ねずみの王冠 喫茶店

營業中

休息中

觀塘區地方食肆越來越少，工廈區樓上食肆越來越多，工廈cafe可以靜靜地係星期日食個Brunch，好過喺商場食肆，間間一色一樣。咁岩搵到間cafe可以有All  Day  Breakfast，我係OpenRice search觀塘區選擇都唔多，好彩咁岩撞到呢間開門，依間Cafe的All Day Breakfast 只會係星期六日供應。我約咗朋友上嚟食嘢，但最後佢都冇黎，我跟侍應要求左坐榻榻米，侍應都好有善應我要求，我都好唔好意思座晒成張大枱All Day Breakfast有大及普通選擇，我選擇了一個普通的，裏面有炒蛋丶蕃茄丶雜菌丶雜菜沙律丶牛角包及炸薯餅。蕃茄好新鮮，雜菌居然用黑松露炒，好香炒蛋炒得好綿好滑，炸薯餅炸得好脆，裏面有好軟。整體食材新鮮度及火候都好好，食完整個餐感覺到好有營養，沒有多餘味精，仲有日照陽光配合，充滿正能量。一定會再嚟幫襯

平時去開既cafe都係充滿歡樂氣氛，有唔同既boardgame可以同一大班朋友玩下笑下，比較熱鬧。今次反而俾我搵到一間格調完全相反既cafe!位於工廈入邊既日式cafe!係香港比較少見吧?而此cafe不同彼cafe，呢間日式cafe都係飲野食野為主。因為無左玩樂既部分，比較寧靜，鍾意享受寧靜環境既好岩去!一入餐廳右手邊有一個專賣日本產品既角落，由精品到日常用品都有而店內設計都以帆布同木傢俱為主，令人非常舒服!仲有一張長枱可以坐成10個人餐廳擺設雖然比較簡約，但都非常有格調，浪漫吧~?set dinner選擇多，有唔同既組合可拼湊，不錯餐湯非常唔錯，係法式洋蔥湯!但同平時西餐廳既煮法唔同。洋蔥切粒煮湯，加入香草，湯面加上法包芝士去焗!整個感覺好似酥皮湯咁! 但好味既野總會嫌少!如果份多啲就好啦主菜部分都好有水準!香草三文魚扒，魚皮煎得十分香脆!魚肉唔會太乾身，好香三文魚既油脂味道配上少少日式醬汁，味道鮮甜。但就唔太食到香草既味法式鵝肝松露忌廉什菌燴有機日本米個名好長鵝肝係重點!有好香既鵝肝油香，但個人喜歡焦啲，咁樣會更甘甜。米應該都係珍珠米，比較大粒同圓潤。味道唔錯，但覺得比較乾身。可能

星期六睇完早場電影「蜘蛛俠3D」😎，肚餓仔要即刻搵嘢食，上OpenRice search下all day breakfast，就試咗呢間coffee shop，不過我上到去都冇叫到all day breakfast，男朋友要左一個牛肉焗薯仔批，服務員仲介紹咗一個餐牌裏面冇嘅水牛城雞翼，要＄58，因為佢好用心咁介紹俾我地聽佢哋點樣自家製，包括醬汁，聽上去好吸引，所以叫咗。我都試左男朋友嘅牛肉焗薯仔批，裏面不單止有薯蓉，仲有好多一片片嘅新鮮薯仔，裏面仲有蘿蔔同埋好多肉汁，我開頭以為個批會好細個，但係佢話食下食下到最後都幾飽😆。我都點左一個牛肉稻庭烏冬，好豐富，又有飯團又有日本漬物前菜又有面豉湯又有糖心蛋，我哋女孩子見到咁多小碟，即刻開心晒水牛城雞翼酸酸辣辣嘅醬汁好滋味，我女仔黎講都唔覺得太辣，之後我睇返佢哋個Instagram先知道佢哋呢個原來係餐廳嘅新主打菜，失覺晒。餐後佢飲左一杯roasted hazelnut latte, 有濃郁炭燒味道，個拉花都好靚。環境自然光照明一流，日式裝修，連廁所都係木色裝修，用心體貼，出餐時間算快，我男朋友個焗批，都可以3個字內送到枱上，特別地餐廳職員細心

