王牌冰室 (已結業)

一個人去食午餐，懶得等位就上左去王牌冰室食，留下食市全部都要等位，呢度就仲有枱。睇睇餐牌，算是偏貴，但上左黎又唔想落返去。咁就點了個特濃牛乳炒滑蛋叉燒蝦仁雙拼飯，滑蛋滑得黎有點太生，部份蛋白仍是透明的；叉燒肥瘦適中對味（不過應該是交黎的，攞貨攞得好）；蝦仁好似搭枱咁，係一個獨立個體，痴唔到蛋，又無咩味；飯只是溫暖唔夠熱且較硬；餐湯羅宋湯較酸，多菜，唔錯的；凍鴛鴦點了少甜少冰，茶味啡味都十分非常淡。呢餐多謝六十一個大洋，以呢個價錢，有改善空間。