一樂日本料理 (已結業)

用wechat下單，減省使用紙張，值得一讚。訂座優惠條款規範太多，又要落訂金，又要早一日前與員工確認優惠才可使用，未試過訂座食餐飯要睇咁多字，又唔係团購，何必做到咁？係咪其實就係博啲客冇睇清楚條款就慳番唔比。。地方坐得都算舒服唔算迫，但餐廳樓底低，同枱傾計好似鬧交咁。

因為今晚要帶爺爺嫲嫲食飯，朋友介紹一樂放題比我。佢話果度地方好闊落 坐得舒服，岩哂一家大細同老人家。店員安排我地坐半圓型卡位，真係好鬆動好舒服 哈。第一次黎 感覺唔錯蠔仔粥好多蠔仔，好鮮，無腥味，又夠熱燉雞湯個碗我好中意雞湯好清好重雞味，美中不足係唔夠熱，好似室溫咁，扣少少分。超正，佢呢度有個自助小炒部，可以自己去叫廚師炒菜，馬拉盞/蒜蓉/薑汁等等都可以自己揀，幾有新意炆花膠味道偏淡，一般好味。自己加湯既熱烏冬有得食又有得玩烏冬煙韌彈牙，加埋熱麵豉湯，好味炒牛柳粒好香蒜味，稍為有點韌。泰式酸辣鳳爪好好好好味，夠酸夠辣海膽蒸蛋海膽加蒸蛋原來好夾，質地滑嘟嘟，好香口食飽飽仲有甜品歎，細細份，可以試多幾款！最想一讚係呢度既服務員，全程做野都好爽手，清碟好有效率。見我果枱有老人家，上熱湯或鐵板之類食物時，好細心放入d,又提我地小心燙手，真係好貼心

平時我不吃放題，但是今晚我朋友話這間放題幾好吃所以我們去試試，結果吃了一間近年最難吃的放題店，魚生不好吃，叫乜冇乜，還要說我的時段是繁忙時間所以價錢貴一點，但是一坐低叫油甘魚魚生，等了25分鐘魚生到了但是沒有油甘魚這就是繁忙時間的嘢食，最貴的魚生就沒有了，如山種類又不多，而且諗住出去取mp 雪糕，但又冇晒，要鬧先至再拿出來給客人取，店員又少沒有人來取落單紙，總括千祈不要去幫襯😡😡😡😡😡😡😡

依間放題係朋友慶祝完生日飯大讚好味環境又舒服，推介比我黎慶祝生日！！！的確無介紹錯，我都好滿意！！！依到好新科技化用手機下單既，又方便又環境！！！• 海膽蒸蛋，依個配搭出奇地夾！！！• 炒蝦好野味！！！• 海膽手卷，海膽好新鮮色澤都好靚，味道鮮甜！！！• 蜆肉脹卜卜好，肥美鮮甜！！！• 依窩蠔仔粥上枱重好熱，正！！！蠔仔份量都好多，重有d雜菇伴煮， 食落唔腥好香蠔味！！！燒鯖魚，燒得好靚，充滿魚油，魚肉口感結實！！！• 刺身款式不算多但勝在夠新鮮，點幾多真係比到幾多！！！• 依到花膠都有得食，味偏清淡，膠質黏口！！！• 每位只需另加$48，即可任食生蠔，超抵食，• 炒通菜，超好味，好入味，用馬拉盞炒好野味！！！• 海鮮粥有蟹唔霉，又有蝦，海鮮令個粥底好鮮甜！！！

今日和朋友去一樂食早段放題，上到去感覺環境好舒適好乾淨，裝修好特別，侍應招呼我們坐半 弧型設計卡位，再問我地會唔會加$48追加蠔，咁抵緊加啦，D蠔真的好鲜甜，好彩有加，除此，食物上枱速度快得很，真係無空檔時間令你覺得飽，食呀食呀，好滿足呀🤭晚市放題即送😍北海道噴火灣珍寶帆立貝1只👏自選即開3款磯燒方法烹調👍仲可追加💪加$48任食空運🛩到港直送生蠔 (全枱客人計)首先立即叫生，每隻望落去都白雪雪滑lulu，洗得好乾淨，食落仲好鮮甜😙然後出去大大嘅飲品櫃揀野飲，再叫刺身，手卷， 壽司飯等擺設绝不馬虎，刺身厚薄度切得刚好，壽司飯一粒粒带醋味軟绵綿食過不停😋跟住有送嘅磯燒帆立貝，再點些熟食，有串燒，蒸蛋，天婦羅，酒煮蜆，軟殼蟹，馬拉盞通菜，牛油粟米，海鲜粥等等……最後點了些甜品有炸鲜奶和炸榴槤球作完滿结束，好飽，其實出面有甜品櫃和雪糕櫃，但巳经食唔到咁多，唯有下次再戰一樂時再食過，雪糕有我最愛嘅movenpick士多啤梨味😍太多野食了，不能放哂上黎

