Karb的个人专页

喺K11隨便揀一間，諗住佢有少少泰式嘢食入去食個lunch。叫咗一個冬陰功豬扒焗飯，餐飲熱咖啡。叫完杯咖啡冇耐就嚟到，飲晒都未有飯，半個鐘後個焗飯先出。明白嘅， 焗飯呀嘛，要等呀嘛，但都唔係半個鐘囉。算！黎到個焗飯食極都係得少少鹹味，完全沒有冬陰功嘅味，冇香茅味冇辣味只有少少鹹味。塊豬扒就重味啦，重雪味啊！！！然後切又切唔到咬又咬唔開！！！ 成碟飯嗰兩塊肉就咁就掉咗！午餐價錢$88 +10%, 90幾蚊個焗飯，我淨係食咗少少白飯。呢間嘢簡直垃圾到盡頭。…查看更多

[精選刺身加燒物放題]完全唔知自己食過乜野， 唔知點解要比$298 出黎食垃圾！！！埋位經理就介紹返有刺身煮物前菜等，會自己一道道咁上，叫我哋等等，之後再點串燒。坐低先知原來刺身得呢六塊，冇得再叫，只有張串燒紙可以任叫。 算！酥皮龍蝦湯，篤開個酥皮入邊就只有一節仔手指咁高嘅湯，仲要勁鹹，我懷疑應該要開啲水去溝。叫d 煮物， 冇技巧， 嘥位， 成碗浪費基本上除了汁燒的，其他串燒都係無味嘅，自己上枱要加大量7味粉，不過依然係無味！睇真d 成串野 連鹽都無粒， 衰到無論！佢係雞軟骨☝🏻☝🏻😵‍💫比目魚南京燒， 我覺得連Aeon 超市熟食檔的都好食過佢。 好似烚咁， 勁多水， 好似冇煎過， 無魚油香， 啲肉實而不滑， 要靠沙律醬先食到落去。燒雞皮一樣無鹽冇味， 等幾個字仲要燒燶又苦又盛！牛扒，牛柳， 牛仔骨 全部一樣味， 一樣口感， 係燒烤包牛扒肉， 神奇在 連牛仔骨都可以用粉拿到同牛扒一樣口感。蝦！ 霉嘅， 用芝士 同濃郁蒜蓉蓋過佢本身死左幾日嘅感覺。總結比$298 食一堆垃圾， 全程等廚師發板，等多個食，廚房整到乜嘢串燒就全場一齊上嗰一款串燒。一半係漏單， 其餘佢想上咩就咩。放題？！ 連紙包飲品都冇， 得熱茶 !第一round 已經投訴， 點知第二round 冇改善， 都係黎左3-4樣， 等唔到第三round 叫埋單！ 埋單時同經理投訴， 隔離枱聽見就一齊鬧， 又難食， 種類少，又漏單，呆等...$298 一位買難受， 免費請都唔食呀！！一路食一路問， 點解$298 我唔去食大x 喜， 大喜x 嘅放題？？！！ 起碼刺身飲品我任食！！呢張任叫嘅 紙，值$298?連3 round 都出唔到，值$298?野食難食到咁， 簡直浪費我兩個鐘青春！！！送coupon 比我即場搣爛， 廢事比機會佢。…查看更多

幾年都唔一次九龍城食嘢，都係因為屯馬線開通，方便左我呢種大西北的人可以去九龍城食下野。最近大愛食烤魚，喺九龍城就搵呢間巴蜀全烤魚。離港鐵出口遠少少，行到去九龍城廣場門口附近。由於我地只有兩個人， 所以叫左一個香辣味的小邊烤魚，老闆說魚是鯇魚的， 說實在等就是太多骨但魚肉完全沒有泥味且肉很滑， 由開食到最尾魚肉仍然可以保持嫩滑。 味道是正常， 也可以吃辣的我今次與朋友叫了小辣，感覺沒有辣味，吃得辣不怕點中或大辣。其中一點較可惜的是烤魚沒有隨著配菜， 但可以自己添加例如芽菜，豆卜之類。之後要點了串燒黑椒牛柳粒， 黑椒粒是填漏了整粒牛柳必然夠入味。另外小食點了泡椒雞腳， 反而這個有足夠辣道， 每吃一舊就需要飲一啖可樂，雞腳先斬件上枱的，大約十件方便進食。最後叫左個涼伴篙筍沖淡一下辣感，涼伴就是用了蒜蓉和黑醋放埋，吃起來好新鮮爽甜，醋味舒服沒有過度攻鼻感， 不錯…查看更多

