岩鹽日本料理 (利舞臺廣場)

座落於利舞臺高層，主打釜飯嘅日本餐廳「岩鹽」✨門口位已經大大個透明玻璃，見到師傅煲釜飯過程🔥睇見都流晒口水，入去試吓先😆.🍴廣島蠔釜飯💰$168店員特別提醒，要等一分鐘後先可以開蓋，令到飯粒更乾身😙一開蓋飯香撲鼻，肥美飽滿嘅廣島蠔整齊排列🦪廣島蠔鮮香滲透於飯粒中，飯粒軟硬適中，底層仲有飯焦😍食到飯焦部份仲可以加茶湯落入做茶漬飯，另一番滋味😋.🍴赤蝦刺身💰$88赤蚊蝦大大隻，爽甜彈牙😚.🍴活赤貝刺身💰$78橙紅色活赤貝充滿光澤，肉質爽口，鮮味爆燈😋.🍴火炙左口魚邊壽司💰$52 （2件）左口魚都幾厚身，火炙後油香出晒嚟😍.🍴火炙牛油帶子壽司💰$52（2件）大大粒帶子，夠晒鮮甜😚.🍴黑松露雜菌玉子燒💰$68玉子燒呈半熟狀態，切開仲有少少蛋汁🤤入口好香黑松露味，內裏仲有啲雜菌，幾特別😛.🍴栗子銅鑼燒💰$36銅鑼燒耐內藏忌廉及栗子蓉，個人覺得偏甜咗少少，配茶會好啲😅.🍴北海道班戟蛋糕💰$52千層班戟皮做到好薄，入口充滿忌廉嘅香滑😙…查看更多

之前食過一間鰻魚釜飯難食到暈，之後一直對釜飯印象都唔好覺得好難食，唔敢再試點知今日女朋友話帶好食好野，去到見到門口一堆釜飯係到，女朋友話食過好好食想帶我黎試下即刻冇唒心情，不過見佢咁極力推薦，唔想掃佢興，唯有試下啦餐廳大部分２人／４人枱都係卡位、坐得幾舒服、唔逼，同埋幾有私隱度餐牌ｄ食物相好靚，食物既實物同相都係差唔多既，冇呃人而且選擇都好多溫泉蛋蟹肉胡麻豆腐沙律（＄５８）豆腐好滑，溫泉蛋流心好正，一ｄ都唔腥２樣都同個芝麻醬好夾，好清新海哲好彈牙胡麻吞拿魚牛油果（＄７８）一大塊好長既吞拿魚包住一片牛油果同一堆青瓜絲，同之前個沙律一樣好清新面頭有d吞拿魚溶，加上蔥花同芝麻，令到食落更香蒜香牛油焗雜菌（＄８８）菇味、蒜味、牛油味都好濃，同埋好熱煙肉扒陶板燒（＄１３８）鐵板燒食得多，陶板燒真係第一次食唔好見下面個火好猛，燒到食完仲係咁大火，由於係陶板既關係，燒左１０至１５分鐘ｄ肉唔會燶，全程ｄ肉都好熱，煙肉扒都唔會燒到好乾，仲會食到有肉汁廣島蠔釜飯（＄１１８）釜飯配埋茶漬同紫菜漏斗轉完一次就可以開蓋食得釜飯係將米、高湯、食材放入鍋入面一齊煮所以ｄ飯吸唒高湯同埋蠔既味道，食落同蠔一樣都好鮮甜同係第２間食既真係完全２樣野，唎到好味好多絕對唔係用釜飯鍋裝白飯再鋪食材，因為係會食得出ｄ飯真係好好味食到一半仲可以落埋茶漬同紫菜，另有一番風味，正呀…查看更多

