マヌル屋

營業中

休息中

最近發現一間好正嘅拉麵小店🍜就係位置牛頭角嘅MANURU YA🐱由日本人自家經營🇯🇵主打雞白湯拉麵、雞叉燒及慢煮雞胸🐓店内仲會搵到好多可愛貓貓擺設🐈店内有三款拉麵：瑪瑙瑙麵、黑蒜雞白湯拉麵辣味噌雞白湯拉麵🍜入面都會有慢煮雞胸、雞叉燒、荀、洋蔥、京蔥、青蔥🤩我同朋友試咗瑪瑙瑙麵同辣味噌雞白湯拉麵🍜雞白湯經十一小時熬煮🔥湯底味道濃郁😗辣味噌都好入味,唔會好辣🌶️慢煮雞胸同雞叉燒肉質嫩滑🐔可以選擇黃麵或者白麵,兩款都口感彈牙🍜除咗原來嘅配料,大家仲可以追加溏心蛋、紫菜、海帶等配料😍另外我地仲叫埋煎餃子🥟黃金脆口,滿滿肉汁同肉餡😛

今次無意中嚟到觀塘馬蹄徑一間日式拉麵小店，店內坐滿晒人，門口都有幾個人排隊，我哋都等咗30分鐘先入到去。等候期間，店員有主動問需唔需要水，態度親切，笑容都幾好，感覺幾貼心。我叫咗黑蒜雞白湯拉麵（$89），配料有黑蒜、慢煮雞胸、雞叉燒、筍、洋蔥、京蔥、青蔥。麵底選咗黃麵，偏曲身啲，口感比較有咬口。湯底一定要加蒜，整體味道會提升～～另一碗辣味噌雞白湯麵（$93），配料都差唔多，只係多咗辣味噌。麵底揀咗白麵，口感比較柔軟，個人覺得白麵好食啲～鍾意食日本拉麵嘅朋友可以一試。記住一定要加蒜🤣追加咗一份日式餃子（$38／6隻），包裝見到係日本直送，味道可，配湯麵幾啱。整體體驗都算不錯，環境都幾有日本feel～適合想食返碗簡單日本拉麵嘅朋友👫

👧🏻😋👅🍽✨泡沫雞白湯拉麵-🍜 牛頭角小店門面非常簡潔，打開趟門11個位都坐滿客人；餐牌得四款拉麵同一款小食，泡沫雞白湯係靈魂所在-▪️黑蒜雞白湯拉麵 $89▫️限定拉麵 （咖喱） $95🐓 每碗拉麵都有慢煮雞胸同雞叉燒，雞胸比一般食開嘅厚身札實有口感好唔錯；炙燒雞叉燒薄身焦香，加$30有多六片，同超濃郁雞湯好夾！🐓 黑蒜同咖喱味道都比較突出，但飲落都明顯帶雞肉鮮甜味；點餐紙冇得揀麵嘅質地，但可以揀較粗身彈牙嘅黃面或幼身嘅白麵

今日一嚐牛頭角新開雞白湯拉麵，店主應該好鍾意貓貓，店內裝飾全是貓貓，連碗都係貓啊！入邊餐單好簡單，淨係得四款拉麵，分別係：- 雞白湯拉麵 $89- 黑蒜雞白湯拉麵 $89- 辣味噌雞白湯拉麵 $93- 限定拉麵 $95 （宜家係咖哩拉麵）我哋揀左雞白湯拉麵同蒜香雞白湯拉麵（$89+$89）叫其中一碗追加溏心蛋（$10），一碟餃子（$38）見到師傅細心製作，每碗雞白湯都會上菜前用blender blend多次，同埋會暖埋隻碗，呢啲都係加分位～雞白湯拉麵 $89濃濃嘅雞白湯配有嚼勁嘅黃麵，真係勁夾！加埋每配片碗三片慢煮雞胸同雞叉燒、荀、洋蔥、京蔥、青蔥，一碗食完勁滿足～雞胸同雞叉燒又滑又淋，$89一碗性價比勁高！隻溏心蛋都係暖上架，最怕食到凍冰冰嘅溏心蛋，會破壞晒成碗麵🍜蒜香雞白湯拉麵 $89基本材料一樣，但最底果層放左黑蒜油，味道再濃郁啲同厚啲，每一啖有蒜香味，呢碗配左爽口啲嘅白麵，都係一啖接一啖咁勁快食完餃子🥟$38即叫即整，熱食脆卜卜整體都好好，會再回來食多次～

牛頭角人氣雞白湯拉麵(自費非廣告係觀塘上完堂search到呢間有雞胸既拉麵 即去🙌🏻湯底有好綿密既泡沫係面cream 唔會死鹹❗️可以比你簡白麵or黃麵 2款我都試左 掛湯力💯慢煮雞胸娕滑⭕️叉燒充滿油香⭕️舖頭用貓貓佈置 好有心思 我先加分😻

