牛角次男坊 (東薈城名店倉) (已結業)

今次應該係我第二次食牛角次男坊。當日突然想食牛肉飯，於是就諗到食牛角次男坊。朋友話真係要試下牛舌配飯，咁大塊牛舌唔係周圍都有。所以最後無食到牛肉飯，食咗牛舌飯 (都算係滿足咗自己) 講起佢啲牛舌，我本來唔會鍾情於牛舌，平時食到嘅牛舌好簿，食落有啲彈牙。而厚切嘅牛舌真係唔使慳住食，一啖唔會食得曬。今次食嘅牛舌就夠曬厚，而且有基本調味，餸飯一流，加上有小小燒肉汁同啲牛舌撈埋一齊，令到牛舌更惹味。一啖蔥一啖牛舌一啖飯，真係唔經唔覺就食曬。雖然見到咁大塊牛舌，會有種好似要同隻牛打車輪嘅感覺，但係食落並唔係咁嘅一會事，食落覺得薄切牛舌有小小埋沒咗厚切嘅滋味