FGrabber的个人专页

又到Happy Friday 四圍去搵黃店支持一下的時間😙 今次目標係食日本野，揀咗呢一間叫鮨一既日本野食。聽人講最高性價比係食千層海膽飯，所以叫左個細既黎試下。 不過估唔到嘅係，佢個海膽份量超過半板，用晒所有紫菜到包唔晒，如果用呢個價錢（$198）去食半板海膽仲有吞拿魚蓉嘅壽司飯，真係非常抵食。另一個店員推介嘅必食小吃- 炸澤蟹 （$48）佢成隻蟹都係揸到非常之脆，加上椒鹽喺面，可以連殼一齊食，佐酒一流我亦有叫到鮨一沙律 （$125） 開下胃。 佢採用日本原隻有機蕃茄配合多款角切魚生、魚籽，又用沙律菜墊底，非常Fresh! 壽司我就叫咗六貫目配三色刺身定食 （$168），包埋湯同前菜。入面最回本之選一定係金目鯛、海膽壽司、深海池魚壽司、火炙鰈魚邊壽司，食材新鮮無得彈 另外叫多咗兩個熱食主食，一個係辣酒煮廣島蠔（$78），另一個係蒲燒鰻魚茶漬飯（$58）前者個湯有白蘿蔔一齊淆既湯底，配上鮮甜既中size 蠔，只有微量辣味，成個湯都飲埋。至於茶漬飯方面，個鰻魚真係誠意之作，超入味又燒到岩岩好，超林身，配合埋淡淡茶加紫菜一齊食，味道啱啱好👍🏻👍🏻最後我亦有叫到一串 鹽燒活白鱔，佢哋既串燒野其實都幾出色，可以控制到佢啱啱好熟，唔會太鞋身，配上檸檬汁一齊食，雖然少少骨要食得小心啲，但都非常值得encore…查看更多

身為火鍋撚嘅我今次就去咗試呢一間真真正正嘅「火鍋撚」！打邊爐最緊要個湯底，今次叫嘅係蜂巢豆腐白湯鍋 。 好在落單嘅時候個店員同我講個鍋底入面本身有鴨血同埋蜂巢豆腐，而且個量都多，所以我先冇加到單。上咗個湯底之後就發現原來真係幾大份，非常足料。打邊爐之前一定要食個前菜，我就叫咗個加拿大野生象拔蚌。師傅刀工幾好，每一片象拔蚌都「片」到好簿好易入口，可以食到佢清甜、爽口嘅感覺，配合Wasabi豉油，非常好食開胃。我每次打邊爐通常都會叫珊瑚蚌同埋桂花蚌（鴛鴦雙蚌）。食材新鮮就唔使多講，淥佢10秒就食得，清甜爽口。其次必嗌嘅食物一定要有「御用手切肥牛」，呢隻牛食落去唔會鞋口，有較重牛肉味，淥佢一陣就食得。第三樣打邊爐必叫嘅就一定係響鈴。佢呢度個最大特點係即叫即炸，所以上來嘅時候係熱辣辣，放入個湯底3秒鐘就即刻食得，冇得輸。但由於太為食, 唔記得左影添 XDDD另一樣特色嘢係黃喉，唔係間間都會有賣呢一個食物。佢個口感係比較爽口彈牙，有些微嘅煙靭感覺，唔錯唔錯。之後叫咗個花膠試吓。上菜嘅時候見到佢用一個好特別嘅器皿裝住，好似古代煉丹嘅鼎一樣，配合返佢嗰個裝修，都幾特別。個花膠食落去有膠質，只是略嫌佢有少少細舊。有人話打邊爐食午餐肉係傻嘅，但係佢係煎底午餐肉，我一見到已經忍唔住嗌咗。上菜嘅時候見到佢煎得好靚好香，掉落個湯底度浸一浸嚟食真係非常好味。仲有個第一次見嘅特色食物，佢就係龍蝦湯漿爆牛丸。粒牛丸入面係真正勁濃味嘅龍蝦湯，咬落去啲醬汁爆曬出嚟，真係極度濃烈龍蝦味，非常之Surprised。但係食嘅時候一定要小心，因為太多湯汁，好易辣到咀。蔬菜方面有叫到正常嘅金菇同埋比較少食嘅皇帝菜，呢兩樣嘢正常發揮，每次邊爐都會嗌啲蔬菜墊底，其實個湯底好食，啲菜自然好食，整體係正嘅！…查看更多

