一家

呢間 「一家」 主打食上海菜，連續攞咗三年米芝蓮推介餐廳！之前嚟附近間戲院睇戲都會嚟呢度食晚飯，但自從戲院執咗之後就少咗去，但呢晚好想食，於是同朋友專登去食！晚飯時間如常滿座～ 🫖茶芥 💲8/位🐔 《 七里莊酒糟醉雞 💲88 》 佢啲雞真係好滑好滑好滑，重要嘅事情要講三次，而且酒味剛好，唔會苦澀唔會搶味～ 🌮 《 上海蔥油餅（3件） 💲58 》乾身不油膩，外皮酥脆，內餡蔥香濃郁，放涼咗keep到口感一樣，亦唔會浸油～ 🥟《 小籠包（4件） 💲88 》個皮好薄好薄，基本一夾起就會薄到穿，肉餡香嫩～ 如果皮薄得來有少少煙韌度唔易穿就更好～ 🥬《 上湯豆瓣莧菜 💲118 》莧菜多又鮮嫩無渣，蒜粒爆香個令整體更香口，加上仲有豆瓣、菇同咸火腿，令到個湯鹹香鮮味～🌯《 蔥爆牛肉配薄餅 💲148 》偏向上海嘅重口味，蔥同牛肉份量多，味濃偏鹹，所以配上薄餅，入口煙靭減膩～ 餐廳其實都有賣飲品架～ 但餐廳嘅絕對唔係廢水，係滋陰養顏嘅～ 🍹《 B1霸氣大哥 💲36 》百香果加上生薑，好香薑味，但加上百香果嘅果甜完全唔會辣，養生又好味！女生必試！🥤《 香茅檸檬薏米水 💲34 》好大杯，微甜潤腸又養顏～ 抵飲！ 🫘《 棗泥拉糕（4件） 💲52 》原來係江蘇蘇州一帶嘅傳統特色糕點，入口軟糯，棗泥味道剛好唔會太甜，合乎香港對甜品嘅最高評價😆 同朋友邊食邊傾偈💬都差唔多食完甜品嘅時候，店員姨姨溫馨提示我哋半個鐘內天氣轉壞，所以我哋就急急腳埋單走人👣 返到屋企真係變黑雨，好彩得佢提我哋咋🫶…查看更多

frd子話有神秘活動約我出筲箕灣，原來想上龍脊行山，呢排成日黃紅黑雨交替，所以我即時狠狠拒絕 變成筲箕灣搵食，揀左位於小商場形薈的「一家」，由2023開始連續3年係米芝蓮必比登推介餐廳座位闊落 環境舒服(乾淨企理很重要) 可以慢慢嘆茶，裝潢走懷舊路線豉椒炒蟶子 $198蟶子隻隻有肉 爽口彈牙 新鮮~ 師傅炒得幾有鑊氣 一上枱已經好香紅油抄手(5粒) $68紅油香辣偏甜而不膩，薄皮抄手再加蒜泥 包滿醬汁入口，惹味的 口水雞 $88辣油是少辣口味 主要是充滿麻椒香 再加上少少麻醬 汁底一流，雞件嫩滑嫩滑的一家三絲伴冷麵 $108大大份，附上一碗芝麻醬 (唔夠的話可以再添)，清爽不油膩 夏天食呢個唔錯，個人太喜歡口水雞個汁底 用個汁再拌一拌 正！缸鴨狗玫瑰桂花湯丸 $48即時上網check先知缸鴨狗=寧波湯丸，是夜黑芝麻口味的喔，除左經典桂花酒釀的配搭外，再加上少少乾玫瑰花，添了絲絲少女氣息溫文爺爺 $40椰子芝士雲+伯爵茶+海底椰芝士奶蓋有少少yogurt味，淡淡的伯爵茶中加入了椰果同少少椰絲，有D甜品feel紅卜卜堂妹 $34士多啤梨+荔枝+蔓越莓+汽水雖然係紅色 不過唔係藥水味🤣，喜歡它自然的酸酸甜甜+bubble，refresh又令成餐飯有個變調*茶介 @$8*收+1服務費*菜式選擇都幾多 除左經典上海菜式，仲有新派果茶*店員姐姐們感覺好有人情味 見佢地會同熟客仔傾計*位置好近巴士總站同MTR(OpenRice建議提供單據)…查看更多

