Msj Fox的个人专页

隨便問上一句Chef Ricky為何餐廳名叫Le Vallon, 原來係佢住過一個好喜歡嘅地方，有條小河流同斜路，剛好同樂古道環境非常相似，所以就決定租呢間鋪用呢個名！Chef Ricky曾經係馬賽一間米芝蓮三星餐廳做過，而且主力負責做Sauce，試完佢嘅手勢之後你就明白他的心思，當天的時魚香煎新鮮馬友，佢就用上係海味街買嘅土尤魚乾來做Sauce, 那種鮮味的醬汁，一試難忘仲要配埋馬友，鮮上加鮮。當晚每一個dish都出乎意料地好，嘗左第一道Miso Corn Soup，就已經期待下一道。而當晚另一個亮點就係Mussels Paella，除咗點綴的四粒青口，每一粒米都被青口汁包住，超級鮮味而且重要有crispy的飯焦。唔知Chef Ricky係選取當造食材定為女朋友而設計呢？呢個menu佢用上清甜的台灣茭白筍做配菜同埋鳳梨做甜品。Miss J一向怕甜，通常甜品只會食一兩口，而今次的pineapple with soya cream係清甜而非死甜，竟然一滴不留地食晒。好期待嘗試下個新Menu及更特別的醬汁❤️…查看更多

作為一家價格不平的Omakase餐廳, 應該提供Omakase餐廳應有的服務及質素或Omakase(廚師發板)的傳譯。成中Omakase餐廳已試不少，實在第一次全程沒有同chef溝通過一句話，難道這樣會了解客人喜好？各種前菜有創意，但味道一般，但最今失望竟然係主菜將一盆6件壽司送上來，那一刻 呆了，這樣壽司已錯失了最佳品嚐的味道及溫度。在sushi bar提供Omakase menu是可以, 但普通坐座位就不要提供此menu了，完全表達唔到Omakase應有的基本要求。…查看更多

其待已久，st.regis hotel Hong Kong 終於開幕，即是又多了數間新餐廳。首先要試當然係由Olivier Elzer主理的L’ENVOL，大家對佢的創意都毫不陌生，由於只係啱啱開業，只提供Signature (7 courses) and Sur-mesure (4 courses) menu, a la carte 就要遲一步啦！今次個Amuse Bouche真係好靚，萬綠叢中，有鵝肝，蝦同radish。而係解說menu時，得知我唔食鵝肝仲即刻換左件truffle Canele比我，好細心！首先係beef jelly caviar and caviar with shrimp, 好配合第一道菜Seasonal + Refinement的主題。第三道菜Heritage係牛扒，但最特別係出現左個Mushroom hill上的2塊煮蘑菇，好精緻，睇得又食得。如果有去開On Dining的朋友見到班底相當熟悉，你冇認錯，確實係佢地，但比係On Dining時更加認真。無論食物質素，環境，氣氛同服務都相當不錯，所以摘星之路應該冇問題！…查看更多

靚景餐廳配意大利菜法國菜大家都見得多，但其實越來越多新派中菜都落戶講求靚景嘅位置，當然格調高左，價錢亦相對貴左，六公館都唔例外！搭扶手電梯落到盡頭就會見到HEXA個招牌，座位分2邊，望哂中上環夜景，裝修以黑，金以主，有bar枱，高抬，梳發等，有2本蛇皮紋menu，紅色飮品，綠色食物, handware 真係有90分！野食價格算合理，絕對不是洒店價，份量的話就好啱2個人食，平時中餐平較難搵2人份量。野食中規中矩，個班片肉鬆脆米魚湯泡飯做得不錯，冇骨，魚湯鮮味，另外甜品三色中最唔特別的白色糕，竟然意外地重椰漿香，絕對可以試試！雖然野食冇咩太特別，但飲品就特別得多，由其D Signature Cocktail, D名真係好特別有淆底，PTGF (Part time girl friend), PTBF (Part time boy friend), 小鳳姐 等等，而且waiter好好講到哂每杯用咩去mixed, 最後我點左一杯not on list 的叫"仙氣", 飲落似巨峰提子益力多但嗅落有花香。我未必再反去食Dinner，但一定會反去試埋其他Signature Cocktail …查看更多

