一杯鐵板燒居酒屋

營業中

休息中

呢間餐廳係APM好多年喇, 佢既質素有一定保證!佢裝修得好有日本風，好有特色🥰今日中午食左一個安格斯牛鐵板燒餐，元貝天婦羅烏冬，同埋一串牛舌！首先是牛舌串，好好味呀。牛舌經過燒烤後，外層微焦，內裡依然保持嫩滑，每一口都感受彈口和濃郁的牛肉香氣， 好入味。調味恰到好處，好香黑椒味。評分：👍🏻👍🏻👍🏻👍🏻👍🏻/5跟住係元貝天婦羅烏冬，本身天婦羅的外皮應該好酥脆，但個人覺得略為遜色, 咬落去元貝少少UN。而烏冬就幾好食喎，麵條彈牙，而且又好滑，搭配上醬油湯底，唔錯唔錯。評分：👍🏻👍🏻👍🏻/5最後是安格斯牛鐵板燒定食。鐵板燒的牛肉塊外層焦香，內裡嫩滑，每一口都充滿了肉汁。配菜的選擇也恰到好處，尤其是豆芽，清爽的口感與牛肉的濃郁形成了絕佳的對比。整體定食的搭配讓人非常滿足，既有肉類的豐富口感，又有蔬菜的清新。評分：👍🏻👍🏻👍🏻👍🏻/5我想講，佢個小食係醃鰻魚，酸酸地好好味，送飯一流👍🏻👍🏻整體用餐體驗不錯，有美味既食物，值得再次光顧。整體味道指數：😋😋😋😋/5性價比：💰💰💰/5環境：❤️❤️❤️❤️/5服務：✅✅✅✅/5

食材新鲜，刺身口感不错。大阪烧点了贝柱，鱿鱼和豚肉，味道感觉就像是放大版的章鱼小丸子，非常喜欢。必须好好夸夸点选的啤酒，泡沫有股奶香味，细腻顺滑，酒的回味微甜，对酒精一般的我来说，这款啤酒值得拥有！下次还会再来的一家居酒屋！

我最近到觀塘apm的「一杯居酒屋」用餐，留下了深刻的印象。他們的牛肉烏冬湯濃郁牛肉味十足，讓人回味無窮；免治雞肉串燒入味鮮美，每一口都帶來驚喜。我更是喜歡他們的蜜桃梳打，真實的蜜桃味道讓我驚艷，比起平常喝過的更勝一籌。除了美食，「一杯居酒屋」的服務也令人印象深刻。職員服務態度親切周到，主動為客人整理食物位置，讓用餐過程更加順暢。而且價格方面，兩個人共花了$600，性價比非常高。總括來說，「一杯居酒屋」給了我一個美味又愉快的用餐體驗，我肯定會再次光臨，享受這裡獨特的居酒屋氛圍和美食。

昨晚約同三五知己到官塘APM商場的日本食店‘’一杯鐵板燒居酒屋‘’晚飯。這間食店我都係第一次光顧，雖然店舖面積不大，但都坐得舒服。鐵板炒雜菜 $88熱辣辣的鐵板炒雜菜端出來香味四散，雜菜感覺爽脆和鮮嫩。炸雞香葱汁 $78炸雞外脆內軟，食落還有濃濃的香葱汁味滿佈口腔裏，滋味無窮。胡麻火炙三文魚 $238這道菜真是非常好味，燒到半熟的三文魚，加上數粒三文魚魚子，再配上胡麻醬，食落感覺特別。一杯關西燒 $88這道菜頗有特色，粉皮裏包裹著軟淋淋的椰菜絲、爽脆牛筋粒和牛舌粒，再配上燒汁，層次感十足。豚平關西燒 $78薄薄的豚肉片掛上燒汁和沙律醬，味道唔錯，且肉質不覺鞋，但可惜肥了一點。三文魚刺生 $98三文魚刺生肥瘦均勻，食落感覺肥美、新鮮和嫩滑，一試難忘。特上壽司十貫 $298壽司有著不同的種類的魚生，頗多選擇，很有滿足感和感覺新鮮。汁燒日本魷魚 （原隻）$180魷魚感覺新鮮和厚身，食落還有濃濃的燒汁香味，豐富了我的味蕾。白身魚石鍋鯛魚湯 $178熱烘烘的湯端出來芳香撲鼻，裏面有鯛魚塊和雜菜，可惜鯛魚肉質比較鞋了一點，但奶白色的濃湯就非常好味，感覺清甜可口。