第五波疫情真係搞到人都癲，終於可以放寬happy Friday食餐好嘅，今次黎左呢間胡椒酸菜魚鍋先嗌咗個鍋，一上菜嘅時候煙霧離漫，原來入面擺咗乾冰，所以非常大煙，好夢幻咁啲煙散咗之後就發現到原來入面嘅魚係龍躉魚腩，所以塊皮勁厚勁彈牙，好重骨膠原，非常之好食四國牛肉拼盤好耐冇晚市堂食，所以叫個靚小小嘅牛黎食下。入面有四種牛，最好食一定係日本飛驒和牛，牛味非常之濃郁，極度之嫩口，最推薦日本廣島蠔及蟶子王蠔係正常貨色，最正就係蟶子王，係鮮甜爽口個一種蟹黃餃叫咗一碟好少有嘅蟹黃餃，入面好香蟹膏味，最重要係入面有蟹肉，食落蟹黃味超重, 真材實料即炸黃金響鈴呢個係打邊爐一定會嗌嘅響鈴，仲要係有鹹蛋黃喺上面即叫即炸，幾好食手打鮮牛丸及黑松露芝心墨魚丸至於丸類方面，鮮牛丸係正常，但係個墨魚丸就非常surprise, 本身已經係彈牙嘅口感，入面仲有流心嘅芝士，配搭好好竹蔗茅根就用一個好有宮庭式嘅壺裝住，最重要係佢非常冰凍清涼，唔會死甜，打邊爐飲真係冇得彈…查看更多

自晚市禁堂食後，幫襯壽司店嘅人更多，所以為免等太耐，記得提早落單。另壽司店有不少套餐供應，而且仲包可樂或烏龍茶，價錢相宜。🍣火炙壽司冷麵餐（$85）冷麵加入青瓜絲、蟹柳絲及蟹籽，再撈埋胡麻醬一齊食，口感清爽又惹味；火炙壽司有5款，分別係三文魚、三文魚腩、左口、鰻魚及熟蝦，壽司加沙律醬再以火槍燒過後，入口帶焦香且口感豐富。🍣火炙壽司餐（$105/ 10件）壽司餐分別有北寄貝、八爪魚、龍蝦沙律、玉子、吞拿魚沙律、火炙三文魚、火炙三文魚腩、火炙左口、火炙鰻魚及火炙熟蝦；壽司整體唔錯，比較推薦有龍蝦沙律及火炙左口，左口經火炙後，油香更重，真係幾好食。🍣 芥辣八爪魚軍艦（$22/ 2件）🍣三文魚籽軍艦（$48/ 2件）🍣墨魚壽司（$15/ 2件）另外再多點2款軍艦及1款壽司，芥辣八爪魚辣辣地且充滿口感，三文魚籽賣相新鮮又飽滿，墨魚則屬正常發揮。…查看更多

收咗工又係時候Happy Hour🥳 今次去咗食一間幾出名食海鮮蒸嘅餐廳叫做蟹仙，今日兩個人豪豪地叫左個$1099嘅「包羅萬有海鮮二人套餐」， 真係好包羅萬有😂 先來係一個海蜇拍青瓜，雖然佢標榜話有啲辣，但我食落又唔係好覺，反而我覺得佢啲陳醋有啲酸，但又真係幾開胃。呢個係深海海星班，肉質教實，唔會好散，帶鮮味，不錯之後個重點就一定係呢兩大個海鮮拼盤。當中個青口真係極度之大隻，佢嗰種鮮甜爽口真係非筆墨所能形容，必須encore ！又有原隻澳洲龍蝦開邊，一人半隻，超大舊肉，又係非常鮮甜，仲有少少龍蝦膏，勁滿足而蟹係青膏奄仔蟹，啲膏甘甘地，好香濃。 而且非常多肉，抵讚！ 丸肉方面，最impressive係蟹棗同埋貢丸。 蟹棗鮮甜有咬口，貢丸似係手打出黎，入面好濃豬骨濃汁味，彈牙好食👍🏻👍🏻👍🏻最後食埋個鍋底粥，裏面匯聚咗所有海鮮嘅精華，好好味😋😋 而最後有一個甜品係官燕椰汁糖水做個完美總結…查看更多