Angelini月頭請左位客席米芝連二星chef Stefano Baiocco 反來示範3-6道菜的午餐及晚餐，而今晚就試左5道菜晚餐，同埋最好係你可以係menu任揀自己鍾意的course，餓ge你地食2個maincourse都冇問題，而且價錢相當抵食。Pre-starter有2款，炸到金黄色的巴馬臣芝士波波，外脆內軟好香芝士味，另一款係菜卷三文魚子配wasabi，呢個好好味好balance。Tuna，簿片tuna好軟好新鮮配小小香草汁，但最特別係另一塊似parmaham的簿片，完來係蕃茄原汁脆片，真係估佢唔到。Lobster，肉厚鮮甜，有白醋jelly同salami sauce做點綴，配住更清新，不過最特別係做條黃色條，好滑好清甜的carrot mousseRisotto，西班牙紅蝦爽口新鮮，茄鮮risotto偏硬身，所以比較有咬口，而一粒粒灰色石頭仔又係D咩?食落似係好輕身的粉未，有小小八角味。Truffle，係今晚的dessert，外型就整到似黑松露，內裏係帶有松露味的truffle mousse。平時諗唔到食咩或者會去下Angelini，因為有個靚景望下，但今晚確實係為chef Baiocco而來(其實係咁啱有人cancel左，我地先有枱)，佢每道菜都精簡，但會配上一樣你估佢唔的小配菜，佢處理海鮮處理得不錯，當然食材本身新鮮都好緊要。…查看更多

對上一次已經係年幾前，剛剛開業冇耐個時，因為突然好掛住佢地個CrabRice，再一次行過左門口條冷巷都唔知，個門口係幾隱蔽架，哈哈！上次食左chef dinner menu，所以今次就試下a la carte。Prawn Tartar，海蝦好新鮮同爽口，切到細細粒，每粒都被醬汁包住，再配住印尼炸蝦片一齊，好過引！而且隻碟好raw同道菜好match。Cobia Terrine，用軍曹魚切片加左海澡絲砌左個靚靚Terrine，魚肉本身比較實淨，有咬囗有小小咸香，加埋個milkbutter sauce，柔滑左，多左層次。Crab rice，正如其名用左蟹蓋載住鮮蟹肉加飯，仲有uni山(我不吃，友人可獨霸，做我友人不錯吧，哈)，將已調味鮮蟹肉伴飯，每一口都有蟹肉同飯，係mixed版壽司，口感好豐富！不過chef今晚重手左小小，有點偏喊，不過一樣好食。(呢個Signature大家一定要order)Eggplant with salty fish，麵包糠蒜蓉焗茄子，上面的焗到金黃色脆卜卜，再加上鹽漬魚，伴住一齊食，好野味！Grill Dried Threadfin，今晚食左薄燒馬友，條魚用鹽漬左一日，原條開邊比手掌差大少少，魚皮燒到好脆，食落喊香但仲保留到魚味。整體來講同新開的時候質數差唔不多，仲保持到水準，只係今晚食物喊左少許，不過價錢就明顯比之前貴左啦，如果未試的你地，可以試佢地個chef dinner menu，因為可以試哂大部份signature dish，而且佢地仲有個cocktail pairing，同個chef dinner menu野食好match，我覺得你地可以試試。…查看更多

