一幻拉麵

營業中

休息中

今晚終於一試一幻拉麵，基本上每次經過都有人排隊，今日都不例外，但見時唔多人排就試下同平時拉麵店一樣，唔會話有好多選擇，一入到去已經嗅到好香蝦味我同友人一齊都點咗辛辣味噌蝦湯拉麵(走蔥+走麵酥)，另外再加了一份叉燒同餃子🥟餃子係最快上，應該一早整好的首先就係唔熱，其次就係唔脆，裡面啲餡亦唔飽滿，唔難食但亦唔係好食，可以唔叫主角拉麵口感唔錯，每一口都有蝦味，而且比起其他拉麵店，佢哋嘅份量係幾多湯底好濃郁但又唔會鹹，好正每碗都配有半隻糖心蛋，普通冇乜特別，至於叉燒就幾好，肥瘦適中，一啲都唔油膩整體黎講都幾好食，下次會再黎，拉麵好味，坐得亦舒服，埋單一共$343，價錢合理

好耐無食過拉麵喇！呢日蜜桃小丸子心血來潮嚟到海港城食一幻，唔係繁忙時間嚟，唔使點等就有位。不過本身係坐bar枱，但之後附近有好坐啲嘅卡位，服務員姐姐都好好人咁幫我地調過去，抵讚！叫咗個招牌拉麵，熱辣辣即叫即製，一飲啖湯就知到不得了！蝦味又香又濃又鮮，配埋幼麵、香蔥、脆粒食，每一條索哂汁嘅拉麵都令你忍唔住食完一啖又一啖，口感豐富又惹味。叉燒肥瘦適中，識食嘅都知有啲肥肉係香好多，同埋麵湯一齊食幸福感非常！雖然已經好耐無食，但高水準仍能維持，值得一讚👏🏻👏🏻

呢到嘅招牌菜係蝦湯拉麵，濃厚嘅蝦湯可以配搭鹽味/味噌+幼麵/粗麵，今次我就揀咗鹽味蝦湯拉麵，仲額外加咗一隻糖心蛋添🤤🤤🤤🦐招牌蝦湯拉麵呢個蝦湯拉麵湯底超級重蝦味，但同時比較油膩，細食嘅朋友千祈唔好貪心叫小食（又或者將啲麵分比你嘅朋友仔🤭 ）👌🏻如果怕油膩嘅朋友，可以叫佢個香港限定嘅蝦汁撈麵（個人比較鐘意撈麵，只係當日心血來潮想食熱湯）🫶🏻 蝦湯上面加上特製嘅炸紫薑碎，配埋掛汁嘅拉麵🍜真係飽住都繼續想食埋佢🤤

難得放假 但3號風球 仲要落左成日大雨🫠同朋友出咗尖沙咀行街，掛住個濃蝦湯 諗都唔使諗 即刻入去order😍一幻真係從來冇令人失望( ̀⌄ ́)Order左：🦐 蝦湯拉麵 原味(全蝦湯) 💰$88真係超濃超香 中意蝦膏味嘅朋友 must try !! 麵條揀左幼麵，個人覺得煮得岩岩好🥰因為試過有啲拉麵舖可能會煮得太淋，但一幻食左好多次都仍然係👍👍水準😙今日好彩 唔洗等位就有得食♪(´ε｀ ) 仲有得對住個海食🤓下次再嚟過~~ 🌟！* 另收10%服務費😊人均消費💰：$100-120- 性價比：3.5/5- 服務：3/5- 味道：4/5- 環境：4/5- 衛生：3.5/5

一幻呢個蝦湯拉麵都算係其中一款對我嚟講一試難忘嘅！首先本身鍾意食蝦，然後呢個濃蝦湯好鮮甜，好濃味好掛湯！重要食完又唔會覺得好口渴，推介～～～上次食仲有$99套餐，有一碗麵，一個小食，同一罐可樂，都叫做幾抵🤣 碗麵仲有玉子，超級滿意🥰🥰

日本過江龍北海道的一幻拉麵🍜🍜🍜🍜疫情下去尖沙咀總繿店，全港首間進駐一幻拉麵於尖沙咀，除了尖沙咀之後還有其他分店共有五間分店。第五間分店是荃灣將會在七月先登場。 接下來是尖沙咀的環境好又乾淨，中午時排隊比較快等候的時間，大約十分鐘左右排隊先可以進入餐廳。如果在公眾假期會人多排長龍很長的時間等候大約四十五分鐘或者五十分鐘以上。另外，這間餐廳推薦招牌蝦湯拉麵🍜，招牌蝦湯拉麵味道不錯比較濃厚的湯底。但是小食的方面不多及不同飲品。服務態度一般。