今晚一行4人放工happy hour 嘅場地轉左去食橋底辣蟹🤤 我哋四個人都係超大食，所以一坐低就索性叫咗個四人餐， 貪佢份量足夠，唔洗諗又多款式 先黎一個招牌炒辣蟹，隻蟹都幾厚肉，又甜又多膏，加埋無得輸既爆炒辣蔥蒜，勁惹味 之後係蒜蓉粉絲蒸蟶子皇，個蟶子本身新鮮鮮甜，普通跟蒜蓉粉絲甜豉油呢個組合已經係超夾，唔洗花巧👍🏻 之後揀埋柚子脆香骨，貪佢有酸甜味醒胃食落ok 正常，唔會鞋口之後就係每人一盅花膠杞子燉雞湯 ， 熱辣辣，鮮甜又暖胃，仲有舊花膠 第5味係霸王雞，正正常常，雞肉嫩滑，即使浸住啲豉油都唔會鹹，配合埋上面嘅配料，增加左佢嘅香味，都幾好食。第6味係清蒸海沙巴斑仔，同平時宴會食既魚一樣，只要條魚一新鮮，配合最簡單嘅清蒸烹調方法，上面加上蔥絲再配以甜豉油點綴，已經非常之鮮味好食 第7味就係蒜蓉炒雜菜，呢個就正正常常冇乜特別，唔會好油最後一樣就係蟹油銀牙炒面。合共七樣餸一個湯，最後仲要送埋糖水，真係勁抵食😍😍…查看更多

星期五收咗工，梗係同成家人去食好嘢啦🙌🏻 今次就揀咗另一間中菜，叫做女人街食飯公司，連個名都得意過人。佢入面個裝修都非常懷舊，好似以前舊式戲棚咁，配以一般街邊大排檔嘅枱櫈，但環境反而係光鮮而且冷氣十足，懷舊得來又唔會熱辣辣。你就一定要嗌一個最出名嘅杏汁豬肺湯，成個湯奶白色，又有好多大大嚿豬肺，真材實料，非常滋補。之後家姐話想食炸蝦西多士，一家人每人叫咗一夠你試吓，終於明點解佢值$28 ，因為真係超級好食，隻蝦蛋牙，多士熱辣辣又炸到非常之趣，配合埋個凍冰冰嘅黑松露醬，食落唔會好油膩，勁match 之後叫咗個老竇最愛小炒王同咕嚕肉，送酒一流去大排檔就梗係要食下啲聖子啦，佢做緊個餐，聖子加乳鴿都係$298，個乳鴿仲要係炸到非常之香口鬆脆，好似豬肉紙咁，而鴿肉一啲都唔鞋，必食推介 最後叫埋個唔係度度都有得食嘅古法脆麻花，溝埋啲蜜糖super match 😍…查看更多

同朋友入元朗食野，諗住食雞煲，就上網搵左間去食。餐廳嘅位置唔喺大馬路，要轉入去細巷先見到，不過跟住google map唔算難搵。餐廳地方唔大，但係座位唔會好迫，坐得都寬敞舒服。同埋好乾淨冷氣好足，啱哂我呢D又怕熱又想打邊爐嘅人。雞煲 - 因為我唔係好食得辣所以叫咗bb辣，不過比起一般嘅辣度稍為再偏辣，朋友食開辣都覺得幾惹味。兩個人叫咗半隻都好夠食，因為真係好足料，啲雞係多肉有雞脾，絕對唔係俾晒啲雞頸雞腳充數，同埋都有好多配料，入面又有豆卜、雲耳、芫茜、洋蔥等等重點推介吓打邊爐嘅料響鈴 – 呢個完全係驚喜，以為會係平時食開預製個種，點知係餐廳即炸的，好鬆脆好香，可以直接食都可以浸落湯再食，仲配埋雞醬俾我哋，直接食都唔會覺得好dry安格斯封門柳 – 非常新鮮，切得好薄，一淥已經可以食，細細哋一塊入口都非常有牛味脆鯇骨腩- 好新鮮好脆，食入口勁爽脆，絕對唔係用普通鯇魚片黎充貨瀑布芝心牛丸 – 出面係一層牛丸包住入面全部都係芝士，芝士好滑，不過記得要小心辣嘴同埋想講老細超nice，落單時好有耐性亦都好用心推介佢哋嘅食物。…查看更多

