一家

營業中

休息中

餐廳裝修舒適，食物有質素，價錢合理，係我喺筲箕灣區中菜首選！我點了「香茅檸檬薏米水」，餐廳自家制，還應要求幫我煲熱上，讚！朋友點了「C6香氣二家姐」，佢十分喜歡裏面有咬口嘅蜜糖爆珠，咬開後滲出清香蜜糖味。推介菜式係「煙燻樟茶BB鴨」，鴨肉嫩滑，鴨皮香脆，加上微微煙熏味，加埋夾餅及醬料，配搭一流！「糖醋小排骨」啖啖肉仲要掛滿醬汁，開胃！「小籠包」皮薄餡靚，熱辣辣上枱，咬落去湯汁爆出！「醬炒花菜茶樹菇」鑊氣足，花菜爽脆，茶樹菇吸晒醬汁，正！我同朋友一致推介必點甜品「炸芝麻團」，外表係脆脆嘅煎堆皮，內裏係流心嘅寧波芝麻湯圓！

❤️臭豆腐炸得金黄唔會乾身。中間豆腐重保留到水份👍🏻。點埋旁邊的辣醬和甜醬兩種醬味道好夾。❤️黃魚春卷春卷喺新鮮包，一咬脆卜卜有聲！入邊勁多魚肉，勁足料👍🏻！❤️外婆紅燒肉，流心蛋 紅燒肉有少許肥膏，脂香盈腔，邪惡得黎好好味🙈流心蛋中間的蛋汁呈流心狀，睇見口水都跟住流出來～🤤還有口感彈牙的魷魚🦑😋👍🏻。❤️醬炒花菜茶樹菇椰菜花用咗上海粗炒嘅醬汁炒，甜甜地～仲有茶樹菇❤️小籠包（4件） 熱騰騰蒸籠呈上，皮薄得黎唔易穿，餡料靚，包著肉汁，吃的時候要小心爆汁辣親嘴仔呀。最後食埋個甜品：❤️棗泥拉糕（4件）入口好香紅棗味～🥰口感煙韌唔會太甜👍🏻。朋友嗌左一杯❤️香茅檸檬薏米水 酸酸的檸檬配上薏米，清新又去濕。❤️丫頭 用芒果肉粒，石榴汁，番石榴肉，櫻桃啫喱，冰，椰子芝士雲調製而成椰子芝士雲奶蓋加上石榴汁酸酸甜甜好似食緊Yogurt 店員話石榴汁係新鮮即搾，唔怪之咁fresh啦！😍睇得、食得又飲得，正😄👍🏻👏🏻！

放工輕輕鬆鬆，不想煮飯， 很想吃小籠包， 想起筲箕灣形薈 商場"一家" 上海菜館。 你是很幸運可以坐在特色卡坐， 打卡影相very good。最想吃就是小籠包和一家蔥油白切雞， 其他由店員推薦的。 前菜～ 主菜～ 小吃～飲品～ 樣樣色香味俱全。黃魚春卷，外層炸到金黃香脆， 最有驚喜是餡料， 魚味好香濃， 魚肉嫩滑， 加埋蔬菜 味道非常配合。麻辣香炸鳳尾魚， 香香脆脆的鳳尾魚好惹味， 甜甜辣辣加埋芝麻 非常香口。一家蔥油白切雞大量的新鮮蔥油， 見到已經流曬口水， 白切雞啖啖肉， 肉質緊緻嫩滑， 吸收到蔥油精華， 鹹香又鮮美。魚湯浸水東芥菜平時好小食芥菜， 店員介紹魚湯 浸芥菜一啲都唔會苦， 加埋上海鹹肉和蒜子， 突顯 芥菜的鮮甜 和清爽， 好清新嘅感覺。小籠包(4件)新鮮熱呼呼的小籠包， 手工製作 ，充滿肉汁 皮薄餡靚， 配搭 新鮮薑絲和醋， 就更加鮮味。棗泥拉糕， 店員推薦的甜品， 都幾有驚喜， 白色部分椰汁味香濃，煙煙韌韌 ，很有嚼勁， 底層紅棗味非常香濃， 味道清甜。