好耐無同男朋友2人世界難得佢準時放工就去左銅鑼灣食飯行街之前去過LEE GARDENS食飯發現原來棟野都幾多野食於是我地今次去試下一間高人氣既日本野店舖好大 而且大部分都係卡位設計適合鐘意私隱度高D既朋友我地2個就咁岩坐到WINDOW SEAT響16樓望番落去都有D驚嫁食物方面有好多選擇唔想煩食咩既話揀套餐就最岩!不過我地就散叫可以叫多幾樣我地自己鐘意食既野呢款前菜好好味用料十足 豆腐好滑 配埋胡麻醬好開胃最驚喜係個海藻 完全無腥味 好爽脆見到餐牌上有款陶板燒之前都無乜點見過 所以就叫左黎試下點知一試就愛上塊煙肉扒煎起好香 味道帶甜 仲好juicy即使見到都有少少肥 但食落唔覺肥膩男朋友指定要叫廣島蠔釜飯之前我地試過一間釜飯做得唔正宗 啲釜飯有個唔好既印象 但今次食完之後完全改觀除左廣島蠔 個釜飯仲有好多配料撈埋一齊煮有栗子、青豆、銀魚仔、冬菇、菠菜、蛋絲等等有啲似我地香港既煲仔飯 不過日本人就撈埋啲料先煲既另外我仲叫左杯野飲 係我最鐘意既桃味梳打桃味唔算好濃 較小朋友口味食飽飽心思思想試埋甜品呢到有好特別既雪葩口味 一般都係見水果口味而呢到有甜蕃薯味 不過解議早啲叫定因為雪到好硬會好難「不」黎食個雪葩好好味 有淡淡蕃薯味滲出黎連埋少少蕃薯肉食超正下次要再encore !…查看更多

當晚，跟好姊妹走到銅鑼灣飯聚，我們去了利舞臺廣場16樓的一間日式餐廳 <岩鹽日本料理> 食飯！ 未踏進店子，門面已見師傅忙於弄製釜飯！這間餐廳以岩鹽為主打，因此索性以此命名為其店名！供應的日式美食多元化！打開一大本餐牌，包括：前菜、沙律、刺身、壽司、創意卷物、一品料理、釜飯、燒物、串燒、炸物、酒類、飲品...等！這裡算闊落，我們被安排到近門口位置的第二張枱！有趣的是，跟這位好姊妹出街，總會容易碰見明星！早前才在中環蘭桂坊碰見林弈匡，意想不到，今次在餐廳的後桌第一張枱是陳細潔及陳細寶兩姊妹！當鄰座的食客把餐牌放上兩桌之間的位置，突然塵埃飛揚，我杯凍飲正是放在這裡！嚇到我都不敢再飲呀！ 恐怕衛生方面一般！勝在店員們眼明手快，都好醒目！主動過來加水！菠蘿青檸梳打 (少冰) $38當日的天氣尚算熱25至30度，因此叫一杯凍飲也不過份吧！ 我點了一杯菠蘿青檸梳打少冰，酸酸甜甜入口清新！而且冰涼透心，卻不是太凍容易入口！日本蕃茄沙律 $68沙律加油醋蕃茄沙沙，加上沙律菜新鮮爽脆，賣相色彩繽紛，令人很開胃！日本南瓜天婦羅 $58略嫌天婦羅炸漿太厚！然而，炸漿雖然香脆卻是厚身，南瓜很薄，食落好似一對一比例，跟粉糯甜美的南瓜成強烈對比！ 可蘸上岩鹽，別有一番風味！班戟鰻魚三色卷 $98 日式卷不一定要用上珍珠米及紫菜，換上薄薄的班戟，既甜美又好有蛋香！亦富有創意！餡料是生菜、青瓜、三文魚籽、蟹籽、鰻魚...等等，入口滿清爽，內外兼備！燒花魚一夜干 $128當女店員把這碟燒魚送上桌時，已見火候恰到好處！燒得金黃，集甘香與鹹鮮於一身！  又不會好乾身！魚腩位置特別多骨，食起上來要小心！廣島蠔釜飯 $118女店員送上時，並提醒我們要等到沙漏漏完才可打開蓋進食！每隻日本廣島蠔也超飽滿肥美！ 香口之餘，夠熟又保持多汁，味道依然鮮美！至於飯粒也吸收了醬汁精華，幾入味又不算乾身！底部還有飯焦，令人食得滋味！ 亦可以用紫菜包住飯嚟食，又或者加上茶變成茶漬飯，有好幾種食法；讓人食出多重口感及滋味來！令人覺得口味不單調及滿足！…查看更多

