但不夠詞彙在記憶裏面的个人专页

平時好少行嚟哩到食飯，哩間餐廳離我哋工作地點有d遠。但係平時聽客人講肻哩間餐廳，加上同事推薦，當日終於dick起心肝過嚟食鋪頭原址係以前一間叫美談嘅韓國餐廳 (以前都有介紹過)，宜家就轉咗做哩間食川菜嘅餐廳。本來我以為川菜餐廳都會有股辣油味，入到嚟又無喎。咁我哋4個人諗住一人叫一個餸，我以為一個餸配一個飯，點知侍應同我哋講出面裝飯同埋出面拎小菜、飲品。跟手我同事同我講哩到啲飯、飲、小菜係任食架，我即時喜出望外，心諗咁我咪可以食到好飽，之後出到去我仲見到紅米飯，雖然都肥㗎啦，但係健康啲呀嘛。咁我哋就拎咗啲小菜同飲品，等啲餸煮好。聽個員工講啲小菜唔係是是但但，嗰個白色一條條係藕嘅...sorry我唔記得咗，但係唔係咁容易種㗎。啲餸無耐就上齊。令我最記得嘅係碟辣子雞，因為平時其他餐廳啲雞粒好細粒，但係哩到嘅起碼大細可以分到辣椒同雞粒，而且入面有啲炸咗唧黃豆，送飯特別惹味。另外，涼瓜肉碎煎蛋簡直就係下火之選，平衡返食辣嘅熱氣。最後，我哋走嗰陣食到好飽，哩個價錢食到咁多野，真係返工嘅小確幸…查看更多

事源我話想食韓國冷面，咁朋友就推薦我食哩間夜首爾，一嚟方便收工去，二嚟係近尖沙咀可以行下先食飯一入到去，就問下有無醬油蟹，因為我個fd特別要求，無預訂都驚無。結果，老闆話有，就即刻入座。入到去，老闆分配咗房入面嘅枱俾我哋。我哋第一個叫嘅係厚切五花腩。雖然叫落係幾厚，但係燒完收縮咗，不過真係好有豬肉味食完個口都仲齒頰留香，咁我哋就再叫多份豬肉拼盤。本來以為豬頸肉會好難咬，因為燒太耐會好易硬，燒太短時間又驚唔夠熟。最後...我哋燒得太耐，都係比較硬。不過塊豬扒加分，唔會太硬，又有嗰種油脂味之後，韓牛拼盤就無得輸啦，燒完又香又有油味，而且唔會難咬。牛肩肉配上其他配菜令口感更加豐富醬油蟹不過不失，最緊要係唔會腥，仲要多膏。配上白飯，一啖又一咪，飯都無晒。加上佢調味唔會太咸，食到蟹味。最後係拌冷面，真係好味呀。可能係我太耐無食，亦都因為我最想係嚟食冷面，所以特別期待。每一啖都in in un un，係我期待嘅味道。不過偏辣，食唔到辣可能要小辣或者揀返湯冷面不過，係哩到食燒肉，個身會好大陣味，所以叫之前要三思。…查看更多

嗰日幾個同事一齊食飯，就去咗我哋嘅「公司飯堂」。我以前都有食過美談，不過係搬之前。今次係佢搬咗之後，我第一次食。鋪頭除咗有室內位之外，仲有室外食韓式燒烤嘅枱。一入到鋪內，除咗係室內變得比較溫暖，仲有嗰度嘅人同食物，啱晒哩幾日咁凍嚟食。講返啲食物，因為哩幾日都凍，所以我揀咗牛肋骨湯飯暖暖個胃，而我其中兩位同事都不約而同揀咗湯飯，一位揀咗石鍋飯。上牛肋骨湯飯時，老闆親自拎俾我，我遞隻手過去接，佢都要serve到我個位前面，真係好有愛。牛肋骨湯飯性價比極高，雖然要$80，但係滿滿一大碗，最重要係湯底無牛騷味。好快就俾我飲晒食晒。除咗主菜，佢會附送兩個配菜，因為我哋4個人，一人兩個，咁就幾乎所有配菜齊晒。炸雞無骨配上韓式甜辣醬，正！仲有泡菜煎餅都一樣唔太貴又好味，性價比高之作。我朋友整緊個石鍋飯嘅時候，老闆見到佢個飯撈得唔均，於是親手幫佢撈均，好warm。而且店員都不時同我哋噓寒問暖，係阿珠媽嘅愛呀。埋單以為會好貴，原來午市炸雞只係$80就有8件。…查看更多