Hamsta Crown Cafe走溫馨日系cafe風格，一入cafe，暖黃燈光予人舒適、懶洋洋的感覺。店內裝潢乾淨簡單溫馨，沒有多餘的裝飾、擺設，使人坐得舒服，環境非常適合聊天啊。今天點了兩個日系西餐Dinner set，第一個主菜是「西班牙黑毛豬扒」、黑松露忌廉蘑菇湯、蟹子沙律、甜品。黑松露蘑菇湯剛上菜，已聞到陣陣黑松露的特殊礦物香，湯體厚稠，有奶、菌香，啖啖碎菇，絕不慳料，湯的個性明顯。蟹子沙律蟹子量不少，所用的是黑醋而非沙律醬，黑醋醬酸味令沙律口感更清麗，沒有沙律醬的負擔感。黑毛豬扒火喉剛好，肉質細嫩而富有彈性，入口有適量的油脂，加上黑松露忌廉醬，非常美味。薯仔非常Fresh，沒有多餘的調味，自然風味加上兩款醬汁，簡單而美味。另一個dinner set以「雪花蟹鉗配龍蝦汁燴日本米」為主菜，加上黑松露忌廉蘑菇湯、雙重芝士（車打、馬蘇里拉）配什菌焗大啡菇、甜品。雙重芝士焗大啡菇上菜時以透明器物遮蓋，一打開菌香買溢，上菜設計甚有心思。大啡菇燒得微焦，有濃烈的乾菌香味，加上兩種芝士、忌廉醬汁，大啡菇面有幼長的什菇，並以薯蓉托底，入口層次豐富而有變化，驚喜！燴飯有淡淡的龍蝦海鮮味，蟹鉗肉

一個人放工後冇嘢做想食餐好，觀塘周邊餐廳選擇好多，但有特色的買少見少，有時都真係講彩數，依間餐廳就交足功課，環境寧靜，以木為主題，地板枱凳吧枱都用上實木，裝修一絲不苟，仲有一排大窗，六點後都望到黃昏的最後自然光引入，感覺好舒服放鬆，淨係講佢啲小擺設丶裝飾都有排講，大家都真係覺得有興趣就自己去睇吓啦。環境真係好影響用餐心情，周邊嘅自然木、日本裝修加上日本音樂，真係好似去咗日本用餐。食嘢方面，我就叫左一個dinner set，我揀咗西湯，菠菜芝士焗洋蔥湯，個湯真係好好飲，真材實料，有好濃郁嘅菠菜同埋洋蔥蓉，個湯應該係新鮮焗，裏面嘅芝士仲軟綿綿，好有咬口。前菜我就叫點左蟹子沙律清清腸胃，沙律用醋汁，非常開胃，主菜我就叫左西冷牛扒，牛扒味道正常，不過不失，仲有兩款醬汁選擇，仲有個焗薯。食物方面，整體食得出啲用料新鮮，焗薯都係用新鮮薯仔焗。一間餐廳應該做到咁樣先叫合格，所以呢間餐廳可以做到環境同食物都好係好難得，服務員態度亦非常友善，又幫我不斷加茶，佢幫我加嘅係玄米茶，正常出面餐廳只係會比杯水你，佢哋每次過嚟serve我，都向我點頭，好有禮貌，搞到我都好唔好意思，服務水準比起出面大餐廳，完全唔失

星期六同朋友嚟到觀塘行下，收到宣傳單張，就上咗嚟依間Cafe, 正常cafe都唔會對佢嘅食物有太大要求，但係依間以日式為主題cafe，lunch種類好多同埋好多食物同出面比較有少少唔同，我同朋友點左漢堡沙律配薯格同埋吉列蝦咖喱豬扒飯，佢哋嘅食物擺盤、環境比我感覺都非常精緻細心，個飯都有一個大花嘅形狀。我朋友嘅漢堡好軟熟juice，佢仲有個新鮮沙律伴碟，即刻唔heavy。我個豬扒好鬆化，食得出應該用新鮮豬扒上粉炸，個吉列蝦都好鬆脆，會買沙律醬加咖喱汁，真係好滿足。依間Cafe仲有一個小Corner shop賣日本野，因為呢度環境太舒服丶寧靜，又有自然光加埋溫馨的日本音樂，懶到我都唔記得影吓相。一間cafe可以做到餐廳飲食質素，非常有驚喜，平時下午茶，六日嚟到觀塘冇地方去，等下人，嘆杯咖啡，呢度都係一個唔錯嘅選擇。