紫薯特色卷，而家紫薯咁流行大家一定瘋狂搶購呢個紫薯壽司卷啦。紫薯打成茸撈左啲壽司米再加上新鮮芒果片幾夾幾清新。入邊估唔到嘅係包左一啲類似薯蓉嘅餡料同個紫薯壽司質地好夾㗎。吉列忌廉蟹肉餅，食落去拍得好軟滑真係覺得好有忌廉嘅感覺，再加埋一啲類似薯蓉同埋小小香嘅蟹肉味道，真係油物都唔覺得肥膩。廣島蠔釜飯，第一次試呢個新食法嘅飯，有啲期待。一來到覺得幾特別，就有個用木造同埋好似有啲重量嘅兜裝住啲飯，另外又有一陣另一種食法即同埋茶漬飯食嘅時候既茶。一打開好多煙好新鮮，一邊睇都好豐富有栗子粒粒同埋有啲白魚仔加埋調味同埋有啲菇菌類。其實四樣嘢夾埋都幾豐富。最後就加埋啲有啲木魚嘅茶一齊加落去釜飯入邊，咁啲飯焦就會浮起又唔會難整起，一齊食別有一番風味。最後仲飲埋店員介紹嘅菠蘿青檸梳打有小小菠蘿肉食下唔係得個味，已經算唔錯梳打又夠晒清新，可以好好洗淨味蕾。今日係一個幾好嘅體驗，第一次試到呢個釜飯。…查看更多

釜飯就聽得多啦，但今次第一次搵嚟試吓，呢間餐廳係利舞臺好方便，環境坐得好舒適，而且坐窗邊仲望到出邊嘅景色餐牌嘅選擇有好多，又有刺身、又有釜飯、小食、甜品等等我同朋友叫左個沙律🥗先，係八爪魚🐙意大利風沙律，賣相好色彩繽紛，沙律嘅配搭好清新，八爪魚好爽口，開下胃先之後就到今日嘅重頭戲廣島蠔釜飯，原來個食法係好特別㗎，首先餐廳會叫我地用一個沙漏等1分鐘先，之後就可以打開蓋試吓食材的原味裏面有幾隻好新鮮嘅廣島蠔，而且飯中仲有好多魚仔、栗子係入邊，成個飯食落去好鮮甜，好有日本嘅感覺，餐廳仲會提供一啲醬汁，如果大家覺得味道淡可以加少少醬汁調味最後仲可以加茶落去飯底，因為可以同飯焦一齊食，變成茶漬飯，好特別呀小食方面我哋就揀咗個合鴨大蔥串燒，份量唔算太多，鴨肉肉質比較實，店員話如果搭配大蔥一齊食，可以中和下鴨嘅濃味另外仲叫左個蟹味噌甲羅燒伴法包，呢個菜式也好特別，店員話係用一啲蟹肉再加埋其他蔬菜蓉整成一個醬，可以用來搽法包一齊食，味道夠香濃，而且啖啖蟹肉飲品方面，我自己就叫咗杯熱生薑蜜，飲完個喉嚨好舒服如果大家想食甜品，仲有好多款式可以揀㗎餐廳嘅生意好好，夜晚越坐越多人，大家要去試就早點去喇，釜飯仲可以配搭其他材料，就一於去試下呢種日式煲仔飯啦…查看更多