疫情緩和左，就要好好出外覓食一下， 雞煲+邊爐係必需。今日放工就喺公司附近搵下雞煲， 個名叫巧得應都幾得喎。座位好闊落叫好多嘢都夠擺張枱，二人枱被安排坐接近四人枱的尺寸，與隔離枱亦有空間感，食得安心。先來一個雞煲半隻，足料，夠入味。雞件好滑叫左小辣覺得一點都不辣， 下次可以試下大辣， 有三色椒有洋蔥，配料不弱，最好係雞煲一上桌已經食得唔使等佢再煮一陣。食完雞煲加水打邊爐，其實兩個人食完半隻雞部都飽飽地，所以叫咗少少配料滿足下打邊爐心態。打邊爐必選脆鯇腩，喜歡他沒有像平常一般附送幾舊骨位，呢度係淨腩肉，夠脆身。即炸響鈴-普通響鈴勝在份量夠多，價錢抵。掛架安格斯牛頸脊-每塊都好大塊，入口鬆軟，有牛味 , 咁大份都只係$168, 好抵食。好窩心地，嗰度收得唔好有提供Wi-Fi服務，仲有USB叉電位。最後食完仲有免費嘅新鮮哈密瓜做甜品， 新鮮又夠清甜， 不錯。…查看更多

在新開張時路過九龍灣曾經試過一次，念念不忘嗰種味道，這個很特別的堅果奶是每一啖都感覺到打碎打滑了等堅果碎，並非像一般台式奶茶可以比美。見到介紹係用腰果、核桃、杏仁、棒果、夏威夷果仁 , 冷壓研磨萃取乳化而成，所以飲落去確實口感較豐富, 細味時會覺得好有層次, 而且好有飽肚感。 今日天氣得8 度, 飲返杯暖肚就最O岩。一杯係黑糖堅果奶咖啡 -點了微糖, 飲落甜度不多,反而更加突出到堅果的味道, 另外有咖啡香味但當然不會濃啦,就好似LATTE 一樣。一個係紫米堅果奶, 寫住季限定應該冬天先有得飲。同樣地微糖了,店員還細心問我需唔需要去冰。 飲下去第一重先有濃濃的紫米香味,第2重就NUTS 味, 然後再細咀嚼紫米 ,真係好好飲。 而且堅果;奶;紫米3種材料總遠遠比一杯珍珠奶茶來得健康。…查看更多

住咗屯門建生邨多年，最近搬走咗今日返去探朋友時被介紹到此店黎個high tea，非常有驚喜，一定會重來！！鋪面有香港人氣色， 感覺同聲同氣， 店員都非常親切有禮， 不是胡亂讚好， 食過就明白。我地叫左兩份餐share, 首先係芝士熱狗 加配墨西哥脆片， 我本身就好少叫熱狗食嘅，唔係見幾枱都有熱狗而且仲要好吸引我真係未必會叫。不過又真係好好食喎， 芝士滿到漏曬出黎，入面條腸係脆皮有肉汁，麵包鬆軟，三樣加埋一咬落去感覺好豐富，完全滿足曬。另外呢個係-蟹籽蟹肉明太子忌廉意粉不得了， 不誇張， 我真係食第一啖就愛上了。雖然不像外邊刻意一堆蟹肉放上面，但也感覺到有蟹肉鮮甜味，應該是一個用蟹肉+明太子調成的忌廉汁，每一啖都有好豐富 的口感而且係會停留口腔內，我食曬成碟仲刮埋D 汁清曬都無膩嘅感覺，好回味的...因為呢個蟹肉意粉， 我決定經常回來幫襯😍最後， 跟餐有檸茶檸水之類， 不過我當然唔會放過任何飲咖啡的機會😌😌而家很多cafe 店，但不是很多有Dirty 的，見到有寧願散叫不跟餐。Dirty是睇到外表有漸變層咖啡，扮文青簡直打卡必備。不過我不是純粹為打卡， 真心喜歡Dirty 這款咖啡， 凍牛奶加上濃縮咖啡的，沒有冰，比起一般有冰的latte 飲落更有層次，直接飲到咖啡的味道但又沒有齋啡嗰種苦澀， 先暖後凍 仲有D 清新嘅感覺。可能位置問題， 令我跟本唔敢太大期望，但整體環境同食物都意外地好，仲會有衝動想再幫襯試埋其他食物。…查看更多

