mandy1106的个人专页

2019年6月15日（六），是616遊行前夕，同時是父親節的前夕，由於唔知聽晚遊行行到幾點，所以就決定提早一日出街食父親節飯。難得兩老肯走出城，便去我好鍾意嘅莆田食飯。真好彩仲有做蟶子（因為係季節野），呢季計埋呢次食左5次，今次叫左鐵板鹽焗蟶子同紅菇鮮蟶湯，今次d蟶子比上幾次大隻，隻隻肥美飽滿，鮮味十足；鐵板鹽焗食到原汁原味；紅菇鮮蟶湯，除有蟶子鮮甜，仲有紅菇的菇香，味道十分和諧，好適合夏天食。我地仲有叫四小拼，係前菜來的，有九轉小腸（入味彈牙唔肥膩）、蝦苗水頭紫菜（十分清爽鮮香且無砂）、鹵水豆腐（入味豆腐嫩滑）、水晶豬蹄凍（每一口都係骨膠原，冰冰涼涼好啱呢個天氣食）。主食叫左興化炒米粉，待應見我地四個人，所以問我地洗唔洗加大，加大抵食好多😂；呢個米粉真係好好味，米粉嘅質地有別於一般的米粉，好幼身，師傅功力好丫，無咩油仲無炒斷d米粉，海鮮十分新鮮，蝦彈牙，蜆肥美，配埋個自家製辣醬，絕配。仲叫左個肉肉，好似叫閩香洋燒排，好入味，入口即化嘅感覺，唔錯；墊底的是淮山黎㗎，沾點肉汁，十分可口，感覺又好健康😂。最後係酥炒芋心，十分香糯，真係芋頭的中心部份，外面甜甜的，有少少反沙芋的影子，但比反沙芋健怡，沒有負擔。最後想講講服務，待應均十分專業，反應快又有禮貌，好笑容，一個美滿嘅晚餐。…查看更多

今日響上環上完堂，搭叮叮落銅鑼灣行下街啦，揹住個saxophone 行左一陣就攰攰地，所以想搵個可以坐得耐少少嘅地方食lunch。朋友提議打邊爐，但我好怕d蒸氣蒸住塊臉，於是就決定食燒肉。食韓式定日式好呢？佢就鍾意食韓式夠惹味，我就鍾意食日式無調味的燒肉，響openrice搵到呢間熊本燒肉可以滿足到兩個人的胃口。大熱天時仲要食燒肉，環境真係好緊要，呢度座位闊落，冷氣足夠之餘通風又好。我地食lunch放題，食物種類都算多，燒嘅有豬、牛、羊、雞、海鮮及蔬菜，另外仲有刺身同熟食，全部都係用機落單，既環保又衛生（唔洗個個「哄」過d食物），飲品就自己響雪櫃攞，有糖無糖，有汽無汽，式式俱全。如果想飲啤酒要加六十幾蚊，價錢都好合理。食物質數方面，我地都好鍾意食牛，所以每樣都點左d黎試，最最最好食的係醬燒牛仔骨，調味剛好，不會太濃，帶甘口，加上油脂分佈好，不知不覺叫完再叫。另外牛胃又係好好味，已經熟左及入了味的，質感軟得黎有少少𡁻口，再輕輕燒香，勁正。牛腸唔係間間燒肉放題都有，過火燒一燒立即油香四溢；仲有牛舌，係厚切的，沒有預先調味，加上少少即磨胡椒及粉紅岩鹽，絕配。雞方面，叫左雞軟骨、大蔥雞串、明太子雞翼同岩鹽雞翼，雞軟骨燒香脆後，真係好好送酒，但今日無叫酒，就以茶代酒啦；雞翼十分肥大，夠落本。刺身方面，雖然精緻，但十分新鮮，可放心食用。海鮮方面，叫左大蝦、扇貝、青口同多春魚，雖然係急凍貨，但質素十分高，尤其是大蝦，係彈牙的。熟食方面，一定要試烏冬，好滑又煙靭，食到辣的可叫地獄湯烏冬，真係堅辣，上面塊叉燒輕輕燒過十分香口。最後，食完每人仲有杯haagendazs雪糕做happy ending 。總括而言，以二百零蚊食呢個燒肉真抵食。仲有店員十分細心，我地食完蝦，即遞上濕紙巾，加晒分啦。…查看更多