🌟【牛頭角拉麵黑馬！マヌル屋🐈】 新開？誇張到平日7點人龍排到轉彎入後巷😱！.🍜 鎮店之寶：瑪瑙原味雞白湯湯底乳白色濃到掛勺✨另外可以自選麵嘅種類超貼心：推薦「白麵」——幼直麵吸湯力MAX，索盡雞油精華💦食到嗦嗦聲！ .🔥 雙叉燒雙：慢煮雞胸＋醬燒雞腿慢煮雞胸🐤粉嫩過BB肌！低溫慢煮72小時，口感嫩過豆腐💥顛覆「雞胸=鞋口」認知！醬燒雞腿🍗秘製醬油燒到油香四溢＋皮脆肉彈牙！.💰人均消費～$100.🍽味道：4/5🏙環境：4/5👨🏼‍🍳服務：4/5💧衛生：4/5💰價錢：4/5

位於觀塘裕民坊附近嘅Manuru裝修環境好有日本街角小拉麵店嘅氣氛牆上仲貼滿左貓貓相片主題瑪魯魯貓幾可愛喎！Manuru 主打雞白湯拉麵雞白湯用足十一個鐘慢火熬煮湯底奶白濃厚再以攪拌攪出綿密泡沫好似 Cappuccino 咁既效果令口感更滑溜成碗飲晒都唔覺膩試左招牌「瑪瑙瑙麵」湯底細滑濃郁慢煮雞胸滑嫩到爆雞叉燒入味仲可揀黃麵白麵黃麵彈牙白麵偏幼更爽口鐘意重口味嘅話我仲試左辣味噌雞白湯拉麵味噌鹹香夠惹味辣得夠過癮配埋幼爽嘅白麵掛湯一流愈食愈開胃🌶️！一邊食麵一邊望住瑪魯魯貓真係治癒又滿足

一入到店舖入面，發現好多裝飾都是貓貓, 愛貓人士一定好開心選擇困難症嘅人士應該好開心，因為只有三款拉麵，今次我同朋友揀咗黑蒜雞白湯拉麵及辣味噌雞白湯拉麵。見到佢每煮一碗麵都好仔細將湯底打到起泡，再燒一下雞胸肉同雞叉燒，可能慢煮關係，所以雞胸肉好亂滑，而湯底偏向清淡，但加咗辣味噌又有進一步嘅香味。我哋每人都加咗隻糖心蛋，做得非常之出色。而麵底方面可以選擇幼啲嘅白面同埋粗啲嘅黃面。最後我哋叫咗碟餃子非常之足料，好好味。

日本人老闆主理嘅雞白湯拉麵🍜老闆應該好中意貓 無論係牆身/枱上擺設 碗碟都係貓🤭menu好簡單 只有3款嘅拉麵+餃子😀麵就可以揀粗身有咬口嘅黃麵/幼身彈牙白麵✨瑪瑙瑙麵+溏心蛋 $89+10✨辣味噌雞白湯拉麵 $92✨餃子 $38奶白色嘅湯底用雞白湯打至起泡 入口清甜順滑😍聽師傅講個湯熬咗11個鐘 質感厚身 飲左好多啖都唔渴😉如果唔鍾意清雞湯 又鍾意辣嘅 可以試吓佢嘅辣味噌😙飲落好惹味 小小辣 但唔會蓋過雞白湯嘅清甜味😜每碗都有超嫩滑嘅慢煮雞胸(超有驚喜!!!)+微燒過雞叉燒🤓以及筍 洋蔥 高蔥 青蔥 加配左嘅溏心蛋煮得剛好 有流心🥰位置僻 但值得黎 推介比中意食雞白湯拉麵嘅你😆📍地址: マヌル屋 Manuru Ya 牛頭角馬蹄徑5號寶峯大廈地下6號舖

由日本人主理，主打雞白湯拉麵、雞叉燒及慢煮雞胸，吧檯設計讓客人可以近距離看到拉麵製作的過程。拉麵款式貴精不貴多，只有3 款！麵條有白麵和黃麵兩款選擇。雞湯呈奶白色，上菜前師傅會再用攪拌機攪至起泡。黑蒜雞白湯拉麵 ($89)雞叉燒先烤一會兒再放於拉麵上，入口惹味且帶點脂香。慢煮雞胸軟嫩，一點也不乾柴，白麵軟腍。辣味噌雞白湯拉麵 ($92)黃麵彈牙有嚼勁，湯底辛辣香口。餃子 ($38)外皮香脆，內餡juicy。