放工約咗個舊同事去銅鑼灣利舞臺嘅岩鹽食飯, 之前都食過幾次都好多人等位, 所以今次為了避開多人時段, 未到7點我哋就去到! 去到時眼見餐廳已經差不多滿座, 頓時覺得早開飯嘅決定係冇錯之前幾次都係食刺身壽司類居多, 已經覺得夠新鮮好食, 今次就一於試吓佢哋嘅熱食! 日本蕃茄沙律 $68 ~ 蕃茄好鮮甜多汁, 沙律菜新鮮爽脆, 好開胃! 芝士玉子燒 $68 ~ 玉子燒係即制的, 要襯熱食, 芝士好有拉絲效果, 幾香蛋味夠滑又唔漏土佐炸豆腐 $48 ~ 豆腐夠晒嫩滑, 外皮炸得夠脆, 豆腐面亦舖滿木魚薄片, 增加咗個口感煙肉扒陶扒燒 $138 ~ 會有個火一路煮住啲煙肉, 煎到微微燶就可以食, 煙肉厚切啖啖肉, 幾香口又唔會過喊廣島蠔釜飯 $118 ~ 釜飯個形式好似煲仔飯咁, 將米,上湯,食材一併放入鍋中燜煮。 釜飯嚟到時會有個一分鐘嘅漏斗給你, 當夠一分鐘時,一打開個蓋, 蠔味芳香撲鼻,勁香勁吸引! 飯裡除了有廣島蠔外, 亦有魚仔同粟子, 食第一碗時什麼醬汁沒有加都已經夠晒味! 廣島蠔肥美鮮甜, 魚仔飯亦好香口, 食到尾聲時仲可以倒啲茶漬落去做個泡飯吃! 泡飯充滿茶香, 又係另一種食法! 兩種食法小亮都很喜歡…查看更多

香港人愛吃日本嘢，但其實主要都係食魚生壽司拉麵，日本料理其實都較少利舞臺成棟都有嘢食見依間岩鹽日本料理好似人氣幾高，就同友人黎試一試餐廳重點推介係佢既特色釜飯，即係類似鍋飯咁，用鐵鍋載住黎燒既飯門口已經見到師父既製作過程餐廳舒適好坐，有卡位又有普通餐桌燈光柔和早黎既關係仲未係多人，亦可見環境舒適坐低後睇餐牌，按店員既推介菜式而散叫其實佢既套餐都幾唔錯咁，下次試第一味上枱既係日本紫薯蓉伴薯仔沙律賣相十分靚用所既碟配埋燈光更襯托出貴氣用料十分豐富，放上大量魚子，沙律醬味道適中，保留住薯仔既鮮味，同時間有紫薯甜味交疊埋一齊，口感層次同味道都很好之後上既依味叫日本茄子田樂燒成隻茄子放上黎配上香濃醬汁，未食都已經覺得好惹味有匙羹筆起黎食，茄子汁好juicy，食落柔軟，配埋燒汁食，真係惹味兼好食依味炸甘鯛魚並唔花巧，但內裡出色，表皮爽脆，肉質鮮嫩，雖然有骨但亦都易去骨，好食最後係壓軸出場既廣島蠔釜飯好有氣勢飯上既漏斗係用黎計時，職員話計時完畢後就可以打開個蓋食飯啦一打開個蓋就係咁樣，有成五六隻蠔，隻隻都唔細隻架食落都十分鮮味，係蒸海鮮既味道個飯用料豐富，連啲飯都煮到入味飯到咁上下，如果想轉食泡飯，可以倒入茶再搞拌，一味飯兩款食法啲茶同啲飯好有化學作用，出其地夾，鍋氣依然，帶出淡淡茶香，好特別整體來說，餐廳坐得舒服，食物好食得黎款式並非其他餐廳可食到，真係推介…查看更多

