BriKetenia

公司以前正正就低呢個位，重遊舊地，大家都非常興奮。7pm入座，只有兩三枱人，好靜。夜晚有套餐同埋好少選擇的menu。結果我地全部點晒dinner set（頭盤，主菜，餐茶）由二百幾到四百幾不等，觀塘區價錢算中上。

環境：安靜，空間感大。有些靠牆位，適合情侶。

食物：麵包籃麵包好食。

頭盤我叫左生牛柳，牛肉無咩味，但d汁幾好味。朋友們叫左洋蔥湯、巴馬salad、蝦salad。大家個樣都幾滿意。

主菜：煎羊架，煮得剛剛好，味道唔羶。朋友點左黑毛豬、煎魚帶子。佢地話個魚好食。

甜品：無食到。

服務：因為人不多，服務非常週到，而且非常快。

其實只是七成飽。男仔未必夠飽。