一家

營業中

休息中

【一家】位於筲箕灣區一個小型私人住宅屋苑的基座商場，開業未夠兩年，最近幾個月忽然大紅起來，只因獲得《米芝蓮》加持為「必比登車胎人」推介。以往慣例，在 OpenRice 分享餐廳食後感唔會一開始就寫結論，今次係極少數例外。實在唔明白點解《米芝蓮》會給予【一家】「必比登車胎人」推介？使得小編更加懷疑《米芝連》所推薦的中菜館的可靠性。用仿紙皮石鋪砌地面，牆身就有幾種不同裝飾：仿紙皮石、青磚及粗糙的灰色油漆，裝修風格帶點70、80年代風情；整體而言是一間的街坊小館。用餐環境侷促、餐枱之間又有點擠迫；但由於有《米芝蓮》光環，全餐廳滿座。因此，更顯得有點嘈吵。以上海菜為主調，同時亦加入了一些港式廣東菜，係一間典型、非常普通的港式街坊小菜館，但又沒有什麼驚喜海鮮菜式；點解可以獲得《米芝連》青睞？小時候的街邊推車仔檔美食，今時今日竟然可以上大枱。臭豆腐（$80）一客只有四件，較以前推車檔年代的兩三蚊一件貴得多；但今天莫講推車仔已經消失，即使入了梗舖的小食檔也少見臭豆腐。同時附上甜醬及辣椒醬，保留了元祖風味。味道及口感正宗，已經係全餐晚飯最好食嘅菜式。點了推介美食一家蔥油白切雞（$138），半隻白切雞表

成日經過見到呢間米G連推介既鋪頭睇落好好食今日終於去試咗 令人大失所望由於實在太難食同啲食物真係誠意欠奉 所以相都冇影一張同朋友2個人叫左小龍包, 炒蟶子, 黑醋糖醋魚, 上海炒年糕 同 高力芒果奶黃另外消費夠450定250加$1加左個雞絲粉皮 仲叫左杯荔枝玫瑰茶-首先要讚既係樓面姐姐服務真係好好 不過嘢食出晒事先黎個雞絲粉皮 應該係全晚最好食 粉皮有咬口醬汁都夠味一心以為前菜都咁好食實冇死啦 點知就係噩夢既開始小龍包一夾起個底就穿 味道不過不失啦 冇咩特別蟶子隻隻肥嘟嘟但有沙 好明顯食得出係白灼完再用豉汁去炒 因為蟶子一啲咸味都冇吸到黑醋糖醋魚個汁好酸好黏 松子有啲油益味炒年糕有色冇味 如白灼一般高力芒果奶黃入得口 但唔知點解糖霜要分開上 明顯倒出黎太耐潮咗有結塊 點又唔係唔點又唔係荔枝玫瑰茶只能用神奇去形容 個味完全唔係荔枝/玫瑰 反而有啲爛左既蔬菜味-重申一次樓面姐姐服務係專業既但廚房完全唔達水準 有好大進步空間今餐收費$7XX 完全唔值

朋友食過推介呢間米芝蓮餐廳，位於筲箕灣形薈商場地下。餐廳裝修都好特別，好多燈牌。當日晚飯唔算多客人，侍應服務好好。🥢麻辣香炸鳳尾魚🐟鳳尾魚炸得好鬆脆，外面有一層薄薄嘅蜜糖同油再加少少芝蔴，香口但偏油🥢一家蔥油白切雞🐔半隻雞再加超大量蔥油，雞肉都夠嫩，蔥就偏甜，唔係燒味舖嘅薑蔥咁鹹🥢糖醋小排骨🐷小排骨唔係平時食開有醋味嘅糖醋骨，係用紅麴炆，所以肉質比較柴，味道普通🥢炸臭豆腐一客本來4件臭豆腐，我哋加夠一人一件，臭豆腐又唔算好臭，炸得外脆內軟，配甜醬同辣椒醬食🥢油茶樹菇炒福花🥦🍄份量少之餘，個醬汁非常之鹹，即時已向侍應反映，佢話叫廚房留意下🥢石窩咸肉菜飯🍚正正常常咸肉菜飯，以為石窩上會有好多飯焦，但原來得好少飯焦🥢小籠包小籠包一籠4隻，我哋唔夠分，侍應提議加多半籠2隻，皮薄餡靚，入面有湯汁🥢煎韮菜鍋貼🥟一客5隻，煎到金黃，底部有薄脆餐廳價錢稍貴，而且食物質數只係合格，住得遠就唔使特登去～💰是日晚餐人均消費$200💰

