343
45
40
港鐵九龍灣站 B 出口 繼續閱讀
電話號碼
23666028
開飯介紹
主打不同口味釜飯,選用高質珍珠米煮製。同場有各款日式烏冬、小食選擇外,還有花生醬燒年糕和榛子醬燒年糕。 繼續閱讀
營業時間
今日營業
12:00 - 16:30
18:00 - 21:00
星期一至日
12:00 - 16:30
18:00 - 21:00
付款方式
AlipayHK 支付寶 現金
座位數目
80
其他資料
Wi-Fi
泊車
當面支付
食評 (486)
等級4 2021-04-15
1803 瀏覽
依間一直bookmark左好耐💛平日少去淘大嗰邊一直都冇機會試今日一於約埋好耐冇見嘅朋友一齊去試一試🌟金魂 贅沢($138+$18跟餐)鰻魚釜飯分差別有 特 極 贅沢3種可以選擇而辛苦工作一整天梗係要對自己好啲食特大肉厚嘅贅沢啦😎而佢嘅鰻魚完全冇令人失望✨非常厚肉 成條都超過1cm厚肉質肥美 每一啖都充滿脂香同平日喺日式超市買到嘅完全唔同肥美魚肉加上香甜燒汁餸珍珠米真係一絕最正嘅係燒汁可以添😛啱晒鐘意汁撈飯嘅朋友再配埋味噌湯同前菜真係十分滿足🌟沖繩苦瓜餃子($22/3隻)一咬開就有陣陣苦瓜味加埋微辣嘅胡椒好清爽嗰苦味唔霸道 唔食苦瓜嘅人都接受到🌟博多餃子($22/3隻)依個餃子比苦瓜餃細隻小小啱啱好一啖一隻 好啱餸酒🍺可惜冇叫酒精類飲品🌟髒髒炸香蕉($18/2隻)話明係髒髒當然係充滿邪惡嘅朱古力粉脆皮入面係煙煙韌韌嘅蕉味麻糬🍌🍫呢個組合真係冇得輸😍因為一次過畫紙落單所以嗰炸香蕉好早就上左變咗做前菜😂下次可以叫遲上/後加單做甜品就perfect啦🌟黑松露玉子燒($18)香滑蛋卷加上黑松露沙律醬沙律醬好多所以入口啖啖都係黑松露味🌟凍蘋果蜜(+$3)杯飲品唔會太甜 仲有好多爽脆嘅蘋果粒🍎感覺好fresh好有夏日嘅感覺入面每張枱之間都有比人高嘅大隔板係疫情下都可以食得安心而且要讚吓服務員好細心🥰見我地2個人就主動問我地需唔需要多1個碗share服務員亦都好主動幫我地將浸過餐具嘅茶換過杯新服務好又坐得舒服 性價比又高 絕對係可以encore嘅餐廳 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-03
525 瀏覽
平時係淘大真係會直行直過完美地skip左依間,因為門面唔算特別吸引好blingbling。但原來佢入遲咗openrice熱店大賞,店內環境空間比想像中大好多,而且裝修最加分!又揮春又poster又大頭公仔吊飾🐸🐷釜飯係日本人嘅煲仔飯,但比較味淡因為用高湯而唔係我哋甘加醬油,menu仲有其他款式例如花魚豬扒牛肉雞脾扒釜飯。🐷小提示:午市1200-1430 下午茶1430-1630下午茶價錢平好多但份量同樣好大,香港食鰻魚飯本身吾平但依度算貼地,如果再嫌鬼可以考慮食下午茶😳一坐低就會奉上每人一碗麵豉湯同一小碟大豆芽,似唔辣泡菜汁撈大豆芽、唔太鹹熱辣辣好舒服嘅麵豉湯🥰,仲會附送埋飲品!👓金魂 午市$98 下午茶$78餐廳招牌嘅鰻魚飯!加入鰹魚湯底以高壓蒸煮,所以個飯底有清香味而唔係齋白飯,而且用咗日本米愛知縣越光米,圓粒粒咬口分明。飯底其實都幾大兜,應該有一碗半份量。鰻魚真係有手掌咁大塊,同埋魚肉好厚身,都彈牙,唔太多骨冇腥味。鰻魚唔太明顯炭燒香味,反而比較重燒汁甜味,似汁燒鰻魚,鰻魚來自店主自設鰻魚養殖場,所以肥大肉厚👓串燒玉子 $28/2件誤會咗係玉子燒,因為佢係冇餡料嘅甜蛋,味道偏甜,質感偏實身雖然係大舊食完會好飽肚,所以有少許單調,如果有餡料會開心啲!👓吉列紫薯餅 $38/2件如果好紫薯的話你會覺得都幾好食,似炸薯餅咁沾上炸粉外層係香脆可口唔油膩,餡料係紫薯蓉,味道都偏甜。相比下好食過玉子! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-06-09
0 瀏覽
好耐冇嚟過九龍灣淘大商場啦,今次去到三期,真係超級多嘢食,今次就收到邀請來試食呢間出名鰻魚飯嘅餐廳。咁佢嘅鰻魚飯最出名當然要試鰻魚飯啦,咁佢係有分高中低三個價錢,有厚切嘅鰻魚,鰻魚腩肉位置,同埋魚尾位置。咁我就試咗中間價格嘅鰻魚腩位置,佢嘅鰻魚果然真係唔錯,好香鰻魚肉味,一啲腥味都冇,入口彈牙,肥瘦均等。至於另一個就係五花豚肉釜,首先值得一讚嘅係佢嘅秘製醬汁用嚟煮五花腩真係好好味,啲肉熟嘅程度啱啱好,仲保存到五花腩肉嘅油份,加埋隻流心蛋,同埋蔥花,令到成碗飯增添唔少色彩。咁我仲跟餐,跟餐就會有麵豉湯,前菜同埋飲品,前菜係辣味嘅青瓜,麵豉湯就比較清淡,有豆腐海苔蘿蔔等等,嘢飲都係啲普通餐廳嘅嘢。 繼續閱讀
(以上食評乃用戶個人意見 , 並不代表OpenRice之觀點。)
先不論黃藍 餐廳味道認真難食今日叫左個熱門推薦滑蛋吉列豬扒斧飯,基本上成塊扒無豬肉,全部都係肥膏嚟。大佬呀,你想偷雞最少都俾少少豬肉嚟啦 無理由成舊吉列豬扒都係肥膏?仲要成68蚊真心食左一舊就燥底凍奶茶少甜:奶精奶茶 飲左兩啖飲唔落玉子燒兩串:幾香口 不過唔夠蛋味 收28蚊兩串結論:中伏 食吉豚屋會好好多 繼續閱讀
(以上食評乃用戶個人意見 , 並不代表OpenRice之觀點。)
等級3 2021-06-07
0 瀏覽
佢嘅肉質,琴埋面嘅質地,湯底都幾好嘅。試咗佢嘅烏冬。烏冬質地唔差粗幼啱啱好湯底亦都唔差食落去覺得係比較高品質嘅。另外佢嘅牛舌都好厚,如果嗌牛舌飯都有四五片俾你,啲餸都好夠多。 繼續閱讀
(以上食評乃用戶個人意見 , 並不代表OpenRice之觀點。)