5大芫荽菜式推介！麻辣牛肉芫荽薄餅、芫荽紫菜肉鬆bagel

曾經有一排好流行芫荽嘅菜式，唔少餐廳都爭相推出以芫荽入饌嘅嘅餐單～開飯仔相信鍾意芫荽嘅朋友，對佢嘅熱愛係唔會減退㗎！2023年啱啱開始，繼續介紹啲新出同人氣嘅芫荽菜式各位芫荽控先~ 記得bookmark喇。

麻辣牛肉芫荽薄餅 Cafe2 Oyster n Grill

結合四川同西式嘅Pizza！餐廳選用來自紐西蘭嘅肉眼，肉味香濃而且肉質嫩滑，配以自家秘製嘅麻辣醬同番茄蓉作醬汁，味道酸酸辣辣平衡得好好。最重點係當熱辣辣嘅薄餅上枱時會即席瘋狂加入大量新鮮芫荽，直至顧客認為份量滿足先會停，一定滿足到芫荽控，而且加咗芫荽味道層次更豐富呀。

呢間餃子店由前米芝蓮點心店嘅點心師傅主理，招牌番茄薯仔魚湯底不計成本地使用整整達10斤海魚熬製，超鮮味。而佢哋嘅餃子每日人手包製，餡料選用半肥瘦鮮豬肉和新鮮蔬菜，原汁原味。好似芫荽胡椒鮮肉餃，淡淡嘅芫荽香氣同胡椒辣味襯托鮮肉嘅甜味，三者唔會互相搶味，一入口係滿滿嘅肉汁，出色！

一間木系純素cafe，供應多款自家製作輕食及無蛋奶嘅純素食品，好推介芫荽紫菜肉鬆bagel，vegan嘅肉鬆味道同普通肉鬆無咩大分別，加埋甜辣醬又更惹味，中間夾埋羽衣甘藍同大量芫荽同紫菜，食落好清新一啲飽濟感都冇呀。

連湯底都係綠色嘅車仔麵你又食過未？呢間中菜廳一開業已經因為呢個芫荽湯麵而聞名，芫荽湯基底係用原隻雞熬製嘅雞湯，再加上濃郁自製芫荽醬，車仔麵上更會鋪上滿滿芫荽，全個湯都係滿滿濃郁荽味，荽控大愛。

亞洲首間以無聊猿為主題嘅NFT漢堡餐廳，裝修超型格，多個無聊猿霓虹燈打卡位。burger配芫荽嘅芫荽芝心牛肉漢堡combo，漢堡肉牛味濃郁而且juicy，仲要係芝心嘅，一入口好多流心芝士，好邪惡但又好滿足。佢嘅芫荽係炸到脆一脆先加入漢堡中，超香口，平時唔食芫荽嘅朋友都可以一試，話唔定會一試鍾情。

文: Yanica