神山麺屋 (創紀之城五期(apm))

APM 一向都好多野食今日同朋友想食拉麵，搵到間係商場2樓試試佢先入面唔算好大，不過坐落都闊落舒服我地唔係太肚餓，所以只叫左一碗麵另外加小食出街食成日少食蔬菜今日記得叫個炒什菌試試先呢個豆池魚幾特別最鍾意佢既醬汁，酸酸地，勁開胃黎到重點既沾麵啦！豚角肉好好食，脂肪同肉既比例岩岩好仲有芥末醬炸雞，雞肉唔會過熟當然有叫野飲啦一杯係梅酒梳打，想飲少少酒，又怕唔識飲就岩啦😂另一杯係梅子青檸梳打小Tips,記得篤左個梅子同青檸，味道會更出架期待下次再試其他拉麵…查看更多

嚟得神山麵屋，點可以唔食同名嘅神山沾麵呢。等候時間通常比拉麵耐好多，不過好味嘅嘢梗要等耐啲。啲麵好掛湯，而豚角煮恰到好處，肥瘦均勻，咬落有陣陣油香。其實食過好幾次，只有一次係熱辣辣，通常都係暖暖地，唔知係咪怕客人辣親。亦有次可能太早入座未到晚市，師傅去咗休息，啲豚角煮唔熱又燒到好乾。但整體嚟講呢個都值得推介池魚幾香脆，同行友人唔鍾意食魚都有食，個人覺得唔點汁好食啲麥茶好飲，但同行友人發現茶面浮住一層油（正常應該唔會有人留意），倒咗再斟都有，估計係因為啲杯同碗一齊洗，希望下次再去有改善啦！…查看更多

放工時間的APM周圍都是人，想在Food Court 找個位置也甚為困難幸好在這商場還有其他的餐廳可以選擇首選當然是吃沾麵的 - 「 神山麺屋 」 ~ 因為香港暫時只有觀塘這家店嘛其實之前也有來過一次，不過餐點上好像沒有什麼特別改變就好似飲品還是那幾款 (๑´ㅁ`) 選了 - 菠蘿特飲 ($15)  清新的菠蘿有助解膩和風蘋果沙律 ($45) - 和風沙律吃得最多的應該是青瓜 (? 但這個沙律的材料卻是以蘋果、火腿等為主，另外還有蟹子，提子乾不過重點的是混了芥末粒的沙律醬，吃起來有點嗆鼻~但很開胃唐揚豆池魚 ($45) 炸得酥脆的金黃色小魚不會很腥還是怕的話可以擠點檸檬汁~ 配合柚子醋來吃更能突顯肉質的細滑雙色牛舌 ($45) 雙色其實是指兩款口味的牛舌一款像冷盤，味道會比較淡；另一款配酸酸甜甜的醬汁～味道則會較濃牛舌不會切得很薄或是太厚~吃起來口感剛剛好也很軟稔因為是招牌，所以會再翻點的是 - 神山沾汁麵 ($85)湯頭十分香濃，是以大量的豚骨、多種的日本魚介和秘製醬油等熬制而成質感帶少許的黏性~再加上麵條擁有獨特的坑紋讓湯更容易附上！不過與一般的比較~調味會稍為鹹一點，如果怕過鹹就不要一下子沾太多喔另外還有微微焦香的厚燒豚肉，也可以放進湯頭沾一下才吃 ...肉香提升後吃落更為惹味的耶神豚燒沾汁麵 ($85) 這款是秋季限定來的喔！原塊的豚肉片被烤焗到四邊有微微焦脆的口感另外這個還有洋蔥絲、麥粒味噌和青蔥，混和起來能加強整體味道的層次這碗的蛋是放在湯頭內的，不知跟前者有什麼分別？…查看更多