一人晚膳點了獲讚的醬油煙鴨胸粒炒飯及芝士奶蓋番石榴芒果凍飲炒飯尚算粒粒分明、飲品也是可以，但整體只屬可以，唔算特別有驚喜。另外晚飯時段，每枱奉上一壺熱茶... 縱使已闡明不需要茶，已另叫飲品，也需要額外付費於茶介連加一。…查看更多

一家，連獲三年米芝蓮推介，真不錯！酒糟醉雞味道很特別，雞肉嫩滑，酒香撲鼻。小籠包都幾好好，湯汁滿滿的，咬下去超爽。蟶子泡飯更是讓我驚喜，蟶子的鮮味和米飯的香氣融合得很好，每一啖都令人想再來一碗。醬炒花菜和茶樹菇也不錯，炒得剛好，還有回鍋肉的香氣，讓人食慾大開。最後，炸芝麻團外脆內軟，甜度剛剛好，當作收尾既甜品真的很合適。餐廳仲設有飲品既外賣店，可以堂食或者外賣。我特登叫左霸氣大哥同埋杏茅檸檬薏米水消消暑。…查看更多

✨紅燒鹹蛋獅子頭💰128 📝豬肉藏住鹹蛋黃，微甜醬汁，幾惹味，送飯一流✨鮮肉鍋貼💰58📝豬肉餡爆汁，餃子脆卜卜，點埋醋，煎到一塊冰花皮✨上海脆皮素鵝 💰78📝餡料包紅蘿蔔絲同木耳絲，酥脆，有啲似鮮蝦腐皮卷，可以點少少醋✨醬炒花菜茶樹菇💰108 📝鹹香濃味，蠔油味重，第一次食椰菜花炒茶樹菇✨三絲伴冷麵💰108📝清新開胃，除咗麻醬之外，仲有可以自己加豉油醋同埋辣椒油，凍冰冰夏天食一流，推介💝✨香茅檸檬薏米水💰34📝 有糖冬瓜肉、檸檬片、薏米、香茅同冰糖，解渴健康✨霸氣大哥💰36📝青檸檸檬茶好解渴，仲有好多爆珠✨豆沙窩餅 💰52📝熱辣辣，滿滿紅豆餡，外脆內軟，微甜一家 (筲箕灣)📍 香港筲箕灣筲箕灣道393號形薈地下G04號舖(筲箕灣🚇A2出口行4分鐘就到)💬終於試到呢間米芝蓮必比登推介，平日都幾受歡迎…查看更多

好耐無去荃灣, 今日專登去荃新天地行街食lunch。估唔到商場人流好多(可能因為天氣太熱及星期日)。見到間鋪'子鴨流香, 門口餐牌午市套餐$88(主食加酸辣湯), 好抵食就入去試。叫左小籠包, 鍋貼, 素鵝, 套餐:炒年糕加酸辣湯, 最後叫左碗西米糖水。好滿足一餐。抵食唔貴。服務好唔錯, 伙記都好爽手, 出餐好快。 環境好坐。臨走發現原來星期一至五, 午市套餐仲平D, 不次有機會, 再試下。…查看更多

🧧筲箕灣懷舊中菜｜米芝蓮推介上海味筲箕灣一家中華料理，裝修行懷舊香港風，一入門口就見到啲老香港元素，氣氛有特色～🍽️呢間餐廳主打上海菜，而且曾經上過米芝蓮必比登推介(๑˃̵ᴗ˂̵)و小籠包 $58 / 4件
皮薄一咬滿滿小籠包湯汁～熱辣辣最好味😋豉椒炒蟶子 $198
火喉到位，啖啖肉仲帶微辣香氣，啱晒啲鍾意重口味嘅朋友蔥爆牛肉配薄餅 🍕$148
牛肉嫩滑，蔥香撲鼻，包入薄餅一齊食，好似中式版嘅Taco，創意十足！^ω^🐣雞絲粉皮 $72
凍盤清爽開胃，粉皮滑溜，雞絲夠味，夏天食啱晒🔴 棗泥拉糕 $52
蒸籠上枱熱辣辣 煙煙韌韌，棗泥唔會過甜，仲有一層椰汁 🥥古早味✨🥤 香茅檸檬薏米水 &長氣嫲嫲👵🏻茶（各$34）
檸檬薏米清新解渴、長氣嫲嫲茉莉茶加咗羅勒籽同熱情果，味道特別 …查看更多