🍴擔擔麵 $75個份量都幾大，麵非常之滑，有少少辣同埋麻醬嘅香味都幾濃郁！真心好食！🍴菜肉鍋貼 $58鍋貼嘅皮，適中，菜肉同肉嘅比例適中，食落去食到鮮肉嘅味道，又有菜嘅口感，一口爆汁真係好食！🍴小籠包 $58個皮都夠薄，一口爆汁，食到肉嘅鮮味，個人覺得菜肉鍋貼好似好食啲！🍴糖醋排骨 $82糖醋排骨燉到超級軟硬，唔使點咬就已經脫骨，酸酸甜甜嘅味道係啱啱好嘅好食！🍴一家蔥油白切雞 $138蔥油雞係超級多蔥，係比較鹹香嘅雞肉係正常都有雞肉嘅味道，冇想像中咁出色同埋嫩滑。推薦指數: 7.5/10個人覺得鮮肉鍋貼擔擔麵係最好食，小籠包係OK，排骨同白切雞係一般啦，價錢唔算特別平，中午晚市一樣價嘅，但米芝蓮都可以一試。

食上海菜遇上手搖天堂🤭🥳好誇張這間手搖款式超級多，爆興奮，簡直係有選擇困難，手搖愛好者表示好難揀🤭🤭甘就試新野-丫頭🍹新鮮紅石榴汁非常清甜，仲有芒果肉、櫻桃啫喱口感非常豐富，仲配上椰子味嘅奶蓋🤭🤭我哋都超級鍾意呢間雞絲粉皮，爽滑配上芝麻汁同雞絲，好正呀👍🏻👍🏻我屋企人喜歡的程度係 表示成餐可以只食雞絲粉皮😂🤭紅燒獅子頭，非常鬆化又好鮮味，裏面仲有特色鹹蛋黃，加上翠綠嘅豆苗，清新唔怕油膩☘️🍀魚湯東芥菜非常鮮味清甜👍🏻👍🏻👍🏻💯💯好欣賞玫瑰桂花湯圓🍡飯後甜品一流🫶🏻

一家筲箕灣筲箕灣道393號形薈地下G04號舖經開筲箕灣，老友推介高質上海菜，環境舒適，食材新鮮，入去Chill 吓先！😸自家製前菜，爽甜開胃，啱曬我。😙青紅蘿蔔瘦肉老火湯，原汁原味，配料的精華融入湯中。😃糖醋雞球酸酸甜甜的醬汁，即叫即炸的雞球，配青黃紅椒一齊炒，加碗白飯，啖啖肉，好正！😽糖醋小排骨小排骨肉汁豐富，口感鬆軟，糖醋醬汁處理得恰到好處，鮮花提升層次，惹味推薦！🤤外婆紅燒肉+流心蛋皮、脂肪和肉的比例剛剛好，這道菜工序繁複，大廚好厲害。酸酸甜甜的醬汁，墨魚條口感煙韌，紅燒肉面層鬆軟，中層彈牙，豬肉爽口，配嫩滑流心蛋，必食！😍一家蔥油白切雞雞肉新鮮嫩滑，吸收了蔥油的精華，香氣四溢，鹹度適中，果然係米芝蓮級數！👍🏻醬炒花菜茶樹菇茶樹菇煙韌入味，新鮮西蘭花，又爽又甜。😁香水表舅父配料有香水檸檬、青提子汁、青提子肉、茉莉花茶和蜜糖爆珠，香甜清新，冰底夠凍，正呀喂！😘丫頭配料有芒果肉粒、石榴汁、番石榴肉、櫻桃啫哩、冰和椰子芝士雲，豐富的配搭，酸甜的果肉，香濃的椰子芝士，夏天飲一流。🍹一家 環境舒適氣氛好，食材新鮮高質，排骨切雞特飲正，侍應服務態度好，回頭率高。😎🤘🏻

榮獲2023-2025 米芝蓮必備登推介餐廳酸菜魚片 $198: 魚片好嫩滑，配上大量酸菜、芽菜、薯粉及娃娃菜配料，辣到適中，唔會太鹹一家蔥油白切雞 $138: 大量蔥油 雞肉好鮮嫩上海脆皮素鵝 $78: 腐皮炸得好脆口😚 蔬菜餡都好鮮甜，配上喼汁非常開胃!!小籠包 $58: 皮薄多汁 豬肉餡好嫩😆炸芝麻團 $49: 炸芝麻湯圓鋪滿黑白芝麻，非常香口😍 芝麻流心餡超重芝麻香👍🏼丫頭 $45: 芒果肉粒、石榴汁、番石榴肉、番石榴、奶蓋、櫻桃啫喱、椰子芝士雲香水表舅公 $38: 香水檸檬、青提子汁、青提子肉、茉莉花茶、蜜糖爆珠