香港人愛吃日本拉麵，所以無論海外來港或本地品牌都有捧場客，現在連日本沾麵都開始熱起來！！今天得意和家人來到位於觀塘apm的<神山拉麵>一嚐美味沾麵雜果特飲（左），菠蘿特飲（右）炎炎夏日當然要先來兩杯冰凍特飲雜果特飲是味道甜甜的fruit punch，菠蘿特飲汁酸酸甜甜滿滿的菠蘿味，好飲又解渴。<和風蘋果沙律>絕對是喜出望外的沙律！有大量的蘋果粗條，每條都輕輕沾有帶有蟹子的沙律輕汁，再加上面頭撒上粟米脆片和提子乾以增加口感，非常好吃。<藥膳雞>又是令人喜出望外的一道冷盤，帶有淡淡的酒香呢厚切的雞件非常嫩滑而且充滿骨膠原的感覺，超正<唐揚豆池魚>短小而肥嘟嘟的豆池魚經唐揚後外層很鬆化但又不會乾爭爭，成條連骨都可以食埋，鈣質豐富。<神山湯餃子>老公很喜歡吃餃子，無論是煎餃還是湯餃。這個湯餃子有著濃濃的湯汁浸著，非常惹味。<神海老沾汁麵>終於來到戲肉！！！海老沾汁麵一放低已經香氣四溢，蝦味濃郁。肉質彈牙的巨蝦差唔多有成隻碗咁大隻！！沾麵湯汁亦不容小看，質地超濃厚，味道濃郁，充滿蝦膏香，鮮！甜！甘！美！爽滑彈牙的沾麵浸入濃濃的湯汁中，絕對是無比的享受。溏心蛋亦不容小看，有圖有真相，溏心的程度破表。<神山沾汁麵>愛好肉類的老公選了神山沾汁麵。上台的時候我們都被那兩舊大大舊的烤肉嚇了一跳。肥瘦相間的巨型五花腩經火烤後帶有微微的燒烤香氣，感覺上沒那般油膩，而且肉汁非常香滑，非常邪惡。沾麵汁同樣非常濃厚，可以緊緊的掛著爽滑彈牙的沾麵上，味道比較濃郁，適合喜愛重口味啲朋友來。…查看更多

夏天真係好適合食沾麵，因為食湯拉麵太熱。APM 呢間新新地嘅沾麵經常好多人排隊，難得今次閒日7pm經過咁啱有位，即刻街都唔行，直衝入去，食完飯先再慢慢行商場。開左應該有半年，咁耐都係第一次食。之前食過超出名「周月」沾麵之後，就深深愛上咗。見呢間神山咁受歡迎，就聽取餐廳職員建議，order咗poster推介嘅「神·海老沾汁麵」$128麵條粗粗地，好煙韌，暖嘅，一條條好分明，唔會痴埋一餅嘢，好好！一次過夾兩三條麵，放入湯汁，輕輕一沾，啜入口，滋味無窮。魚介湯底好鮮味，湯汁加入大蝦精華，濃得黎唔膩，真係好惹味。海老超大隻！淨係蝦頭大過隻蛋！肉質彈牙，龍蝦肉咁呀！蝦頭d膏勁多～ 好好味！溏心蛋都好高質好正！和風蘋果沙律 $45蘋果超級清甜爽脆！沙律汁帶有輕輕的芥末口味，十分清新～ 雙色牛舌 $45即係冷熱牛舌，兩個都好諗，凍嘅比較薄和食到本食嘅牛舌味；熱嘅厚d，配惹味醬汁，別有風味（鹹咗少少）唐揚豆池魚 $45唐揚雞就食得多，見店員誠意推介，即管試吓唐揚魚仔～ 沾少少帶酸味的醬汁，即刻將個魚味提昇！細細條，炸到勁脆～ 食魚嘅感覺無食雞咁油膩。神山湯餃子 $38食咗碟煎炸嘢，就食湯餃子啦，因為去拉麵店一定要食餃子。薄嘅餃子皮，餡料菜肉分佈平均，煎過嘅餃子放湯無咁熱氣，但亦不失惹味，湯底濃郁，配拉麵應該都會好好味，下次要試吓呢度個拉麵先。菠蘿/雜果特飲 $15@抵過飲汽水！有d生果嘅嘢飲係零售fresh～:)總結係唔怪得咁多人幫襯，因為真係幾好味，價錢又合理！下次同b仔再黎先～…查看更多

