Tammydodo的个人专页

今天跟吃貨同事來這間無得訂位的餐廳食午餐。本來被安排坐出面戶外區，職員一見店內有空枱就邀請我地坐返入去戶內，認真細心。環境：裝修好靚，好多花，好多懷舊西式的設計。連天花板都有好多花，燈光，木櫃，音樂都配合得好快，我們用了很長時間去欣賞每個角落。食物：2 courses $138; 3 courses $158。我們都點了2courses，之後加左個幼薯條。首先送上面包，暖暖地，好味。頭盤是芝麻汁吞拿魚，好好味；同事點左紅菜頭沙律，都好特別。主菜，我地叫左魚、豬腩肉同埋長通粉。老實說，主菜同頭盤差大遠，有少少失望。我叫的豬腩肉好熱氣。無咩味。其他主菜味道一般。服務：非常好！快手，有笑容，好親切。伙記有幾個靚女和型男。…查看更多

長輩從外地回來，想帶他試新野，所以一行三人去左呢間韓國餐廳。晚上七點幾到，入到大廈，守衛森嚴，要登記身分証。環境：一踏入門口就有好重油煙味。不過適應左就無咩野。餐廳坐唔滿，星期六都唔洗訂位。間野無咩裝修，角落堆左一d食材。食物：我柯打左芝士高麗炸雞、韓式豚肉石鍋飯、嫩牛肉豆腐鍋。份量很大，四個人都夠吃。前兩款食物都偏油，豆腐鍋不油湯底有點咸。全部食物味道尚可。性價比高。服務：伙記反應快。上菜也很快。可以笑多d，親切的。呢間餐廳比較適合一大班人，價格相宜，又不用訂位。食完飯可以到附近海濱繼續吹水，都不失為一個好的節目。…查看更多

好朋友誠意推介呢間餐廳，今日食lunch，就決定呢間啦！地點：餐廳位於大廈裏邊，我唔係太熟上環,所以差啲搵唔到門口。佢部電梯都幾快, ,唔使幾耐就到13樓啦!環境：成間鋪頭都好新淨，好有無印良品的感覺。有啲枱仲可以見到海景添！細舖頭，坐迫少少在所難免。食物：我點左炒豚肉定食，朋友點左雞扒定食。食物味道不錯，賣相也很好。白飯任裝。我哋加咗$20要買個宇治焙茶雪糕甜品！店員話個小丸子係日本秘方，真係好正喎！服務：店員非常有禮貌、親切！動作都好快。上菜可以再快少少，咁就可以多啲時間享受呢個環境同埋relax的氣氛。價錢：大部份餐都係$100以下，中上環來講，呢個質素，都算性價比高！絕對會再encore ！ ！…查看更多

又是ot的一夜，為左cheer up自己，九點幾我一個人去試新野！環境：好光猛，枱與枱之間的距離簡直係無縫交接。我一個人坐響兩堆人之間，不知不覺融入人地家中。現場冷氣好凍，我問店員可否調教溫度，佢無奈回應中央冷氣無得教。服務：阿姐對我好好，熱情招呼我坐底。因為太著緊我無點餐紙，仲火左另一個員工。佢俾張A3點餐紙，一枝紅筆俾我點菜，叫我點完出去收銀俾錢，佢仲放個reserved牌放響我枱面，留返個位俾我。出菜好快，等左幾分鐘就上晒菜。食物：有魯肉飯，牛肉麵，多款小食。牛肉麵由$58起跳，價錢可以接受。我一個人，食唔到咁多，又無人同我開心share，只可以叫左半筋半肉紅燒牛肉麵，加個上湯娃娃菜。咁呢，個湯味道無咩驚喜，唔夠熱，可能鼓勵大家飲台式特飲，所以都幾多味精。個牛根好淋，好滑，另外牛腩有嚼口，牛味好正。份量唔多，男仔未必飽。留意老人家個假牙有機會甩。見對面家庭話鹽酥雞好味，滷肉飯又話好味。我下次都想食。仲有A3紙先寫得晒咁多款台式飲品，太凍，我完全唔想飲。總結：我覺得程班長牛肉麵好味d，大碗d，南勢角就乾淨d，又有勁多款台式飲品。呢間南勢角我會再幫襯！…查看更多

八號風波打唔成，注定要ot!6點幾好肚餓，就去左美心食飯。海南雞飯，雞肉好嫰滑，油飯粒粒分明。點埋酸辣汁，好開胃。仲有一個靚湯。成個餐好滿足，食完充滿力量。繼續加油！奸爸爹！…查看更多

