一幻拉麵

營業中

休息中

每月生日都有唔少既優惠 連食拉麵都有優惠🤤🤤 男友實在好鍾意食拉麵 生日正日都要食🤤--🦐原味蝦湯拉麵 🍜有分原味 豚骨湯 男友揀左原味🤗果然係有香濃嘅蝦香味🤤🤤 味道鮮甜😋😋 麵質揀左粗麵 掛到好多嘅湯汁 😚 配料豐富 有齊晒叉燒、溏心蛋、蔥花 湯底色澤金黃帶有少少油花係面👍🏻-🍅日本蕃茄湯蝦湯拉麵 而鍾意食番茄嘅我就揀咗呢個味道 🍅食到好新鮮嘅番茄片及粟米 雖然係番茄湯 但仲食到好香蝦味🦐不過味道相對上就無原味蝦湯咁濃郁😬 叉燒大大塊 厚薄適中 沾到湯汁味道🤤 -特別一讚呢度嘅店員服務態度友善 尖沙咀呢間係面向海景 我地入座嘅時候唔知道可以request 坐海景位 後來同店員講 店員都好好 盡量安排配合我哋去坐海景位🥰🥰 咁男友生日就可以一邊欣賞到維港海景🌃 一邊品嘗到濃郁鮮甜嘅拉麵🍜-🍽🍴總結 🍽🍴一幻拉麵一向都受歡迎 👏 湯底濃郁 價錢大眾化😎😎適逢做緊4周年慶 十月生日正日壽星可以免費食拉麵 &同行仲享有88折真係即刻衝去食呀💃🏻💃🏻💃🏻

💕小新周不時都會去海港城（因為成日有coupon🤣)，但平時都係食開西餐或cafe，今次諗住求其搵間餐廳醫肚，點知有驚喜!🤩入到去，一大片海景映入眼簾，而我地好好彩咁被安排到窗邊座位，邊望住海景邊食嘢，真係好療癒♡︎♥︎♡︎♥︎┈✨原味蝦湯拉麵（鹽味）$88- 最招牌蝦湯湯底蝦味相當出，口味揀咗鹽味，令味道集中係蝦既鮮味上面，咸淡適中，而叉燒既肥瘦分配都好恰當，再加上溏心蛋，相當滿足( ´ ▽ ` )✨辛辣味噌蝦湯拉麵 $88- 另一配揀咗辛辣味噌蝦湯底，相比起普通鹽味蝦湯，依碗加上辣味噌，湯底比較濃厚，而味道都會豐富同重口味啲(๑´ڡ`๑)重口味既小新就鍾意依碗多啲🤤而淡口味既朋友就覺得蝦味冇咁出，鍾意上面個碗多啲嘞～┈💕如果食豬骨湯底既拉麵食到悶，想轉下口味既話，依間既蝦湯都係一個唔錯既選擇～而且依個價錢就可以對住維港景食野，真係好值呀(≧◡≦) ♡

天氣開始凍啦，食返個熱辣辣的拉面就最岩啦!🍜#一幻拉麵 10月生日的人仲有優惠，低至免費呀!🎂身為10月生日既我一定要去試下啦!辛辣味噌蝦湯拉麵 ($88)🦐蝦湯湯底真係好濃, 一開頭都有點辣，食到後面就無甘辣!蕃茄蝦湯拉麵 ($78)蝦湯多左蕃茄的清新香甜味🍅拉麵十分煙韌掛湯，每碗有2-3塊 日式叉燒，都好大塊下。仲有半隻溏心蛋🥚餃子 ($35/5隻)皮唔係好夠脆，餃子餡都幾多肉🥩

呢間分店真係好誇張！可能因為喺近海，有個無敵大海景🤭🤭🤭，食拉麵有得睇海景，咁chill得唔得㗎💕💕嗰陣叫咗個季節拉麵， 係蕃茄蝦湯🫶🏻，蕃茄甜甜地🤭🤭，蕃茄嘅清新並冇蓋上濃郁嘅蝦味😽，反而係將個蝦味提升到另外一個層次💯💯，所以我覺得呢個湯底好味！不過最衰佢入邊有粟米🥲，個人就麻麻哋將粟米擺入拉麵入邊🤥麵底方面，我覺得份量都適中，女仔食係夠飽嘅🤣🤪🤪，但係口感就一般🫣🫣，個人唔係幾鍾意呢款麵🥹同朋友食嘅時候加咗個白飯，好似要加$15，裝唔滿嘅🥹🥹🥹 ，諗住如果食晒個面唔好嘥咗個湯底，用白飯食埋佢咋嘛，兩個人share一碗白飯本身都唔多夠，仲要得咁少🤥🤥🤥，下次都係唔好加白飯🤣🫣🫣🫣