真名叫“Hamsta Crown Concer”位於觀塘站除附近，約5-10分鐘路程，係冠力工業大廈頂樓，搭lift到14樓，再行多層樓梯。你會揾到佢，綠油油好鬼靚既門口，旁邊仲有放左幾張sofa橙。環境算係我去過最舒服既一間cafe，有大sofa橙，枱與枱之間有充足既空間，無壓迫感，而且傢俱裝修仲好新正，應該開左唔係好耐呀。人流唔算多，比較寧靜，最岩hea友聚集，例如我🤣我地叫左個Special Dinner Set $298（推廣價）有湯，前菜，主菜同野飲。Latte +$12 拉花好靚，唔係咩？😻麵豉湯 夠大杯，豆腐滑而多，清清地，好鐘！雙層芝士配什菌焗大啡菇😻呢道係道吸睛菜，上菜時會用精美玻璃蓋cover住，視覺效果好正，大菇載住菇仔同d汁,底下係薯蓉，菇既濕度岩岩好，唔會覺得乾，唔錯。法式鵝肝松露忌廉燴什菌有機米鵝肝外脆內香甜嫩滑，薯片係自家製的，超濃黑松露美國水牛城雞翼$58 💥少少辣，即叫即煮，唔錯最後不得不提既係cafe內有既corner shop,主賣日本品產，例如化妝品，護膚品，小飾物等等...呢個都係cafe既特色來嫁。最後要提一提既係員工服務態度好好，會為客人解

周末朋友又要開OT，唯有入黎觀塘同佢食。呢間餐廳喺工廈入面，入去時俾保安叔叔截住要登記身份證，我地明顯係「善男信女」黎，都要登記，佢真係好盡責吓。 Hamsta Crown Coffee喺工廈嘅頂樓 - 15樓，搭𨋢只可以去到14樓，出𨋢後行一層樓梯就到，樓梯口就有顯眼嘅餐廳廣告牌所以並唔難搵。一上到黎，就見到大大個門口。牆身係青綠色嘅毛氈，門牌係個色彩繽紛嘅木牌，大門都係木製，好似童話中的小木屋。從工廈灰白水泥牆感受到嘅冷漠感頓變為充滿咗回家一樣嘅溫暖感。仲掛住左啲餐牌添~下午茶餐:周末午餐:入門口左邊係水吧，擺滿咗包裝色彩繽紛嘅各式西式茶葉、咖啡、茶杯。右邊就有一個小小購物區，裡面售賣嘅主要係美顏化妝產品例如面膜、眼霜、洗面乳等等。店舖雖小但產品種類都幾多，等上菜或餐後逛就啱晒。整間餐廳嘅佈置帶出嘅感覺係非常柔和同簡潔：燈光係柔和嘅暖色燈；牆身係米白色，掛住啲有寓意嘅畫；地板同餐桌同係木製；座椅係暖色嘅西式梳化椅，仲有一張餐桌係喺榻榻米上，啲座椅係可供跪坐或盤坐，連窗簾都係日式捲簾，洗手間都好乾淨企理。整體佈置得非常細緻有心思，令食客更感受到家嘅溫暖和諧感覺。連榻榻米都有法式洋蔥湯

星期日同朋友慶祝生日，三個人想搵間cafe 靜靜地食個午餐食蛋糕傾下計。宜家觀塘工業區咁多間，真係好難揀，隨便搵左間試下。Hamster Crown Cafe 係老鼠仔做主題，行日式路線，有自然光，不過入到去其實都唔係好多隻鼠，咁啱我地枱有一隻😂因為仲有生日蛋糕，所以叫左兩樣野share.1.日式咖喱吉列豬扒炸蝦飯 加熱情果smoothie。個飯常常不過不失，差唔多食完嘅時候，店員仲肯俾我哋加多一小碗咖哩汁2.鯖魚定食 配焦糖牛奶朱古力(佢俾錯左咖啡我! ) 條鯖魚配個魚汁幾好食幾嫩滑，定食仲有一碗紫菜豆腐湯，不過個湯冇咩特別有啲淡口。總括，野食選擇少，食物普通，不過好在地方夠大，當天客人人數唔多，靜靜地，想搵地方飲杯野傾計都唔錯既。

有日喺街等過馬路時見到呢間餐廳既廣告牌, 今日約埋幾個同事一齊上去踩場, 前一日訂咗位, 一去到已經預留咗枱俾我地, 環境好舒適, 近門口位置有個小型攤檔都係賣啲日本既化妝護膚用品, 另一邊就有花茶賣, 餐廳內有一個侍應唔知係咪老闆嚟呢? 個樣好熟面口, 唔知係咪啲明星開既呢?午巿餐牌都多種類選擇, 有11款既定食, 有好多都好吸引好想試, 意粉類唔會試食, 因為其他地方都有得食, 嚟呢到當然係試啲日式野日本廣島炸蠔定食 - 賣相好吸引, 前菜沙律個汁酸酸地應該係醋嚟, 味道不錯好開胃, 麵豉湯偏咸, 炸蠔炸粉唔多, 又鬆又脆, 廣島蠔好肥美蒲燒原條長鰻魚定食 - 鰻魚都算大條, 份量十足, 味道不錯, 鰻魚好新鮮榛子鮮牛奶朱古力  - 賣相不錯, 榛子味都好香濃薄荷鮮牛奶朱古力- 賣相不錯, 但凍飲好似細杯咗意式泡抹咖啡(熱)意式泡抹咖啡(凍) - 味道偏奶, 咖啡味唔太濃MOCHA - 賣相不錯, 朱古力味濃郁八味粉 - 感覺七味粉可口得多*** 餐廳最近做緊逢星期二同三都有八折優惠, 而餐牌會一個月會轉兩次, 即兩星期換一次新餐牌