士利街丹11號，一座新但不顯眼的大廈(可能行過左都唔覺)， Twenty Six by Liberty就落戶係26/F，入面又啱啱只有26個位，一切26的巧合。嚴選的食材，無限的創意，細緻的技巧，用心的擺盆，每道菜都好有驚喜，係一道藝術品，或者你可以當今晚係一個food contemporary gallery tour！Octopus, Ikura, Figs八爪魚好入漬的好入味，食落有醬油香，加埋橙紅色晶瑩剔透魚子的少許鮮味及湯，很不錯，而且配上鮮無花果，清甜味可以消除醬油的濃烈感，同埋整體食材同顏色配搭非常好！(9月尾，正係無花果季)Ravioli我個人對Ravioli其實好有保留，永遠皮厚餡少，粉感重。但呢度的Signature Ravioli就好唔同，1粒但分2條2個口味，皮餡分配為2:8，餡料飽滿可見，1款係Ricotta cheese另一款係鴨肉，鴨肉味好香濃，覺得太濃亦可滴少少Basil oil(served withdropper)，雖然個Ravioli算好味，但不過最驚喜係個清燉牛肉湯，好清好甜好有牛肉味，一飲牛肉味就散到成個口腔！值得試Uni CaviarPasta 我不食Uni，所以Chef只準備給友人，賣相一流有層次，最後刨上魚干碎，喊喊鮮鮮的魚子醬完全沒有遮蓋Uni鮮味，再配上濃汁Pasta，一流Chicken Risotto因為不食Uni同Tomoto的關係，Chef特意的準備一道Not on the menu的菜式Risotto，一聽到其實有       D失望，心諗Risotto好難煮得好食又濟。意外地，雞比肉卷，外面煎到金黃色好香脆，而內面仲保留到肉汁好滑又幼嫩，最精采最精采莫過於係D雞汁Risotto，雞汁的香濃度就好似用最少50隻雞餚出一小碗的雞精一樣，每粒米都被雞汁包住又仲保留到小小咬口，而且一黠都不油膩，真係好好食，絕對絕對要試！友人話Uni Pasta好食但同呢個Risotto相比，一定會揀Risotto!(我個人highly recommended，最好訂位時request埋)Pigeon灰白色的碟子配上鮮紅色Beetroot汁及深紅色Pigeon，效果相當特出但又比用全白碟多一份和諧感。Pigeon慢煮左12個鐘，大約5成熟，而且肉汁完全被鎖住，食落非常嫩滑有肉汁，鴿味好出好濃，好好食，再伴著酸酸甜甜藍莓一齊食，好Match！Tofu Foam哇好特別，入口即溶而且有香濃豆漿味之餘仲有薑的辣味，似泡沫版薑汁豆腐花，配埋D蜜糖碎碎，2種口感3種味覺！整體講Twenty Six by Liberty係一個多感觀餐廳，可以食之餘，可以望住廚師們準備每一道菜，由畫碟放一粒蕃茄一朵花放主菜到Final touch，都可以睇得好清楚，亦可以不斷同廚師們交流，好似西餐版Omakase咁，而且食物方面，唔係單單得個靚字，而係好用心並且有驚喜！我會推介大家一試…查看更多

雖說是友人的午餐飯堂，而佢都冇試過呢度的Omakase晚餐，襯佢生日當然要來試試菜啦﹗其實間野門口唔多起睇，行行下好易行過左，入到去分左2邊，左邊係食Teppanyaki而右邊就係約10餘人的L型Sushi Bar。坐下Waitress即送上熱毛巾抺手，然後棒著10多款Sake杯比的地挑選。Omakase$1500(+10%)每位，價錢屬中高價，沙律+餐前小食+4 Sashimi+11 Sushi+湯+水果，大食的你地都應該夠哂飽﹗蝦夷鮑: 好鮮味超爽脆，問師傅掂解要切到有坑紋，佢話薄切的話要咁樣先唔會卷埋一齊，而且可以增加爽脆感火灸金木鯛，金木鯛一向係的至愛，今次竟然係去左皮原舊火灸，食落外邊有小小焦無脆脆，外層係暖暖地但內面係涼涼地，好特別龍蝦Sashimi，好新鮮好鮮味，師傅的刀工好細膩，將龍蝦D根盡量切斷蝦肉依然保留一球球，再刨丁點柚皮碎，更加提升其味道﹗而D龍蝦殼就拎去餚之後飲的龍蝦湯石垣貝壽司，本身已經好爽身好鮮味，加上師傅的握法及拍打石垣貝，喚醒石垣貝去收緊其肌肉，食落更加爽身(可以留意同張相，肌肉收緊左垣貝好挺身，如果唔盡快食，佢就會塌反落來)白蝦昆左漬壽司，昆布本身的鮮味溶入左蝦肉，入口清清醬漬咪，口感好軟好滑，如果佢地有貨，一定要試試吞拿魚面頰肉壽司，呢個位置好特別亦不是很多地方可以食同埋好考師傅刀工，面頰位好多根，如果不好好切斷，係好難咬開，食落口感其實唔似魚似牛肉，雖然師傅Kenneth已經好細心去處理，但都仲有丁點根未斷最後的龍蝦湯好濃好濃，但有點偏咸，係整餐唯一敗筆﹗然後配上時令的日本水蜜桃，又甜又多汁﹗將一餐Omakase野食提高到更高層次又掂少得一支靚Sake，今晚有黑繩。…查看更多