疫情期間，發現咗呢間地道日本拉麵，我好鍾意呢到每次都食到熱辣辣嘅湯配上濃濃嘅蝦湯拉麵🍜（多數要求麵硬D）味道要保持水準好緊要，能夠令人覆桌指數提高😋連埋維港夜景一齊伴住晚餐，喺令人心曠神怡😝

不管吃幾次都覺得很好吃的蝦味拉麵蝦味濃郁的湯頭濃到每次把麵吃完都不太敢一口氣把湯喝掉覺得這麼濃的蝦湯膽固醇可能會很高因此只會選擇湯配麵當麵吃完的時候就算再想喝蝦湯也會忍住他就是好喝好吃到你要“忍住”的那種程度

最近重獲消費券🤭即刻衝落街 唔執輸地要去行吓街😆海港城呢間拉麵店⋯因為我個思鄉🥲走咗入去食！豚骨湯底真係令人回味無窮😋掛住鄉下就係要食呢個湯底 ～ 大家不妨一試

▫️以前北海道旅行時食過呢間蝦湯拉麵🦐🍜 嗰陣覺得超好食🤤 今次就去搵返我係北海道既回憶先🥰🦐 招牌蝦湯拉麵 $88▫️兩碗都要左招牌蝦湯🥰 一碗揀左原味鹽味🧂 蝦湯味都幾出🦐 另一碗要左豚骨味噌，比較之下湯底真係濃郁杰身好多😯▫️可以揀粗麵/ 幼麵，2碗都要左幼麵，麵條少許鹼水味，但都接受到，同如果麵條可以再幼身少少就perfect池喇😝▫️不過可能係日本食乜都特別好食既關係，感覺上日本係再好食好多🫢🎌🍜 加麵 (50g) $15▫️加麵會用另一個碗仔裝住，大胃既朋友仔可作參考🤣🥟 餃子 $35▫️啖啖肉又幾香口，不過煎得唔夠脆🤫🪵 木耳 $15▫️好香麻油味，仲有少少青瓜幾fresh✨🍄 雞髀菇 $22▫️舖上少少木魚絲，但味道就無乜特別👌🏻🍇 白葡萄梳打酒 $38▫️寫住日本直送🇯🇵✈️ 超好味既酒😍 好香提子味，好似飲緊果汁咁☺️ 飲完真係好想搵下香港仲有咩地方有得買🤣▫️而家海港城coupon已經改為$150-$50，店員計完張單如果見到差價少，會問叫唔叫多少少野食，咁就可以用多張✌🏻

因為海港城coupon而食呢間本身唔打算分享 但一食!!! 好正!!! 即刻放係分享list! 呢個拉麵店主打蝦湯拉麵！湯底好高質😋有幾間分店 價錢唔貴 冇coupon我都會想再食！整體好推薦！特別係鍾意蝦/ 拉麵嘅人～-🍜【蝦湯拉麵】$88我揀咗適量豚骨湯底 鹽味 幼麵150g第一啖食已經好驚豔！好濃蝦鮮味呀🤩！！！蝦湯味好濃 豚骨湯底存在感會比較薄弱麵同湯好夾 掛湯度剛好～ 150g麵都幾多 女仔食完都幾飽 細食可以揀75g叉燒同溏心蛋都唔錯✨ 鐘意蝦/ 海鮮要去試吓！我自己都已經encore咗一次🤤-🥟️【餃子5隻】$35為湊數用coupon而叫嘅～餃子皮幾好味 煙煙韌韌 個餡我就麻麻 材料太碎 冇乜口感-🍙【蝦味飯團】$20都係為湊數而叫每粒飯都撈左蝦味醬汁 雖然冇餡 但都夠味重點係要加埋拉麵湯底一齊食！😋仲正～-✨推薦指數：9.5/10💰人均消費：~$100

今次我地來到海港城一幻拉麵 望住個海食拉麵🍜 感覺超爽，有旅行feel 😊招牌蝦湯拉麵湯底蝦味濃郁，不會腥😌咸味剛剛好，少了豬骨湯的油膩感，今次我地配了粗麵，份量充足，很有飽肚感😋 如想要辣味可加入七味粉或拉麵胡椒😃濃蝦汁叉燒拌麵🦐重重的蝦油拌入粗麵，不咸又不腥，配料有蔥、角肉、紫菜、麵酥（紅薑天婦羅）、半隻糖心蛋，足料配搭👍🏻 加入少量拉麵胡椒及蒜蓉，非常滿足😋😋😋 我地11:30入座，所以唔洗排隊，當12:30離座時，全場座滿，已要排隊😅埋單仲送了$20x2 coupon 下次使用😆