今日同男朋友去銅鑼灣感受下七人欖球賽嘅氣氛，行到攰攰地便搵地方抖下，食下野。呢排天氣濕濕熱熱，搞到個人胃口都麻麻，想食啲清清地冇咁油膩嘅野。琴日行過馬鞍山知道莆田做緊蟶子嘅推廣，便去利舞台莆田看看有沒有做，好好彩一樣有做。今日天氣太熱，想食d清爽野，便叫左冰鎮苦瓜做前菜，上枱十分吸晴，整到食朵蓮花咁，配左個蜜糖伴吃，甘甘甜甜就又如人生丫，苦瓜片薄，十分爽脆新鮮，食後喉嚨十分舒服。跟住嘅係主角莆田蟶子出場，好似日本名丫，正式嘅名係哆頭蟶子，店內的電視不斷播有關嘅介紹。但貪食的我只顧眼前嘅蒜蓉清蒸蟶子同鐵板鹽焗蟶子，蒜蓉清蒸聖子的蒜蓉是輕輕炸過的，蟶子是開邊蒸的，蒸得剛好，再配合埋已調較的豉油，十分惹味，如果有碗白飯就淨撈汁都可食一碗飯；鐵板鹽焗聖子食得出最原始的鮮味，隻隻肥美飽滿，一放入口一咬，鮮味在口內爆發。話明清清地，梗係要食豆腐啦。我哋點咗個家鄉燜豆腐，感覺有啲似老少平安但沒有魚肉，用砂煲煮的能一路keep住個好熱嘅溫度，豆腐好有豆香，再配佢自家製嘅辣媽辣椒醬，簡直係天衣無縫，辣椒醬是酸酸的，有點似泰式嘅醬汁，十分醒胃。食開咗個胃，便要叫個紫菜燜飯來填填個胃，又係用砂煲上，可以慢慢欣賞都唔怕凍。紫菜燜飯鮮味十足，感覺清爽沒有負擔，好輕易唔覺唔覺就食晒。最後在店員推介下點左個甜品，叫黃金京粿，係外面包了脆焦糖嘅粿（類似年糕但比年糕爽身的），雖然食材簡單，但出奇地好食。總括而言，整體食物相當有水準，環境又舒適，服務又欣勤，呢餐食得十分愉快滿足。…查看更多

今日倍父母親大人去銅鑼灣探亞姨，好耐冇一家出街了，問吓表弟附近有乜食，佢話銅鑼灣會多D選擇，有間放題都幾掋，又多野食。都好喎！好似好耐冇同父母食放題！間餐廳叫極尚大瀛喜，響銅鑼灣廣場二期，好近地鐡站，非常方便，成棟大廈都係餐廳，所以要排隊等lift，上到5樓，幸好不是太多人等位，好快安排到入坐！餐廳有一個位置自取飲品、甜品和小食，都幾多選擇，頗欣賞餐廳细心的是有冷熱飲品外更有些常溫飲品和花膠湯供客人選擇！讚！此餐廳更可用智能手機落單查單，方便之餘亦非常環保！細佬好快手已經點左一D食物，唔知係咪因為手機落單快好多，好快已有食物送到，嘩～！D刺身好新鮮喔，甜蝦同元貝都好正，好鮮甜！之後其他食物好快到齊，亦沒有漏單，服務亦好好，收碟好快亦有禮。個人覺得熟食都好好食，蒲燒鰻魚、西京燒比目魚好好味，燒得剛好，唔會太乾，燒過的菠蘿，更甜美，燒牛舌好嫩，好香，調味又好，唔會太咸，最特別是日式放題竟然有炆花膠食，而且味道都唔差。牛肉煱甜甜的，牛肉又嫩充滿油香！最後當然要食個雪糕當甜品，但比我發現有豆腐花，細細盒，不會太飽肚，太好了！…查看更多