本來諗住去夜上海食晚飯之際，又突然好想食辣野，咁就搵下尖沙咀有咩辣野食啦，所以得知川熙樓，佢係諾士佛台斜對面的一間酒店內，內面格局似普通酒樓，又冇乜人好鬆動，心諗野食得唔得架。但服務態度比想象中好，Waitress好有禮貌同會不斷幫的地Fill荼。野食方面都意料之外，當晚的四道菜都相當不錯，埋單約$500，價錢相而，鍾意食辣野的你地可以去試試。水煮魚: 哇﹗﹗﹗一個直徑約35-40cm大碗，係鮮綠色芫茜下就係滿滿的紅色辣油、辣椒、辣椒籽，魚塊厚肉無骨而且相當入味，食落不算好辣有輕輕麻，而配菜有青瓜條蓮藕條同埋晶瑩剔透紅薯粉，又爽又滑又辣，好有趣好Match﹗如何可以加埋海帶就冇得頂    (唔食魚的你地，可以試下叫水煮牛肉)晾衣白肉: 顧名思義就即係將薄切白肉好似衫咁晾係架度，係一個涼菜，青瓜白肉青瓜白肉咁分隔住，然後伴著下面圓碟的辣汁食，自家制辣椒醬加上大量蒜泥，相當嘢味鴨血粉絲湯: 鴨血薄片，好滑帶有少少胡椒咪，一點都不腥，不過最好味係粉絲，好軟淋好吸味，入口即溶，要試炒四季豆: 四季豆炒到幾淋伴住少少辣肉碎，不錯整體食物不錯，辣野當中勝領比高，而餐廳當晚都係得4成滿，唔多人又唔洗排隊，好適合我呢D好怕排隊的食客。…查看更多

Hung Tong(紅糖) 紅糖係嘉里酒店內的中餐廳，整間酒店及餐廳的interior design都由香港Designer Andre FU團隊負責，紅糖以及相連的酒吧Red Sugar的設計以啡色為主調，利用Cooper及磚頭，型造出50-60’s年代的工業風。今晚係紅糖Order左:蓮芹野菌炒蒜香肉:   蓮藕條炒的得爽脆，內條都入味，可惜太咸。脆皮炸子雞:   炸子雞皮脆肉嫩，不會太肥但保留到肉汁，一點都不乾，可惜係有點咸。清湯牛腩煲:  白蘿蔔同牛腩炆得好軟好入味，牛腩好淋不痴牙，叫得清湯牛腩當然湯要清但呢個就不是，咪道就係偏濃，而且都係有點咸。要食清湯腩都係去返天后食華姐啦﹗(Btw，Kerry Hotel真係開左一間華姐清湯腩係一樓百咪村，一個類似Food Court地方，不過連住酒店)黑白芝麻凍糕:  芝麻味同椰汁都好出好滑亦不太甜，而且一層層清晰可見，好味，可以一個人食哂4件，推介紅糖價位同普遍酒店內的中餐差不多但選擇相當少，而晚餐只有A la carte沒有Set，食物份量一般亦沒有但別擺盤，食物的調味可以但可惜每樣都偏咸。食物不是最好但勝在有靚景及花心思的裝修。…查看更多

Spices Restaurant (香辣軒)雅致的淺水灣酒店內的東南亞餐廳，全木建築，有著50-60年代的歐式東南亞風格，食物竟比想象中好。雞肉沙爹串 (Sate Ayam)放於一個用作裝飾的小碳爐上，雞肉不算乾不”痴”牙，沙爹醬有濃濃花生醬香。咖哩羊肉 (Lamb Masala)醬料味香濃幼滑，而且羊肉炆得好軟腍，推介﹗仲點左Garlic Naan Bread來點咖哩﹗青檸辣汁海爐魚 (Pla Neung Manow)意料之外地好食，2片海爐魚魚柳相當厚身大件，用青檸辣汁湯澮著，魚柳新鮮可以一片片拆開而且冇魚腥味，個湯酸酸辣辣，整道菜都好清新開胃。大熱天時當少不了一個冰凍椰青，吮一口即刻爽哂﹗**大食的你地都唔洗擔心，白飯唔需要特別Order而且冇限添，上左餸就會有人問你要唔要飯，用來撈咖哩一流唔。…查看更多

