ข้อมูลส่วนตัวร้าน bradlaw

今日Blue Monday放工約女友去食左餐性價比好高的Omakase，餐廳位於銅鑼灣Fashion Walk，餐廳內部雖然唔大，但環境都舒適，好適合兩個人坐低嘆吓食吓，晚餐應該有6pm和8pm兩個時段，我地book左6pm個timeslot，接近9成full左，大家記得要提前book！好搶手！品評返D食物先，我地選左$398餐，共有18品，Overall食物質素幾高，呢個價錢真係抵！食完已經接近8pm，都full full地。例牌先上左個茶碗蒸，暖左個胃先，然後食刺身，有水八爪魚和鰤魚。Then 磯煮鮑魚，鮑魚煮得岩岩好，then吉列帶子、豚角煮（上面加咗蘋果醬同粟米芯，酸酸甜甜、爽爽脆脆）。跟住開始食壽司，石雕、真雕、帆立貝、金目雕、鰤魚腩、中拖羅+紅酒慢煮冰鎮鵝肝（鵝肝好似落雪咁灑在拖羅上面，實在出色、好味）。最後上埋吞拿魚海膽甜筒、海鮮卷物、魚湯，和抹茶奶凍作結，Done~Yum~$500有找！推薦Omakase性價比之選！…ดูเพิ่มเติม

第一次去位於中環IFC的唐述食晚餐，簡單總結：環境高檔，望住維港，適合家庭聚會或浪漫二人聚，服務態度好，中菜特色多元化，有外國朋友都可以帶他們來😉今晚點左個「世味人生」menu，有9個course，包羅萬有，每一個course都好精緻，特色烹調方法，有fine dining feel🥳第一道是蟶子皇，用慢煮方式烹調，是個冷盤，出晒煙咁好過癮，第二道是前菜，都係冷盤，幫我開咗個靚胃🤗第三、四道係我最鍾意嘅菜式：雪燕烏雞羮（大大啖燕窩！用料好足！）、海參鵝掌（海參外脆內軟，鵝掌好腍！）😋然後食珍珠寶，清一清個胃，再上埋之後三道主菜，有鱈魚、香蔥煎雞、稻庭麵，好豐富，每樣少少地但都好夠飽。😳最後上埋個甜品，大功告成💯…ดูเพิ่มเติม

之前同朋友去過一次食放題，呢度包咗高級日本和牛，不時有折扣優惠，雖然未折之前睇落好似唔平，但係其實折完之後個價錢好合理。重點係佢包一大塊日本和牛，仲有唔同部位嘅散件和牛，其實食完呢兩款已經差唔多飽🤣真係一大塊A5西冷和牛，仲要係有厚度！仲有四品和牛燒肉盛，每個部位都係由唔同嘅油脂比例同埋味道，真係好正！除咗和牛之外，仲有一啲海鮮類嘅嘢都係跟餐送。食完上面嗰啲高質嘅嘢之後，仲有放題，雖然話係唔限次數點，但係其實都係有啲澳洲M5和牛，食落對比日本和牛油脂感比較少，肉味比較濃郁。同埋仲嗌咗啲海鮮放題，隻蝦唔錯，我encore咗🤣…ดูเพิ่มเติม

星期日同朋友行下旺角，Happy Shopping完到晚餐時間，決定獎勵自己，上Openrice搵左間壽喜燒餐廳，餐廳位置比較隱蔽😂同埋當晚好彩有walk-in位，建議提前book位穩陣。間餐廳主打A5和牛壽喜燒套餐，有二人前、四人前，我同朋友兩個人點左個二人前，加左幾串串燒，和兩杯cocktails。講返個主角 - 來自鹿兒島的A5和牛，仲有埋證書，值得一提的是，店員會係你面前細心地幫你逐片逐片煮，哇，兩個人份量，有360g，啖啖肉，好juicy好肥美好好味😋當然仲有其他配料，基本野有菜有菇有豆腐有烏冬等等，加埋D串燒，飽飽！如果淨係點二人前套餐都係$898！都好夠飽！好抵👍🏻會Encore！…ดูเพิ่มเติม

本身比較少去IFC，但咁啱女朋友想行連卡佛，咁就順便喺呢邊食埋野，本身食得比較多西餐，見到IFC 有啲幾高級嘅中菜，又好耐冇食點心，就去咗呢間有weekend brunch 嘅餐廳。入去果陣經過一條好有格調嘅走廊，就入到餐廳，有落地大玻璃，一眼望哂靚景，見到唔少人係同屋企人一齊嚟，餐廳內人都幾滿。當日叫咗個brunch menu，特別之處係點心同甜品free flow！先有前菜，湯和主菜，都已經夠豐富！湯係我最鍾意，用料足，清甜可口，主菜選擇左龍蝦🦞，三蔥好入味，龍蝦肉好爽口！任嗌嘅點心選擇都夠，仲有一啲飽肚嘅菜式，例如乾炒牛河，魚粥，真係一啲都唔驚唔夠食。同埋呢度冇限用餐時間，做到真正嘅無限時任食，侍應嘅態度好 welcome，見到你點完一round點心之後，會好主動咁比張新嘅點心紙你而啲點心係即叫即整，絕對用心製作，除咗點心，menu 仲有甜品，都係任嗌，我哋基本上全部嘢食都嗌晒嚟食！今餐個肚畫上完满嘅句號。…ดูเพิ่มเติม

