影片
更多
2017-07-15
143 瀏覽
一個人放工後冇嘢做想食餐好，觀塘周邊餐廳選擇好多，但有特色的買少見少，有時都真係講彩數，依間餐廳就交足功課，環境寧靜，以木為主題，地板枱凳吧枱都用上實木，裝修一絲不苟，仲有一排大窗，六點後都望到黃昏的最後自然光引入，感覺好舒服放鬆，淨係講佢啲小擺設丶裝飾都有排講，大家都真係覺得有興趣就自己去睇吓啦。環境真係好影響用餐心情，周邊嘅自然木、日本裝修加上日本音樂，真係好似去咗日本用餐。食嘢方面，我就叫左一個dinner set，我揀咗西湯，菠菜芝士焗洋蔥湯，個湯真係好好飲，真材實料，有好濃郁嘅菠菜同埋洋蔥蓉，個湯應該係新鮮焗，裏面嘅芝士仲軟綿綿，好有咬口。前菜我就叫點左蟹子沙律清清腸胃，沙律用醋汁，非常開胃，主菜我就叫左西冷牛扒，牛扒味道正常，不過不失，仲有兩款醬汁選擇，仲有個焗薯。食物方面，整體食得出啲用料新鮮，焗薯都係用新鮮薯仔焗。一間餐廳應該做到咁樣先叫合格，所以呢間餐廳可以做到環境同食物都好係好難得，服務員態度亦非常友善，又幫我不斷加茶，佢幫我加嘅係玄米茶，正常出面餐廳只係會比杯水你，佢哋每次過嚟serve我，都向我點頭，好有禮貌，搞到我都好唔好意思，服務水準比起出面大餐廳，完全唔失
食嘢方面，我就叫左一個dinner set，我揀咗西湯，菠菜芝士焗洋蔥湯，個湯真係好好飲，真材實料，有好濃郁嘅菠菜同埋洋蔥蓉，個湯應該係新鮮焗，裏面嘅芝士仲軟綿綿，好有咬口。前菜我就叫點左蟹子沙律清清腸胃，沙律用醋汁，非常開胃，主菜我就叫左西冷牛扒，牛扒味道正常，不過不失，仲有兩款醬汁選擇，仲有個焗薯。食物方面，整體食得出啲用料新鮮，焗薯都係用新鮮薯仔焗。一間餐廳應該做到咁樣先叫合格，所以呢間餐廳可以做到環境同食物都好係好難得，服務員態度亦非常友善，又幫我不斷加茶，佢幫我加嘅係玄米茶，正常出面餐廳只係會比杯水你，佢哋每次過嚟serve我，都向我點頭，好有禮貌，搞到我都好唔好意思，服務水準比起出面大餐廳，完全唔失禮，佢哋晚市都仲要唔收＋1，真係有冇搞錯。
食完野，周邊仲有好多日本雜誌可以睇，不過大部份都係女性雜誌，但係都有好多日本家居丶時尚玩意的雜誌可以睇，所以我都一邊嘆茶，一邊睇雜誌。
周邊嘅朋友食飯嘅時候，都好安靜，整個感覺令我喺呢間餐廳好舒服好放鬆，加上我坐嘅沙發矮矮地又有咕𠱸，食完野睇完雜誌都好想瞓覺。
話實我就一定會再encore，以佢餐廳嘅整體平均水準，都好難搵到對手，因為出面餐廳一係就好好食但係環境麻麻，一係就環境可以*(不過呢間餐廳都係我食過咁多間環境最好嘅一間)，食物又麻麻地，服務質素更加唔使講，要三樣都平均地好，我嘅要求都只係想咁，所以encore都不無道理，最衰中午冇時間黎食，下次我會試吓星期六日下晝去，睇吓朝頭早嘅感覺會係點。
蟹子沙律, 菠菜芝士焗洋蔥湯
12 瀏覽
1 讚好
0 留言
西冷牛扒
6 瀏覽
1 讚好
0 留言
張貼