➲ 筲箕灣 一家藏身筲箕灣形薈的必比登推介餐廳。特色舊上海設計，經典滬菜融合本幫創意，趣味十足。➳ 辣椒皮蛋ᴘʀᴇsᴇʀᴠᴇᴅ ᴇɢɢ ᴡɪᴛʜ ᴄʜɪʟɪ選用溏心皮蛋，蛋黃呈琥珀色半流心。秘製醬汁以鎮江醋基底，加入炸蒜酥、指天椒籽，辣度直衝舌尖卻不掩蛋香，蒜醋辣三重奏。➳ 紫洋蔥涼伴苦瓜海帶絲ʙɪᴛᴛᴇʀ ᴍᴇʟᴏɴ ᴡɪᴛʜ sᴇᴀᴡᴇᴇᴅ ᴀɴᴅ ᴘᴜʀᴘʟᴇ ᴏɴɪᴏɴs苦瓜薄切冰鎮去澀，海帶絲吸飽麻辣醬料，加埋迷你紫洋蔥，酸辣度爆表，即刻要加碗白飯。➳ 韮菜鍋貼ᴘᴀɴ ғʀɪᴇᴅ ᴘᴏʀᴋ ᴀɴᴅ ɢʀᴇᴇɴ ᴄʜɪᴠᴇs ᴅᴜᴍᴘʟɪɴɢs手包鍋貼，韮菜豬肉內餡，清香不嗆喉，底部煎出冰花脆網，鎖住肉汁。➳ 山東煎餅歯牛肉卷大蔥sʜᴀɴᴅᴏɴɢ ᴘᴀɴᴄᴀᴋᴇ ᴡʀᴀᴘᴘᴇᴅ ᴡɪᴛʜ ᴍᴀʀɪɴᴀᴛᴇᴅ ʙᴇᴇғ sʜᴀɴᴋ 滷水牛𦟌切片，夾入特製山東煎餅，Q彈帶穀物香。捲入大蔥段、山楂條、炸脆麵，蘸秘醬，鹹甜交織如片皮鴨。➳ 棗泥拉糕ʀᴇᴅ ᴅᴀᴛᴇ ᴘᴜᴅᴅɪɴɢ棗去核磨泥，混入糯米粉蒸至半透明。入口微溫帶淡淡酒釀香，糯而不黏。➳ 香茅檸檬薏米水ᴡɪɴᴛᴇʀ ᴍᴇʟᴏɴ l ʟᴇᴍᴏɴ sʟɪᴄᴇs l ʙᴀʀʟᴇʏ l ʟᴇᴍᴏɴɢʀᴀss l ʀᴏᴄᴋ sᴜɢᴀʀ冰糖熬製祛濕神器。薏米熬至開花起沙，加入糖、冬瓜肉、香茅段、檸檬片。自然清甜，飲到底部驚現綿密薏仁沙，解膩效果完勝涼茶。➳ 紅卜卜堂妹sᴛʀᴀᴡʙᴇʀʀʏ l ʟʏᴄʜᴇᴇ l ᴄʀᴀɴʙᴇʀʀʏ l sᴏᴅᴀ果味炸彈，士多啤梨打茸墊底，中層荔枝同蔓越莓汁，頂部加入蘇打氣泡水。飲前攪拌爆發粉紅漩渦，酸甜氣泡感清新口腔。⤵ 一家筲箕灣筲箕灣道393號形薈地下G04號舖…查看更多