釜飯——日本傳統鍋飯，有人稱之為日本的「煲仔飯」，但事實上兩者南轅北轍。釜飯是將米、高湯及所有食材放進鍋中慢煮至沒有水蒸氣飄出，然後再蓋上木蓋以真空煮約十分鐘，而且調味較輕，反而比較講究高湯鮮味；而煲仔飯則是約熟米飯加上各種食材烹煮而成，亦會加入大量如豉油、蒜蓉等偏重口味的調味品。冬日降臨，熱騰騰的煲仔飯彷彿成為不可或缺的必需品，一直以來都以為香港只有一間釜飯專門店——奈良上釜，出乎意外地發現數街之隔外原來有另一間釜飯專門店——岩鹽。近日氣溫驟降恰好締造到訪光顧的契機，於餐廳門外便已經能透過玻璃一賭師傅炮製釜飯的過程，令人更加引頸以待。腹中吞拿魚腩 ($180)雖是釜飯專門店但出乎意外地刺身質素甚至比高級日本料理餐廳更加優秀，眼見吞拿魚腩不算相當油潤閃亮，亦沒有有如和牛一樣的雪花脂肪紋，但入口隨即能感受到魚肉細緻軟嫩得溶化於舌尖之上，吞拿魚本身的魚香鮮明，而非像一般大拖羅一樣只得油脂香而魚香欠奉。明太子厚燒玉子 ($36)要炮製出色的玉子燒其實甚考功夫，難得這裡的玉子燒價格如此相宜但絕不馬虎，玉子燒軟硬適中，沒有過份鬆散或死實，火候拿捏得宜令蛋汁得以保留而不會過老導致口感粗糙。面層薄薄一層明太子鹹鮮味美，但點到即止沒有喧賓奪主蓋過玉子燒的蛋香，反而與玉子燒的微甜相映生輝。廣島蠔釜飯 ($118)店員奉上釜飯時不厭其煩地耐心解釋釜飯的詳細食法，除了釜飯之外更配上紫菜、醬汁及茶。首先直接享用釜飯，飯粒煙韌分明，廣島蠔飽滿鮮美，配以香甜粉糯的栗子及冬菇等材料，感受樸實無華的原汁原味。釜飯餘下大約一半，再依照店員指示將紫菜、醬汁及茶倒進鍋中，以茶漬飯的形式享用。因應個人喜好，我沒有將所有茶加入飯中，所以飯粒變得有如意大利飯（Risotto）一樣稠密，而醬汁亦沒有被沖淡，散發陣陣鰻魚汁的濃厚香甜。菠蘿青檸特飲 ($38)菠蘿與青檸本來同屬清新類水果，兩者配合起來更加酸甜開胃。個人固然對港式煲仔飯愛不釋手，但始終煲仔飯還是比較高油高鈉的產物，相比之下日式釜飯更加清淡健康，但無損溫暖窩心的滿足感。而比起同樣位於銅鑼灣的奈良上釜，這裡的釜飯顯然出色得多，材料豐富之餘味道鮮美，這個冬日，我大概會成為這裡頻頻出現的常客。…查看更多

同事又不知何解沒飯開，相約小人下班後吃晚飯。反正友人不在港，無處去一於應約是也。小人上了心水開飯網看過之後，當然來個廣島蠔釜飯！粒粒廣島蠔極之肥美，煮完之後仍保存著有蠔肉有蠔汁，鮮嫩而爽，和味爆燈！未知是否日本味飯都要加一些油湯做成茶漬飯的物體，這裡都有介紹這種食法，惜向為小人至憎，決意齋吃飯吃飯焦，更加正斗。同事叫了一客的什錦魚生定食，少得可憐，是要谷客人吃釜飯吧。莫說魚生不新鮮不好，只是那麼幾舊，莫說正常男人，正常女生都不夠囉。同事悔恨沒叫釜飯，一定要再來一戰。…查看更多