收工去APM行街 經過見到商場少見嘅居酒屋 於是決定試下佢 因為唔係幾肚餓 所以少少地叫左關西燒二品、十貫壽司同埋燒雜菜壽司盛魚生新鮮 每件都幾好食 唔會好似有啲壽司拼盤咁 總有件係伏關西燒我地order咗2品 小貝柱同雞肉 小貝柱增加口感 雞肉冇乜存在感整體都好食燒雜菜味道普通 不過不失 因為習慣食飯有碟菜 所以先order😂另外見到啲酒精飲品都幾吸引 下次嚟再試少見大商場入面嘅居酒屋 地點方便就腳 好適合朋友聚會 推薦大家嚟試下

久違的《一杯鐵板燒居酒屋》～2011年開業期間經常光顧～後來因為每次來到門口都人龍滿滿、再加上近幾年又疫情～已不記得多久沒吃上了～這次經過剛好bar台有位就進來了(來這裡我就只愛坐bar台)～🫢😀👉深海池魚刺身～要了半條薄切～肉質纖細柔軟、口感順滑鮮甜～❤️❤️❤️👉豚平關西燒～我每次來必點二品(牛筋+豚肉)再加椰菜底～口感糯糯得來不會膩全靠帶點酸酸甜甜的關西燒汁～👍👉超級邪惡手卷～滿滿的拖羅+海膽=滿滿的幸福口感～必食～😍👍👉磯燒原隻鮑魚～鮑魚好大隻、配上鮑魚肝醬、入口微甜且嫩～👍😍👉燒牛舌芯～燒工火喉一流、加送一串燒脆肉瓜～👍😍👉燒豚肉蘆筍～好味～👍😍最後來個甜品👉豆乳凍～淋上蜜桃醬～超級超級美味的甜品～推薦～😍🤤🤪美味又滿足的一餐～幸せになりました！

今次同幾個老友瞓到自然醒，下午先過去「一杯」食個悠閒午餐。店內佈置俾我一種溫馨嘅感覺，唔使大路燈光，就係咁微暗嘅環境之中，微醺咁試下佢哋嘅關西燒同其他小食，真係有種特別嘅滿足感！啱啱嘅關西燒表面稍微香脆，裏面嘅生菜爽口得嚟帶咗啲甜味，夾雜住各種食材嘅鮮味，正喎！我叫嘅炸豬扒，外面金黃酥脆，入口肉汁四溢，拌埋沙律醬嘅清新，滿足度爆燈🎉！串燒揀咗鹽燒鱔🐟，咬落去魚肉鮮滑，微微鹹香撲鼻，我個人真係十分心水呢個口味。簡單嚟講，「一杯」就係個適合朋友聚舊，一邊嘆住日式小食，一邊輕鬆傾偈嘅好地方。來到觀塘，記得唔好錯過呢間小店。記住啊，你仲可以坐吧台一邊睇住廚師即場煮，食物質素同享受程度都幾有保證嘅！🍢🍣

同幾個朋友食晚飯，開頭一直好好，直至大約9:45pm，職員過嚟話last order，我哋無嘢再加但未叫埋單；然後大約10:15pm，一個唔係穿制服嘅男人走過來，一開聲就講：你哋食埋啲嘢好走咯喎，商場都閂喇。這是什麼的態度，一肚氣吃了人均消費$500的一頓晚餐。你大可以last order時同我地講幾點要關門，你又無講我哋咪傾多陣，再講就算要請客人離開都唔係咁嘅態度。真係不知所謂！