疫情持續， 出街食飯真係少左好多..今日限四人令前出去食個飯， 然後乖乖回家。見openrice comment 幾好， 又近屋企，食完快快趣返屋企， 坐位之間都好有空間感， 不用擔心.叫左幾樣野，分別係：自家製叉燒稻庭烏冬： 叉燒真係幾好味，肉同肥膏嘅比例好好，而且好入味。燒三文魚水撥：醃料夠入味，面脆，魚旗位脂肪同魚肉比例ok ，而且有三件，食完夠滿足。台式鴛鴦腸： 砌開左黎煎， 冇左平時台式腸個個脆口，同埋比較乾身， 有個燒汁之類的淋喺面， 個汁幾好味但冇曬台灣腸的感覺。炸魷魚鬚： 炸得好脆口，炸粉好少，乾身冇乜油。加埋七味粉少少辣，一個非常好嘅佐酒小食。推介！燒大頭蝦： 呢個我地唔記得燒之前落鹽，變左有啲淡口。 但肉質彈牙， 蝦頭仲有小小膏添。燒M5韓牛： 肉味好濃， 未去到入口即溶， 反而有咬口我比較鐘意。 係燒之前加啲鹽同黑椒， 可以更加引出啲肉味。…查看更多

好耐冇過黎港島區，但友人係銅鑼灣返工就黎左呢間特色小店。餐廳的抗疫措施做得好好，每個客人先要在門口量體溫，再以消毒液消毒雙手先可進入店內。餐廳地方不大，但裝潢以木中為主，燈光柔和，令人份外溫暖。橫切藍鯨金槍魚三色刺身 $1.5/g見係店員介紹而且係限定期間，我哋就叫咗金倉魚刺身。係需要一整塊買的，店員會叫你出去揀，我哋呢塊就係234g，大約$350。整塊吞拿分為三個部份，分別係赤身，中卜口和大卜口。赤身就係最淡味，建議最先食起，最後食先食大卜口。每個部位嘅層次好唔同，赤身質感會比較厚實，而大卜口就會有入口即溶嘅感覺，好新鮮，鍾意食刺身嘅一定唔可以錯過。蟹味噌甲羅燒以蟹蓋裝住蟹膏，蟹膏上面加咗蔥粒沙律醬等，令蟹膏味道更鮮甜豐富，跟set會有三個壽司飯。因為蟹膏好多，所以我哋另追加一set壽司紫菜$8，咁每人就可以各食兩舊🤣 Fire Bird名物 重量級火焰原隻雞腿 店員送上嘅時候會即直係你面前點火，呢個時候一定要準備相機，因為好快會係雞腿表面燃燒🔥，3秒到就會熄滅，非常精彩。店員隨後會幫我地剪成小塊，雞腿被燒過的表面就會變得香脆，但雞肉肉質仍然非常嫩滑，加上表面嘅辣粉，非常惹味。日本和牛茶漬飯 雖然份量不多，只有4-5塊薄和牛，但味道鮮甜而且有肉汁。而茶漬飯非常之特別，部分飯有飯焦，但配上茶加入飯中，口感就剛剛好，非常爽口。Lychee Frozen 呢杯荔枝味Mocktail夠晒冰凍，一飲落去涼透心的爽快，味道清甜但唔會太假，係新鮮嘅荔枝味。…查看更多