今晚諗住去中環英皇戲院睇戲，喺睇戲前梗係醫左肚先啦。 行行吓見到有一間好有日式風味嘅舖頭叫做雲壽司，就入去試一試✌🏻 入到去佢比我坐喺吧枱位，可以望住班師傅整壽司，好似食緊omakase 咁😍嘢食方面我就嗌左一個set 12件壽司。當中12件都係由我自己去揀選，想食咩就嗌咩，價錢一樣，非常flexible。 不過最估唔到嘅係，入面有幾款靚靚壽司都有得揀，好似吞拿魚壽司、魴鮄壽司、深海池魚壽司、真鯛等，絕對唔野少 😍😍 呢個深海池魚真係非常有咬口，肉質較爽帶帶鮮味，推薦👍🏻 呢一舊壽司就真係比較特別，我都係第一次聽，佢叫做魴鮄。 食落較鮮甜，肉質較冧身，配合蘿蔔蓉真係幾夾，推薦👍🏻…查看更多

上星期，同女朋友去咗荃灣一間修裝好靚，好有feel嘅歐式小木屋食西餐😋 我哋嗌咗個set dinner，餐湯係南瓜湯，飲落好濃郁，但係略嫌個包有啲太乾，要點湯飲先得，而我哋appetizer揀咗半熟吞拿魚伴三文魚籽，呢個菜式係我第一次食，原來半熟嘅吞拿魚口感又幾特別，配埋啲三文魚籽食，更顯鮮味！而主菜我哋揀咗頂級韓牛封門柳，雖然份量唔多，但肉質超級嫩滑，牛味好重，果然係頂級韓牛😋 點上芥末籽醬食，好有歐陸風味，好推介👍🏻除此之外，我哋仲嗌多咗個意粉，煙燻帶子海膽意粉，啱晒鍾意食海膽嘅我哋！意粉al dente，每條都好掛汁，仲好重海膽味嘅鮮味，面頭煙燻過嘅帶子雖然細細粒，但食落爽口彈牙，再配埋鹹鹹地嘅三文魚籽食，好夾好鮮味😆飲品方面，我哋嗌左一杯叫Girls generation嘅mocktail，以唔同種類嘅莓溝埋ginger ale，味道超fresh，同埋個杯勁有異國風情feel，好似即刻去咗海灘嘅小島咁🤣終於到咗期待已久嘅甜品時間，呢個set會送上一個細細哋嘅麵包布甸，雖然細細個，但係打卡一流，賣相好吸睛🤩 食落味道偏甜，配埋煉奶同埋朱古力醬，中意甜食嘅朋友一定唔可以錯過🤣呢間歐陸西餐廳非常推介，一嚟嘢食非常之唔錯，二嚟超級中意佢個環境，好似去咗外國嘅餐廳咁，相當有歐陸風情😍…查看更多

Chur 左成個星期，真係要Chill 一下好好慰勞一下自己！😠 首先整番一打蠔先，$10 隻真係太吸引，忍唔住叫左黎試下，起初以為平平哋食唔會有啲乜嘢好驚喜，點知Harty 呢種蠔又真係比我想像中好食好多倍！😱😱 佢唔會係腥味好濃果種，反而有海水的淡咸得黎，又好Creamy , size 就ok, 味鮮十足，真係好大驚喜😍😍前菜食完，之後就上咗兩個湯同埋麵包，味道正常，紅湯偏濃，還可以✌🏻 之後叫咗兩個主菜，一個係香草檸檬烤春雞（半隻）一個係熱石燒蒜片牛柳粒（220g) 個香草檸檬烤春雞燒得幾好，唔會好老，肉質幾嫩，亦有勁smooth 薯蓉墊底，唔錯唔錯👍🏻至於個熱石燒蒜片牛柳粒有得食又有得玩，仲可以因應自己的口味去調較生熟程度, 正😻配埋杯1664， 真係Chill滿足🥰 …查看更多