皇太后（媽咪)話想食牛排，咁啱男友上星期去完朋友新屋入伙gathering ，話朋友整左D牛排好得。就叫佢問吓起邊度入貨，琴日收早，就同男友落觀塘買材料先。間食材店叫賣肉求榮-進材食品，位於觀塘D工業大廈內，離港鐵站都唔遠，幾易揾。上到去，店子不算很大，但食材種類都不少，有多種牛排，如：澳牛、和牛、美國牛外，還有急凍海鮮，罐頭食品及酒類。店員好詳細介紹每種牛排的特色及分享煮法，幾細心，我一眼已經比成2寸厚的prime級西冷吸引，但男友想食肉眼，話淋D，咁就每種都要啦，之後男友又說想食帶子，店員就介紹左一隻北海道刺身級2XL帶子，真的好大隻！最後店員更介紹左隻澳洲甜餐酒，一於試一試。2寸咁厚的牛排，一般我之前都是用慢煮的，但店員話每邊煎2-3分鐘，再焗10分鐘，除了可保留肉汁外，肉質亦會比慢煮好，所以就試一試，prime級果然肉味十足，肉汁飽滿，唔洗慢煮都夠淋，一落鑊煎已成屋牛排香，皇太后食後非常欣賞！隻2XL帶子，我每邊煎一煎再配沙律菜食，帶子煎過非常香，外香內鮮甜，男友一路食一路讚～！…查看更多

見食評一致好評便同家人試試啦，兼用埋openrice訂位18:00有七折。環境是不錯，但奧海城分店更好更靚。好，講講食物，一心黎食蟹，當然要食返夠皮，叫左胡椒蟹、花鵰蟹同埋龍虎燴；胡椒蟹係好惹味嘅，蟹嘅質素都係三碟中最好，實肉有羔；花鵰蟹好清帶少少酒香，有層薄薄的蛋，蟹嘅質素麻麻地，雖然好肉，但肉係淋晒唔似活劏；龍虎燴係招牌菜，味道係唔錯，椰香喇沙味，但用料就差勁👎，蟹係水蟹，同經理講佢好有禮貌地講海鮮嘅嘢好難有保證，蜆勁多沙，食到一口都係沙，煲底都有沙🙄🙄🙄，正價仲要四百幾💸我地第一、二枱落單，招牌扣肉包就話賣晒🙄；不過都有d好食野嘅，臘味炒飯係炒得好香，飯係粒粒分明又有𡁻頭；胡椒豬肚湯就好香胡椒味，豬肉好香肉味；其他的不過不失。…查看更多

今日倍父母親大人去牛頭角探亞姨，好耐冇一家出街了，問吓表弟附近有乜食，佢話觀塘會多D選擇，有間放題都幾掋，又多野食。都好喎！好似好耐冇同父母食放題！間餐廳叫極尚大瀛喜，響APM隔離楝亞太中心，好近地鐡站，非常方便，成棟大廈都係餐廳，所以要排隊等lift，上到5樓，幸好不是太多人等位，好快安排到入坐！餐廳有一個位置自取飲品、甜品和小食，都幾多選擇，頗欣賞餐廳细心的是有冷熱飲品外更有些常溫飲品和花膠湯供客人選擇！讚！此餐廳更可用智能手機落單查單，方便之餘亦非常環保！細佬好快手已經點左一D食物，唔知係咪因為手機落單快好多，好快已有食物送到，嘩～！D刺身好新鮮喔，甜蝦同元貝都好正，好鮮甜！之後其他食物好快到齊，亦沒有漏單，服務亦好好，收碟好快亦有禮。個人覺得熟食都好好食，蒲燒鰻魚、西京燒比目魚好好味，燒得剛好，唔會太乾，燒過的菠蘿，更甜美，燒牛舌好嫩，好香，調味又好，唔會太咸，最特別是日式放題竟然有炆花膠食，而且味道都唔差。牛肉煱甜甜的，牛肉又嫩充滿油香！最後當然要食個雪糕當甜品，但比我發現有豆腐花，細細盒，不會太飽肚，太好了！…查看更多