餐廳裝修唔錯，有自己風格。星期一至四唔限時係賣點，好適合同朋友傾偈食飯，唔使趕住走。食物質素正常，有一兩樣嘢好食，飲品唔錯。不過價錢定得進取。最好食係臭豆腐。其次係蔥油雞。另外仲食咗小籠包，鍋貼，糖醋骨，炒飯，椰菜花等等…椰菜花$108 ，主要就真係得椰菜花，比較鹹。黑醋骨就比較細碟，$118，味道麻麻哋。飲品就大約30至40一杯，幾有特色，好多唔同選擇。類似台式飲品。飲品幾個朋友都話自己個杯唔錯。服務唔錯，職員有講有笑，好有禮貌。有一兩樣小菜比較鹹，其他食物正常，唔係特別好食，又唔係太差，就係比較貴。

Horrible attitude and waitresses are bad mannered, I would not recommend if you want to enjoy a nice meal as they do not have service. Not only do they NOT thank you for eating at their restaurants but blames you for not reminding them to give you a glass for tea (when we have ALREADY asked). The food itself is fried but overall tastes ok but the service is just not worth it because it spoils the whole meal with grumpy workers and ill mannered service, why should I pay for such bad experience

經過想飲杯嘢，發現原來呢度有間台式飲品，啲名改得幾得意，咪試吓囉，但係超級無敵伏呀，好難飲，真係無辦法要用難飲嚟形容，抹茶無抹茶味，應該話杯嘢本身無咩味，再溝埋個芒果奶蓋仲要酸酸地，唔係芒果嗰隻酸，係成杯嘢都微微酸，好怪，紅豆又少，個人覺得咁大個杯俾多少少紅豆會好啲…睇相都見到少嘅程度，紅豆細粒好無咬口，又細粒又少，真係難以形容嗰種飲食到但又無嘢咬嘅感覺🥲收緊40蚊一杯唔係平，已經唔好飲仲要咁寒酸，真係好伏！

某日星期六遲左食lunch，同屋企人去左食呢間上海菜。聽講係米芝連，一於試下啦！醉雞大大碟，唔會好勁酒精個種「攻鼻」，係清香既花雕味，個汁甜甜地，亦唔咸，可以一試～煎餃子有冰花底😍呢個好好食，一啲都唔會油，入面仲有汁水，外皮厚薄適中，食落冇負擔🤓擔擔麵味道好特別，鍾意食花生🥜既朋友唔好錯過，口味濃郁，但又唔會到糊口一pat pat既狀態。食到底你都仲可以「不」到湯飲既狀態🤤小籠包正常發揮，未到皮好薄好薄/爆汁勁juicy，但起碼唔係食一大舊粉團入口🤓所以收貨！

短時間內再訪一家，冷氣太弱既問題改善不大，可能係商場中央空調控制唔到。今次試下飄香飄到入商場既臭豆腐，80蚊4件略貴，不過十幾年無食炸豆腐，貴啲都試下，而且相信唔會用千年油。這個臭豆腐聞落臭但食落反而唔太臭，外皮夠脆，加上豆板醬食落好惹味。其他食物水準不俗，但黑醋排骨過肥，大家都不喜歡，前菜淮山則爽口有驚喜。

