Dim Sum Library

上山頂廣場之前，喺金鐘太古廣場想食啲中式點心醫下個肚。所以嚟咗Dim Sum Library 試一試。😎😎入面嘅環境坐得都舒服，裝修融合咗現代同埋懷舊中式酒樓的風格。食物方面我叫咗幾個點心、一個飯、同一個甜品。1.花枝響鈴炸兩腸粉 $92幾特別，同埋都幾有口感，幾鬆脆，食落唔油膩。2. 黑松露蝦餃 $78黑松露幾香，蝦都新鮮。皮唔算好薄。3. 黑椒和牛酥 $96香口鬆脆，有少少微辣。4. 海膽蟹肉春卷 $108春卷脆口，海膽唔腥。正常發揮。5.石鍋蔥香鵝肝和牛炒飯 $278好香，熱辣辣，但味道太濃。6. 流心海鹽焦糖朱古力糯米糍 $65軟綿綿，煙煙韌韌，朱古力流心，有驚喜…查看更多

｜金鐘｜中式點心｜*** Executive Lunch Menu $788 for two people ***《黑松露蝦餃》Black Truffle Har Gau - shrimp dumplings大大粒蝦爽口彈牙，蝦餃皮煙靭唔厚，如果再落多啲黑松露醬會更加好味💕《黑椒和牛酥》Wagyu Beef Puff with Black Pepper蘿蔔絲酥平時就食得多，和牛餡就第一次食，感覺新奇。和牛酥外皮鬆軟酥脆，和牛餡鹹度適中，略嫌太多Black Pepper，辛辣感重了點。《魚香脆茄子》 Crispy Aubergine tossed with Salted Fish and Sakura Shrimp呢道菜上枱嘅時候我以為係炸豆腐， 點知咬一啖發現裏面原來係茄子，咁嘅配搭同食法都係第一次，而且味道仲要唔錯添👍🏻《青芥末蒜香A4和牛粒》 Wok tossed A4 Wagyu Beef with Wasabi & Garlic Source 呢度菜正常發揮，牛肉肉質有彈力，口感有咬勁，脂肪分佈均勻，咀嚼起上牛油香氣溢滿口腔🤤《松露菜粒蛋白炒飯》 Egg White Fried Rice with Black Truffle & Vegetables 炒飯有鑊氣，蛋白蔬菜同飯嘅比例剛好，仲可以搵到一塊塊碎松露片添 ！《烏燶蛋》 Oolong Crème Brûlée烏燶蛋都幾出色，烏龍茶香同crème brûlée原來都係天作之合💕💕《茉莉咖啡千層凍》 Jasmine & Coffee Layer Puddling千層凍不過不失，雖然帶有淡淡茉莉花味，但咖啡味卻失色了。…查看更多

這是位於金鐘Pacific Place的Dim Sum Library, 一直被它的名字吸引着，但沒有機會去品嚐。適逢staycation 完畢, 但下午又要工作，中間有一小時左右空檔，便決定到此一遊來用餐😊。第一份到達的點心是黑椒和牛酥。一咬落去，不是被內裏的啖啖肥美和牛吸引着，而是慨嘆外面的酥皮做得如此鬆脆可口！即刻加分！可能係鍾意食香口東西，所以如此欣賞，另一半反應冇我咁大😅。他都覺得好食，但無我咁鍾意💕。帶着這麼高的期望，第二份點心來到：黑蒜燒賣。粒黑蒜甜甜地，都幾好味，不過因剛剛經歷過和牛酥的震撼之後，有些少比下去的感覺😅。其實蝦的肉質夠爽，是中上的燒賣😃。試埋個黑松露蝦餃，肉質是爽口的，亦有黑松露的香，但比起和牛酥，便變得普通起來。總括來說，食物品質中上。環境舒適，裝修很特別，望落去似西式餐廳，但卻是serve中點。枱夠寬闊，坐得舒服、吃得舒服。…查看更多

☆ 𝘿𝙞𝙢 𝙎𝙪𝙢 𝙇𝙞𝙗𝙧𝙖𝙧𝙮金鐘金鐘道88號太古廣場1樓124號舖每個月都會去PP攪攪塊面，所以都會醫左肚先去，個日想食下點心就揀左呢間試下，歡迎大家話比我聽PP附近有d咩好野食(´▽｀)✦ 海膽蟹肉春卷夠脆，食到蟹肉都有蟹肉味，不過無乜海膽味。✦ 黑椒和牛酥咁多樣野最好食係佢，又酥又脆，個餡又好食，好似食緊黑椒牛柳粒咁，好好味！✦ 黑松露蝦餃蝦肉爽口彈牙，黑松露好香，不過如果可以大粒d就更加正。✦ 香蔥黑毛豬腸粉腸粉皮又薄又滑，不過食唔出佢講嘅黑毛豬同叉燒有咩分別XD 好食嘅，不過無乜特別。✦ 薑葱龍蝦包聞落好似蒸魚個d味，而且有腥味，不過食落就無，本身個包嘅質感幾好，好軟熟，龍蝦肉都好彈牙，不過聞落陣味就真係不了。✦ 鮮莓果氣泡梳打簡單講就係梳打底加橙汁雜莓汁，呢d簡單得黎又好飲。…查看更多

