好食，比起一般嘅放題感覺高級啲，所以今日夜晚就嚟咗呢度食。果然呢度真係同平時嘅放題感覺有啲唔同，地方闊落啲，唔會有好迫好嘈嘅感覺，而且仲可以自己出去攞甜品，嘢飲，仲有少少其他食物。呢度比較特別嘅地方係用wechat scan QR code點菜，一開始我哋load唔到，不過呢度都有提供Wi-Fi ,方便客人點菜。雪糕係自己出去攞嘅，所以一坐低未點菜之前，我就已經攞咗一杯雪糕嚟食住先🤣🤣嘢食方面都有好多唔同嘅選擇，而且全部都幾好食特別係覺得火炙嘅壽司好好食，所以我哋就encore左火炙三文魚壽司同埋火炙鰻魚壽司🍣因為見到隔離枱有一大碟菜食，所以我哋都係出去order左份西蘭花🥦另外每人會有一隻帆立貝，我就揀咗香草香蒜味😋

平時食放題都算多，港九新界都試過咁濟，今次e間都係撞手神，點知又唔錯。佢算係d商廈到，原本都唔expect佢好食，點知一入都去覺得環境都ok，唔算話大但係有空間感，其實驟眼睇係似buffet多過放題，因為佢分左幾個bar，有人即場炒菜，有生蠔bar，又有甜品位咁。不過講起生蠔就傷心，原來唔包，要每人加48蚊先有得食，因為其他frd都唔食所以注定無緣。有樣特別，佢點餐唔用紙，而係用wechat scan no. 自己點，好係環保，唔好就係個app唔係太穩定，都要搞一輪。Overall黎講，佢所有野食都算高質，不論刺身，甜品，肉食都好唔錯，唔係平時d放題為求加多個choice hea整。其實一開始係有d失望佢少choices,但見佢係重質不重量所以都收貨啦！細講返，刺身三文魚算鮮，不過刺蝦有小腥，帶子貝類都鮮甜。牛舌熟度控制得好，不會太難咬。要讚佢有即炒蔬菜部，現場煮，岩曬健康一族。橙汁都有部機鮮榨，冇加糖，新鮮甜美。甜品方面榴連炸彈好重味，雪糕有movenpick ice-cream jeng!Overall係推介，如果撞正特價就衝啦，同平時放題比無論環境食物都高一class.

經朋友介紹黎左一樂 我地食2045-2330，個日仲要係星期三所以系免加一，食2小時45分鐘，都只系348一位炸！仲一人送一隻龍蝦添阿！2小時45分鐘簡直完全適合我呢d中意食完再抖抖完再食。由於book左枱，所以吾洗等位，加上我地仲早到左，佢都俾我地照入去食💪🏻就等於3小時放題。呢到系用wechat點餐，種類繁多，需要d時間去睇下😂我地叫左生蠔、甜蝦天婦羅、榴槤炸彈、炸軟殼蟹、燒菠蘿、鹽燒蝦、燒牛柳同燒牛舌、刺生拼盤、蟹粥、仲有燒三文魚頭👅生蠔新鮮又肥又鮮味，食多幾隻都回本🤩天婦羅同軟殼蟹炸粉不太厚仲熱辣辣，榴槤炸彈好煙un 咬開仲有榴槤蓉爆出黎(👈🏻榴槤控值得推介👏🏻)，燒菠蘿暖暖地好多汁好甜，個燒蝦要啜埋個殼先正，但又吾會覺得蝦冇味，一口牛柳好嫩，吾會過份熟，牛舌冇得彈！吾un爽口有牛味！一個人食左5串，刺生好新鮮甜既！冇腥味色澤都好靚仔！蟹粥既質地吾會太稀，好重蟹味添阿，三文魚頭竟然多肉！不過要like左一樂個page先送架！坐位闊落，氣氛相當好，食都食得好舒服，而且時間甘充足，點會吾夠時間慢慢嘆阿

今日收工同朋友一齊去左間叫一樂食放題，地點尖沙咀寶勒巷，都近地鐵站同好多巴士站，因為我由觀塘去坐215x 唔洗20 分鐘就到了。我地一枱四個人訂左食20:45，好彩有訂位因為都幾多人。佢哋落單都非常新穎，係用wechat 落單，唔洗好似其他放題等咁耐，落單後都好快送到。佢哋既刺身都好新鮮，特別係吞拿魚非常鮮甜同肥美。佢哋刺身都仲有好多選擇，三文魚，吞拿魚，油金魚，赤背等等 係壽司方面芝士火焰三文魚燒得啱啱好同唔會太大件，令你食唔到其他野。手卷方面海膽手卷最為出眾，好新鮮完全沒有苦澀味除咗刺身同壽司之外，佢哋都仲有其他熟食，呢個豬頸肉就真係食到停唔到口。另外佢哋呢個牛柳粒都非常特別，加入左少少辣椒令到牛柳粒非常嘢味。另外佢地仲有串燒，燒菠蘿都非常好食同牛舌同好軟好野味。另外每一位客人都可以叫一刻燒帆立貝，同有三個味可以選擇我就選擇咗香蒜焗帆立貝，蒜油完全深入帆立貝更帶出帆立貝嘅鮮味最後佢地甜品仲有movenpick 雪糕，有朱古力味同士多啤梨味。午市 *逢星期六、日及公眾假期12pm - 3:30pm 成人 $268／小童 $168／長者 $188 晚市成人價 （6pm - 8:30pm

