【開飯熱店入圍名單巡禮】飯局熱點 旺角一地藏十虎
2018-03-12

美食當前,相機食先。作為foodie,先影為敬再放上IG直情係反射動作!優秀開飯熱店2018以「美食大晒 盡情Show Quali」主題,無論你係食家定係大廚,有好嘢自然要晒一晒!即刻睇睇各區同各類型必試熱店如何大晒功架!




作為大多數人約#飯局嘅地點,#旺角呢個旺區食巿林立😎,由酒店級餐廳到小食店、由自助餐到快餐,當然係乜選擇都有,正所謂平有平食,貴有貴食,最緊要好食嘛👍👍👍!今年入圍#優秀開飯熱店大賞嘅呢十間餐廳,有冇邊間係你哋嘅#心水飯堂先😚?睇完記住去#投票呀!

主題自助餐    The Place

 圖:孖囡媽車媽媽

酒店嘅自助餐餐廳,梗係多嘢食啦。佢哋會按季節時令,耐唔耐就轉下唔同嘅buffet主題,好似早前就係日韓秋祭,而最近就係中國名菜。不過,無論咩主題都好,新鮮即開嘅生蠔,同一大堆鮮甜嘅海鮮冷盤、甜品係永遠都唔少得!

抵食泰菜    泰廚泰國菜館

 圖:tobyleung25shirleyshirr

人多嚟食呢間就最啱喇,沙律、串燒、炒粉麵飯等等全部都可以開心些牙,食多幾款。尤其是係咖喱軟殼蟹,咖喱香濃但唔太辣,送飯一流。而呢間餐廳最廣為人樂道嘅就係只要消費夠指定嘅金額,就可以用$1嚟叫多樣嘢食,抵呀!

蛋包金邊粉    阿來泰式地道風味

 圖:麥坤Chill.ddddd

蛋包飯就食得多,蛋包金邊粉?呢間泰國菜餐廳用蛋網包住啲金邊粉,靚得嚟亦有蛋香。其餘嘅生蝦呀海南雞飯呀冬蔭公呀等等嘅菜式,都好有泰國嘅風味,酸酸辣辣,唔怪得餐廳成日都好多人等位啦。

韓國過江龍    吉列牛忌廉烏冬專門店

 圖: hkfoodieboboJoyce Chow

舖頭個名已經話晒你聽嚟到要食乜,就係吉列牛同忌廉烏冬喇!自己牛肉自己燒,點醬加wasabi食零舍香口。忌廉烏冬本身都已經吸引,仲要加埋咖喱,有奶香得嚟又辣辣地,掂!同埋可以放心,啲cream係light嘅,唔怕膩呀。

港版無老鍋    養心殿台式養生鍋

 圖:yiyixd

打邊爐都唔一定熱氣嘅,養生都ok,睇下你食咩湯底嘅啫。呢間火鍋店就有啲好受女士歡迎嘅養生湯底揀喇,有多藥材熬製,又有人參雞等,記得飲咗轉湯先好開始淥嘢食呀!另外,火鍋料當然唔少得台式嘅凍豆腐呀鴨血呀同和牛等等啦。

其餘入圍嘅仲有Cafe ParadiseSky726Running 燒米走雞i CREMERiA Café,揀啱心水就即刻去優秀開飯熱店大賞網站投票啦,有機會贏到豐富獎品呀!

立即投票:https://www.openrice.com/info/awards2018/index.html


文:Kar


關鍵字
開飯熱店大賞
地區組別
旺角
泰國菜
火鍋
自助餐
生蠔
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】便利店尋寶 每周新品速報
2019-09-27
尖沙咀新商場開幕 過江龍餐廳一覽
4天前
日本人氣茶室登陸尖沙咀 招牌Tea Set、甜品推介(有片)
2019-09-25
【特約分享】茶記實測 西多、菠蘿油控必睇
2019-09-19
幾時都要打邊爐!火鍋控必試特色店!
2019-09-24