每日晚市頭10枱半價$134食足4️⃣板海膽盛 為左呢個半價海膽盛 準時6點已經喺門口等開門 上次遲左5分鐘就已經食唔到 今次皇天不負有心人 終於試到喇 不過海膽質素認真一般 但釜飯反而有驚喜喎真岩海膽盛 $134 😋: 6/10為左呢個足4️⃣板海膽盛而黎 一上枱真係好澎湃呀 小妹見識少 真係一次過食咁多海膽 隨飯附送幾塊紫菜跟飯食 除左4板海膽仲有吞拿魚蓉同三文魚子 份量真係足料既 可惜海膽唔新鮮 未到腥咁嚴重 但一啲都唔鮮甜 只有咸味 吞拿魚蓉一樣冇味既 係三文魚子正常少少 雖然半價左真係好抵食 不過冇質素都唔會有下次啦廣島蠔釜飯 （一飯三食）$118 😋: 8/10秋風起 最岩食個煲仔飯 釜飯就好似日式煲仔飯咁 將生米加湯連埋啲材料煲成 一上枱熱辣辣 如果唔急撈勻個飯仲有飯焦食tim! 廣島蠔有4隻 大大隻非常juicy而且真心有蠔味 記得要拎左啲蠔出黎先焗個飯 唔焦啲蠔就會老架喇 個飯有菠菜 冬菇 青豆 白飯魚 仲。有。栗子🌰！！超好味！建議一開頭食個原味先 之後可以加啲燒汁撈飯食 食到最後啲飯焦仲可以加隨飯附送既茶湯同紫菜變茶漬飯 ！一飯三食真係好滿足😋😋而家仲做緊promo like and share fb仲有每。人。一。杯。Haagen Dazs雪糕送 滿足埋甜品胃😍…查看更多

常言道，十年人事幾番新。但今時今日的香港，要變又何須十年？就像銅鑼灣那樣，新舊變遷只是等閒。唯一沒變的，大概是我們對日本菜的喜愛吧。在香港的日本料理，由酒肴至揚物、甚或刺身壽司至燒物，萬變不離其中，難得在銅鑼灣的岩鹽，不單在餐目裡找到釜飯一項，店家更將整個釜飯廚房設於門面，彷彿要用飯香象徵他們是釜飯專門店。既然是吃日本菜，豎能只吃釜飯一種？釜飯製作需時，就先點來了刺身及燒物。吞拿魚腩 $180愛吃吞拿魚的人，愛的就是其油脂。這份大吞拿魚腩入口即化，那份豐腴的油香滲滿整個口腔，就是喝了幾口茶仍能回味那魚油的感動。活日本帆立貝刺身 $138 (時價)帆立貝色澤通透，質感爽脆鮮甜，絕非急凍貨式所能比擬。至於那裙邊也不能忽視，那爽彈的口感，實在討人歡喜。牛油果魚生他他伴法包 $78近年牛油果入饌大行其道，日本料理自然也沒錯過這種潮流。這道牛油果魚生他他將牛油果與三文魚、吞拿魚及油甘魚切成若干大小，在感受清爽魚鮮與牛油果香之間，還帶有三文魚籽的鹹鮮，伴隨法包的酥脆，味道層次出眾。鹽燒三文魚鮫 $98自從在圓方一家已結業的日本餐廳吃過一道油甘魚鮫後，對燒魚鮫有著一份難以形容的鍾愛。這裡的三文魚鮫比想像中藏著更多的魚肉，魚肉嫩滑中帶有微微的鹽花鹹香，美味！廣島蠔釜飯 $118來到這夜的重頭戲，看上去簡單的廣島蠔釜飯，卻有著一飯二食的滋味。飽滿的廣島蠔鮮味十足，那份帶點海水味的蠔汁，教人滿足。飯粒的飽滿也不比廣島蠔遜色，在吸收了雞絲、香菇等材料的香氣後，飯粒的軟綿更是香口。而材料中還有白飯魚苗，使釜飯提鮮不少。釜飯伴附有一壺清茶及紫菜，就是為了釜飯的第二食。聽過店員的講解，我們也將茶倒進餘下的飯焦裡，加上撕成細碎的紫菜，便成了一道清香的茶漬飯。這種食法使本來帶硬的飯焦變得軟腍，吃得津津有味之時，心裡又有點想添飯了。(笑)蘋果酢特飲 $28有吃，自然也有喝。坊間料理比較少見蘋果酢的飲品，所以就心癢癢的點了一杯。酸酸的酢香加上蘋果粒作點綴，健康又消膩。香桃梳打 $28我家那位則點了香桃梳打，入口濃厚桃香，味道也不算太甜，不錯。最後還有like & share岩鹽facebook專頁後免費的哈根大師雪糕杯，挺滿足呢~由早年的拉麵至近年的沾麵，日本菜經常在香港掀起一股股的熱潮，眼下香港地已有數家釜飯料理的時候，看來釜飯大有機會是下一個日食熱話呢！題外話，既然店名是岩鹽，每張桌上放了一樽岩鹽，係好合理的。(笑)…查看更多