麻辣雞翼一試難忘。好鍾意呢個場，好多野食。其中麻辣雞翼最惹味。我食唔到辣，呢個辣度剛剛好。有又位可以坐都幾舒服。不過個伙記個樣好惡，可以多少少笑容。另外，佢仲有咖哩魷魚，不過賣晒。街坊經過，表示失望。…查看更多

話說有日經過見到現場即切即煮牛扒，今日特別日子，所以就去試一試。一去到人龍已經去到樓梯，伙就話限售85份。我地決定食牛柳，因為佢係最快售罄，估計係最受歡迎的一款。環境：新裝修，好舒服。不過成個場油煙好大。冷氣有點冷。食物：點左400g 佢地俾多左少少。加埋飯同沙律，加烏龍茶。好有牛味，也juicy，沒有根。好大份。鐵板上，夠晒熱。有d蒜蓉，美味！價錢：$15x好抵。好過自己買來煎。如果早放工，又心情好，都可以再食。…查看更多

家庭式經營小店環境：安靜，新裝修，舒服。開放式廚房，有少少油煙。我鍾意睇人煮野，唔介意。如怕油煙，可以坐遠個廚房一點。食物：意粉很有誠意。我食果個辣肉醬水波蛋意粉。味道不錯，又惹味，意粉夠彈牙。湯和飲品中規中矩。價錢：意粉$100樓下，連湯連飲品。在港島區算合理。服務：細心，動作快。可以多d笑容。食完安靜的午餐之後，充滿力量返公司工作。…查看更多

三號波落左，打風唔成，落雨。在這種潮濕天氣，食辣野肯定無得輸。朋友誠意推介佐敦韓式小店。橫掂出地鐵只係一鐘路程，就坐幾個站來試試啦。午餐比起其他餐國餐廳選擇多好多，價錢由$48起，不設加一。不過值得留意，午餐只收現金。自從電子支付出現後，我銀包現金唔多。好彩價錢抵，我仲夠俾錢，如果唔後要大雨下去atm都幾狼狽。食物泡菜豬肉窩好濃泡菜味，酸酸辣辣好正。好多泡菜，d豬肉好淋。呢個韓式拉麵炒年糕，味道略甜。不過我都好鍾意。隔離枱都有叫，佢地叫左小辣，顏色無咁紅。食完個人好暖，岩晒日日去冷氣好勁的office返工的我。環境：店仔細細，枱很多，好易聽到隔離的食客傾計。店舖設計充滿韓國色彩。收銀機附近貼左韓國小朋友的成長照同家庭照，令間鋪更有家的感覺。服務：全部店員都貌似阿豬媽。有少少阿媽的氣場。出菜好快，唔洗5分鐘。食食下，有個客人在店裡滑到，佢地都即時問候。阿媽始終係好識照顧人架！價錢：以食物味道來說，好經濟，又無加一。…查看更多

星期五晚，行左東廣場一圈，發現裡面有好多大大小小的餐廳。因為天氣熱，無咩胃口，就決定去食Seasons食沙律。食物：餐廳有意粉，飯，三文治，沙律套餐。我見隔枱沙律好正，於是照跟。沙律餐可於8款㨂4款，加配湯或餐飲($65)。我㨂左1. 小米沙律（無咩味）2. 雞肉長通粉（很多醬，味道好，但高卡路里）3. 腸仔焗薯 （無食到腸仔，焗薯ok)4. 凱撒沙律 （羅馬生菜好新鮮，個醬味道以普通沙律醬而非Caesar醬）餐湯：蕃茄雜菜湯，夠熱，幾好味，不過無湯渣。食完好夠飽，又有菜，岩晒成日出街食野又有少少重視健康的香港人。環境：好開揚，無牆，有少少似food court服務：店員好nice，去counter買完會將食物送上。野食好快到。價錢：$65沙律加雜菜湯，偏貴。 …查看更多

去到旺角就不期然想飲野，於是同朋友飲呢間好有特色的台式茶店。飲品：炭培烏龍加小芋圓 （$27）微甜 - 茶味香濃，芋圓好有咬口，甜度剛剛好。茶味好過91x茶王。朋友點了紅柚烏龍蘆薈Q ($33) - 佢話食到不粒粒西柚，好香西柚味，茶味唔特別明顯。沖茶方式好似沖咖啡一樣，茶用一部類似咖啡機的機器沖出來。環境：店分成兩部份，一邊收銀，一邊等出茶同埋有少量座位。特別一提係座位有usb插座，人同埋手機都可以在鬧市中叉電。有部專業的沖茶機，有好多茶具，也有茶葉賣。又有好多關於泡茶的方法，好專業沖茶的感覺。服務：可能太好生意，太忙，店員無咩同客人有眼神接觸。出茶快，動作勤快，唔洗等好耐。…查看更多