本來只想隨意找間茶餐食午餐，不過，在我步行之際，收到派單員的宣傳單張，頗吸引! 那就去這間吧😤 餐廳位於工廈中，有點隱秘，乘搭電梯后還要行上一層，當練習腳骨力吧😅到達后見到幅綠色牆，的確好eye catching😘一進入餐廳，便看見很大的水吧，放滿了不同的商品好靚的茶罐，如何抗拒不買呢🙈餐廳以木製傢俱為主，很柔和，也很溫暖，空間夠大最搶眼的還是榻榻米，很適合帶小朋友的食客👍lunch menu, 選擇夠多今天點的天婦羅吉列蝦🍤豬扒🐷咖哩飯, 炸得剛剛好，不油膩，配日式甜咖哩，oishii😋裝著白糖粒的器皿也很精美食完后，可逛逛餐廳附設的shop corner這裡還有NEEDS免費雜誌👏離開時發現這隻公仔，好可愛噢😍 正正表達了我的表情及狀況: 飯氣攻心，吾想番工😂

室內裝修很和風，有塔塔米，有木製傢俱，環境舒適乾淨，位於工廈頂樓🏬（需要乘坐𨋢到14樓，再行一層樓梯），是避開人陰稠密的好地方。👍🏻旁邊還有小corner 售賣日系妝品🛍，物品擺放齊整有序。連廁所也日糸裝修，一入去香氛撲鼻🌸，甚至備用漱口水服務，相當體貼。食物🍱質素不過不失，但員工服務態度甚佳，談天期間，很多主人也帶來貓貓狗狗🐾，一併下午茶，這確實是個好地方值得花一個下午，與三五知己共渡時光！

同N 年無見嘅同學聚舊，當然要揀個不限時，好free嘅地方啦。開初諗住有小朋友，睇相見到Hamsta crown 有個榻榻米corner, 朋友們又無乜所謂，所以就揼搥。我打電話去訂時，服務員都很好咁話雖然人唔夠10位，但都留個榻榻米位置比我。去到點咗Lunch set, 加嘢飲就掋D, 如果就咁叫飲品，都要$40+。嘢食都ok. 份量適中。手調咖啡有少咗D驚喜，拉花技術有待改善。哈！掛住傾，都無影相。

今日放工辛苦，一個人想食好啲奬勵自己，在街上收到傳單，見到介紹餐廳照片裝修好特別，所以上咗去，餐廳裝修日式好和風，餐廳服務員服務細心，不斷幫我加熱茶，菜色方面，我揀咗一個Dinner Set，日燒牛脷前菜，牛脷厚薄適中，蔬菜份量多，新鮮爽口，加上甜酸醬汁，已經好飽肚，主菜叫左三文魚扒，好香口加上燒汁，真心好味，白飯仲可以任加，但本人已經好夠😆。加$12叫左一杯Latte 香滑，咖啡味濃厚，餐後一杯咖啡，在這寧靜的環境下，加上有日本歌曲播放，好有深宵食堂的感覺☺️，店員話下星期會有新二人前及四人前餐加入，期待總結，餐廳裝修設計用心，店員回答細心，價格合理，食物中高，特別咖啡非常好一定會再黎，加油

一行二十個人想搵個地方一聚，見環境唔錯就決定左依間先唔講食物既質素，之前我地whatsapp訂位某同事話有85折。但最後比錢既時候竟然話個個係另一個同事同我對話所以依家情況唔同，原來同一公司但每個人既收費唔一樣新鮮有趣再者，因爲我地太多人佢地要額外做多左野所以工作量增加(例如整理過啲枱)，姐係+10%服務費係唔夠架，最後當然冇比折我地，真係辛苦哂佢地，第一次聽太多人冇折，反而要2-4人先比到折。環境係唔錯既，不過食物普通，份量偏少，$168既價錢唔成比例。最令我深刻既真係個出爾反爾既收費。