不知道大家有沒有印象之前分享過的釜飯? 是在銅鑼灣可以吃到的，不過價錢會偏貴一點 最近就找到一家同區也是有釜飯吃的餐廳，而且還有其他的日本料理店面裝潢走的不是傳統日式風格，帶點型格的時尚風顯得眼前一亮  (´・ω・｀)餐牌當中亦有一些的Fusion菜~另外晚市也有套餐可選點了飲品 - 蘋果酢特飲 ($28) & 香桃梳打 ($28)我果然是不喜歡"酢"，雖然這杯有蘋果粒~ (･∀･) 所以我飲的是後者 比起一般的這個香桃味道很濃郁，冰溶了也不會淡先點了刺身 - 吞拿魚腩刺身 ($180)配合餐廳環境的關係(?) 這裡使用的器皿滿特別吧吞拿魚腩雖然不至於入口即化，但還是頗肥美~而且新鮮度不錯! (￣▽￣)/磯燒活日本帆立貝刺身 ($138)(・´ω`・) 將厚身的帆立貝切成片，肉質爽脆的帶點清甜常常也覺得不論是刺身的吃法，還是燒來吃也是不錯的海鮮選擇來呢牛油果魚生他他伴法包 ($78) 點了一款Fusion的菜式～貌相看起來很吸引耶！角切的魚生和牛油果堆砌成一座小山，有三文魚、吞拿魚、油甘魚頂層還有鹹鮮的三文魚子！(*´Q`*)/  極為豐富～再配上香脆的多士，口感滿滿呢廣島蠔釜飯 ($118) 價錢來說相對另一家來說便宣點當店員打開蓋子後就聞到超香！吃飯的時候可配醬油來吃，不過我覺得本身已經夠味當然少不了有肥美的廣島蠔～吃落蠔味很濃且甘香 (*˘︶˘*)而且發現栗子混在飯當中，怪不得飯吃起來帶有少許甘甜的味道呢吃到最底的時候會吃到一些飯焦，在這時就可以加茶變成茶漬飯還配了紫菜給我們喔！都加進去一起吃 ლ(╹◡╹ლ)最後還多點了 - 鹽燒三文魚鮫 ($98)剛燒好的關係～香氣四溢！肥美的魚肉亦很滑嫩的喔 (oﾟωﾟo)沒想到店只說晚市的客人只要Like專頁和分享就可以拿到一杯雪糕 (≧∀≦)連甜品的胃也滿足得到耶！！…查看更多