🍵滋潤養生茶$40原隻雪梨超足料，仲配其他養生材料，唔會太甜，直情係原汁原味，滋潤養生🧋A8野蠻奶奶$40奶味超重，底層有紅豆，好似特色紅豆冰咁鎮江餚肉(牛)$88食落好有鮮味，水晶部份水感岩岩好而且入哂味，自己食多盤都唔漏一家蔥油白切雞$138超多料，肉質非常新鮮新甜，食落唔痴牙好滑，蔥味愛好者必吃，個湯差啲想飲埋極品蜜汁金華火腿$188肉質表層閃亮度剛剛好，味道甜帶咸，個包蒸到好鬆軟，配有桂花味蜜一齊食海鮮全家福水餃$88每一粒塊皮都係用唔同海鮮食材做，手工感極強，沾蒜醋食，地道感好濃炸芝麻團$49絕對係細緻脆，入面係芝麻流心，好gel口好好食，幾飽都食得哂就知咩料另外餐廳服務都好熱情細心，感覺親切同有人情味，係額外加分項🫶🏻中意食野配中式靚碗碟嘅朋友都可以去試💕呢間餐廳少油少鹽少糖，食落零壓力😍

好友約我去位於香港筲箕灣筲箕灣道393號形薈地下G04號舖的《一家》食午餐，環境舒適，裝修雅緻，富中國色彩。我地點左：🥢2個客飯有前菜（漬黑木耳）、老火湯（老黃瓜排骨老火湯）及白飯📍糖醋魚塊 $70酸酸甜甜，魚肉嫩滑，送飯一流。📍紅燒獅子頭 $68獅子頭大大隻，免治肉香濃入味。🥢加餸：📍小龍包（4隻）$58餡料飽滿多汁，好好味。📍醬炒花菜茶樹菇 $108花菜新鮮好食，醬料惹味。🥢甜品：📍炸芝麻團（5隻）$49熱辣辣的黑芝麻流心餡料，我的至愛。🥢飲品：📍懵盛盛大嫂 $34凍飲清爽，有白桃、蔓越莓和梳打，好飲。📍無花果紅棗雪梨滋潤養生茶 $40熱飲滋潤。

和家人再次光顧一間以上海和舊香港風格為主題的餐廳，裝潢頗具巧思。餐廳主打上海菜，味道出色，最近換了新餐牌，菜式更豐富。轉角還有一間姊妹店，專賣果茶和奶蓋飲品，還可在店內享用。- 🏅滋潤養生茶**：老人家非常喜歡，有雪梨、蜜棗、紅棗 - 🏅香氣二家姐**：啱晒年輕人，茉莉茶、橙、柚子、蜜糖、羅勒葉 - 🏅糖醋魚塊配菜飯**：必吃！魚塊厚實嫩滑，酸甜醬汁帶有果香 - 🏅黑豬肉紙皮燒賣**：以薄皮包裹糯米和豬肉粒，風味獨特 - 🏅上海雞汁百葉包**：經典上海味道，非常清新- 🏅海鮮全家福水餃**：五色餃子皮，各有不同餡料 - 🏅糖醋小排骨**：傳統口味，微酸微甜 - 🏅缸鴨狗玫瑰桂花湯圓**：缸鴨狗是寧波湯圓品牌，芝麻餡，香甜不膩 - 茶芥**：桂圓紅棗四寶茶（$8/位）

重臨中華菜館＂一家＂吃過一次都要再重訪，因為掛住啲地道菜式，講嘅係筲箕灣形薈→一家中華菜館。🥢七里莊酒糟醉雞花雕酒沉出切雞帶少許酒香味，連雞皮都沾滿酒香。雞中帶酒 好味😋！🥢蘿蔔絲酥外皮脆卜卜又夠火熱🔥！蘿蔔一絲絲鹹香味惹人垂涎🤤！🥢小籠包同樣熱滕滕一咬就標汁，湯汁香濃可口！🥢茭白紅燒肉茭白筍是高鉀食品，對高血壓和心血管都有食療裨益。紅燒肉肥瘦均勻造得好和味，而且色澤討人喜愛😃！🥢濃湯安嶶刀板香津白刀板肉肥瘦勻稱而不膩，津白煮得香甜柔軟又惹味。🥢棗泥拉糕即叫即蒸，紅棗磨成泥配合面頭椰汁，不膩又美味😋！🥤B3扭擰妹頭柑桔醒神，雜莓酸酸甜甜，混合擰蜜爆珠，加上伯爵茶earl grey tea! 其味無窮！🥤滋潤養生茶雪梨紅棗𣏌子南北杏，滋潤又益氣！當然要讚吓壺香片靚茶，一啖醒神兼開胃，絕對係上乘茶葉。👍👍👍地址：香港筲箕灣道393號形薈地下G04舖

