享受微醺週末!居酒屋新風潮!(3)
2019-08-19
最近發生嘅事令人心情沈重?快啲襯嚟緊 Weekend,約埋三五知己聚一聚,聊聊心事,吐下苦水啦!但去西餐廳又怕吵到人、去朋友屋企又怕打攪人?想搵個可以飲飽食醉,食物又有質素嘅地方?咁以下嘅居酒屋就最適合不過啦!

百川居酒屋(銅鑼灣)       
居酒屋裝修充滿日式格調,木系傢俬,加上小燈籠、小旗幟同其他小擺設,甚有身處日本嘅居酒屋嘅感覺!居酒屋提供時令即日送到嘅日本刺身同海產,並供應多款特色期間限定創作料理,讓食客可以係道飲下酒食下嘢吹下水,放鬆心情咁過一晚!

炸河蝦仔
新鮮河蝦仔,沾上特別調製嘅炸粉,炸到香脆可口,又可以食到河蝦嘅鮮味,非常適合搭配啤酒一齊食,係店內嘅招牌下酒小吃之一!

朴葉一口和牛
將一口和牛放於朴葉上,搭配日本青蔥、香菇、青椒同日式醬油醬,燒到約七成熟,咬落去勁多肉汁仲有輕微朴葉香味,係必食之選!

海膽玉子燒

選用日本雞蛋嘅玉子燒入口嫩滑,蛋汁豐富,中間嘅韓國海膽鮮甜又足料,絕對值得推介!  

海膽杯
舖滿一板板韓國海膽同三文魚子嘅海膽杯!海膽杯嘅下層係黏黏嘅日本長芋(山藥),口感清爽,中間仲有吞拿魚刺身,足料到令人意外!

白松露壽司系列3款
分別係白松露帶子壽司、白松露拖羅蓉卷、海膽三文魚籽白松露壽司(左至右),每款都各有特色。鑽石般矜貴嘅白松露入口芬香,但又唔會太濃郁,搶晒風頭,幾款食材嘅原有嘅鮮味仍然食得到,相得益彰!  

鱻88日本料理 (佐敦)  

全店嘅設計與裝修都充滿日式風情,以淺木啡色作主調,行平實風格,店內有逾50個座位,鍾意坐係私人度高嘅卡位又得,坐吧台位即時同師傅溝通,邊品味新鮮美食邊同師傅傾下美食經認得。餐廳主打日本空運到港嘅新鮮刺身料理,除咗提供Omakase 外,仲有A la cart 餐牌,師傅刀功到家,佐料嘅醬汁又非常有心思咁自家製,並非一般日式料理店可比! 

慢煮和牛臉頰丼
和牛嘅臉頰加上玉米芯、甘荀花、千石豆,糖心蛋,蘿蔔苗,本菇,低温慢煮10小時已成,入口即化!

千葉縣芋豚定食
店內特別選用食蕃薯放養長大嘅芋豚五花腩,難怪豬肉味濃郁特別濃郁!再加上溫泉蛋、玉米芯、甘荀花、千石豆、蘿蔔苗、本菇、京蔥同秘制蛋黃醬,千葉縣芋豚每一啖飯入口都香氣十足!

鮮活鰻魚蘢仔蒸飯 
店內特別用上三款日式醬油醃制刺身級蝦同蟹,令人食得安心,味道唔會死鹹,較坊間嘅清淡,師傅利用簡簡單單嘅調味就能帶出蝦同蟹嘅鮮甜!  

日式醬油蝦及醬油蟹 (最少兩日前預訂)
店內特別用上三款日式醬油醃制刺身級蝦同蟹,令人食得安心,味道唔會死鹹,較坊間嘅清淡,師傅利用簡簡單單嘅調味就能帶出蝦同蟹嘅鮮甜!
Omakase (廚師發板) 
餐廳晚市供應不同廚師發板套餐,都用上日本每日直送嘅季節魚產,保證新鮮,每次嚟都有唔同嘅驚喜!當中包括:日本蕃茄、粟米等前菜、六點刺身、一品、壽司6貫、卷物、季節魚湯同甜品,非常豐富! 

心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

關鍵字
居酒屋
旺角
芝士
清酒
廚師發板
Omakase
鰻魚
日本
辣椒
美食
海鮮
定食
海膽
和牛
松露
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-10-07
本地搵食有著數!OpenRice x 旅發局 合推 5折餐飲券+餐飲禮遇
2020-09-21
悠閒早晨 3間英、澳、日Brunch推介
2020-09-21
滋味到家!新鮮海野海鮮+逾200款蔬果肉類 食材直送上門網站推介2.0
2020-10-08
高級意大利菜餐廳尖沙咀重開 擁無敵海景 即席炮製經典芝士黑松露意粉+抵食3道菜午餐
2020-10-12