雖然最近灰色心情嚴重，但飯仍是要食的。放工之後就來左哩間係觀塘開源道附近既The wave工廈，這個地方變得越來越多嘢食，食棟都係餐廳，不過我想relex 下所最後我哋就揀咗位於3樓的米走雞。因為餐廳原來分開咗兩邊，一邊食西餐，一邊食雞煲打邊爐,地方非常闊落，坐位都好寬闊。可能平日，人流不算太多，侍應安排了我們二人一張四人卡位入座。一開始侍應就拎左一盤醬料比我地，調味料十分齊全，而且唔洗自己出去拎，十分方便。哩度既雞煲分左芝士同麻辣兩種口味，因為想惹味d，所以我地就點左招牌既麻辣雞煲。雞煲分左5個辣度，友人唔太食得辣，我地就叫左最少少少辣，希望可以細味品嚐每件雞件的味道。火焰麻辣雞煲(細) 點好菜大約5分鐘雞煲就來左喇，店員仲會為我地即席炒一炒同埋進行點火既環節。雞煲加上洋蔥同埋麻辣醬散發出幽幽暗香令人食慾大增。大部份既雞件都切得好均勻，每一件都沾滿了麻辣醬汁，十分之惹味。手打五寶拼盤 哩個手打丸拼盤非常之新鮮，仲要勁大粒，我地就最鐘意食蝦丸非常之彈牙!雪花牛 我地叫左細份但份量一D都唔少，肥牛的脂肪比例亦唔錯，食落非常之有牛味同香甜，值得推薦!芝士丸 (半份)芝士丸係我打邊爐最愛，兩口子食唔得多， 好在這裡有半份可點， 怎可以不叫！最鐘意就係可以拉絲的感覺。 酸梅湯(壺) 雞煲點可以唔叫野飲，推介有酸梅湯，夠曬冰涼可以即時解渴，可以下下火，而且唔太甜夠大壺，抵飲。期待的環節， 想食住雞煲都有酒吧relex feeling , 一定要黎呢度試下。晚上八時左右有live Band，不斷唱流行歌曲，同朋友傾計一流，環境十分舒適，真係好鍾意這個環境氣氛 。…查看更多

最近比較少周圍去覓食，見嘉湖銀座商場改裝後又靚左又多野食左。今次就食呢個泰妹，平日不算多人， 地方好坐。餐牌內容大同小異， 亦有同九龍城的泰國餐廳一樣 有鹽燒鰂魚， 這個是我最愛。魚肉又香 又滑， 燒得剛剛好， 點埋個甜酸辣汁， 簡直可以一個人食兩條。生菜包 仍保留到肉汁，屬微辣，生菜都是新鮮鮮甜爽脆， 沒有破損， 不錯！這個咖喱是豬頸肉紅咖喱，分量相當多豬頸肉食極都食不完有好多配料蔬菜，咖喱偏甜不辣，配埋佢個蒜蓉包，真是停不了口。菠蘿炒飯，有少許咖喱粉香料味，海鮮材料很多裏面有腰果肉鬆提子乾和三色豆， 整個飯口感變得很豐富有層次，食得好滿足最後論裝潢，呢個價錢絕對化算，坐得舒服，親切服務，值得我為佢食低留個記錄。…查看更多