今次lunch叫左澳洲龍蝦•美國Prime 肉眼薄燒9道菜午市套餐，食完回味無窮，又唔會過飽，份量啱啱好！如果想再輕食D，餐廳提供另一款light啲嘅menu「輕食鐵板午餐」，啱晒胃口冇咁大嘅朋友！前菜三小點先嚟嘅係前菜同埋柚子沙律，前菜有三款小食，包括明太子、豆腐、雞肉，雞肉用嘅係一個類似煙熏三文魚嘅做法，食落有少少煙燻嘅味道。鮮活澳洲龍蝦隻龍蝦好上線，煮嗰陣仲係食肉嘅。食落龍蝦肉質感爽口彈牙，鮮味十足，配上蝦膏醬，食落更加鮮味。鐵板燒日本野菜有蘑菇、蘆筍、南瓜同埋唔同嘅菜，煮得啱啱好，本身蔬菜嗰個味道都keep到，而且亦都唔會太過乾身。美國Prime肉眼薄燒卷牛味濃郁，因為係薄燒，所以食落一啲都唔會覺得膩。鐵板炒飯炒飯吵到粒粒都好乾身，識落有鑊氣嘅感覺，呢個炒飯係用咗一啲蝦仔去整。龍蝦味噌湯因為個鐵板燒龍蝦主要係食龍蝦嘅肉，而本身個龍蝦頭就用嚟煲湯，味噌湯飲樂都會飲到龍蝦嘅鮮味。茶碗蒸茶碗蒸個蛋都整得幾滑，底部落咗啲木耳絲，而上面就加咗少少魚子做點綴。甜品 芝麻大福…ดูเพิ่มเติม

趁農曆新年就到，想提前食餐好嘅，今次揀左這一間位於天后的Omakase日本餐廳「榊原」，食完之後總結三個字：大滿足😌，師傅用心烹調同介紹，食材經過精挑細選、新鮮、不計成本入貨，20品Omakase，頭幾品都專登加左柚子啫喱，加埋豐富的漬物（特別一提當日新進口的日本翠肉瓜，細細一粒，爽口開胃），酸酸甜甜地開左胃，中間開始刺身、壽司、天婦羅，最後湯、甜品，食左兩個鐘，真心CP值極高，要搵機會encore！以下精選：前菜：穴子魚，好似粉條，得意又爽口北寄貝（二食：刺身+炙）毛蟹（蟹肉、蟹膏）壽司珍貴的富山縣白蝦油坊主壽司（來自北海道）勁肥美又爽口縞蝦刺身：上面加左脆卜卜的蝦子日本長崎縣小長井生蠔煮日本大蜆 （湯底用本地蜆熬製而成）嚟啦嚟啦！係鹿兒島A5和牛！生食壽司！Yum!雙拼海膽 （來自俄羅斯/北海道），海膽都有雙拼！好玩又好味！…ดูเพิ่มเติม

新一年，想同女朋友一齊食餐好野開個靚年，預祝新一年順順利利！Omakase當然係其中一個最好的選擇啦😜最後揀左「鮨石」，餐廳位於尖沙咀鬧市，就腳好易搵。一入店內，服務員同主理的師傅都好有禮貌打招呼同介紹，店內細細地但裝修幾靚，坐得舒服，有種鬧市中的清靜感。我哋今次叫既係Dinner Omakase「神石」，$1680，綜合食物質素、份量都係物超所值😉前菜三點，海螺既鮮、海草既酸、柿既甜，都幫我開左個靚胃🥳刺身系列，有肥美嘅間白、爽甜北寄貝同象拔蚌😙熟食方面，我就好鍾意個鮑魚鮮甜又軟身，仲有天婦羅蠔同好正既魚肝，中間夾左片神秘生果（估唔到）🤨壽司七貫，各有千秋，提一提件拖羅去左筋又勁肥美😊總結餐廳overall都好好食，師傅用心製作，食材又新鮮（日本），環境企理，值得一試🤩…ดูเพิ่มเติม

原來唔使去日本，留港一樣食到高質素嘅Omakasa。最近同女朋友發掘到「杣」呢間位於中環的日本菜Omakasa餐廳，結果喜出望外，女朋友都食到話超讚，全部食材好新鮮，由日本師傅親自用心製作，口味偏清新，好夾我哋嘅口味，硬件方面環境舒適，軟件方面師傅同埋店員都好熱情同服侍周到，雖然我哋揀左$1980個餐都唔係平，但真係一分錢一分貨，高質素一食就知。日本師傅用心製作中，企企理理。食材真心新鮮同好味🤤全部食材來自日本。呢個香箱蟹肉真心正，個底勁多蟹膏，seasonal 11-12月先食到。金雕立鱗燒其中一件我最鍾意嘅壽司🍣甜品，用左自家酒製的jelly！就係呢支，清新同好夾D水果。個用餐環境我就好鍾意，同朋友家人安安靜靜咁傾吓偈食吓好野。…ดูเพิ่มเติม