這是一間高檔的日本餐廳入面的食物比較有特色， 特別推介牛油果蜆殼蟹壽司 ,餃子,牛油蜆 ,燒蘆筍及很美味的柚子酒,在這裏 有一種身處日本的感覺，但晚上就略為有點嘈， 如果只想享受食物這是一個好的地方。

在apm逛完街吃晚餐，第一次試這間居酒屋，服務尚好，職員整體有禮貌，但食物質素卻非常敷衍，強差人意。1）三文魚茶漬飯三文魚只有碎肉，而且非常多骨，味道普通2）燒豆腐感覺完全沒有調味，像吃蒸豆腐一樣，外層不脆，口感奇怪，醬汁味道亦毫不吸引3）燒栗米很乾，甜味很少，調味亦不平均，有些位置特別咸。4）免治雞肉棒算比較正常，但毫無特色收這個價錢，但食物就是敷衍了事，不論煮法或是食材本身都不吸引，絕不推介。

由有APM開始，耐不耐就會去呢間食下，以前算有驚喜，而家越嚟越普通，但因為近屋企，最近再去多次試下，食完覺得以後唔會再揀。親戚都住喺附近，大家成日一齊食飯，所以其中一個就join會員，今次自己同屋企人另外去，埋單俾返會員code，佢系統設計問題搞咗陣都唔得，最後重新裝app log in先得。中途個肥經理走過嚟，態度輕視大聲咁問「使唔使叫你朋友拎部機過嚟？」，我哋全枱冇人想回應佢，佢大概唔會係用心服務咁提醒啩？基本上，咁嘅服務，唔值得join會員，佢哋唔希罕回頭客。

呢間居酒屋喺APM已經屹立不倒好多年，證明佢一定有獨特優勝之處，佢最有名既就係關西燒，可以自己選擇入面加咩餸，最多三樣。整體來講係水準之上，特別係啲汁好惹味絕對會刺激到你胃酸分泌，愈食愈多！串燒叫左鵪鶉蛋同牛舌，鵪鶉蛋發揮正常，牛舌就鮮嫩多汁，推介最後叫多個炸雞烏冬用嚟頂肚，炸雞不錯吃，不過脆度就差少少，烏冬入口順滑，配熱湯一齊食成個人暖笠笠～

呢日男朋友生日決定試吓呢間居酒屋平時要等好耐架，因為太多人😂今次因為請咗假，可以等佢一開門就幫襯🙆🏻‍♀️第一次嚟呢度d食物有好多選擇選擇恐懼症發作😩最後好彩有店員姐姐介紹終於食到好野👍👍

呢間日式居酒屋，都多野食揀，坐得舒服又唔貴， 同埋都唔會好細份，叫左幾樣野食，鰻魚鍋飯，鱈魚西京燒，大阪燒，炸豆腐。鱈魚西京燒個魚好滑，冇乜骨。個鍋飯都幾大，仲要係夠熱，配有玉子，有少少鰻魚汁，加埋玉子好好食。大阪燒個皮薄，而入邊好多菜同埋好多料， 切到細細舊好易入口。個炸豆腐入面好滑，外皮脆再加埋櫻惹蝦，好好味，食多幾舊都唔會滯！另外點左一杯荔枝梳打同蜜桃梳打，唔會好甜同埋唔多冰，味道一般。整體都抵食，唔貴又夠大份， 但因為都多人， 所以用餐時間得個半鐘。

今天一個人來觀塘遊玩，到了APM 買野，見到人山人海，呢間餐廳好多人排隊，所以想試一下。排左約半個鐘先有位，自己一個人食不了太多，只點了關西燒及魷魚。等了一陣，兩個菜都上齊。關西燒大大份，好足料，入面有好多蔬菜，好多饀料，外面嘅皮都整得好好，又熱辣辣，真係好食都唔停得口 😋  另外魷魚就好彈牙，好爽口，醬汁調得不錯，很有風味。話咁快就吃完了，下次真係要同朋友一齊黎，可以叫多幾樣野，試多啲不同嘅菜。