每星期都會揀一日同老婆拍下拖，過下二人世界。於是帶了老婆去到銅鑼灣美食新地標百樂中心，試試日式居酒屋。訂了位八點，因為人流很多，怕要排好耐隊，所以預早了十分鐘搭電梯上餐廳。一進店，就被住家風格吸引住了。店家掛了單車在牆上，感覺像走進民居一樣﹗店員安排坐窗口位置，開揚舒適。心之蛋卷叫得這一道菜，自然要放下擔心膽固醇之憂慮，份量之大，令人難以估計所用蛋之數量。一刀切開內容更見驚喜﹗溶岩般的芝士加上三文魚肉，豐富的口感每一啖都包含滿滿的誠意。蒜香烤焗茄子每逢吃燒物都必叫之選，店家用了味增加蒜蓉去烤，味增的甜味可以中和蒜蓉的濃厚味道，另外亦吃得出茄子的原味道。日式蟹籽沙律原以為蟹籽沙律一定是蟹籽加青瓜，誰不知佈滿在蟹籽之下，是新鮮的沙律菜﹗沙律菜加蟹籽清新可口，為原先吃過濃濃口味既茄子同蛋過一過冷河再吃之後既食物。彩虹卷由一個小小木台送上，吸睛程度大增﹗彩虹卷顧名思義包含了彩色原素，飯卷上四面有蟹籽、海苔粉、櫻花粉、芝麻及黑魚子，中間包住炸蝦，令原本單一味道既炸蝦卷增加了意想不到既味道，一面甜一面咸又有芝麻香，出奇地搭配﹗鹽燒雞翼&燒雞皮叫了兩款串燒，燒雞皮燒得脆口無比，比薯片既脆口感有過之而無不及。鹽燒雞翼調味適中，雞翼脆口之餘，雞肉保持嫩滑﹗最後吃了一碗鰻魚茶漬飯，淡淡茶香配上飯素，正好一解燒物熱氣之感又能暖一暖胃，讓人過了一個窩心又開心的一晚。…查看更多

今日又遊逛元朗, 一路都好喜歡在元朗周圍覓食, 因為到處都有良心又好食的小店。今次亦不例外, 遇到一間值得再來的火鍋店" 老闆火鍋冰室"門口的招牌及店內的裝潢足夠令我有意欲試一試佢,再看看餐牌, 簡單容易, 粥底火鍋有海鮮 有配料最後粥底。店內打裝飾有香港懷舊特色, 有電影poster, 有當鋪擺設, 細至裝骨的桶都有不同顏色。首先職員姐姐都好friendly 咁介紹下食物選項, 同埋醬料, 主推自家制XO 醬, 既然推介就即管試下啦.... 嘩, 一係唔試, 一試就上左癮,我可以講這個XO 醬係我食過最香 最足料的。係實實在在食到元貝粒, 蝦米, 銀魚仔 等等...很惹味, 不停一羹一羹咁筆黎食...,仲比老闆發現笑我添...忍唔住求佢賣一樽比我. 可惜未有得發售。講返D 材料, 絕對係簡單兩個字形容曬, 新鮮!海鮮鐵膽有鮮蟹和沙白, 再自選五款:蟹就絕對夠新鮮, 肉質實淨, 有膏。海蝦, 體積不大但食得出係海蝦麻蝦之類, 唔係養殖。大尾魷即係魷魚, 厚身, 輕輕一灼 有咬口有鮮味不過火。貴妃蚌, 蟶子同沙白完全一粒沙都沒有。這類貝類海鮮最適合煮粥底,一陣吸收曬鮮味。鮑魚新鮮不過本身都沒有什麼味道可言, 我只為了吃鮑魚的口感。配料可以自選八款, 都是一般大路的配料,總之吃得飽我。 點了一個薑汁皮蛋貢丸, 一咬開就爆汁, 仲有一陣陣薑蔥味滲出黎, 好食! 雪花肥牛竟然有入口溶化的感覺, 牛味亦有,可惜份量較少。極上牛柳粒也值得一試, 自己看準時間, 沒有韌嘅感覺, 煮到剛煮也鬆化。另外想推介一定要叫的"老闆押水果茶" 非常巨型, 價錢只係$48, 一路打邊爐都最少叫兩至三杯飲品, 這杯水果茶甜味茶香適中, 多到飲唔曬。最後, 打到七七八八, 職員加點配料,加埋粥膽煮一陣,便成海鮮粥, 確實鮮甜冇比, 我個人認為不用加那些菜脯,炸菜等較好, 免得搶過了海鮮的味道。總括來說, $198 位定價真係好抵食,起碼嘗到七款海鮮,點配料初時覺得份量偏小, 但食到最後飽到一個點, 粥起碼一人就兩三配, 根本食唔曬。這個老闆火鍋冰室確實有前途。…查看更多