收工同女朋友去左太子覓食，想食餃子之類的輕食，search完openrice揀左呢間甜記餃子店，餐廳的裝修偏日式，感覺幾好，係D位迫左少少。坐底之後決定選擇一份淨湯餃同一份煎餃，每一份都可以選兩款餡料，餡料選擇都好多，正👍🏻每隻餃子都幾大隻，食落份量足，同埋幾好味丫。快食、輕食都可以再去。…ดูเพิ่มเติม

假日同女朋友去沙田新城市行街，Lunch入左間日式撈麵的餐廳，細細間但撈麵款式都挺多，仲有不同日式飲料。我地就選左兩款應該係人氣的麵款，正宗全料東京撈麵，顧名思義乜都冇D😂，仲有叉燒撈麵。餐廳推薦三種食法，都幾有特色，大家都可以試下。味道方面還可以，撈完之後都幾夠味，個人覺得咸左少少🤏🏻…ดูเพิ่มเติม

今晚同事們farewell晚餐，同餐廳order左間房，有K唱有飛標玩（有min charge），邊玩邊食前菜，前菜真心好食，最好食係個蛋黃炸魚皮！仲有烤豬腳，大家都讚好食！之後齊晒人就出返去食正餐啦！椰子雞，椰子味好濃！我地仲飲埋d湯，清甜可口！不過D雞肉就冇乜味。海鮮雜燴，乜都有D，味道都唔錯，少少辣。老闆仲幫我地安排左其他海鮮，有大大隻龍蝦、扇貝等等，仲有牛肉打埋邊爐。Overall黎講大家都玩得開心、食得盡興。…ดูเพิ่มเติม

同朋友聚會, book咗喺中環呢間fine dining, 之前都有聽過呢間好美式style, 食物水準一流, 今次就睇下係唔係真係咁正.叫咗個2人set dinner, 包咗好多道菜, 有starter、salad、湯、雪葩、牛同埋一杯drink, 好豐富.先到嘅係starter, 嗌咗龍蝦尾, 係凍碟上, 食落條龍蝦尾好彈牙, 個汁都配得唔錯, 又會太濃又唔會太鹹.之後係salad同埋酥皮洋蔥湯, 個酥皮十分出色, 好有層次感, 洋蔥湯都好濃郁, 配搭好襯, impressive喺重頭戲開始前嚟咗個荔枝雪葩清一清個味蕾.因為已經有小小飽, 所以就淨係叫咗California cut, 係head of chef推埋架車喺面前切! 雖然話係薄切, 份量一啲都唔少. 個牛可以話係全香港最出色嘅牛之一, 除咗佢食落好軟之外, 牛味都好濃, 配埋特色醬味, 成件事係另一個level! 必試! default仲配埋薯蓉, 亦可以加菠菜同粟米. 我就叫咗個菠菜做side, 但食落有啲膩, 都以都冇食哂.喺食牛嘅同事都serve咗個new york pudding喺side, 有小小係薄身嘅芝士蛋糕, 都幾特別!成餐食得好滿足…ดูเพิ่มเติม

女朋友book咗Dining City去呢間, 睇落好fancy又近返工, 見到好快就已經冇哂位, 即刻嗱嗱臨去book枱！Tasting menu包咗starter、main、dessert，三道菜. 為咗試唔同野, 我地決定嗌唔同嘢share食.starter先嗌咗個海膽多士同和牛他他, 海膽食落好鮮味, 同埋有小小黑松露嘅味道, 好食! 個和牛他他食落軟身tender, 味道啱啱好.海膽天使麵, 食落好彈牙, 感覺似手工意粉! 個汁好濃郁, 十分重龍蝦味, 加上三文魚子同海膽做點綴, 配搭好正.另一個嗌咗和牛, 係厚切, 牛味濃郁, 食落軟身啱啱好, 一啲都唔硬/韌.甜品就不過不失, 有無花果配柚子雪葩同埋焦糖燉蛋, 焦糖燉蛋奶味超重, 食落有d膩……ดูเพิ่มเติม

呢間餐廳好適合放工朋友聚會，食下野飲下野傾下計。餐廳主打青口，三個人叫左1公斤Mariniere Mussels，大部分都好大隻，好鮮甜，加埋D薯條炸得幾好食。跟手仲點左個classic steak，medium，岩岩好，肉肉好嫩。再加個pizza同happy hour半價cocktail。服務員服務好好，見到隔離台有人生日，成班服務員一起唱生日歌，氣氛都幾好👍🏻…ดูเพิ่มเติม