好耐無食過泰國野喇，朋友介紹左呢間泰國菜館，適逢家中有人生日，於是就book左呢度食慶祝生日飯。我地一行六人，叫左1. 蝦餅2. 柚子蝦沙律3. 青木瓜魚鬆沙律4. 泰式生蝦5. 芒果軟殻蟹米卷6. 冬陰公湯7. 鐵板蠔仔蛋8. 明爐烏頭魚9. 燒魷魚10. 燒西冷11. 炒椰菜仔12. 泰式金邊粉13. 蝦羔炒飯14. 泰式甜品併盤全部都好好味，當中我會推介4樣必食，第一係柚子蝦沙律，柚子新鮮好甜，大蝦彈牙，配料椰片腰果十分香脆，醬汁酸甜辣調較得十分平衡。第二係冬陰公湯，味道香濃得黎，酸辣味又較得剛剛好，皇太后仲要添飲。第三係蝦羔炒飯，蝦羔味不會太濃，夾著泰式的臘腸，好似泰式臘味飯咁，十分惹味討好。第四係泰式甜品併盤，呢個無得頂，又凍食亦又熱食，部分甜品帶咸味，咸咸甜甜，多食唔覺膩。…查看更多

早排聽朋友講呢間lunch 幾好食，價錢都唔算貴，今日咁啱附近做野就上去試下先。我地嗌在「老壇酸菜雙人餐」(即係酸菜魚)、「碧綠脆筍」、「正經的雞被撕」(即係手撕雞)，同埋「雨露均沾」(即炸年糕)，跟餐仲有飲品，酸梅湯就免費，其他加10蚊。前菜，個人好喜歡「碧綠脆筍」，麻而不辣 ，鍾意麻辣，但唔食得辣既人就啱晒，下次都一定會ENCORE。而「正經的雞被撕」，除左雞肉，配料仲有香香既莞茜，同乾辣椒，整體味道濃淡適中，有點偏辣，要小心咬到「炸彈」。「老壇酸菜雙人餐」，一大鍋酸菜魚，主角魚係新鮮魚，爽甜;大配角酸菜，都非常出色，好似係廚十三自家秘製。甜品「雨露均沾」，黏黏的甜甜的，煙煙韌韌，味道有點似煎堆呁香口，而味道就係甜味，食完辣再吃小甜品中和返!…查看更多

好耐冇同爸媽飲早茶，今天返晏，就伴吓兩老和家姐飲吓茶，做個乖乖女，想靜靜地舒舒服服坐吓，天澄閣絕對係不二之選，十點去到，不用等位，枱擺得不太密，相比海港、富臨呢度真的安靜很多，先看看特惠點心，11:59前落單依然有得叫，臘腸雞飯和鳳爪排骨飯都是15.8，非常掋食，牛肉腸粉亦只是19.8，呢度仲有現在很少酒樓會做的臘味糯米包，好耐無飲茶，乜都想食，仲叫左：排骨飯，雞飯牛孖根、鮮蝦菜苗餃、素材粉果，馬拉糕，蒸饅頭、蝦餃燒賣當然不可少啦所有點心都好好食，特別是蝦餃，皮薄餡靚！臘味糯米包，臘味香、糯米飯乾爽，非常好味！腸粉，皮薄，滑滑的，餡料亦多。抵食～！…查看更多

今天男友外甥生日，邀請我一同去食自助餐興祝，好耐冇食過帝苑，準時6:30去到，嘩，都幾多人，D枱擺得密密的，不過環境舒服，而且有人現場表演唱歌，氣氛好好，我們坐得非常近食物枱，非常方便，當然先試一試冷盤，有凍龍蝦，松葉蟹腳，蝦，蜆，面包蟹，但可惜質素一般，比較瘦冇乜肉，叫做試吓算了，再行一圈先，食物總類凡多，中式燒味、羊腩煲、煲仔飯，日式串燒，刺身、泰式炒蟹，烚海鲜、西式焗羊架保雲酥，各式沙律、忌廉白汁青囗，蟹肉松露酥，燒牛肉扒，而且每位有一客味噌甲羅燒盛松葉蟹膏配意大利飯加一隻鮑魚，當然仲有豐富的甜品啦，熱盤質素比冷盤出色，蟹肉松露酥，啖啖松露香，焗羊架保雲酥，羊肉鮮嫩，但羊腩煲更加好食，味噌甲羅盛偏咸，反而意大利飯好食。8:25開始有人排隊，原來是取雑果拿破輪，當然要排一排啦，酥皮硬左D，老實自Tony wong走後，甜品真的退步了。…查看更多