不愉快的母親節食飯果個男人頭女主管滿口粗言穢語係度鬧啲下属其實鬧時鬧 就唔好係個場度鬧唔好俾客人聽到我帶住個小朋友 係度聽你爆粗影響個心情食物就幾好都無食飯係講整個體驗 愉唔愉快點解D人鍾意返大陸食就係因體驗愉快 你估真係貪平咩（上去來回車費都100蚊）

筲箕灣有一間米芝蓮必比登推介嘅中菜，主要食上海菜。已經連續三年都比米芝連選出究竟佢有乜嘢出色之處？今晚好早就到咗餐廳，訂咗枱安排坐喺卡位。叫咗個雞絲粉皮、黃魚春卷、西湖牛肉羹、外婆墨魚紅燒肉，流心蛋。最有驚喜係個黃魚春卷同紅燒肉。黃黃語音卷裏便真係塊好大嘅魚肉，去曬骨，超級正。紅燒肉加入墨魚塊一齊燉，豬肉同墨魚味道互相結合，非常之夾。五花肉油而不膩。另外佢哋其實仲有特飲，唔同傳統嘅中式餐廳。滋潤養生茶同埋巨蜂芝士雲茉莉茶都幾好飲，最後食埋甜品，有個高力芒果奶黄出面熱辣辣，入面芒果味嘅奶黃超級好食。估唔到高力豆沙都可以有呢個咁嘅變種。

門口位置仲有手搖飲品角落可以叫杯特色飲品即時同朋友一人一杯先🍹瀟灑爺爺（芒果芝士雲+抹茶+紅豆）🥤長氣嫲嫲（熱情果茉莉茶+羅勒） 🥟海鮮全家🧧水餃係新出嘅菜式以唔同嘅海鮮餡料製作出5色水餃餡料分別有唔同嘅魚肉、蝦滑同墨魚配上唔同配菜令個味道更豐富幾有驚喜嘅一個菜！ 🌶麻辣香炸鳳尾魚 🐟超香口嘅一道！！鳳尾魚炸到脆卜卜甜甜地又帶點麻辣口感食到停唔到口蘿蔔絲酥平時飲茶很喜歡叫呢個小食呢度嘅蘿蔔絲酥個皮鬆化而且唔厚入面嘅蘿蔔絲清甜夠味好食！辣子雞 🌶🐔🐔呢度嘅辣子雞好香辣椒麻而雞粒炸得超香送酒係一流👍🏻 魚湯浸水東芥菜🥬叫咗咁多濃味嘅要食返個清淡嘅浸菜感覺即時調和返 芥菜好清甜唔苦加埋金華火腿味道好Match !!重點係有勁大粒嘅炸蒜！！！大愛！甜品點咗炸芝麻團大大粒嘅芝麻煎堆芝麻餡唔會太甜皮唔厚而且唔油唔錯！

主打地道本幫風味，餐廳環境舒適，裝潢簡潔帶老上海風情，服務親切周到，適合家庭或朋友小聚，性價比高。晚市人氣旺，建議早到！地鐵站步行 3分鐘，是區內實惠好選擇！ .🌟糖醋小排骨排骨外酥里嫩，裹著晶瑩剔透的琥珀色醬汁，酸甜比例恰到好處。入口先嘗到開胃的醋香，繼而是溫潤的甜味，肉質松化卻不失嚼勁，作為第一道開胃菜不二之選！.🌟韭菜鍋貼韭菜鍋貼絕對是驚喜之作！金黃酥脆的底部咬下去咔滋作響，內餡韭菜鮮嫩翠綠，搭配豬肉餡鮮香多汁，實現一咬噴汁，外皮薄而有韌性，每一口都吃得到韭菜的清香與肉汁的豐腴，沾點鎮江醋更是一絕！.🌟炒雞菘配叉子燒餅雞松炒得乾香松化，鑊氣十足，搭配現烤的叉子燒餅，外酥內軟。燒餅層次分明，夾著咸香雞松入口，脆中帶嫩，好吃推薦！.🌟卷蔥煙鴨胸跟薄餅用扁皮鴨的概念，鴨胸肉煙薰香氣濃郁，肉質嫩滑多汁，搭配清脆蔥段與薄餅。薄餅Q彈有嚼勁，包裹著鴨肉與甜麵醬，入口層次豐富，咸甜交織，絕對是融合本幫風味的創意之作！