影片
更多
2022-08-13
1884 瀏覽
自從食過1次蘇媽之後，已經覺得唔錯，可以再幫襯，知道佢喺沙田新城市廣場新開另一副線Toss 蘇媽·蘇媽，一直都想去食。咁啱最近新城市廣場有日本插畫家Keigo嘅擺設打卡位，去影相就可以順便食埋蘇媽😃一貫嘅人龍店，去到餐廳門口已見到唔少人喺度等緊，好彩我一早已經搖距取票，等左陣就可以入坐。👍 蘇媽·蘇媽除左食物夠吸引之外，佢嘅裝修風格亦係我喜歡嘅賣點。呢間新店嘅裝修好靚，啡色、墨綠色做主調，枱面嘅彩磚極具馬來風，整潔、繽紛嘅色彩啱晒打卡影相。講返嘢食，今日叫左一字骨肉骨茶($158)同海南鴛鴦燒麵包($48)。其實本人好鍾意食肉骨茶，但只係偏好星加坡肉骨茶多d，因為唔太鍾意馬來西亞肉骨茶嘅藥材味。所以之前一直都無食過蘇媽嘅肉骨茶，但睇過其他食評話呢度嘅肉骨茶藥味唔濃，咁今日就即管叫嚟試吓真唔真。🥘細細個砂鍋但好足料，有5件大小唔同嘅排骨、4件厚肉冬菇、3件豆卜、仲有枝竹同杞子。肉骨茶真係無濃重嘅藥材味，反而肉味幾香，容易入口。一字骨幾腍，肉唔算嚡，點醬油食會有d甜味。最鍾意係冬菇，細件但肉厚，索滿肉骨茶嘅味道，咬開入口時嚐到冬菇嘅香，混和肉骨茶嘅濃湯，好好食。🥪海南鴛鴦燒麵包係因為相片嘅
咁啱最近新城市廣場有日本插畫家Keigo嘅擺設打卡位，去影相就可以順便食埋蘇媽😃
一貫嘅人龍店，去到餐廳門口已見到唔少人喺度等緊，好彩我一早已經搖距取票，等左陣就可以入坐。👍
蘇媽·蘇媽除左食物夠吸引之外，佢嘅裝修風格亦係我喜歡嘅賣點。呢間新店嘅裝修好靚，啡色、墨綠色做主調，枱面嘅彩磚極具馬來風，整潔、繽紛嘅色彩啱晒打卡影相。
講返嘢食，今日叫左一字骨肉骨茶($158)同海南鴛鴦燒麵包($48)。
其實本人好鍾意食肉骨茶，但只係偏好星加坡肉骨茶多d，因為唔太鍾意馬來西亞肉骨茶嘅藥材味。所以之前一直都無食過蘇媽嘅肉骨茶，但睇過其他食評話呢度嘅肉骨茶藥味唔濃，咁今日就即管叫嚟試吓真唔真。
🥘細細個砂鍋但好足料，有5件大小唔同嘅排骨、4件厚肉冬菇、3件豆卜、仲有枝竹同杞子。肉骨茶真係無濃重嘅藥材味，反而肉味幾香，容易入口。一字骨幾腍，肉唔算嚡，點醬油食會有d甜味。最鍾意係冬菇，細件但肉厚，索滿肉骨茶嘅味道，咬開入口時嚐到冬菇嘅香，混和肉骨茶嘅濃湯，好好食。
一字骨肉骨茶
$158
23 瀏覽
0 讚好
0 留言
🥪海南鴛鴦燒麵包係因為相片嘅啡色多士厚牛油所吸引。原來鴛鴦係牛油+咖央餡料，賣相好靚。牛油嘅鹹香中和左咖央嘅甜膩，味道配搭出色，加埋香口嘅多士，好鍾意呢個，成為下次必食之選。
影影吓相發覺，Menu嘅相像真度極高，好多時menu會見到一行細字 "食物相片只供參考"，但呢度嘅食物還原度極高。📸
張貼