有個fd係觀塘做野，好耐無見。今日我難得可以🐍🐁出黎，當然要約佢出黎食餐飯，歇一歇。見呢間沾麵店幾旺場，裝修又幾靚，好有和風feel咁，所以決定入去一齊食個麵。天氣熱辣辣，當然先整番杯凍野消下暑。我果杯雜果梳打真係有好多雜果係入面，大大杯，正。Fd果杯巨峰提子椰果梳打d椰果細粒粒，用粗飲管可以啜住黎飲。蘋果沙律賣相好特別，一條條咁，仲加左d粟米片同蟹子，口感、味道同層次感都大大提升，餐前小食必叫。餃子底皮煎到微脆，上面仲舖左少少蔥花。裡面有d肉汁，吾會乾曾曾。燒鱈魚棒排得好靚，我fd即刻放左張相上IG呃哈。本身諗住上面d醬油會有點粘牙，點知一d都吾粘，仲好爽脆同好香，同啤酒好夾，必叫。d魚點d醬汁加d檸檬汁真係好開胃，而且魚仔細細，好而入口，好快被我地成碟KO。主角黎了個沾麵湯係非常濃厚既豬骨湯，上面灑左少少蔥花，加埋用印有麵館名既碗裝住，賣相有心思。碗沾麵幾大碗，彈牙程度比一般拉麵沾麵高同粗一點，仔細看每條麵都有坑，怪吾知掛沾麵湯同蔥花都無難道。…查看更多

今日走去觀塘買點東西，所以來到APM找食，周圍找食，發現這店有沾麵就突然想食（雖然少食）。費話少講，去片~炒飯雖然小碗，但份量唔少，因為叉燒比較少，食落十分齋。味道一般。沾麵一到，已經有一股菇味，松茸菇汁十分濃郁，味道十分好，沾麵一流，喜歡菌類一定喜歡食，而燒豚肉雖然是五層肉，但唔夠“林”，有點扣分，不過整體十分滿意。池魚微脆，香口，但食時要小心點。雪魚棒比較假，不論味道和質感。普通，唔多講。正常的日式環境，不過位置比較狹窄，除了沾麵，其他食物一般，價錢正常，上菜速度一般，所以今次沾麵一試十分滿意。…查看更多

今次介紹嘅呢間係日本過江龍嘅拉麵店，出名係濃郁派系。叫左個神山沾汁麵（$85），聽講用咗大量嘅豚骨同上乘豚肉，加上秘製醬油去調味，而且慢火熬製超過12個鐘，所以沾汁真係超級濃郁！裏面有兩件甜甜地嘅醬汁味嘅厚燒豚肉，外皮都燒到焦焦地，都幾好食。另外嘅係叉燒沾汁麵（$79），話係黑蒜豚骨湯底，黑就黑但冇乜蒜味，一般般。唐揚豆池魚（$45），炸到脆卜卜，幾香口，加少少檸檬汁都幾fresh。…查看更多

第一次嚟食這一碟唐揚豆池魚， 來的時候也覺得魚很細條不過算啦照食， 後來隔離枱也叫同一碟不過啲魚大我幾倍？我便馬上找店員了解， 店員與廚房師傅了解後跟我說師傅話每一包魚嘅gram數都不同因此是這樣！但後來經過幾次反覆討論後才幫我更換一碟新嘅似樣的來！…查看更多