最近有個fan同我講好想睇我食18件麥樂雞嘅食評，既然fans叫到，梗係有求必應啦。今日 (11月24日) 我就走去食，仲叫齊新野 (好似係)首先，Shake Shake粉方面，出咗鐵板黑椒汁味。個黑椒味其實好重，加上佢陣鐵板味，小小辣，遮咗薯條陣味。個人認為反而拎齋黑椒粉撈仲惹味到麥樂雞，咁叫得18件麥樂雞，就會配上4個期間限定嘅醬 (仲記得以前叫點jack) 按次序係有香草檸檬、和風芥末、蜜糖芥末同韓式烤牛。香草檸檬有口竹日人似檸檬味嘅蛋黃醬，但係第一啖食唔慣，有啲想嘔和風芥末其實幾好食，唔會太攻鼻，wasabi味唔會太功，味道適中蜜糖芥末就一直都受歡迎，依舊好啱送麥樂雞最後係韓式烤牛，好還原到韓式烤牛隻味，小小偏咸，但係好味除咗麥樂雞，吉士批最近都係我喜愛嘅食品。既然出咗新批，就梗係要試下啦。多咗吉士令到以往較甜嘅批都變得無咁甜、味道均勻啲同豐富啲，藍莓嘅吉士批都一樣無咁甜同口感更豐富，但係有陣好明顯嘅藥味…查看更多

哩一餐印象好深刻，嗰陣返完工10點幾，有個同事話去元朗食宵夜。佢十分推介哩一間餐廳，咁我哋就坐車去食。餐廳環境無咩特別，但係餐牌就好有驚喜，又有傳統嘅粥品又有地道小食。當日叫咗一份炸大腸、雞粥、蟹粥、多春魚、皮蛋、炸両、雞翼... 感覺就係不停叫不停叫。個雞粥好濃嘅雞味，好有味道，我哋搶住食，不愧為招牌菜。啲小食都好送啲粥。我特別鍾意係炸大腸，因為脆卜卜加上酸甜嘅醬汁，Yum Yum Yum!皮蛋都好好食，唔會有難入口嘅感覺 (唔鍾意皮蛋口感嘅人都應該接受到)。哩餐除咗好味，更多嘅係一種青春，宜家叫我咁夜跨區食宵夜，我會好猶豫。…查看更多

聽過麻辣派對好耐啦，身邊嘅朋友都好似食過，但係我係第一次食。咁我哋今次食咗酸菜魚、歌樂山辣子雞拼田雞、川北涼粉，我再加咗碗白飯，食辣野點可以唔配白飯呀。辣子雞可以+$30配田雞，一次過滿足晒我哋兩個願望，啲雞同田雞都有肉，而且好夠乾身同夠味。入面仲有啲花生🥜，真係好正，好滿足。但係另外兩道菜就略嫌唔夠未，酸菜魚入面啲魚掛唔到啲湯汁，而涼粉都好似唔夠辣唔夠麻 (少食，所以唔知平時嘅係點，不過對我而言就唔太夠味了。)下次如果再食，可能要揀啲重口味嘅湯底…查看更多

早排同一班舊同事約好咗每個月出去Chill一Chill，今次我哋就嚟咗哩間bar飲野，可惜嗰日係星期日，第二日要返工，仲有人好早要起身，我哋又夜咗嚟，所以就無飲到酒，飲一啲non-alcohol嘅飲品。話說嗰日我哋食咗飯先去酒吧，所以就無係哩到食飯。我哋大概9點到步，各人叫咗杯飲品。飲品好飲，不過最主要想講個環境，坐落都幾舒服，而且唔會好暗 (有啲酒吧太光，唔夠敞開心扉) 幾啱同朋友嚟傾下計。而且店員都好nice，感覺到佢哋工作得開心，客人都會容易啲滿足。可惜我哋太晏去，嗰日12點就要關門，所以我哋坐咗2個鐘左右就要走，不過都好，再傾落去驚自己唔記得咗聽日要返工。至於下次約唔約去Chill，睇下點先啦…查看更多

