TOSS 蘇媽.蘇媽

營業中

休息中

星期日一家五口有老有嫩嚟食晏，攞飛後雖然只差一個number, 都要等足半個鐘，但四人枱就不斷咁入，有人遲嚟我哋20分鐘都早過我哋入。同職員講我哋有老人家，可唔可以比我哋入先，就算迫4人卡位旁邊再加張凳都冇所謂。職員支吾以對，最後都係搞咗15分鐘先比到枱我哋，仲要係得60分鐘食。坦白講，食物水準唔算差，但內櫳超級狹窄，職員嘅應對同專業態度好有問題。其實以佢哋嘅食物種類，相信大部份人一個鐘之內應該都會食完，完全唔需要講明淨係俾人60分鐘。咁樣做只係顯得佢哋好小器，唔太理食客感受，淨係想搵多啲錢。新城市廣場大把服務態度比佢哋好得多而又價錢合理嘅選擇，絕對唔會再幫襯，亦唔會推介佢哋。

聞名不如見面 完sem終於有機會去食-•肉骨茶(一字骨)• $178 [👅8/10]都算正宗口味嘅肉骨茶 (人在大馬now😬)一字骨燜得好腍 啲肉唔會痴住舊骨 湯頭好濃藥材味 特別係枸杞子嘅香味係好滋補嘅一道湯🥰-•辣死你嗎配炸魚柳• $86 [👅7.2/10]呢個nasi lemak有啲似xo沙茶醬 會杰身啲 但係幾香口 加埋香脆嘅魚柳 幾好味 椰漿飯染咗做綠色 好搶眼🤣-•桔仔薄荷梳打• $48 [👅8/10]•似水榴槤• $62 [👅8.1/10]兩杯嘢飲都十分不錯 桔仔梳打酸甜開胃 鐘意食榴槤嘅可以試下佢地呢杯「似水榴槤」 係十分驚喜嘅口感 飲完個口都唔會太臭 唔使擔心🫢-佢地晚市好多人食啊😛😛-📍#蘇媽蘇媽沙田沙田正街18號新城市廣場一期1樓107號舖

一字骨肉骨茶😋一小鍋既一字骨肉骨茶大概二人份量，無跟油炸鬼或飯，需另叫主食配搭。但湯好香濃藥材味，一字骨煮得夠軟腍，唯獨骨肉既肥膏較多，食多左會覺膩。香蕉餅😅以為係印度飛餅戈種，結果同想像有出入。係香葉包住糯米既煎餅，個餡除左香蕉重有椰絲。就咁聞唔太覺蕉味，但咬落就蕉味濃郁，配上椰絲更有一陣椰香。但因為用香葉包住，剛上台較熱，糯米會好黏塊葉，進食時有啲唔方便。整體黎講，味道比較有挑戰性，並唔係人人都會喜愛既類型。

自從食過1次蘇媽之後，已經覺得唔錯，可以再幫襯，知道佢喺沙田新城市廣場新開另一副線Toss 蘇媽·蘇媽，一直都想去食。咁啱最近新城市廣場有日本插畫家Keigo嘅擺設打卡位，去影相就可以順便食埋蘇媽😃一貫嘅人龍店，去到餐廳門口已見到唔少人喺度等緊，好彩我一早已經搖距取票，等左陣就可以入坐。👍 蘇媽·蘇媽除左食物夠吸引之外，佢嘅裝修風格亦係我喜歡嘅賣點。呢間新店嘅裝修好靚，啡色、墨綠色做主調，枱面嘅彩磚極具馬來風，整潔、繽紛嘅色彩啱晒打卡影相。講返嘢食，今日叫左一字骨肉骨茶($158)同海南鴛鴦燒麵包($48)。其實本人好鍾意食肉骨茶，但只係偏好星加坡肉骨茶多d，因為唔太鍾意馬來西亞肉骨茶嘅藥材味。所以之前一直都無食過蘇媽嘅肉骨茶，但睇過其他食評話呢度嘅肉骨茶藥味唔濃，咁今日就即管叫嚟試吓真唔真。🥘細細個砂鍋但好足料，有5件大小唔同嘅排骨、4件厚肉冬菇、3件豆卜、仲有枝竹同杞子。肉骨茶真係無濃重嘅藥材味，反而肉味幾香，容易入口。一字骨幾腍，肉唔算嚡，點醬油食會有d甜味。最鍾意係冬菇，細件但肉厚，索滿肉骨茶嘅味道，咬開入口時嚐到冬菇嘅香，混和肉骨茶嘅濃湯，好好食。🥪海南鴛鴦燒麵包係因為相片嘅