神山即日本的富士山，亦有「不二山」之稱，既然神山有不二山之稱，當然要試試他們的拉麵是否我的不二之選。神山在東京創立，以極尚濃郁豚骨湯頭精華，配搭多種日本魚介和秘製醬油作調味，製作出神山獨有的豚骨白湯底。晚飯畤間去到這間人氣過江龍麵店，果然人氣十足，不少人在門外等位！食品種類也不少，除了以沾麵、拉麵為主外，亦有米飯和多款小食。小食分有四個主題：自然、大地、空、海，每個主題都有四至五款選擇。黑神山义燒沾汁麵（$79）👍👍👍👍👍沾麵有三款選擇，分別為白神山、赤神山、黑神山。黑神山就是以黑蒜豚骨為湯底，湯底濃黑，帶有濃厚豬骨和蒜的味道，極黑的黑蒜油湯還有义燒、荀片、和原隻流心蛋。沾麵的麵條比較粗和有坑紋，所以更容易掛湯。麵條煙靱有彈性，口感有嚼勁，味道還帶點小麥的香氣。原隻流心蛋果然非常流心，用筷子一刺，流心蛋黃馬上流出，蛋白軟滑有蛋香。蕃茄义燒拉麵 （$85)👍👍👍👍這個蕃茄义燒拉麵，除了有义燒，流心蛋，還有新鮮蕃茄和一個薯仔波波。湯底是比較清蕃茄豬骨湯，味道比一般湯底清新點，有點田園味道，番茄的天然味道亦令人感覺開胃。麵條比起沾麵較幼，口感比較粗的沾麵較軟，但入口仍有彈性。神山湯餃子（$38）👍👍👍👍👍神山湯餃子是自然系列的小食之一，先把煎得外皮金黃焦香的餃子放入豬骨湯內，煎香了的餃子索滿濃厚的豬骨湯，吃的時候，外皮還保留一點香脆，和濃湯相伴一起吃，更加美味，濃湯內還有青綠的菠菜。茄子披薩 （$43）👍👍👍👍茄子披薩亦是自然系列的小食，披蕯大家都不會陌生，但這個餅底則以茄子作提代，茄子上舖滿芝士、肉碎、蘑菇、青紅椒粒和紅蘿蔔絲，醬汁味道有點辣，配合新鮮的沙律菜可以平衡辣味。雙色牛舌（$45）👍👍👍👍這是大地系列的小食之一，牛舌用了兩種處理方法，一熱一涷。涷食的是以鹽水浸泡加上麻油，味道比較清淡；熱食的牛舌，以酸甜的醤汁煮，味道較濃。兩種味道，一涷一熱、一濃一淡，各有特色。唐揚豆池魚（$45）👍👍👍👍這款小食是海的系列，材料選用日本海岸捕撈的豆池魚，以唐揚方式炸至金黃，整條豆池魚可連骨吃下，味道酥香，配合酸汁或加點檸檬汁，味道更清新。菠蘿特飲/雜果特飲（@$15）👍👍👍👍兩款冰涼的特飲都有雜果/菠蘿在杯內，味道香甜。門面餐牌…查看更多

每次經過APM都見到神山麵屋門前人山人海，這晚跟男友早收工就一於在人潮出現前試一試長期出現人龍的真正原因。餐牌上的選擇都頗多，除了主打沾麵之外，亦有拉麵及各款小食。不過沾麵的湯底依正宗做法，所以溫度大概會維持在60度，我向來喜歡食物熱辣辣所以便揀選了拉麵~雙色牛舌冷盤小食先上檯，此為牛舌兩食，有清淡版本亦有濃濃醬汁，酸酸甜甜所以覺得很開胃，牛舌鬆軟不會騷。神山湯餃子餃子先輕煎過然後放入濃湯中，雖然被湯浸住但餃皮都不怕散開。唐揚豆池魚全晚最推介的小食，小魚炸到鬆脆香口，全條魚都可以放入口食~茄子披薩以茄子代替了平日Pizza的餅皮，加入芝士及蕃茄醬等使味道香濃，不過不論視覺上或是口感都太油膩。黑神山沾麵不要被污卒卒的沾麵嚇到，其實湯都只是面頭那一層油份是黑色。底下的湯都是清澈的，而且為免沾麵口感會太膩，所以湯的質感不會過份杰身。入口充滿了黑蒜油香，每一口湯精華都不能放過。蕃茄叉燒拉麵真正落足料的蕃茄湯跟平日食到的色素湯望落截然不同最特別是湯中加入了薯蓉波波，令湯底變得更濃稠。溏心蛋的生熟度準繩，蛋白質感軟滑，蛋黃更是100%流心狀態。拉麵及沾麵的價錢都尚算適中，而且服務十分抵讚~…查看更多

