影片
更多
2024-12-07
329 瀏覽
筲箕灣嘅「一家」係米芝蓮必比登推介餐廳，跟住米芝蓮呢個招牌去試，真係冇失望！食物夠創意又有驚喜，環境舒適之餘仲幾有氣氛。 口水雞 （$88）前菜我哋點左經典嘅口水雞，雞肉嫩滑得嚟又好入味，辣油帶出陣陣花椒香，辣中帶麻，食完即刻開胃。蒜蓉爆鱔絲（$188）「蒜蓉爆鱔絲」就真係今晚嘅焦點，上檯嗰陣，侍應會即場落燒酒，再點火，點火嘅瞬間好有儀式感，爆炒嘅時候仲聞到陣陣蒜香同酒香。鱔絲好嫩滑，配埋蒜蓉同酒香，真係一流！ 炸銀絲卷（$32）炸銀絲卷外層炸得金黃脆口，內裡鬆軟，點埋煉奶，係甜而不膩嘅完美搭配。大排麻醬伴麵（$90）另外，大排麻醬伴麵亦係必試，麻醬香濃得嚟唔會太膩，落幾多麻醬都係自己話事，麵條煙韌彈牙，拌勻之後每一口都好滿足。 炸豬扒大大塊，外層薄薄一片粉漿，炸到金黃，但內裏依然保持濕潤，非常出色。炸芝麻團-5個 （48）甜品方面，炸芝麻團外層脆卜卜，鋪滿黑白芝麻，內餡係流心黑芝麻，入口即溶，芝麻香氣四溢，完美收尾。 飲品名都好有趣，以家人稱呼改名。非常外父（$40）「非常外父」有芒果芝士雲，芒果芝士泡沫味好香甜，飲落好順口，配上伯爵茶，甜度岩岩好。失魂堂弟（$34）「失魂堂弟
口水雞 （$88）
前菜我哋點左經典嘅口水雞，雞肉嫩滑得嚟又好入味，辣油帶出陣陣花椒香，辣中帶麻，食完即刻開胃。
蒜蓉爆鱔絲（$188）
「蒜蓉爆鱔絲」就真係今晚嘅焦點，上檯嗰陣，侍應會即場落燒酒，再點火，點火嘅瞬間好有儀式感，爆炒嘅時候仲聞到陣陣蒜香同酒香。鱔絲好嫩滑，配埋蒜蓉同酒香，真係一流！
炸銀絲卷（$32）
炸銀絲卷外層炸得金黃脆口，內裡鬆軟，點埋煉奶，係甜而不膩嘅完美搭配。
大排麻醬伴麵（$90）
另外，大排麻醬伴麵亦係必試，麻醬香濃得嚟唔會太膩，落幾多麻醬都係自己話事，麵條煙韌彈牙，拌勻之後每一口都好滿足。 炸豬扒大大塊，外層薄薄一片粉漿，炸到金黃，但內裏依然保持濕潤，非常出色。
炸芝麻團-5個 （48）
甜品方面，炸芝麻團外層脆卜卜，鋪滿黑白芝麻，內餡係流心黑芝麻，入口即溶，芝麻香氣四溢，完美收尾。
飲品名都好有趣，以家人稱呼改名。
非常外父（$40）
「非常外父」有芒果芝士雲，芒果芝士泡沫味好香甜，飲落好順口，配上伯爵茶，甜度岩岩好。
失魂堂弟（$34）
「失魂堂弟」係番石榴、橙同汽水嘅組合，係清新解膩之選，食咗咁多重口味嘅嘢，飲一啖即刻平衡返味蕾嘅味覺。
總括嚟講，「一家」無論味道、創意定係體驗都好出色，絕對值得一試！
張貼