太太生日，事先thru openrice book位，備註「太太生日」四字，但未有要求食店加料，亦無預食店會我地加料。我地主要想試佢既點心，雖然款式吾算太多，但用料比較特別，普通酒樓食吾到。我地分別叫左黑椒和牛酥、花枝響鈴炸兩同鵝肝芋角。和牛酥係好食，皮鬆脆肉嫩，但略嫌太辣，蓋過左牛味（雖然我都食得辣）；花枝響鈴炸兩亦上佳，花枝同響鈴吾係貴食材，但佢整得好鬆脆，炸兩底加左魚肉墊住，可能做承托，腸粉皮夠薄，正；反而鵝肝芋角我有保留，吾係話佢整得難食，只係覺得鵝肝同芋頭吾係好夾，食落好濟，但佢個炸皮都做得夠脆夠薄吾油益。最後我地叫左個流心海鹽朱古力糯米糍。重點黎啦，侍應特別係糯米糍上加左枝蠟燭，仲同我太太講生日快樂，哈哈，連我都估佢唔到....未食已甜入心。服務認真一流。最後埋單$394。…查看更多

約咗朋友嚟呢度，都係諗住佢個名叫Library 應該好多點心可以揀，仲滿心歡喜添現場環境係偏暗，見佢個名都估係serve 外國人多架啦，加上現場有吧枱同高櫈，好明顯啦。見到咁仲期望有好特色的點心啦點知坐底咗，睇住個menu，我同朋友的反應都係一樣，得咁少款點心可以揀，成本menu大約十版，點心好似只亦一版半，其他都係小菜，再唔係就drink menu、wine list 。心諗，唔係呀，咁都叫library 。 確實個menu令我失望，咁我地都照叫點心啦。講真服務同招呼確實係好，基本上有求必應；點心味道都好，唯獨個手撕雞腸粉真心覺得唔得，最好食係黑椒和牛酥，堅酥脆，又夠黑椒味，買相都唔差。不過如果有下次，可能要中午去，睇下係唔係會多d點心俾我揀。…查看更多

下午兩點几三點,本來想去飲茶嘅，但d茶樓晚上要擺酒,多數都只可以坐到3點几。咁啱又俾我搵到呢間,下午茶時間食到6點,環境又不太嘈雜,傾計最啱。食物每款都好特別及好味,真係要每款都介紹吓喇.和牛酥 好香脆唔容易散,黑椒和牛味濃燒賣 ~ 蝦超彈,黑蒜味不重,還帶甜薑葱龍蝦包, 鬆軟粒粒肉, 條紫菜仲扎得好實添紅菜頭野菌餃。餡料豐富,野菌新鮮分明海膽春卷~重點海膽唔腥,春卷外脆內軟和牛鵝肝炒飯 ~好香,好多鵝肝,反而牛少,飯粒粒分明黑松露蝦餃 好飽滿好多黑松露擔擔湯包 皮薄多汁,味道香濃…查看更多

今天睡得很晏，又要到香港島，上網查看後決定到這裏吃午餐因為全天也有點心吃。真的想不到2:45pm餐廳也滿座，還需等待，好彩等了一會就有位。點心款式很少，大概十款左右，我跟媽媽也點了五款。比較特別的有黑蒜燒賣，每粒燒賣內裏也有一整粒黑蒜，黑蒜的味道甜甜的，完全沒有新鮮蒜頭的味道，質感軟軟的，像醃了很久的漬物，跟豬肉的味道也頗夾。黑椒和牛酥，外皮十分薄，又很酥脆，內裏牛肉很軟，黑椒味剛剛好又不會掩蓋了牛肉的味道。這點心真的做得十分好，酥皮跟文華廳的有得比，只是沒有文華廳的酥皮層次那麼豐富。黑松露蝦餃，蝦餃算大隻，外皮也有黑松露，蝦很爽甜，松露跟蝦十分配合。松茸冬菇包，跟現在很多其他酒樓做的冬菇包也是十分相似，有冬菇的外型，內裏的餡全是菇類，很香，但我本人覺得味道比較淡一點。香芒流心脆杏卷，這個是全天最差的，外皮不夠脆，只有表面的杏仁很脆，還好內裏的芒果餡酸酸甜甜十分好味。香葱雞肉拉麵，麵煮得太軟，湯不夠濃，太淡，只有葱是夠香。這裏價錢並不便宜，但是座位不夠寛濶，枱與枱之間也很貼近。服務員也算勤快。點心比較做得好，可以一試。…查看更多