依間餐廳最近係觀塘APM開張，但每晚都排晒長龍到底依間沾麵店有咩神奇嘅地方？我決定今日同朋友一探究竟餐廳嘅封面好靚，令我覺得自己真係好似去左日本咁神山亦姐係富士山，由於依間麵店嘅總部係日本神山車站所以取名叫神山麵店番茄叉燒拉麵  $85拉麵係熱食黎，隨住拉麵送上嘅係熱辣辣嘅番茄湯底送上枱個陣已經有好香嘅番茄味，令朋友最後飲晒成碗湯黑神山叉燒沾汁麵（黑蒜豚骨湯底) ＆ 赤神山叉燒沾汁麵（辛辣豚骨湯底）$79 由於沾麵原意係比日本嘅勞動階層食，所以做出黎個陣需保持微暖約60度方便工人盡快進食，然後有最大時間休息香港有唔少沾麵店都會為麵汁加熱，但其實依種食法係一啲都唔正宗所以好難得依間餐廳黎到香港都堅持傳統，務求香港人都可以食到正宗沾麵我自己今次就食黑神山叉燒沾汁麵，流心嘅半熟蛋同埋香噴噴嘅叉燒絕對係沾汁嘅最佳拍檔可能會有人覺得沾汁湯相對一般拉麵湯底會比較咸，但其實咁樣係有佢嘅用意(一陣再介紹)沾麵同拉麵唔同，需要有過冷河的過程，所以食落口個陣會更有彈性再者過完冷河之後，麵條先可以表面微微濕潤同埋有光澤嘅效果而唔會做成麵條太熱而變糊嘅問題並且食得出麵底有好香嘅小麥味終於要開估啦，沾汁湯比較咸嘅原因係因為食到最後個陣叫店員將於餘下的沾汁中加入混合木魚嘅清湯，方便飲用依個步驟叫湯割加入清湯後，味道就會清淡帶點鮮甜，中和返原有嘅咸味雙色牛舌  $45濃味牛舌和淡味牛舌嘅組合先食淡味牛舌，咁就唔會比濃味牛舌蓋過份鮮味神山湯餃子 $38餃子裏面有好多肉碎，並且湯汁好清甜餃子會吸收晒湯汁嘅味，正！唐揚豆池魚  $45細細舊嘅無骨魚最岩做開胃前菜點上甜甜嘅醬汁，好快就比我同朋友清晒啦茄子披薩  $43好新鮮嘅組口，茄子仲可以中和返濃濃嘅芝士味令食落口個陣唔會太膩菠蘿特飲＆雜果特飲  $15好抵飲，並且仲有果肉食添每晚車水馬龍必定係因為依間餐廳保留傳統的做法只做正宗日式沾麵鐘意食沾麵嘅朋友，記得要黎支持下！…查看更多