出到尖沙咀都3點幾，輕輕食個拉麵當午餐啦，點知都要排陣隊👍叫左個個蝦湯拉麵，要左少許豬骨湯，再加左個餃子🥟餃子煎得好香口，一口一粒，點埋餃子汁，酸酸地咁，解膩得黎重愈食愈開胃😋蝦湯拉麵🍜第一啖梗係歎左香濃嘅湯汁先，再吃一口麵，正！2片薄薄嘅叉燒略嫌太肥，味道亦偏淡，可能湯底太濃搶左叉燒嘅味道。流心蛋過熟，蛋白未夠入味，相對失色。一幻最主要都係飲個蝦湯啫，麵就無得揀軟硬度，不過都算唔錯😋簡簡單單又解決一餐。

我屋企人好鍾意食呢一間嘅拉麵，佢就覺得個麵非常好食，而且$99有前菜又有飲品，好抵食！個前菜揀咗雲耳，份量比想像中多，係酸嘅，味道OK ！我自己就鍾意食飯團，如果女仔食唔多，叫一個飯團，只係$20 ，都好抵食。今次追加左$10嘅糖心蛋，偏鹹，味道一般，我比較鍾意食少少甜嘅糖心蛋。環境方面，去咗兩次都係坐二人卡位，私隱度高，兩個人坐喺度傾偈都幾舒服㗎。如果坐高櫈，仲可以望到海景添，呢個價錢如果已經可以睇海景好正。不過我未坐過，只係就咁望都覺得好靚。

又有海港城coupon所以食咗一幻拉麵由於減咗價都幾抵食所以都好多人排隊都排咗三四個字呀入咗去畀咗窗邊位之前都食過兩三次味道正常咁嘅價錢冇乜挑剔個人比較鍾意有蝦味記得一開始喺灣仔開嗰陣特登去食而家好似開到周圍都有咁應該都幾啱香港人嘅口味唯一有時就覺得太鹹可能完要飲多啲水雞蛋同麵都幾好食可能其他人覺得唔好食但口味嘅嘢每個人都唔同我覺得唔差嘅咁嘅價錢ok啦所以成日coupon之下都大排長龍之前仲有得加啲價錢又任食餃子真係好抵

餐廳：一幻拉麵 @ichigenhk 地點：尖沙咀海港城海運大廈地下OT G59號舖6月1日係海港城Dinning coupon 到期日，所有可以用coupon的食肆都大排長龍😅一幻都多人排，但流轉得好快，我又未食過，所以就排隊試吓😜🎀辛辣味噌蝦湯拉麵湯頭有勁濃厚嘅蝦味😋😋兩塊薄薄的叉燒又幾好食喎👍🏻🎀特濃蝦汁叉燒拌麵厚叉燒粒非常有口感👍🏻👍🏻拌麵都食到蝦味，但有湯既拉麵更勝一籌 🤪🎀煎餃子🥟好明顯係一早煎好晒，黎到唔熱，D皮仲要爛晒味道好普通👎🏻👎🏻🎀蝦味飯團冇任何餡料，真係蝦味飯團囉😂😂😂🎀小龍蝦沙律味道都ok , 沙律醬唔會太甜🎀雞髀菇正常，無特別拉麵🍜好食，會再有下次，小食就唔一定會再加，因為真係無乜特別😌

除咗米線之外其實我自己都好鍾意食拉麵㗎，想試一幻好耐，行街經過，見到冇人排隊，所以走咗入去試吓睇吓好唔好食。我就叫左黑蒜叉燒蝦湯拉麵：我個湯底味道都好濃郁，黑蒜味都幾出眾唔會太咸味岩岩好，飲完唔口渴👍🏻揀了粗麵比較有咬口，叉燒薄薄地又燒得幾香。座位方面我就坐咗喺吧台，地方幾乾淨唔迫夾嘅感覺，裝修好似真係去咗日本食拉麵咁，呢度仲可以望到維港景色，但可惜海景位已經俾人坐哂。睇吓ci有冇機會可以做到呢度店員都係有禮貌，上食物速度時間都算快。整體都唔錯值得一試。