9月1號去左荃灣間一幻食拉麵，埋單時侍應比左兩張減$20優惠券，話下次消費可以用，有效期係一個月。甘我睇左d條款，應該系指食滿$110就減$20既意思，就覺得幾抵，諗住再去幫襯。因為味道都ok，不過不失甘我同老公見行開尖沙咀就順便去海港城食，因為張券系要食夠$110先減到$20，我地仲想符合埋泊車優惠就格硬食兩個套餐再追加兩個小食，平時一個套餐已經對我黎講會好飽。 然後去埋單之際店員話吾用得，原因系叫套餐或者追加小食已經算系用左店既優惠，所以張券吾用得，需要order正價既小食先可以用。其實我落單店員自動幫我追加小食，用左佢地所講既優惠，但其實如果真系甘計，我用左追加其實系仲貴左，但店員就無主動問，事後仲無主動同我更改，不過就由佢啦，平得$10無謂要人難做。其實我就當然知道兩個優惠不能同時使用，但你正常吾會覺得去超市買野消費滿$200就減$20系同店入面賣$100/2件既野有衝突😂正常都理解成消費滿某個金額就用得啦。我覺得如果一幻甘孤寒就唔好學人派券😂 如果系真系想多d人食就應該寫明系只限單點，都吾知呃左幾多人過去😂

野食系ok,之前仲推薦fd食過幾次。但系今次海港城侍應態度極差，我入黎消費應該無差你錢掛，使唔使講野禁無禮貌，飯都未食完就好似想趕走你禁，以後一定唔去再去囉🤷🏻‍♂️

開學前一日帶左仔去尖沙咀海港城行街，行到5點多，見到依家一幻拉麵餐廳，見環境都十分靜，一於入去試試。 入到去坐點左兩份下午餐套餐：@辛辣味噌蝦湯🦐拉麵，小食係蝦味飯糰，飲品係無糖可樂、@招牌蝦湯🦐拉麵，小食都係要蝦味飯糰，飲品都係要無糖可樂，兩個餐都係$68再加1服務費，其實依個價錢都可以接受的。 餐黎到，其實食好多拉麵，蝦湯🦐拉麵都係第一次食，好特別。拉麵好有彈牙，湯就好濃郁，味道真係好，食落好有滿足。 其實一幻餐廳都好多分店，如果下次去食會帶其他朋友去食吾同嘅拉麵，直得再去食。

一早已經聽聞一幻拉麵係由北海道札幌開過黎，更係當地嘅 number one人氣拉麵突然冇意發覺經某平台，喺指定時間預約訂位，有高達50嘅折扣率CP 值超高當日係星期六下晝五點鐘，只要show出預約嘅資料 , 唔使排隊就有安排位置入座， 超方便基於有半價嘅優惠，所以叫咗好多小食😋😋😋😋😋招牌蝦湯拉麵 ($88)叫咗推薦既味鹽全蝦湯幼麵，湯底香稠，濃郁，帶有濃濃既蝦味， 再加上幼麵掛湯能力極高， 係一換好出色嘅拉麵 可惜嘅係叉燒比較薄片，如果大塊d, 口感會好好多特濃蝦汁叉燒拌麵，香港限定， 配粗面無湯($88)粗麵已經撈咗蝦汁,不過相較起湯拉麵嚟講, 味道唔太出色及濃厚，再加上叉燒並唔係一片片，反而係粒狀，口感比較遜色， 相比起唔太推薦蝦味飯糰($20)溏心蛋($10)餃子($35/5 pcs)甜蝦小沙律($38)全部小食正正常常，不過不失，亦冇太大驚艷感，價錢合理👍如果遇正有窗邊吧枱位，仲有維港海景陪食，不過今次已經太full, 無緣總括而言，有半價真係好正，CP值超高 注意，加一係以原價收費

平時食拉麵食得多，多數都係麵豉湯醬油湯豬骨湯，但呢度嘅蝦湯麵好特別，好味😋啲蝦湯好濃，啖啖湯淡淡麵都好好味，味道好濃郁！每次食都覺得好好好滿足😊價錢都算合理！！