今日同友人來神山麵屋，因為來自日本東京的沾麵，跟平時食到的沾麵大有不同，讓我帶你們去食真正的傳統沾麵。神山係日本邊度？！就是日本富士山，又名不二山或神山，餐廳想出品的麵能夠好似富士山在大家心中的地位一樣崇高，做出令客人滿意的麵。我地點了兩款沾麵和小食及飲品，等一陣就上小食和特飲。雜果特飲 $15（左），菠蘿特飲 $15（右）特飲內有果肉，甜度不算高，價錢也吸引，必點來配小食。雙色牛舌 $45，有兩款不同口味，一邊清淡，一邊是重味。質感較軟腍易咬，味道偏清淡，有牛舌原本的風味。個人喜歡呢款牛舌，爽口的質感，加上醬汁濃而惹味，也非常適合佐酒。唐揚豆池魚 $45，很可愛養眼的小食，一大排小魚炸得金黃好看。豆池魚炸得香口脆身，魚肉鬆軟，沒有腥味只有甘香，佐酒小食的首選。赤神山叉燒沾汁麵 $79，用辛辣豚骨做湯底，沾麵就是湯汁同麵分開，先夾起一小撮麵放入湯汁中，待麵充分沾上湯汁，便可品嚐濃厚的辛辣豚骨湯味。餐廳用較粗身的麵會易沾到更多點湯汁，越食越有小麥香味，可能用左日本小麥粉製造麵條的關係。加上麵條有過冷河，所以質感更緊更有彈性，相對拉麵的質感，沾麵會更加煙韌彈牙。另一個好處就是麵不會太熱而變軟變糊，反而微濕潤帶光澤，很易夾起來沾汁。辛辣度剛好，不會太刺激，令人易接受的辣，也讓人食慾大增，湯汁味道十分濃郁。半熟的味玉，蛋黃流心滑溜，味道香濃，而且有陣陣醬油味。叉燒超大塊，不會很油膩，肉質柔軟嫩腍。黑神山叉燒沾汁麵 $79，湯頭選用大量豚骨、豚肉、日本魚介及秘製醬油調味，並以慢火熬製超過12小時，味道十分濃郁香醇。而黑神山更加多了黑蒜，味道大大提升，有惹味蒜香和豚骨湯的鮮。沾麵的湯汁都用日本傳統配方，要保持微暖60度爲之最佳效果，所以不用擔心湯汁不夠熱，這正是沾麵的風格。原來沾麵是由拉麵變奏出來，出現沾麵是讓勞動階層可以更快食完一碗麵，又令工人飽肚有力量再繼續工作。不過食法、味道同風格都與拉麵不同，所以可以來品嚐真正日本傳統的沾麵。沾麵的湯汁都比拉麵湯汁濃重和偏咸，但由於用麵沾汁來食，所以味道剛好，有醬油味及獨特的魚介風味。當食完麵後，可向店員要求加木魚清湯混入沾汁中，這步驟就是湯割，微熱的湯味道溫和清淡，更顯鮮甜味。…查看更多