今晚同老友記一行四人去食生日飯，老友最鍾意西班牙菜，所以揀咗呢間，因為交通方便。呢間餐廳，有好多選擇，而且食物唔係間間餐廳都有。環境：可能因為星期四，所以都係七成滿。呢間餐廳好新，裝修幾靚，幾有外國feel。同隔離枱都幾近，我相信隔離聽到晒我哋吱吱渣渣嘅內容。食物：我地點左一個牛油果西班牙火腿沙律，牛油果同埋啲蔬菜都好新鮮，可惜大部份人都唔識欣賞西班牙火腿。之後上嘅菜係芝士焗蟹肉蛋，壽星女好鍾意食咗差不多一半。呢個餸熱辣辣，雞蛋唔會太熟，有好濃郁芝士味，鍾意芝士同蛋嘅朋友一定要試。西班牙豬仔骨，好入味，肉質剛剛好唔會太乾。配埋蛋黃醬食，味道不錯。西班牙海鮮飯，呢個餸會有火焰，都幾特別，呢團火只維持幾秒。個飯有少少酒味， 有好多海鮮，好鮮甜的飯囉。我覺得呢個一定要點。雞肉焗蘑菇，好濃郁芝士味，好濃郁蘑菇味，我好鍾意。不過呢個餸性價比相對低。Queen’s Waffle 荔枝味麻薯窩夫本雜果，幾好味，不過要＄178一碟，我哋覺得幾貴，唔值呢個價。服務：一開始餐廳侍應好熱誠地介紹菜式。大部份侍應都好友善，好有笑容。…查看更多

公司以前正正就低呢個位，重遊舊地，大家都非常興奮。7pm入座，只有兩三枱人，好靜。夜晚有套餐同埋好少選擇的menu。結果我地全部點晒dinner set（頭盤，主菜，餐茶）由二百幾到四百幾不等，觀塘區價錢算中上。環境：安靜，空間感大。有些靠牆位，適合情侶。食物：麵包籃麵包好食。頭盤我叫左生牛柳，牛肉無咩味，但d汁幾好味。朋友們叫左洋蔥湯、巴馬salad、蝦salad。大家個樣都幾滿意。主菜：煎羊架，煮得剛剛好，味道唔羶。朋友點左黑毛豬、煎魚帶子。佢地話個魚好食。甜品：無食到。服務：因為人不多，服務非常週到，而且非常快。其實只是七成飽。男仔未必夠飽。…查看更多

星期四晚，因為自己得獎，想食好d，七點多見無咩人排隊，就即管一試。我本身食過尖沙咀德美幾次，佢地刺身好新鮮，所以印象好好。環境：座位同尖沙咀一樣，枱與枱之間很窄。我坐吧枱，相對空間大少少。吧枱有一個玻璃瓶，有幾隻蟹仔在裡面亂爬。食物：我點了刺身飯定食$158+10%。有帶子刺身沙律，麵豉湯，刺身飯，仲有甜品。全部食物都好新鮮。服務：上菜快，態度友善。價錢：晚餐幾抵食。如果其他豚肉，燒魚餐幾十蚊都食到。仲有二人餐三百頭左右，以日本野來說，都唔叫好貴。後記：吧枱的師傅用長筷子夾左三隻蟹仔再放入隻碗用保鮮紙包住，然後放入廚房個窗口。我睇晒成本餐牌都無蟹仔呢款食物，我只好帶著問號離開。…查看更多

朋友12:15pm排隊等，1pm入座，1:30pm上齊食物。如果唔趕住返公司，又唔怕日曬雨淋排隊的話，一試無妨。食物：點了牛肉牛腱pho, 柚子沙律同埋凍越南咖啡。牛肉pho麵質不錯，牛肉有牛味，不韌，湯底清甜，係唔夠熱。柚子沙律中規中矩。越南咖啡一般，可以濃d。環境：枱與枱之間唔迫。我坐左大圓枱，前面一堆食材同餐具，感覺自己置身大牌檔。冷氣有點凍，可能因此pho都凍得好快。服務：個個樓面都好努力工作。髮型大部份都好潮，色彩繽紛。態度非常親切，值得一讚。我不小心跌左筷子，伙記記即時補上一隻俾我，反應十分敏捷。價錢：$68在中環食碗粉，性價比十分高。如果有長時間食飯，我會再去架！…查看更多