已經有好耐無食過香辣鍋，可以話好耐無食過川菜。今次係以前或者食過嘅十二味，點解話或者可能食過呢？我係餐廳食食下聽到隔離枱話哩間十二味唔係連鎖嗰間十二味 (此十二味不同彼十二味)。哩樣野少理，好食、環境好就得啦。咁嗰日我同屋企人一齊食，食咗香辣鍋、夫妻肺片、木耳同白飯，個白飯要重點提及，因為啲餸香香辣辣，特別送飯。香辣鍋揀咗5個餸，其中一個餸一定要試嘅就係年糕。香辣嘅年糕，in in韌韌，可以放係口到慢慢咀嚼，咬落仲有小小甜味。美中不足係年糕太易黐埋，有時一食就係兩舊。夫妻肺片係牛嘅內臟切片，非常爽口，超級送飯，推介👍環境方面，嗰日我坐咗室內，要注意嘅係室內比較近廚房，容易有味。室外唔知係唔係哩間餐廳嘅，夜晚室外係超靚，有境有光，chill。…查看更多

早幾日出咗一篇關於鬼金棒嘅食評後，我諗起對上一次食拉麵又印象深刻嘅已經係2021年食麵屋武藏，有幾個原因嘅其一，我哋係差唔多最後一組客人入去，我哋都唔係幾好意思，阻住人收工，但係入面嘅staff都無黑面，而且對我哋好有禮貌其二，一睇到個餐牌竟然有番茄🍅湯。嗰日又唔知點解胃口唔係好好，唔想食咁油膩，番茄湯對我係一個幾好嘅選擇。最後，嗰日係我一位同學離港前最後一餐，可能以後都只可以隔住個mon見到佢講返野食先，番茄湯似乎係香港變得common，但係勝在個湯夠濃，加上較幼身嘅拉麵，可以一下sh落個口到，又係一種情趣加上嗰陣都比較潮濕，食啲酸野開胃啲。服務方面，真係無得彈，我哋最後入去，唔可以要求咁多，但係都無人厭棄我哋，仲同我哋傾咗兩句 (可能最後一組客先至有時間咁做)最後嘅最後，有陣時一班人食飯，唔一定次次都食好貴，食好多野，環境可能更加重要…查看更多

當日我約咗兩個好耐無見嘅朋友去唱K，唱完K之後好肚餓，就諗住搵啲方便嘅野食食。其中一個朋友提議食鬼金棒佢最出名係佢嘅辣拉麵。可惜嘅係我兩個朋友都唔食得辣，而我嗰日又有啲肚痛唔敢再食辣，所以就無機會試到佢嘅辣湯底，但係我應承自己同你哋，下次一定要試下佢嘅辣湯底因為我覺得豆芽同拉麵湯底嘅油份係絕配，所以我就點咗炒豆芽菜味噌拉麵，有好多芽菜食落湯底油脂味實在太正啦，好快就成碗食曬，而且芽菜都好好味道。食完野坐咗陣，望下餐廳周圍。餐廳採用開放式廚房，師傅炒里嗰陣係好明顯感受到熱力 (我哋坐得近廚房)，另外，餐枱有水喉裝水，如果食辣可以即時添水，唔驚無水解辣。最後，啱晒幾個麻甩佬一齊食，雪雪雪！唔使講野，大家都好似交流緊咁…查看更多

早兩日睇飲食page介紹，29號會有新產品出現。今日lunch time嗰陣梗係要即時去試下啦，Mcdonald's 個手機app到有得用42蚊買齊巨無霸2.0同埋蘋果吉士批，再加大有埋新嘅蘋果shake shake粉，咁我就用哩個嚟買。講返啲野食先，一開如就梗係shake咗個薯條🍟先啦，一路shake一路好奇究竟蘋果批味薯條會係咩味。結果，我就覺得真係有啲格格不入了，有啲似玉桂粉shake shake薯條。甜嘅薯條唔太美味。然後，巨無霸啲肉係比起之前更重味，但係整體同1.0分別不大。最後最後係個蘋果吉士批，哩個令我好意外，平時覺得蘋果批太甜太膩，同埋好㶧咀。哩個蘋果吉士批改善曬蘋果批嘅問題，加埋吉士唔會太甜，啲蘋果唔會流曬出嚟，正喎，好似無㶧咀添呀 (唔知係咪心理作用)整體嚟講，最推薦係個蘋果吉士批，個巨無霸都可以試下…查看更多

