釜之魂釜飯專門店

營業中

休息中

淘大商場除咗連鎖餐廳之外，原來仲有一間驚喜料理，就咁睇舖面幾靚，所以就入去試試一入去舖面幾大，侍應都幾有禮，打開份menu，價錢竟然唔算太貴，一喜之下就嗌咗好多嘢食，點忍呀？首先當然要食佢地嘅招牌鰻魚飯啦，鰻魚勁肥美，飯外硬內黏，好有層次我地仲加咗茶漬飯，一飯二食，試吓浸茶食倒完茶要冚蓋焗1-2分鐘跟住落埋啲配料，想鹹啲就落晒佢如果啲蛋軟身啲就更好炸香蕉超特別，外面係香蕉味mochi，內裡係香蕉蓉十幾蚊勁大塊牛脷喺乍寒還暖嘅香港，凍蕃茄絕對係消暑佳品黑芝麻蕨餅一上碟要即刻食，消暑又可口俹胃之選，唔夠飽食佢一流呢一餐，真係又抵又滿足

趁住假日同媽媽黎到九龍灣行宜家傢私，添置返d新家具，順道黎試下新開無耐既釜之魂釜飯專門店。釜之魂主要係食釜飯為主，而釜飯同丼都係由日本引入，感覺上有點像煲仔飯，釜之魂淘大商場3期地下，見到大大條既金色鰻魚就對了。因為純粹想過下口癮，所以唔叫得好多。金魂 $118金魂、銀魂係釜之魂既主打，我叫既係金魂，兩款同樣以鰻魚為主角，分別在於煮法，我叫既金魂係以常用既鰻魚汁醬燒，再配以飯底同埋雜菜。鰻魚都唔差，肉都厚身，味道就不過不失吧，但整體黎講味道有點太淡味，味覺無咩太大既沖擊，就有點像蒸飯吧，個人就不太喜歡。吉列牛舌 $18吉列牛舌感覺幾特別，外面炸得多脆既，牛舌都幾大件，但肉質就稍為硬左小小。總括黎講係有點失望，似乎唔係我鐘意既菜式，但價錢都可接受既，又不算太貴。

仍然是圍板時已知道是吃鰻魚的專門店，就決定要試一試，從他們裝修、開業到光顧前的那一刻我仍是那麼期待....好不容易終於齊人開飯，當日在門外人還沒齊，店員跟我說這一刻不進去座下就可能要等多一會兒，基於我那邊有一位行動不便的成員，雖然人未齊但還是先進去吧，而且那麼多人，看餐牌也花了不少時間吧。的確，決定要吃什麼也需要點商量及時間，然後好不容易才點了菜式。金魂鰻魚套餐：先說說鰻魚，是很不錯的肉汁肥美，但並不是一吃難忘的那一種，餐湯只是普通的麵豉湯，要說一說那些飯.....實在是比較難吃，太濕了，不是被鰻魚汁影響那一種，而是米飯本身就是水份太高，影響了整體的口感。汁煮豬軟骨釜：都是同樣的飯就別多提了，那個醬汁之濃郁影響了豬軟骨十分咸.....難以入口。鐵板燒雞魂：原塊雞扒上枱這是正常的嗎？稍為一開二都不行？如果理由解釋是因為想原汁原味都算了，但為什麼肉質不足嫩滑。

瀏覽網評時，就已經留意到九龍灣開咗間主打釜飯嘅食肆【釜之魂釜飯專門店 】。一直沒扚起心肝幫襯！今日想找一點新鮮感，因為天氣轉冷難免想吃一口熱騰騰的飯暖胃。來到九龍灣既淘大商場三期地下舖。不用等位，太好了。.【釜之魂】以日本既釜飯為重心，釜飯源自大阪既奈良県，除左丼飯之外，「釜飯」都係日本有歷史風味既飯食，「釜飯」是日本一種傳統鍋飯，即是日本人的煲仔飯外型跟港式煲仔飯有點相似，做法卻有不同。是將米、高湯、所有食材放進鍋中，猛火加細火慢煮，直到沒有水蒸氣飄出時，再蓋上木蓋以真空原理再煮10多分鐘，而煲仔飯則是先煮熟飯，再放食材。.餐牌上「釜飯」款式多多，花多眼亂，心大心細喔！金魂•鰻魚浦燒釜飯 $118釜之魂既鎮店之寶金魂同銀魂，兩款既鰻魚飯，我就揀左金魂，金魂•鰻魚浦燒釜飯係較為原始式既鰻魚汁燒鰻魚，首先顏色上都知道夠濃味，鰻魚肉厚，而且口感較滑，食起黎帶小小既香烤風味，加上獨家調製既鰻魚汁，鮮味帶甜，鰻魚味更完美，簡真係完美既配搭。加入魚肉高湯煮熟既釜飯，飯粒帶有魚既鮮甜味，味道雖然唔似港式煲仔飯咁濃味，味道偏淡小小，但反而更能食到高湯帶岀既鮮，更原汁原味，係港式煲仔飯做唔到既獨有味道