開業2個多月，位於身價高昂的地段中環，Omakase閒閒地都$1600 - $2000不等，而呢度晚市有三個Omakase選擇最貴係$1280 (約16道菜)，而且食材每日下午由東京到港，再由師傅決定每晚菜式，性價比相當高。其實每道菜都相當有心思地鋪排同裝飾，以下都有幾道同大家介紹下:平政魚刺身，呢個白身魚比較夾身有點彈牙，而中間包著昆布，可以增加口感同時帶出平政魚本身的鮮味，點上少許魚汁，完美海膽，原隻紫海膽，中間的五星隙縫注滿醬汁Jelly，再On top左加少許魚子醬，最後用上3粒蠶豆同小花做裝飾，無論淨食，品嘗海膽的鮮味，或混合醬汁Jelly一齊食都相當配合(可惜本人不食海膽，這是友人的tastingnote，但試了醬汁Jelly，淡咸中帶甜，相信絕對可以提升海膽的鮮味)2組貝類 (因為2個Set)包括(海螺、石垣貝、帶子) 及 (八爪魚吸盆、石垣貝、象拔蚌)5款都相當夾甜，由其係石垣貝，而帶子及象拔蚌師傅刨上少少柚子皮，食落相當清新汁煮魚鮫，Omakase中少有的熱食，類似關東煮，醬汁清澈透光但味濃，而魚鮫入味但不”鞋”口，好鮮甜好滑2組喜之次壽司 (因為2個Set)雖然喜之次一年四季都有，都今晚表現出色，火灸喜之次壽司，魚皮的油香帶到魚身，魚油的甜味留在口腔﹗另一件係火灸喜之次配喜之次魚肝壽司，感覺似一件靚鵝肝，一點都不油膩Toro碎手卷，師傅係手卷換上赤醋飯再係Toro碎加入丁點潰蘿蔔，食落有Toro的油香而且有夾脆感整體:其實食Omakase，環境食材重要之外，其實同師傅交流都好緊要，師傅當晚會就住你的喜好去安排不同的食材，解釋每一道菜，例如本人不食海膽，佢會幫的換和牛、見你對食物有興趣會比試一些新野你試試，見女士口比較細將壽司開半變一口size，呢個可以睇得師傅的用心，介紹反今次Serve我地係”Wing師傅”，下次大家訂位時可以Reserve佢，值得試試﹗ …查看更多