藏身牛頭角寶峯大廈地下的「マヌル屋」，由日本老闆主理，店面僅12個吧枱位，裝潢走日系木調風，牆身貼滿貓咪壁畫，猶如闖進東京巷弄小店。主打三款雞白湯拉麵，每日用本地鮮雞熬足11小時，更以電動攪拌棒打出綿密奶泡，視覺先贏一仗！ 黑蒜雞白湯拉麵（$89）＋味玉＋海帶- 湯底神級濃郁：一上枱就聞到黑蒜焦香！手工黑蒜油混入雞白湯，蒜味濃而不搶戲，反而帶出湯底鮮甜；湯質稠身似「 Cappuccino泡沫」，飲落膠質重、微黏嘴，雞味澎湃得嚟尾韻清爽。 - 麵質二選一：揀咗 白麵（直麵)，爽滑為主，索湯力十足。黃麵（曲麵)波浪設計掛湯力超強，煙韌彈牙咬落有麥香。- 配料心機位：追加 味玉（+$10）係明智之舉！蛋黃流心似蜜糖，滷汁甜香滲透蛋白； 海帶爽脆解膩，平衡濃湯。慢煮雞胸嫩滑顛覆想像，雞叉燒薄切脂香滿滿，可惜得兩片唔夠喉。 $110埋單（連追加）喺工廈區算中高價，但湯底真材實料、黑蒜同雞湯交融得妙，追加味玉必試！美中不足係叉燒份量偏少，飯市例排15分鐘。鍾意濃厚系拉麵嘅，呢碗「泡沫黑蒜雞白湯」絕對值得專程拜訪！

瑪瑙拉麵材料有慢煮雞胸同埋叉燒，雞胸嫩滑，推介。聽師傅講，湯底熬製10小時以上，湯底味濃creamy，食完成碗拉麵唔會令人好口渴，加分！ 辣味噌雞白湯拉麵湯底非常惹味，岩哂食得辣之人，個人覺得配黃麵食會好掛湯，每啖麵都充滿雞湯味。麵有分黃麵同白麵，黃麵較為粗身少少，有咬口；白麵似一蘭拉麵，掛湯唔錯。今次每碗各叫一款麵試下，兩款口感都唔錯。煎餃子即叫即整，熱辣辣擺上台，非常多汁P.S. 要讚成間餐廳既佈置， 十分有心思，鍾意貓嘅朋友黎到應該會好開心。店員兩位唔多，但好有禮貌，So far 見部分食評有唔好既經驗，但今次用膳十分滿意，會再幫襯。

MANURU YA拉麵店位於觀塘牛頭角交界，剛開張冇耐，以貓貓做主題🐱當日去到已滿座，係店外等個陣熱辣辣，點知店員好貼心咁俾左幾杯凍水🥰老闆係日本人，所以拉麵味道都幾正宗👍-🥢 餃子 $38皮薄多餡，內餡係新鮮豬肉混合蔬菜，味道清甜😜-🥢 辣味噌雞白湯拉麵 $92 (溏心蛋 +$10)雞白湯會打到起泡，辣味噌鹹香味十足，配埋一齊原來好夾，增添層次感，但又唔會太辣🥰另外拉麵可以揀黃麵/白麵😝黄麵比較粗身有咬口，白麵較幼身掛湯必選🙈配料有慢煮雞胸/雞叉燒/荀/洋蔥🧅/京蔥/青蔥，雞胸好淋唔鞋口，雞叉燒就有輕微火炙過，增添香味💕溏心蛋仲係流心而家好入味😝-🥢 黑蒜雞白湯拉麵 $89加左黑蒜油，唔會有油膩感👍

女友公司附近開左一間食雞白湯既拉麵店，餐單只有三款拉麵，亦有提供餃子。入面掛咗好多貓貓嘅相😍，整體環境乾淨，座位唔算多，大約10個左右。客人可以選擇黃麵或白麵。前者口感更煙韌彈牙，波浪型既賣相令麵條更有口感。後者比較爽口，各有特色。- 瑪瑙瑙麵雞白湯用左11小時熬製而成，見到師傅用攪拌器打發雞白湯，拉麵湯底額外有一層泡沫，質感更加厚身，湯底非常出色，叉燒肥瘦適中幾惹味。慢煮雞胸肉質仲嫩滑過叉燒，非常juicy完全唔柴👍🏻- 黑蒜雞白湯拉麵雞白湯加咗黑蒜之後香氣撲鼻，但唔會蓋過雞白湯既味道，相輔相成👍🏻。對我地嚟講，溏心蛋係拉麵最佳拍檔😍，餐廳既溏心蛋煮得恰到好處，呈半熟狀態，味道偏甜，蛋黃味亦好濃郁。相信之後一個月都會光顧一至兩次，雞白湯實在太出色😍

街坊朋友有福啦，俾我見到一間新開試業嘅拉麵店，仲要係流行嘅雞白湯拉麵。雞白湯拉麵分別係一碗有黑蒜油一碗冇，另外仲有辣味選擇，總共三款。湯底熬足11個鐘，雞味味道濃厚，絕無味精，食完喉嚨舒服。麵條仲可選擇或黃麵，白麵比較幼身同彈牙，接近一蘭拉麵嗰隻。兩款麵質都試過，因人而異。慢煮雞肉夠晒滑又唔鞋口😘店內裝修好多媽媽擺設，忍唔住影咗個貓貓屋企模型，好得意。店員都好貼心，安排晒擺放行手袋嘅箱俾客人。店內整潔乾淨，星期五晚是人都比較多，但大家食完就好快走，唔使擔心要排好耐隊。