已經第二次幫襯一樂食放題主要原因：1. 環境非常寛闊舒服，比一般日式放題真係冇得比，同朋友傾計一流！座位私隱度非常高, 唔會聽到隔離枱傾計嘅內容👍🏻2. 用微信落單，一來環保，二來真係冇咩甩漏，而且送食物速度非常快，唔會拖你時間，真係好有誠意嘅餐廳👍🏻3. 食物質素較一般日式放題高，食物比較雅致，味道亦非常好，連杯杯碟碟都好靚，全部用玻璃，一定見唔到黑色嘅膠碟😂😂😂4. 價錢非常合理，仲平過其他日式放題，如果長者嘅話更加係188，如果加＄45，仲可以任食生蠔！ 抵抵抵！👍🏻朋友最欣賞係魚生，真係非常新鮮！任食生蠔counter我最欣賞係串燒系列，特別推介雞肉串、茄子、菠蘿、同🦐，真係食完再食！👍🏻👍🏻👍🏻✨其餘推介食物：燉蛋、苦瓜炒蛋、海鮮粥、燉湯、雪糕👏🏻👏🏻👏🏻以日式放題來說，我真係好滿意這間餐廳，價錢大眾化，招呼非常殷勤有笑容，食物環境質素好過其他日式放題餐廳，所以父親節都會推介家人！😊

為咗慶祝母親節，我哋又去食放題啦。揀咗一間新開嘅尖沙咀放題。環境佈置幽雅，坐位舒適寬敞，相比一般日式放題真的好好多。最特別係呢度要用微信自助下單，唔會漏單，值得一讚。我哋最鍾意就係食刺身，梗係叫一大盤刺身一齊分享啦。刺身有十多種類選擇，見到盤刺身咁澎湃，淨吃刺身已超值。另外，每位客人送一份扇貝，我地三人選用清酒煮，蒜蓉蒸，茄汁香草燒 ，每款都好鮮甜極美味。其它都係一般放題嘅燒物，壽司，天婦羅等等;另有燉雞湯，炆花膠都唔錯。不過嗰炸鮮奶球同榴槤波，相當脆口滋味。我最喜愛的燒羊架就有D失望。呢間放題好有酒店特式，有熱騰騰嘅熱葷，即炒意粉，仲有豬腳薑添。甜品櫃放滿各式各樣嘅甜品，一定能滿足喜愛的人士。最欣賞佢有部鮮榨橙汁機，鮮甜又美味，都不知飲咗幾多杯。最後吃埋至愛瑞士雪糕，真的大快朵頤

一樂預祝母親節最佳嘅活動，就係陪屋企人去食佢哋鍾意食嘅食物。屋企人好鍾意食放題，最鍾意就係食刺身，放題嘅食物種類亦都好多，能夠滿足大家嘅需要。/「酒店式放題」真係好吸引喎，趁宜家做緊晚市優惠，就同爸爸媽咪一齊試吓。餐廳嘅裝修，最大分別，就係比一般嘅放題，座位更加寬敞。一家人，除咗食物之外，環境都好重要，一個舒服嘅環境，大家可以傾吓計。呢度有長方形四人座位、有圓形的座位、也有適合一班人以上的小房間，座位與座位之間，也有一些類似屏風的設計，增加了私隱度。入座之後，大家都奇怪，為什麼店員沒有遞上餐牌呢？原來這裏的點餐服務，真的十分先進。在座每一位，只需要加入一樂的微信wechat，透過掃描檯號的bar code，邊能夠點算自己喜愛的食物和份量。這個方法，不但環保，據觀察所得，點錯、落錯單和漏單情況也有改善了呢。/食物種類：刺身、天婦羅、爐端燒、串燒、炸物、壽司、刺身、手卷/放題與酒店式放題的分別：黑毛豬鞍平常我們到酒店吃自助餐，總會總喜歡吃牛扒，喜歡看到廚師為我們切出喜愛的部份。這裏也有類似的服務，特別喜愛黑毛豬鞍，顏色呈鮮嫩的粉紅色。驟眼看來，好像是六成熟，爸爸媽媽擔心豬肉是否不能夠太生，

落單要裝大陸app wechat 先落到， 一係就佢借部tablet 你落單，好麻煩。一黎唔裝多餘app, 二黎仲要係大陸app, 三黎佢借你部tablet 廢到落單都hang 機斷線又掃唔到qr code, 體驗極差。有乜理由要裝大陸app 先落到? 唔裝起碼俾張傳統紙仔劃下都冇咁嬲，但竟然係俾部頹廢tablet 你落單，仲要搞勁耐先落到一轉，唉!食物質素方面尚可接受，但款色唔算多。上菜速度ok，但不時會漏單。環境寬敞。

諗住慶祝母親節食餐好，點知中伏🔸一入餐廳先付款，感覺有少少怪，再要以微訊點餐，對於老人家唔太方便🔸我揀咗任食生蠔，大概$400左右的一位，對食物質素當然有少少期望～ 好可惜，失望到爆！食物款式少，唯飲品選擇多～🔸唯一可取餐廳座位寬度，裝修時尚～但完全唔會建議大家去食因為食物水準同價錢差太遠，同等價錢的放題，好多間都好過呢間刺身勁勁勁普通～ 唔肥美之餘，咁多款，得甜蝦係合格～生蠔平平無奇，標榜由師傅即開，但其實每一次按人頭數上桌，而且傳遞時間由餐廳控制，全晚一人食得3隻，諗住狂食的要有心理準備，未必如願～有兩樣垃圾級食品～ 醋煮牛舌及法式龍蝦湯唯一覺得好食係油甘魚壽司同火炙左口魚第一次食放題係唔夠1小時就停，仲要可以食兩小時，我個半鐘就主動離開，真係差到喊