今晚同家人dinner後，散左陣步消化左d後，就行上新世紀廣場食返個dessert，咁就行左入Godiva喇😂😂。我點左個黑朱古力軟雪糕，軟雪糕嘅朱古力味香濃，質感絲般幼滑，甜度恰到好處，朱古力脆筒也圍著黑朱古力及果仁碎，豐富口感之餘還帶多一點堅果的香氣，雪糕上插著一小片黑朱古力，令成件事變成雙重享受。一杯50大洋的黑朱古力軟雪糕為忙碌的一天劃上完美嘅句號。不過我在堂食時，雪糕姐姐一路都唔識笑，說話都唔多句呢～…查看更多

每星期差不多也要食譚仔一次，今日見唔知食咩好，胃口又一般般，就自然想起食譚仔嘅酸辣米線，趕在12:00點前達陣就唔洗等位。今日點左個豬潤普通酸辣米線，麻辣豬耳及凍檸檬咖啡少冰少甜。豬潤普通酸辣米線，豬潤比較碎，但爽嘅，今日d米線唔知點解好硬下，好似未發透咁，湯又比平時淡，唔夠酸，好難先食完呢碗野。麻辣豬耳，爽口，個汁係無得輸嘅，因為碗野太唔夠酸，要靠呢個汁起死回生。凍檸啡暴露左呢度培訓不足，第一次拎黎，凍檸啡竟然落埋奶，跟樓面講仲同我理論是這樣的，最後資深店員主動出黎教返個樓面同水吧，當然換返杯正常嘅檸啡出黎，但無少甜咁囉。仲有試食左粒同行的墨丸，淥到無晒味且好粉，以前係好香好彈牙的，是換了供應商令品質下降？還是烚得太耐呢？🤔…查看更多

今日放假，又去大埔街市買D靚料凖備今晚食餐好既，勞動之前，當然要醫醫肚先啦，街巿熟食市場粉麵食到悶，家姐話行遠少少，朋友介紹左一間茶餐室好好食㗎喎，萬芳冰室，內𥚃裝修有些懷舊風，牆壁上畫了一幅如電影海報的壁畫，好正，未坐下已被鄰枱枱上的一碟炸雞肶飯吸引，好大隻炸雞肶呀！，亞媽已話要食炸肶，不過佢唔想食飯，所以叫左炸雞肶丁麵，家姐就叫左輝哥沙茶小鳳蝦炒飯，而我～！今個星期工作咁辛苦，哈哈哈～！當然要補充吓，所以要左個生炸無啇大雞肶煎蛋飯再加杯忌廉溝鮮奶～！絶配～！😋😋😋😋炸雞肶要等十多分鐘，返而炒飯先到，個性炒飯好香，帶點點沙茶香，飯粒粒粒分明，乾爽香囗，小鳯蝦彈牙但冇乜蝦味，總括來說好好食！炸雞肶好大隻，大過我塊面，炸得香硊非常，內𥚃充滿肉汁，配豉油帶點蛋汁白飯，非常正～！忌廉溝鮮奶，帶來不少兒時記憶～！…查看更多

一個人去食午餐，懶得等位就上左去王牌冰室食，留下食市全部都要等位，呢度就仲有枱。睇睇餐牌，算是偏貴，但上左黎又唔想落返去。咁就點了個特濃牛乳炒滑蛋叉燒蝦仁雙拼飯，滑蛋滑得黎有點太生，部份蛋白仍是透明的；叉燒肥瘦適中對味（不過應該是交黎的，攞貨攞得好）；蝦仁好似搭枱咁，係一個獨立個體，痴唔到蛋，又無咩味；飯只是溫暖唔夠熱且較硬；餐湯羅宋湯較酸，多菜，唔錯的；凍鴛鴦點了少甜少冰，茶味啡味都十分非常淡。呢餐多謝六十一個大洋，以呢個價錢，有改善空間。…查看更多