在神山麵屋開業的第一天其實已很想試試看，但是那天要等八十多個籌，我跟朋友都沒可能等這麼久吧，最後選擇放棄。今晚又再看看入座情況，只是等十個籌入座，媽媽也願意跟我等一等，我可以跟大家說終於吃到神山麵屋了。在等待拉麵與沾麵的時間，吃小食最好不過。見到雙色牛舌，我立即心花怒放，一次過享用冷熱牛舌滋味。冷的牛舌燉煮得相當軟嫩，再以沙律醋汁入饌，吃起來胃口大開。黑椒牛舌無法抵抗其魅力，香氣撲鼻而來，黑椒汁非常濃郁，與凍牛舌比是另一種風味，肉質脆彈，厚度恰到好處，放入口腔咀嚼幾下，牛舌的鮮牛肉味隨之而來。煎餃子浸在熱湯中究竟是怎樣的味道，對於神山湯餃子，媽媽好奇起來。餃子酥脆金黃的外表，光是視覺就贏了，餃子並沒有因湯浸泡而變得軟爛，餃皮依然脆口。餃子一口咬下，首先經過酥脆的表皮，接著來到富有彈性的扎實肉餡，口中殘留滿滿的香氣四溢，再喝一口充滿魚鮮味的蔥花湯，尋尋覓覓，總算嚐到美味的湯餃子。茄子披薩亳不普通，茄子作為披薩底部，丁點油膩感也沒有，然後茄子表層再披上香辣肉粒與濃郁的芝士，輕輕一咬迷人的辣味在口中蔓延開來，讓人一口接一口吃過不停。唐揚豆池魚迷你可愛，恰到好處的金黃色澤，外表香脆，不管您是大人小孩，一定會愛上它，豆池魚可原條吞吃，不用啃骨外，還有多春魚那種卜卜作響的口感，無比滿足。蕃茄叉燒拉麵湯頭意想不到的鮮甜，因為很多拉麵湯頭都只用茄膏提味，神山麵屋的蕃茄湯清新芳韻在口裡回甘，喝下去一點都不負擔，那種滋味就如媽媽煮的蕃茄湯，吃完不乾渴，貨真價實蕃茄湯。麵條軟硬適中，帶點爽度，滿分。叉燒的細滑度要命的滑，軟嫩不柴口，鮮甜多汁，超棒的說。我非常喜歡黑神山沾麵，因為有別於一般沾麵，沒有可怕的過於濃稠膩味，湯頭層次豐富，滑順鮮美。沾湯裡還有爽脆的筍乾，半肥瘦的叉燒肉粒，香氣十足。半熟玉子蛋黃水嫩極致，蛋白部份非常入味，醃漬時間很足夠。沾麵麵條較一般拉麵粗身，彈性富嚼勁，沾湯後充滿豚骨黑蒜和叉燒粒強烈香味，卻不會濃膩。再約紫菜撕開放進沾湯攪拌，與沾麵享用，更多一層風味。叉燒一口即化，也不像一般叉燒油膩，不用甚麼香料調味已很味美。不論菠蘿特飲或是雜果特飲都很出色，繽紛可愛，多層果香酸甜宜人，清爽討喜度破表，就算冰塊融化，特飲依然絕佳甘美，交織爽朗熱情的風味，越喝越好喝。…查看更多

朋友知道APM新開了一間搵麵店想食，今晚找了我跟他食新餐廳。經理給我們推薦了兩個麵，一個拉麵，一個沾麵；因為朋友沒有食午餐，非常餓，所以再點了四個小食！*神山沾汁麵 ($85)沾麵是比較濃味的，麵條比較粗身和比較吸得住沾汁。經理說這兩舊厚厚的叉燒，像五花腩的，用了很多時間煮的，所以很入味；首先要蒸兩小時，又要煮兩個小時，再浸一小時，再燒；吃的都是功夫呀！沾麵汁濃得來不會太咸。*旭日醬油拉麵 ($85)醬油拉麵的叉燒是薄切的，少一點脂肪；這個麵比較清淡一點；湯底不會太咸和太油；麵條的硬度適中。跟麵的玉子，蛋白部分很有豉油味，中間的蛋黃超流心。*牛蒡甘辛煮 ($35)牛蒡有炸過，味道甜甜地、辣辣地，口感好爽。*神山手造餃子 ($38)餃子皮薄，餡多；不過如果整隻餃子都是脆口就好了！*沖繩風豚足 ($48)這個豬手仔充滿骨膠原，超入味超淋！旁邊的菜一點都不求其，食落口就知很嫩，似菜苗；蘿蔔又是煮了很耐，吸收了精華，一口咬落有好多湯汁。*唐揚豆池魚 ($45)掙扎梗要鱈魚乾還是豆池魚 ，經理就推介了豆池魚 。果然沒有介紹錯！細細條的池魚沾上薄薄的炸粉，不會太膩太油；吃落口感有點似多春魚。*雜果特飲 ($15)這裡的飲品可算是價錢合理，酸酸甜甜的，不錯！…查看更多