呢間上海菜館由環境裝修至碗碟筷子到食物質素都非常精緻，真係又好睇又好食。先來小食︰臭豆腐真係臭但又唔係好臭，味道啱啱好，豆腐本身做到外脆內軟，點甜醬同辣椒醬就係必須啦。麻辣香炸鳳尾魚做得好好，本來想走辣，不過老闆話少少辣好食D所以要咗少辣，佢個鳳尾魚好脆，外面有一層薄薄嘅蜜糖再加少少芝麻令到個鳳尾魚再香D，佢呢隻鳳尾魚比起傳統上海舖食到嘅細條D。跟手叫點心︰小籠包有板有眼，皮薄餡靚，入面嘅湯量適中，而且個溫度亦控制得好好，因為真係唔係一味熱就好，要就翻人客進食嘅狀況先至係上選。鮮肉鍋貼好難得係傳統煎到好似有張紙咁樣嘅，而且個鍋貼皮唔會好厚，又唔會煎到好燶，其實好似呢間咁少少燶令佢有香味就非常好，好多地方煎得太燶反面會有苦味。主菜︰呢個外婆魷魚紅燒肉整得好好食，特別係D魷魚，老闆話紅燒肉要有魷魚吊一吊味先至好食，又真woo，真係香D。魷魚同紅燒肉都好入味，紅燒肉D脂肪部份有彈性唔會林pat pat，仲有佢個滷水流心蛋都好食。獅子頭嘅肉混得幾好，不過焦點在於下面墊底嘅菜苗，吸晒獅子頭D味，同埋佢個筍都靚，如果多多幾片會更好。主食︰反觀兩個主食只屬一般，可能前面嗰D太精彩啦。上海粗炒唔算炒得

一入到呢間充滿香港街坊味嘅食堂，先係嗅到嗰股撲鼻而嚟嘅炒菜香🍳。嗰份宜家難得一見嘅傳統煎蚝餅，疑味？實曬！蚝餅外皮香脆得滯，煎到金黃又唔油膩，裏面啲蚝肉肥美滑溜，一口咬落去鮮味就喺舌尖爆炸。食落咸香而且得個「正」字！跟住，啲石鍋牛肉就真係又平又好食，牛肉片炒得彈牙得嚟，微微焦香，仲帶少少辣味，簡直係香辣過癮🌶️。同碟啲青椒洋蔥爽口得滯，吸滿咗誘人既肉汁，層次分明到我食得停唔到口！最後，我又試咗碗冬瓜盅，湯底清甜得嚟啱晒夏天飲，飲完之後個人清爽曬😌，冬瓜吸足咗湯汁，口感既清新又爽滑。呢啲就係我今次嘅感受，好似回到細個吃家常菜咁，無花巧但係溫暖個心。下次，我一定會再嚟，帶埋屋企人一齊享受呢啲平民美食。

知道呢間餐廳得到米芝蓮必比登推介，專登過嚟試吓。餐廳位於筲箕灣一棟頗新嘅樓盤底下的商場內。可能期望過高，整體上覺得質素OK，但不至於成為米芝蓮推介餐廳。同朋友叫咗個二人餐，有以下菜式：米其林香露醉雞拼香辣炸茄子- 醉雞非常一般，香辣炸茄子幾有特色。酸辣湯- 覺得唔錯砂鍋上海梅干菜百頁結紅燒肉- 梅乾菜百夏結幾香口，但紅燒肉味並不出眾及略鹹。干煸四季豆- 唔錯小籠包- 做得幾出眾豆沙鍋餅- 熱辣辣，又不太甜，好味道。