招牌蝦湯拉麵$88 糖心蛋$10 （1pc）呢間來自北海道嘅一幻拉麵，主打蝦湯拉麵，其實我對拉麵唔係太講究，印象中應該都有成一年冇食啦，蝦湯底我都係第一次食，可以望住個海景感覺都幾舒適🥰湯可選原味(全蝦湯)，或混入豚骨湯，另外可加醬油、鹽或味噌，今次我揀左全蝦湯及鹽味，湯底幾濃郁，蝦味都算突出。麵我揀左幼麵條，口感唔錯，軟硬適中。叉燒肥瘦適中，如果再厚身少少會再有咬口會好味d。其他配料有糖心蛋、蔥、麵酥，麵酥其實係指紅薑天婦羅，香脆爽口，同麵一齊食增加口感更惹味好食，但一定要快D食，如果唔係好快就會淋哂。糖心蛋尚算流心，因為鍾意糖心蛋所以一早叫多一個😆以咁嘅價錢，份量適中，我覺得CP值唔錯👍餃子$35 (5pcs)
相對餃子就冇咁出色，因為餃子外皮煎得唔夠香脆，不過入邊嘅肉都幾鮮嫩，餡都算多，配酸汁食都幾開胃。

美味指數🍽：7.5/10 環境指數📸：8/10整體表現💜：7.5/10CP值指數😎：8/10

由於貓友即將移民,所以即刻短聚,佢哋又未試過所以就嚟一幻拉麵🍜啦..呢間好多中意食拉麵既朋友仔都好熟悉架啦🤭一邊望住維港一邊食拉麵💕💓.🍜所有湯頭麵係🦐 #濃郁甜蝦湯頭🥣但可另揀🧂#鹽味 / 🥫#醬油 /🍖濃厚豚骨,麵有粗/幼可揀,另外有麵酥（即紅薑天婦羅）.🍜家姐仔叫咗🍖 #濃厚豚骨拉麵 hkd$88例牌 幼麵➕🌿蔥 （另加$10）➕🥫醬油 ,家姐仔話d麵好似公仔麵咁,湯頭有濃厚既蝦味外,仲有濃厚豚骨🤩啱晒中意濃味嘅朋友仔,又鮮又甜,仲有半隻糖心蛋🍳.🍜Vienn叫咗 🌶#辛辣味增蝦湯拉麵 hkd$88呢個辣味唔會太辣似係辛辣麵,但味道會比其他2款更濃味‼好似食緊沾麵咁🤩不過2去叉燒🥓得2塊同埋好薄🤣好似Vienn有返咁上下食糧會覺得食咁一陣風🌬咁（家姐仔同女友人就食唔晒）.🥟#餃子 (5個) hkd$35 ~正正常常..Overall 嚟講一幻既濃濃甜蝦湯頭🦐正係好鮮甜,無論mix 辛辣味或者其他味唔會互搶咁‼️相反係相得益章👍🏽👍🏽下次自私食🤣.如果大家中意俾個like支持下🤟🏽 𝗖𝗶𝗮𝗼~..🍜 一幻拉麵 (尖沙咀)🍜尖沙咀廣東道3-27號海港城海運大廈地下OT G59號舖

由於有海港城coupon關係, 要搵下有D咩餐廳係用得著D coupon, 見到一幻都幾多人排隊, 就試下啦。staff 係入座前會問大家用唔用coupon，如果用, 佢會畀個單點menu, 冇得揀套餐。但我覺得就算單點貴小小都好, 扣埋coupon都抵食, 因為可以揀自己想食既野。我地叫左蝦湯麵再加飯團同餃子。其實除左平時外賣飯團做早餐之外，我都未試過真真正正係堂食飯團, 但出奇地好食wo!!!! D飯粘粘地, 好夠味, 真係好有蝦味個蝦拉麵湯底, 我覺得唔係日本正宗既, 如果追求好正宗既拉麵湯底，呢個可能未必好驚喜，而我自己本身就中意食fushion新奇野, 呢個就岩岩好啦 我覺得都幾新鮮。餃子，唔算好大隻, 但勝在夠皮薄餡多, 都好足料, 我自己麻麻地中意食餃子, 因為成日覺得食多幾件就好滯, 呢個好明顯係冇呢種感覺既。

喺尖沙咀行街行到肚餓，入去食呢間著名嘅蝦湯拉麵。叫咗餐牌上邊推介嘅湯底，再加多一個蝦味飯團🍙。飯團嘅份量好足夠，都幾大個。可惜嘅係，佢入邊嘅配料唔多，主要係食有蝦味嘅飯。拉麵嚟到之後，蝦湯味道比較清淡，下次可能會點龍口湯底會比較嘢味。