Le Pan曾被英國雜誌選為10大最具創意廚師，過江龍Chef Edward Voon，竟然選址左係一個非Fine Dine集中地九龍灣開鋪。點解﹖﹖經濟角度來講一定係鋪租平，不過呢個絕對唔係原因之一，一個有創意廚師當然要做到意料之外，而他的價值就在於你會唔會專登去一個半工商業地方試他手勢。環境及裝飾:係一座新建商業大廈G/F，零零捨捨一角有道低調而奢華金屬大門，其實望落似高級中餐或高級麻雀館。行近，門自動打開，感覺寬敞簡潔冰冷，以白色為主調: 白牆身、白灰色雲石地、銀色及鏡面裝飾，配襯淡黃光。白色冇錯，不過天花的污垢表露無遺，雲石地的插頭位亦清晰可見。食物當晚選擇了$1,480 8-courses tasting menu，除左8-course，仲有$1,2806-course tasting menu, $2,480 8-course special tasting menu及a la carte mune，加wine pairing價錢就視乎不同set。首先係一款小杯裝果茶，清一清味蕾，迎接之後每一道菜，甜甜地加上幼滑泡沬哇…之後竟然係一座牛油山，Chef每日新鮮雪，waiter先用熱水浸暖銀匙，再由下而上刮起一片，造出一個Rose Roll，好靚，淡牛油幼滑，但配上法國海鹽，呂味道剛剛好。而四款自家制麵包就冇咩特別。然後係4款Canapes1.醬漬蜆，清甜，爽身2.以為係車里茄，一咬紅色脆皮爆開，你一口冰涼蕃茄凍湯，點點酸帶有Basil味，so refreshing3.白色綿花小方塊，哇…入口即溶，比綿花糖的口感更輕型，濃厚的芝士味包住口腔(使用2種芝士所造)，相當驚喜4.迷你Tart然後係一杯小小清味蕾Jelly，接住就係一粒小凍湯，明明係一杯掂會係一粒﹖你一匹起就係一個淡紅色球，一跤Jelly薄膜爆開，wow!係Parma Ham味濃湯，就好似同一時間食緊2塊Parma Hamm一樣，而伴著就係海膽味泡沫，我幾喜歡呢個感覺，皆因我不吃海膽，但可以比到海膽的鮮味我﹗哈食左咁多餐前的小食同湯，終於進入menu的八道菜1: Kaluga Queen Caviar, Botan Shrimps, Uni,Crustacean Jelly (Signature Dish)底層係大蝦海膽tar tar，當然我都係走海膽，所以Chef就話加多D蝦比我，中層係一絲絲CrustaceanJelly，Chef將材料淆成濃湯、雪成Jelly、刨成絲，食落感覺似魚翅，完全可以睇到Chef Edward的心機同創意，頂層係魚子醬，3者伴著一齊食簡直天衣無縫，蝦滑而有咬口Jelly爽脆Caviar夠鮮味(如果可以咸多一度就更好)2: 黑松露湯Waiter打開個蓋，陣陣松露香味飄入鼻，好香。個湯淡啡色好清但濃郁，加上fine chop左茹粒，增加另一個口感3. Gillardeau Oyster Risotto with silver tapioca pearls, mackerel鯖魚Fillet幼嫩加上魚面上輕曬的鹽花，帶出魚味。然後要講講Gillardeau Risotto，呢個係我全晚最喜歡的，每一粒Risotto都被Watercress& Gillardeau Sauce包住，食落口Gillardeau的蠔鮮味一湧而上Risotto亦有咬口，Risotto飯團中間包著2粒切開的Gillardeau，第一次食而且一試難忙，旁邊一粒粒閃令令的珍珠都係Chef用蠔汁整，食落的軟硬度似橡皮糖，整道菜除左外在美更有內在美。4. Antichoke cube, Lobster依家係Antichoke季節，淡淡清甜味配龍蝦的重鮮，平衡左成整道菜的味道。5. 白露筍，蒿筍，風乾和牛白露筍清脆冇渣放上4薄片蒿筍(即芥菜心)，而上面的水珠其實係檸檬Jelly，配上風乾36個月再經Chef處理過的和牛薄片及自制hollandaisesauce, 酸酸但蛋王味濃又細滑, 配搭白露筍一齊食增加層次咁6. Grilled PigeonChef Edward將Pigeon最嫩的2條胸切出然後去Grill，望落好紅好Raw，切開見漸變粉紅色，grill到剛剛好，但食落仲有驚喜，皮脆肉嫩好有Pigeon味。旁邊有個梨型球，切開其實係一白鴿兩食，香炒白鴿肉碎，伴著車厘子食，可減低油膩感7. Pre-dessert OR Cheese當然揀Pre-dessert啦，因為Cheese不是Chef所創作的菜式。今晚的Pre-dessert青瓜Sorbet配醃青瓜片，第一次食青瓜味Sorbet，好特別，似食緊原條凍青瓜咁，好爽好Refreshing﹗而佢地用上一隻不規則深色碗裝著，整個Presentation效果好好。不過唔食青瓜架你地，就要好好考慮啦8. Dessert是晚主題係”桃”，桃肉桃片桃Jelly桃Mousses，時令生果冇得輸，只保留桃本身的香甜，完全食唔到人造甜味，而且賣相一流相當夏日﹗Delicious最後Petit four，4款分別用用2個圓型木盒裝著包括(Jelly糖, 綠茶花花蛋糕仔& 一黑一白朱古力)服務Le Pan係一間5星級收費的餐廳，服務應該有返咁上下，掂知呢個係我覺得整餐飯比較有瑕疵的一環，跟同價格或Style相近的比較，明顯有落差，亦係LePan如果要經營落去必須要改善-開瓶費要$500一支(750ml)，餐廳來講有點過火 (呢個係文華Amber or Ritz Carlton Tosca價)-Waiter不太熟悉menu內容，介紹菜式時會er.. er.. er.. 同埋講解唔清楚-Waiter落完單confirmorder時完全冇問食客有冇對任何食物敏感﹖有冇任何不吃的食物﹖這個係非常非常基本(最後我自己提佢我不食海膽及洋蔥，而正正第一道菜就有海膽，問佢有咩Alternative choice，其實佢反應有些接不過來，然後先入去問Chef)-完成一道菜，Waiter換餐具，刀叉擺放一高一低-收麵包後，沒有立即清理台面麵包碎，直到Pre-dessert先清理-上其中一道菜時，的問Waiter個和牛片風乾左幾耐﹖佢er完一陣唔肯定就答左8-10日左右啦，咁當然的個一刻好懷疑。不過後來佢有入去問反Chef再答返我係36個月。整體:Chef Edward的每道菜都充滿創意，食得出佢有花心思去研究各樣食材的好壞及配搭，用料新鮮配合時令；有時運用分子元素，改變形態保留原味；利用edible flowers去擺盤，豐富左每道菜。用具以高級銀器為主，碟盤亦係精挑細選，不錯﹗Hardware(位置及裝飾)不是最重要，如果要食客再回頭Software最緊要，除左Chef Edward的食物質素，要盡快改善當然係餐廳的服務質素。…查看更多