因為見到米芝蓮推薦慕名而來，而菜單方面又見到好多款平時餐廳唔易食到嘅正宗上海菜，即刻試一試。但d嘢甜得黎又好唔正宗，廚師推薦菜品尚可，千萬不要嘗試新品，容易踩雷。希望廚房處理油爆蝦嘅時候可以等佢完全解凍先攞去炸。高力芒果竟然係全餐最好食嘅，但係裝甜品嘅兜竟然係爛嘅，爭啲拮到人⋯⋯Overall嚟講有啲失望。…查看更多

中午和家人到一家上海菜館🥢餐廳有各款上海菜式可選，好適合一班人用餐😄點了兩個午市套餐，跟前菜、白飯和例湯👍🏻亦叫了幾項小菜一齊分享～-🐔七里莊酒槽醉雞 ($88)🥟小籠包 ($58)🐟酸菜魚 (午餐$78)🐟紅燒小黃魚 (午餐 $70)🥬上湯豆瓣莧菜 ($118)🍘炸芝麻團 ($49)-每次食上海菜都必食醉雞和小籠包🫶🏻呢兩項作爲前菜就最令我滿足👍🏻家人喜歡食黃魚，黃魚煎得夠香，還有香荀和腩肉，好送飯～另外叫了一份莧菜最令我驚喜的是酸菜魚🐟沒想到$78的酸菜魚份量竟然咁多! 而且還有多款配料，有寬粉.娃娃菜.芽菜.番茄🍅🌶️味道十分開胃又唔會太辣🙌🏻食到最後，點了一份炸芝麻團作為甜品，內裏竟然是流心的芝麻醬！芝麻控必點🫰🏻而且原來一家有多款特別的飲品😹爆打鴨屎檸檬茶和野蠻奶奶 (椰汁紅豆冰🥥🫘)都唔錯～十分解渴🍹…查看更多

🍽️ 一家📍筲箕灣筲箕灣道393號形薈地下G04號舖今日晏晝同閨蜜小聚，揀咗呢間環境舒適嘅小店，試咗幾有中式家常味嘅小菜，邊吃邊傾，好滿足🥰～涼瓜蝦仁炒蛋好家常，涼瓜唔會太苦，蝦仁爽滑，啲蛋炒得夠嫩滑，成個炒蛋配搭得好清新❤️～鮮茶樹菇炒牛肉啖啖香，牛肉切得夠薄身又滑，茶樹菇帶少少爽脆，豉油味夠入味，香氣四溢，味道微辣，送飯超正😁～上湯莧菜新鮮清甜，菜夠嫩，上湯飲落唔會死咸，淡淡清香，好味道，亦係健康之選😋😋～小籠包一籠四粒，餡料新鮮，湯汁幾足，掂🥰 ～高力芒果奶黃幾特別，第一次試用芒果做餡嘅高力豆沙，食埋呢個甜品收尾好滿足❤️呢道總體味道唔錯，招呼同埋上菜速度也快，值得再次回訪😄…查看更多

平時落筲箕灣都係去東大街食飯，有次經過見到有間中菜，攞過米芝蓮必比登推介，見價錢都唔太貴，屋企人又鍾意食上海菜，今日就係特登同屋企人嚟試吓～雖然係小店，但Menu都有幾多菜式揀，所以就可以由前菜到甜品試晒佢😛阿媽鍾意食秋葵，就叫咗個櫻花蝦麻醬秋葵（$68）俾佢食，秋葵食落新鮮爽口，估唔到麻醬都幾夾～蟹肉豆腐（$198）有啲似賽螃蟹，但呢個係真蟹肉🤣有蟹肉嘅甜味，而且豆腐都好滑～最欣賞佢嘅石窩鹹肉菜炒飯（$108），一上枱唔好食住，等佢有啲飯焦至食最正，而且石窩上就keep住個飯熱辣辣，鹹味啱啱好，差啲我自己食晒成窩飯🤭糖醋小排骨（$82）切到細細嚿唔係好多骨，排骨好入味，配埋個飯食啱啱好～平時食中菜都係飲茶，呢度有好多特色飲品，最好嘅係啲飲品全部都係少甜，大大杯都飲得晒✌🏻香茅檸檬薏米（$34）飲落好清新，另外有杯叫瀟灑契爺（$40）嘅抹茶紅豆，配埋個芝士奶蓋飲，拍得住平時出邊嘅珍奶店🤤食到好飽都要試埋甜品，所以叫個細份啲嘅炸芝麻團（$49）食😎新鮮炸出嚟熱辣辣，入面嘅芝麻仲要係流心😍成餐飯超滿足，睇嚟又多個地方食上海菜，唔使淨係食連鎖店🥰…查看更多