上星期三同左朋友去旺角食飯，我哋book咗一間打邊爐放題，貪佢一至四食有85折，於是我哋嗌左個最貴嘅set，安格斯牛小排花膠火鍋 喺未打邊爐之前，餐廳會送上餐前小食，係炸魚蛋同炸燒賣俾我哋一邊等一邊食，味道正正常常，但好欣賞呢一點，感覺好為客人着想由於朋友係雞煲愛好者，於是我哋湯底都揀咗招牌麻辣花膠雞煲，雞煲有少少辣，但好惹味，雞件有好多舊，肉質都偏嫩滑！而花膠就比較普通，係硬身爽口嗰種，不過作為配料嘅豬皮同豆卜就非常入味，好食係食肉獸嘅我哋每份肉類都嗌左一份，最好食當然係佢嘅安格斯牛小排，佢嘅油脂分布得好靚，完全無筋，食落好嫩滑 而其次就係牛頸脊，牛味較出，但就偏瘦一啲！而其他火鍋配料我哋都嗌左唔少，當中比較推薦嘅係佢嘅丸類，包括墨汁墨魚丸同埋爆漿魚丸，大大粒之餘，入面嘅餡料仲好豐富下，墨魚丸入面真係有唔少墨魚肉 另外佢嘅魚皮餃都好抵讚，比起平時出面食嘅再大隻啲，咬落又有少許煙韌，唔錯 除此之外，佢呢度嘅響鈴係包埋紫菜喺入面，第一次食好特別，未試過嘅朋友仔一定要試吓最後，我哋食到勁飽，整體嘢食質素都好唔錯，全程都冇食過啲咩好伏嘅嘢 而且環境好闊落，裝修走懷舊風，仲有波睇添，星期五同成班同事過嚟happy Friday下都咪話唔過癮！…查看更多

收工同朋友起旺角行街，行到餓餓地就去左登打士廣場到搵左間cafe坐底食下野，由於過左晚餐時段，唔洗等位就成功入座， 店內的裝潢擺設新淨，店員的服務態度非常親切。朋友同我行完街一輪已經又累又餓，一坐下來就即刻落單。我地叫左個二人set，小食方面叫左炸薯條配黑松露醬，黑松露醬又香又惹味，用黎蘸薯條真係非常match,值得一試。而主菜方面，叫左特濃龍蝦汁帶子蟹肉意粉和德國鹹豬手配薯角。首先，意粉的醬汁非常濃郁，加埋海鮮的配搭，色香味俱全。鹹豬手方面，用蜜糖烤外皮酥脆，內裡肉質鮮嫩，咸甜之間取得一個微妙的平衡。最後當然唔少得甜品，我地叫左紐約芝士餅和士多啤梨比利時窩夫，為我地晚餐劃上完美的句號，非常滿足。…查看更多

疫情之下，可以同friend一齊食下飯已經是一件好難得的事，更何況是Happy Friday , 當然要搵間餐廳好好咁發泄下累積的負能量。同friend search 左一輪最後搵到灣仔有間川菜館裝修同氣氛都唔錯，決定去試試。餐廳位於商廈裡面，一出𨋢就見到勁多sofa seat，夠哂chill。我同friend坐左起靠窗的卡位，一坐低已經有待應過黎招呼，待應不單服務態度親切，仲好有耐心為我地講解餐牌。飲茶方面，我地揀左鐵觀音，嘆下茶之餘，值得一讚既係呢間餐廳連茶具都非常有美感，至於野食方面，頭盤點左涼拌土豆絲，味道和口感酸脆爽口，非常開胃，為我們兩道主菜出場前開下胃先。第一道主菜是茶燻樟茶鴨，人少少我地淨係叫左半隻鴨，不得不讚這一味樟茶鴨，離遠聞到有股濃郁的煙燻香氣，食落更加是皮脆肉嫩。重頭戲當然係第二道主菜 - 老壇酸菜魚 ，一上枱個份量已經有D嚇親，勁大盤又足料，湯頭微辣回甘散發一股麻香撲鼻，選料方面我地揀左巴沙魚 ，滑溜又唔腥，招牌老壇酸菜酸脆爽口 而湯。…查看更多

今日又係外賣日，咁岩行過灣仔瑞安中心見到呢間野隻豬好得意，所以走埋去睇吓，點知原來係外賣燒味飯。但係呢一隻燒味飯同我哋平時食開嗰啲真係好唔同，佢門口個design show 埋個飯桶入面，原來佢分開兩層，一層叉燒一層飯，都幾吸晴。 於是同個同事買咗兩碗加埋個小食嚟試吓本身想試柚香叉燒菜飯，可惜未夠1:30已經賣晒，所以我哋叫咗一個辛麻味、一個焦蜜味黎試吓。一返到公司我哋急不及待食咗個小食先，個咖喱墨丸真係好好食！瑞士雞翼同平時嗰啲差唔多。至於個飯上面有一隻溫泉蛋，劏開啲蛋漿撈埋啲叉燒同埋飯一齊食，真係非常之咁match！😍😍 啲叉燒又唔會好老唔韌，仲要岩岩好一羹菜飯加一粒叉燒放落口，好方便好正🙌🏻🙌🏻 可encore 🤟🏻…查看更多