特登山長水遠走入黎食，點知食咗間伏野去到餐廳見冇咩人諗住叫少少野試吓先再叫主食好彩只係叫左三樣野加杯野飲第一樣野黎到係糖醋小排骨其實我有冇怪錯佢，佢係冷盤嚟㗎嘛D排骨又柴又唔入味，真係肉還肉，汁還汁個汁勁甜同勁酸，肉又凍唯一優點係擺盤幾靚第二樣係櫻花蝦麻醬秋葵冇特別，起碼食得第三樣係小籠包普通，好普通，叫做有汁但佢頂個皮好厚，底就好薄，所以好易穿第四樣係野飲嬌滴滴姪女其實就係香片芒果芝士奶蓋全晚最差係呢個我完全唔明點解芒果芝士奶蓋都可以錯成咁面好似冇奶蓋，中間好似有好多果肉但有啲睇落係就快壞咁，成杯野勁難飲，飲左兩啖已經頂唔順成餐飯感覺極差佢既質素對唔住個價錢，呢度少少野已經$290真係食其他冇咁嬲

在筲箕灣街坊商場，有‘’一家‘’米芝蓮菜館 一家。一家有雙重意思，既是量詞，亦是這家上海菜館的名稱。今晚試了醉雞，上湯勝瓜聖子及砂鍋咸肉炒飯。醉雞的雞肉鮮嫩，酒香撲鼻香濃。勝瓜聖子的聖子超大粒，咬入口充滿海鮮的鮮味。咸肉炒飯偏油，啱哂重口味人士。這餐味道很好，唯一不滿是現場冷氣很弱，就算餐廳放了吹風機亦幫唔到太多!

上一次來光顧嘅時候剛剛開業晚餐時間幸運地有枱，嗰次睇餐牌已經覺得好多特別菜式，食完覺得可以返試過咗幾年之後終於再返嚟大閘蟹季節有幾道主題菜式，我哋揀咗焗蟹蓋，$288有4件，用蛋白同埋蟹肉釀入蟹蓋再澆上蟹黃醬，同埋加魚子醬，冇撈麵粉，所以口感啖啖肉👍🏼之後再嗌咗蔥油淮山同埋薺菜豆腐羹師傅好細心，用咗唔少刀工，將豆腐切到非常細粒已淮山前菜就係食蔬菜完未，用蔥油帶出鮮味另外值得一提，唔好以為d侍應紋身粗粗魯魯，其實服務態度非常友善

一家•係上海中華菜館.裝飾同菜式名都幾有心思.除左有煎到好酥脆既乾煎麵.重有臭豆腐😲同時Menu仲有好多素食選擇🥦🥬🥒🫑滕椒豆乾絲炒苦瓜.蔥油涼拌山藥.薺菜豆腐羹.醬炒花菜茶樹菇.我地試左個上湯聖子都清甜啱老人家食.➿臭豆腐米芝蓮推介餐牌之中有兩款係素食.$80食臭豆腐都諗左諗.但見到幾乎每枱都嗌.每件即叫即炸.上枱時都多香🤭比想像中大.同係街邊食一樣都有甜醬同辣醬一齊食.➿糖醋小排骨糖醋小排骨味道唔錯不過肉質就未多淋身~有少少柴.另一款無試到既一家蔥油白切雞其實都係招牌菜之一不過要留返下次試~.➿非常外父比較少見餐廳提供既飲品都好似台式飲品咁多款重要改名改到好有心思.試左芒果芝雲伯爵茶.夠哂清新同解渴.如果只想買飲品嘅話.餐廳隔離都設有茶鋪可以買飲品🧋.➿高力芒果奶黃高力豆沙係屋企人至愛.估唔到有芒果蓉既高力豆沙😈唔會太甜又一空氣感.真係好邪惡以米芝蓮餐廳.裝修環境同價錢.質素都可以接受--➿高力芒果奶黃 ʜᴋᴅ 60➿臭豆腐 ʜᴋᴅ 80➿糖醋小排骨 ʜᴋᴅ 82➿三鮮雙麵黃 ʜᴋᴅ 98➿非常外父 ʜᴋᴅ 40..👩‍🍳  整體味道: 7.5/10💸  性價比: 7.5/10📸