舖頭裝修有特色，餐牌相片吸引，服務正常，但食物質素完全配唔上米芝蓮級數，甚至不如普通街坊小舖！價錢貴但味道平庸，絕對唔會回頭。 🍽 食物評價1. 蒜蓉炒鱔絲💣 「完全食唔到鱔嘅鮮味」，口感似烚熟蔬菜絲，淡而無味，$100+買碟「健康素食」？ 2. 蟹粉鍋巴🤢 杰撻撻似鼻涕，蟹粉香氣近乎零，只有零星蟹肉碎，黏稠醬汁令人卻步。 3. 三絲冷麵😐 全晚唯一正常，但「好普通」，超市買包冷麵自己撈都得。 4. 黑醋排骨🧂 過鹹！醋香唔突出，肉質偏韌，街市熟食檔更好食。 5. 上湯蟶子蜆肉勝瓜💸 金華火腿湯底合格，但蟶子蜆肉份量少，性價比極低。 ⚠️ 總結優點：裝修特別、服務OK 致命傷：食物質素差、定價進取、米芝蓮名不符實…查看更多

新派 一家上海菜 經過筲箕灣新商場，見到有間餐廳裝修幾特別，睇真d ,,係米芝蓮推介！仲要係連續幾年！就入去試試。 前菜紫洋蔥涼拌苦瓜海帶絲酸酸辣辣，甘甘地，入口又爽爽地，突顯到紫洋蔥嘅甜，五味俱全，是特別的。 小籠包包得好靚，皮簿，餡靚，亦多汁。肉汁香甜，是正宗上海菜的小籠包。 一家蔥油白切雞以為係普通蔥油雞，就大錯特錯，一家嘅蔥油雞，蔥多到成碟到係， 又唔係太咸，搶左白切雞嘅味。白切雞亦煮得剛好，肉不會老。 一家三絲拌冷麵天氣熱熱地，最啱食冷麵，有好幾款汁料可以自己配搭，有醋，豉油，辣油，同胡麻醬。我是胡麻醬派，友人是辣醋豉油派， 自己撈自己果份，唔使爭。 高力芒果奶皇高力豆沙就食得多，芒果奶皇真係冇食過。外層蛋白炸得金黃又彈牙。內餡唔會太甜，吉喜歡甜d 可以自己另加糖粉。 最後特飲兩杯上梅餐有特飲，其實係幾特別。…查看更多

⭐️山東煎餅歯牛肉卷大蔥係個盤上有鹵牛肉片、餅皮、蔥、山渣條、蝦米、炸麻花。鹵牛肉片都幾嫩下，配埋唔同食物一齊，幾多層次下，幾特別。⭐️麻辣香炸鳯尾魚鳯尾魚炸得好香脆，味道辣辣地，少少酸酸甜甜，灑上黑白芝麻點綴下。⭐️黑豬肉紙皮燒賣個皮幾薄下，咬落去糯米煙煙銀銀，睇落去以為好鹹，但唔係。⭐️缸鴨狗玫瑰桂花湯丸一嚟到好香玫瑰味，食落去有淡淡嘅桂花味，係黑芝麻湯丸。⭐️紫洋蔥涼拌苦瓜海帶絲⭐️丫頭入面有芒果肉粒、石榴汁、番石榴肉、櫻桃啫喱冰、椰子芝士露，甜甜地，但番石榴味好清新，飲飲下食到果肉&啫喱幾好。⭐️香水表舅父入面有香水檸檬、青提子汁、青提子肉、茉莉花茶、蜜糖爆珠，香水檸檬味好突出，有得咬下爆珠幾好。…查看更多