經過尖沙咀厚褔街。中午又食唔飽。於是試日式放題。第一次來。食物款式不算超多。但都唔少已夠了。質素其實比較重要。刺身新鮮好味。讚。炸物卻比較多油。過得去吧。串燒也好味，但不算出色。因為沒做到外脆內軟。本來要加Facebook才有燒元貝。但我沒有，經理也送給我。抵讚。燉湯無味精。好喝。特別推薦胡椒蝦及炸鮮奶。其他放題較少吃到。甜品有movenpick雪糕。但只有士多啤梨味。幸好還有其他品牌雪糕。好多選擇。其他甜品也有一杯杯果凍。頗多選擇。特別一提這裡有鮮搾橙汁任飲。其他地方無。環境方面，坐位相對寬敞。不會覺得擠逼。這裡標榜酒店級放題。我認為是符合的。價錢300港元很合理。抵食。值得再來。

一班朋友聚會, 想一個價錢同時滿足咁多人口味, 最佳選擇一定係放題!記得半年前左右去過尖沙咀一樂食放題, 印象唔錯, 座位闊落, 所以就建議大家今晚去一樂食放題。相隔一段時間, 原來呢度既價錢比之前平左, 每位入座送龍蝦改為扇貝, 任食生蠔既話就要每位額外另加HK$48, 對於一D唔食生蠔既人黎講, 可以選擇式加錢, 係最好既安排~一樂放題落單以手機APPS Wechat order野食, 店內有wifi, 所以唔擔心數據慢要等load…天婦羅、燒物、前菜、串燒、壽司、刺身、手卷都有供應, 款式唔算太多, 但部分野食可以到外面既吧檯自取。野飲方面款式多多, 放滿幾個大雪櫃, 不過餐廳暫未拎到酒牌, 所以酒類飲品當晚未有供應, 而放題中最為少見既即榨橙汁機, 無額外加糖, 全晚可以任飲咁健康既新鮮即榨橙汁, 香甜, 應真少有。入座起人頭計, 每位可以自選味道既燒扇貝, 我就揀左蒜蓉扇貝, 係幾惹味, 但扇貝裙邊燒得較乾放題主打既刺身, 以冰墊底, 包括有三文魚、油甘魚、吞拿魚、鯛魚、蝦、鯨龍、帶子、赤貝、北寄貝、希靈魚、螺, 剌身款式都幾多。所有刺身都很新鮮, 但三文魚唔係有豐富魚油果種

一入到黎就覺得呢到夠哂闊落，仲要可以用wechat落單，好跟得上潮流。由刺身講起先，個賣相同味道都好得，質素一致高質。同個朋友一人嗌左一個手卷試，我個鵝肝都幾大塊，好香口肥美，佢個海膽都夠鮮甜。呢間放題特別多創作壽司，通常都以為會伏，點知好好味，配搭都好夾，尤其係腐皮壽司加海膽同甜蝦，唔使加豉油都夠哂鮮甜味。唔敢食太多炸嘢，只叫了蟹柳同南瓜天婦羅淺嚐，點知超級好味，特別係南瓜，就算好大舊但入口一點都唔硬，好軟綿鬆化香甜，最後忍唔住叫多左兩件。見到燒物竟然有玉子燒，拿拿臨嗌左兩串，仲要加左沙律醬好細心，口感細緻，咁樣成條攞住食又幾過癮。菠蘿都係必食，多汁夠甜。我係蛋fans，嗌齊茶碗蒸同溫泉蛋，都唔錯，足料。大食朋友仲嗌埋牛肉鍋，一啲都唔馬虎，牛肉半熟嫩滑，娃娃菜浸滿日式壽喜燒醬汁，就算飽都清到哂。最後要特別講下擺係出面嘅榨汁機，係新鮮橙汁呀！！！！！太令人感動，無諗過咁有心。

今日約左朋友去一樂食放題去到環境又大又舒適，我們大約6點到人不多，帶左我們坐卡位一去到就問我地會唔會加$48追加蠔，見到咁優惠就加錢真係好大隻又新鮮好肥美，即叫即開食到停唔到口晚市放題每人即送北海道噴火灣珍寶帆立貝1隻，有3款磯燒方法烹調俾你選擇我簡左清酒煮食放題點少得刺身每款點左黎食，都很多款有吞拿魚、三文魚、鯛魚、甜蝦等等，味道都不錯點左幾款壽司食創作壽司都很不錯再點左熟食有茶蒸蛋，味道不錯用料豐富香檳煮蜆平時用開清酒煮，有啖啖酒香不錯食番蟹粥暖暖胃，即叫即整，熱辣辣送到面前之後仲點左件炸榴連試下，好濃郁的榴連味，外脆內軟意外驚喜。飲品種類都好多唔想飲凍飲旁邊都有熱茶同茶水飲用出面還有甜品櫃和雪糕櫃，任你選擇