19號當日我同朋友去咗電腦通訊節，本來已經諗好食咩，但係哩間菜館係灣仔咁多年都未試過，加上又有人介紹過，所以諗住今次一定要試下。未入去之前門口己經好多人等緊，有啲想放棄，但係一場嚟到，唯有堅持入場。一入到去就feel到仲老店嘅感覺 (有冷氣嘅)，卡位、收銀機、廚房同一個較小嘅煮食間。講返野食先，第一個餸係鎮江肴肉，哩道餸其實令我印象唔好，可能係我食唔慣冷盤嘅肉，加上有啲腥味，唔太期待之後嘅菜色。但係下一個上嘅菜飯令我覺得好好味，小小油係面，但係唔會成碟都油，加上啲菜同飯唔會濕漉漉，成件事都好match。好餸陸續有嚟。然後到香酥鴨，加上醬汁，酥脆，唔會太油膩，係幾餸飯。之後我哋仲想加多個餸，本來想食白切羊肉，但係阿姐話係冷盤，所以我哋轉咗做京䓤炒羊肉，味道就偏咸，可以哩個係上海嘅口味。最後，我覺得性價比唔係太高，因為同其他地方價錢相若，但係份量較少…查看更多

想當年我去咗機場做野，得返小部分餐廳仲有開，咁我就幫襯咗Canteen。嗰日自己一個人食飯，真係好應景，1111咩都自己做。但係如何係哩一日自己食飯又不失禮貌，就係食飯時表現好享受食物，不徐不疾。講返個飯，其實canteen入面啲食物都偏貴，但係佢哩個飯又幾抵食喎，50蚊以內有叉燒、蛋同菜，營養滿分。其實cantenn啲叉燒一向都有啲水準，有少少燶邊。篤爆個蛋撈埋啲飯同叉燒就頂瓜瓜食完個飯又係時候閃人。理直氣壯咁走人，孤獨而又不失霸氣…查看更多

近日同朋友聚餐，有位朋友提議食韓國野，經過一輪research同比較，決定食李家。餐廳位於荃灣，近愉景新城。餐廳食物質素唔錯，性價比高。我哋叫咗圖上嘅食物，其中芝士雞蛋卷味道雖然一般，但勝咗夠多芝士。另外，炸雞可以半份半份order，哩樣野好customer friendly，可以一次過食唔同味道，而且炸雞相當脆口，青辣椒蛋黃醬炸雞，好好味，Yum!小小辣，多多趣，而且加埋濃郁嘅醬汁，唔會太㶧口。不過蜂蜜大蒜炸雞就太多蜂蜜，有啲太"溜"。性價比最高嘅就係芝士辣海鮮炒年糕，入面有好多唔同嘅食物，而且份量大，係飽肚之選。…查看更多

今次應該係我第二次食牛角次男坊。當日突然想食牛肉飯，於是就諗到食牛角次男坊。朋友話真係要試下牛舌配飯，咁大塊牛舌唔係周圍都有。所以最後無食到牛肉飯，食咗牛舌飯 (都算係滿足咗自己) 講起佢啲牛舌，我本來唔會鍾情於牛舌，平時食到嘅牛舌好簿，食落有啲彈牙。而厚切嘅牛舌真係唔使慳住食，一啖唔會食得曬。今次食嘅牛舌就夠曬厚，而且有基本調味，餸飯一流，加上有小小燒肉汁同啲牛舌撈埋一齊，令到牛舌更惹味。一啖蔥一啖牛舌一啖飯，真係唔經唔覺就食曬。雖然見到咁大塊牛舌，會有種好似要同隻牛打車輪嘅感覺，但係食落並唔係咁嘅一會事，食落覺得薄切牛舌有小小埋沒咗厚切嘅滋味…查看更多