哩一餐印象好深刻，嗰陣返完工10點幾，有個同事話去元朗食宵夜。佢十分推介哩一間餐廳，咁我哋就坐車去食。
餐廳環境無咩特別，但係餐牌就好有驚喜，又有傳統嘅粥品又有地道小食。當日叫咗一份炸大腸、雞粥、蟹粥、多春魚、皮蛋、炸両、雞翼... 感覺就係不停叫不停叫。個雞粥好濃嘅雞味，好有味道，我哋搶住食，不愧為招牌菜。啲小食都好送啲粥。我特別鍾意係炸大腸，因為脆卜卜加上酸甜嘅醬汁，Yum Yum Yum!皮蛋都好好食，唔會有難入口嘅感覺 (唔鍾意皮蛋口感嘅人都應該接受到)。
哩餐除咗好味，更多嘅係一種青春，宜家叫我咁夜跨區食宵夜，我會好猶豫。