今日晚餐同女朋友搵左呢間放題食，新開架，記得前身係相撲手。新野就決定試一試佢門口寫明價錢，價錢唔貴，唔同時段有唔同收費，我見最平便到大約200蚊一位，正。大家記得留意對我黎講好新穎呢到係要自己用Wechat落單架! 冇wechat既記得downlaod定不過，如果有人真係用唔到/冇電話/唔識用，我見佢地都有實體餐單比呢d客，體貼好多好多款飲品。有movenpick雪糕我食左4盒另外加錢有得任食生蠔，今日唔太想食蠔，想食其他野，所以我冇加。不過關注佢地都有1人1隻蠔試食真心勁肥美，下次我黎到一定會加錢任食入面都有唔少自助既小食，唔錯主題到喇刺生好新鮮，我地2個食左3轉海膽手卷，d料好多，好好食壽司大家都可以叫黎試下，唔洗怕食壽司飽唔抵，佢好細件架，一啖一件，同時好好食，要叫黎試下燒物都一絕，其中呢個茄子係我至愛呢間放題性價比好高，明顯比其他放題有心同高質

好耐無食放題，趁七一假期去回味一下吧！無意中畀我發現「一樂」嘅前身，竟然係「相撲手」！之前食過「相撲手」，食物質素唔錯之餘又抵食，但無奈已經結業了。依家開返間「一樂」，我哋又可以再次大快朵頤。是晚準時來到餐廳，地址依舊，人面全非。「一樂」以寛敞的空間、時尚新穎的面貌展現人前。隨著科技日益進步，智能化點餐已成趨勢，只需要用wechat掃一下QR code及餐枱號，就可以隨意開始挑選食物，非常方便快捷，上菜快，漏單少！刺身刺身嘅種類都唔少，賣相夠靚。三文魚厚切，但唔夠鮨香。油甘魚、吞拿魚、鯛魚、鯨龍魚等，魚味唔重。刺身蝦肉企身，但唔鮮甜。赤貝、北寄貝等十分爽脆。帶子鮮甜爽滑。希靈魚爽囗非常，唔會過酸。壽司好鬼鐘意食呢度嘅手握壽司，除咗件件精緻小巧，一夾唔會散開之外，飯糰口感十分鬆軟，放進口中會粒粒鬆開，令人雀躍，胃口大開。尤以火炙類更受小妹歡迎👏，當中最好食嘅係火炙三文魚腩壽司，火炙過後，油脂豐腴，比三文魚壽司更為滋味！火炙蒲燒鰻魚，蒲燒醬汁味道好好，令鰻魚吃起來好香嫩。火炙海膽魷魚，魷魚嘅爽脆彈牙加上海膽嘅鮮味，配搭很讚。火炙海鹽左口魚，火炙後更為油潤嫩滑。火炙黑松露帆立貝，一啖一口，味

預約了8:00pm放題，一位$288加一食生蠔另加$48一位，要全檯加，無得一個加一個唔加，不過啲生蠔不新鮮，黑色的，食到想嘔（本身好中意食生蠔，可以食一打，但食左三四隻後都食到想嘔，可見生蠔質素程度）呢間餐廳好特別，用wechat自助點餐，如果無用wechat就可以叫人黎點菜，不過啲侍應話會慢點！以我經驗，我wechat落完單不斷有東西無黎、漏單，吹左侍應最後係cut order先補返一樣！仲以為高科技點餐會有效率及更準確！食物不過不失，最好的是movenpick 雪糕！

這是一間位於尖沙咀的日式放題餐廳，光顧的客人有不同年齡階層，亦有內地同胞遠道而來。晚餐的用餐時間絡繹不絕，款式有很多，有生蠔，熱食，意粉，亦有movenpick 甜品，價錢連加一只是$300/位！在尖沙咀這個競爭大自市區算是正常價了！很久沒有經歷過，餐廳會用電子app下單了，在這方面香港好像落後了很多。至於食物方面，我選擇了不少刺身，帶子，蝦，三文魚，吞拿魚等，都幾新鮮肥美。我也點了海膽手卷和拖羅香蔥三文魚粒手卷。海膽不苦，可惜沒有海膽刺身和壽司選擇。另外，餐廳設計都要順帶一提，有不少六人大枱，加上一些半圓形的餐桌和椅子，配襯起來，整個環境都令兩人坐得舒服。沒錯！兩人可以坐得這麼舒服！實在難得！

食放題最怕坐得迫同埋食物種類少，朋友介紹黎食，呢間放題店完全呢個問題，座位寬闊之餘仲有好多食物選擇！飲品櫃有好多飲品選擇，本地嘅同韓國嘅都有，拎左枝蜂蜜柑桔茶飲。除此之外，最好飲嘅就係即榨鮮橙汁，睇住啲橙碌落部機度榨好得意！然後有自助熱湯烏冬，湯底甜，好正，食左兩碗。落左單後食物好快就到齊，完全無漏單！壽司拼盤入面，最鍾意嘅始終都係火炙左口魚壽司！而刺身都好新鮮，啲雪由頭到尾都無溶過。炒粟米，牛油好夠，正！燒牛舌，薄薄地好味道！茶碗蒸，蛋夠滑！燒玉子，蛋味濃，配沙律醬好味！牛肉窩，湯底甜，都好好味！燒翠玉瓜，好鮮甜！雞翅燉湯，無乜味精味，清清地唔錯！茄子正！最後食埋movenpick雪糕，非常滿足嘅放題！