新曆七月就撞...啋,大吉利是,講緊日本動漫鬼太郎咋。除咗主角鬼太郎之外,佢嘅鬼眼爸爸都非常搶鏡。唔知係咪因為咁,近排就有日本居酒屋就特別以鬼眼爸爸做主角,連同其他人物一齊出咗一系列嘅主題美食,望落唔單止唔會驚,可能仲會覺得好得意。
如果你係大胃王,或者有選擇恐懼症嘅話,咁呢個放題就啱哂啦,¥4,000兩小時任食八大主題美食,包括鬼眼爸爸軍艦壽司、玉子燒、麻婆豆腐等等。
唔想食放題覺得浪費Quota嘅話,咁不如單點幾項淺嘗,十款主題料理當中,除咗撒砂婆婆雪糕同子泣爺爺鹽牛油焗薯之外,大部分都有鬼眼爸爸出現。最搞笑嘅就係碟蘿蔔,Hea得嚟又真係好似對眼。
身在香港無得飛去日本點算?自製鬼眼爸爸料理都一樣得嘅,睇下日本人幾有創意。咩話,你話你剩係識煮公仔麵?咁...當開飯仔無講過,你都係睇咗當食咗就算啦。
酒場でゲゲゲ!超目玉キャンペーン
活動日期:即日起至2016年9月4日
參與居酒屋名單:実施店舗一覧
隨時接收最新資訊
讚好OpenRice專頁!