呢間Yoho米芝蓮拉麵平時好多人排隊，最近YOHO少咗人,今日竟然可以唔使排隊就直入,真係好。入到去睇到餐牌都有一般豬骨湯嘅拉麵同時都有沾麵另外都有好多款小食可以選擇, 唔似一般拉麵鋪咁單調。特製沾麵, 麵都有彈牙感覺, 麵是偏涼的但湯是非常滾的, 所以沾上熱湯就剛剛好喇。有時我食拉麵就是要過一個心理關口>>> 無餸。 今次睇D 豚肉有這麼多件,心裡亦安慰下來,豚肉膏同肉一層一層好分明。另外破格試外個担担麵, 感覺就係似上海担担麵嗰種, 多花生的但少左種麻醬香味。有兩件薄豚肉同流心蛋, 多蔥, 少少辣, 配日式拉麵, 彈牙的, 都不錯喎。自製餃子- 皮薄軟身, 餡料仍然保留肉汁。鐵板豆腐-好似章魚小丸子咁有木魚同埋醬汁鐵板上啲豆腐超級滑, 本身連埋咁多嘅醬汁食就豐富了好多。奇怪地... 心裡一直覺得不夠食, 最後卻大滿足。…查看更多

今日一個人行下行下又走到去棉登徑這裡搵野食,每一次去咁旺嘅尖沙咀而想自己一個靜靜地食野時, 一定會諗到黎呢面。 棉登徑有不少出色食市互相輝映，有中西日。我自己一個就唔會豐富，所以見到呢間日式當飯就覺得係絕對適合今日的晚餐喇。我最愛丼飯就梗係雜錦款式-極上海老二重丼。我最鍾意就係蝦刺身, 有四隻甘蝦, 每一隻都有起碼有一隻手指咁大隻, 隻隻都有鮮甜味又黏口。相比起大隻又厚身的牡丹蝦,我比較喜歡甘蝦的口感, 不過牡丹蝦的厚肉身 同埋少少蝦頭膏味 都係不可缺的。另外帆立貝有四片, 不算厚切, 但出奇地有帆立貝的甜味。 最後有三文魚子 同 已混合醬汁的飯一起吃, 不錯!最後口痕加多個關東煮-白蘿蔔 及 雞胸軟骨丸。白蘿蔔都夠入味, 沒有一種開水的味道。雞胸軟骨丸又幾好食, 軟軟地, 入面充滿住切碎了的軟骨,每一口都很有咬口。自己一個人, 外面有幾多煩惱, 但簡簡單單 自己坐下來細嘆一碗丼飯, 心境也可以一同靜下來!…查看更多

今日同朋友慶生,本想網上找一找食日本料理的餐廳晚餐的, 找到這個是食串燒的也不錯的評價而且很像居酒屋的, 那便到來試一下。進店感覺很好, 職員有親切, 雖然店舖不大但不會感到困有喧嘩聲, 坐住傾下計 慢慢嘆 也可以。燒雞皮$38 燒得剛剛好,脆口, 沒過火乾身。萵荀沙律$68 , 已煮熟萵荀, 入口易咬, 配上麻醬便是簡單沙律冷盤。雞腎$38 爽口, 調味亦足夠曬,沒有內臟異味。沖繩豚手$68. 這個好食到不得了, 表面醬汁甜甜地, 最好就係煮得恰到好處, 膠質感好強, 有漿住個口感覺, 沒有過淋, 係我最鍾意食的豬手境界。油甘魚魚鮫$138 , size 不算巨型, 醃料唔算好重, 點少少佢嘅蘿蔔蓉加醬油就剛剛好。仍然保留到肉汁同嫩滑, 不錯!雞翼$42. 燒得皮脆肉嫩芝士年糕 $28 . 抵食! 年糕質地做皮, 咬落去軟綿綿, 裡面芝士味道不太濃, 但口感一流,煙煙韌韌。青椒仔 $38. 不太特別, 味道不錯可惜過淋最後一定要食燒菠蘿啦, 切左個皮,一口一件剛剛好。 燒過菠蘿是很好吃的, 夠曬甜, 還有幫助清一清油膩感。…查看更多