為增進家人彼此間o既感情，大肥爸爸決定每當哥哥回家時都要一家四口外出搞搞新意思，小肥就提議四周尋訪新食肆。肥肥家族咁為食，大家當然舉腳贊成，上週四先從飲食雜誌搵咗間連晚市都有點心o既「Dim Sum Library」飲晚茶。餐店位於金鐘太古廣場，除咗搭地鐵容易之外，自駕食客消費滿$300即可憑單據括免於商場停車場三小時o既泊車費。地點雖說係超級方便，但係個門面就唔係咁突出，XO仔首次光臨都要靠大堂o既服務員指引先搵得到。店子室內光線較暗，接待處身後有一排半梳化式合拼散座。另一方則為酒吧。貌似屏風o既牆身印有花卉雀鳥o既圖案，四周亦可見不少雀籠鮮花擺設，裝潢新潮得黎帶份詩意。酒吧後面o既大堂寬廣闊落，黑色木造o既大小餐桌分佈於堂內，空間感好足。穿過暗黑o既走廊秘道，先經過兩張二人卡位。真係估唔到入面仲有間咁大o既內廳，其中三張餐枱更可搖身變成麻雀枱添！同一般茶樓唔同，「Dim Sum Library」並無收取茶錢，四口子就各自點選汽水同雞尾酒。小肥因身兼柴可夫一職，當然係睇住家人飲啦！桌上黑底金邊金字o既餐具及餐牌充滿著時代感。雖則餐廳以「Library」起名，但餐牌只有六頁，單點項目唔多，又冇相睇，講真都有少少失望。幸得樓面一位溫婉落力o既妹妹仔自動上前講解及推介，我地先唔洗用網友喺OpenRice上刊登o既靚相點菜。黑椒和牛酥（$88/三件）：金黃色o既和牛酥外層鬆化乾巧，中間o既黑椒和牛餡心潤腍惹味，送酒一流！松茸冬菇包（$52/三件）：外觀與原隻冬菇無異o既冬菇包其實只係外皮劃上冬菇紋理，不過造型實在逼真。冬菇包熱辣鬆軟，松茸冬菇餡料清香鮮美，好睇又好食！擔擔湯包（$48/三隻）：餐牌上並無列印任可插圖，只有門外展出一幅「擔擔湯包」o既硬照。眼見都幾吸引，哥哥又嗜辣，所以就叫咗客黎試。未有用上獨立小籐籃承載o既湯包實物遠不及參考相片美觀，但勝在皮薄湯多，香辣醒神，成功挽回不少分數。海膽蟹肉春卷（$88/四件）：春卷本身好夠香脆，連同海膽一口食落肚，鮮味滲滿口腔，唯一唔係好食得出內含蟹肉囉。黑松露蝦餃（$48/三隻）：多咗松露黑點o既蝦餃皮軟韌得黎唔會過厚，蝦餃爽甜味清，很是討好。蝦餃屬大路點心之一，一籠卻只有三隻，建議餐店可讓大圍食客續粒加點。雲南黑菌手撕脆皮雞（$195/半隻；$390/一隻）：亮澤o既手撕雞如餸名般脆皮，手撕雞肉幼嫩芳香，四個人要食哂一隻絕非難事！手拍蒜炒菜苗（$88）：蒜炒豆苗翠綠脆嫩，簡單美味。蔥燒石鍋和牛肉（$308）：原石鍋上o既和牛熱就夠熱，不過和牛份量唔多，好難先搵到黎食，食落更是油膩溜滯，毫無肉香，可謂失敗之作。花枝響鈴炸兩（$68）：個人覺得炸兩唔係好夠熱，上枱時亦偏咗少少腍，不吃也吧！砵酒燒脆蠔（$268）：燒蠔體積大就夠大，可惜層炸皮過厚且黏，又唔夠熱，失色得很！星洲黑豚叉燒炒米（$168）：米粉炒得好夠乾身，蝦隻亦爽厚鮮脆，微辣o既調味都好醒胃，個人只係略嫌黑豚叉燒唔夠肥潤。薑蔥龍蝦包（$88/三件）：肥嘟嘟o既龍蝦包外表似乜就無謂多講。白色o既包包暖手軟身，橙黃色o既龍蝦餡雖未夠豐盛，但就鮮濃爽潤，實屬不錯之選。流心可可糯米糍（$42/四粒）：糯米糍煙煙韌韌，個朱古力心流心滑溜，甜而不膩，用上朱古力做中式甜品o既食材，細佬應該都係第一次食到，幾有驚喜。XO仔讀得書少，成績仲要係油麻地嗰隻，一聽到「Dim Sum Library」個名，腦海只浮現出「點心圖書館」，一心諗住食店本餐牌應該會喺本又厚又多靚相o既圖冊。食後方才發現餐店用上不少國際食材，如黑松露、海膽、和牛、黑豚、朱古力等，獨創出一系列新派精品點心，店名似乎係有「點心珍藏館」之意。「Dim Sum Library」環境開揚新潮，點心菜式大多美味有特色，埋單時發現原來新店屬「Aqua集團」旗下，唔怪得知各方面都流露出潮意，服務生亦訓練有素。…查看更多