日本米飯與別不同，唔知點解總是特別香軟飽滿，平日唔多願意吃飯的我，在日本餐廳卻又會變身成飯桶，近年似乎多了專門做日式釜飯及丼的店，我的吃飯率變得越來越高！今晚光顧的岩鹽，到達餐廳門口已經嗅到飯香，餐廳特別把開放式廚房設置在舖之前端，玻璃大窗內可見一排排釜飯爐頭，有一位廚師不停在煲飯，見他有多忙就知道釜飯有多受歡迎，回想過來，這個場面都有幾分粵式煲仔飯的風格。急不及待，甫進店內，環境寬敞，以暖色為主調，設有壽司吧。店名叫做岩鹽，自然少不了一個巨型粉紅岩鹽展示，想必這店就是用岩鹽調味。其實除了釜飯外，這家店亦供應刺身、壽司、小吃等日本食品。晚市定食，價錢相當合理，百多元有交易，本來我在考慮點選經濟實惠的鰻魚釜飯定食 $158或海鮮蓋飯定食 $168，但同伴今晚特別想吃廣島蠔，廣島蠔釜飯不在定食內，於是我們決定散點。先來一個番茄沙律，日本蕃茄向來特別大個，而且多水又多汁，簡簡單單，無需調味沙律醬，配些生菜已經爽脆夠味，成為健康稱職的前菜。接下來是明太子厚燒玉子，有一位日本太太朋友曾經教過我，想知道一間餐廳水準如何，必先嚐玉子。這個厚燒玉子，真的又滑又厚，咬落尢其感覺中央非常滑溜、如少少蛋漿似的口感，說是半溶狀態有些誇張，但口感真的軟滑，面頭的明太子亦沒有過鹹，味道恰到好處，新鮮好吃，真是意料之外的驚喜，心水推薦。拖羅刺身，脂肪雪花豐富，有質素，入口即化，唯欠濃郁的回甘香甜，未算是頂級，一客三件，售$180，物有所值。最後就是期望已久的廣島蠔釜飯。原來外面見到的一排爐頭，是從日本購來的釜飯機，廚師加進生米及生蠔，煮15分鐘便成，即點即煮。廣島號肥美豐腴，粒粒飽滿脹卜卜，入口爆漿，鮮甜好吃，米飯是有味飯，但說來並非吃個中最香的。原來是有兩種吃法的，飯煲刻意造出飯焦，這個釜飯亦備以一壺茶及紫菜，我們自己可以弄茶漬飯吃。茶壺內只見有茶葉，但在吃茶漬飯的時候，味似湯水多於茶，所以我估茶壺內其實係以湯煮茶。飯後一碗熱湯茶漬飯，真是個好主意，胃納滿足了。飲品方面，我建議菠蘿青檸特飲，因為裏面有新鮮菠蘿，而且果香撲鼻，提昇了整杯特飲的味道。還欠個甜品，幸好有Facebook 推廣，只需 like 了岩鹽的 FB page 然後 share，便送 Haagen-Dazs雪糕，我們當然不會執輸，咖啡口味，正合我意。在利舞台廣場內吃日本菜，環境舒適，食品質素平實，難得是開心價，不失為約朋友傾計聚會的好去處。…查看更多

今次嚟到岩鹽搵食！ 日本菜吃得多～但以釜飯為主的餐廳香港較為少見！是日本的一種傳統鍋飯～是以獨立小鍋，加入高湯、料理酒和油等製作而成～感覺有點似港式煲仔飯～但風味就各有千秋！還沒進餐廳已經看到開放式釜飯廚房～吸引！門口有大menu跟是日推介～一進去還看到一個大的海鮮櫃～也有海鮮的當天推介！店內裝修有空間感～不會跟別人身貼身～餐牌有比較大路的刺身、串燒、壽司等較特別是磯燒海鮮和此行的目標-釜飯！有海鮮也有鵝肝～苦惱！日本蕃茄沙律（$45）天氣熱總會勾起食沙律的興趣～店員大力推薦這個日本蕃茄沙律～一大顆圓滾滾的蕃茄在中央～一口咬下去已經感受到其juicy甜味遠超過酸味！沙律菜則以沙律醋來調味～清新的感覺！份量頗多足夠2人份量～A3和牛刺身（$100）+A3和牛壽司（$100）在日本吃過和牛刺身～當然對它念念不忘～雖然有點貴但我們還是衝了～牛肉刺身是全生的～牛味不太香但有點煙韌～帶油份～和牛壽司有輕微火炙過～油份更突出～令牛肉鮮味逼出！個人比較喜歡壽司！鹽燒三文魚鮫（$98）想吃三文魚鮫但餐牌上只有油甘魚～問一下店員原來有隱藏menu！三文魚鮫燒得剛好～微微飄出香味～魚皮脆脆的～魚肉變成粉橙色～滲出魚油～怕膩可加點檸檬～或是蘿蔔蓉～一魚三食～廣島蠔釜飯（$118）釜飯選了廣島蠔～內裡還有菇、菠菜、青豆～香氣撲鼻～雖然蠔只有3隻～但味道鮮美～不是雪藏貨～放了一會就有飯焦～脆卜卜另外還可加茶跟紫菜作茶漬飯～非常地道！…查看更多