VinvindoubleVin的個人專頁

今日去左AIA果邊玩 玩完之後就周圍行下 係銅鑼灣見到呢間魚一壽司 門口好有日式風情應該都幾正宗 就入去食飯啦首先叫左露荀牛肉卷同牛油果軟殼蟹卷 爽脆既露荀同肉味濃郁既牛肉好夾 唔會覺得油膩而且層次豐富 而淡淡既牛油果肉配上炸得甘香可口既軟殼蟹又係相輔相承之作什錦天婦羅 有大蝦 矮瓜 蕃薯 大冬菇同尖椒 炸粉唔算厚而且無咩點調過味 所以可以食到唔同食材既原味 值得一讚三色刺身丼 有肥美三文魚 鮮嫩又厚身既帶子同埋甘香帶甜既海膽 加上開胃子薑片同日本珍珠米 係極高性價比既一個丼飯灸燒左口魚邊丼(醬油漬) 相對三色刺身丼 呢個丼用料只係左口魚裙邊 但因為用火槍灸過既關係 左口魚油好出 再滲落去D飯到 成個飯都充滿住魚油既香氣芝士燒生蠔 我本身比較少食熟既蠔 但呢個真係超正 因為佢用左好多芝士鋪係蠔上面黎燒 溶左既芝士可以拉絲之餘亦都好鹹香 加上creamy既蠔可以話係一絕既配搭吉列廣島蠔 食完個燒生蠔之後令我想試多個蠔 呢個吉列蠔炸得非常脆 而且相對上呢個蠔無咁鹹 更加能夠食得出蠔本身既鮮味燒鯖魚 比出面食到既淡少少 不過燒得個皮脆卜卜 D肉算乾身但唔鞋 師傅既技巧比常好牛舌芯串 用上一條牛舌最淋既部位 食落有少少化既感覺 加上黑椒同海鹽既襯托 令肉味更加出 值得俾Like…查看更多

呢排冬天天氣清涼就同朋友去 上環度睇下海 睇完之後就嚟到呢間Aha cafe由情侶開嘅小店食個飯🤣 首先叫咗個香煎鵝肝慢煮鴨腿伴松露蘑菇意大利飯 鵝肝好厚身而且煎得好香脆 外面有一層焦糖甜甜地幾好食又唔太肥膩 鴨腿經過慢煮之後好淋身 食落好嫩滑 而且松露嘅香味 同蘑菇嘅爽口都好襯鴨腿同鵝肝嘅味道 意大利飯煮得煙煙韌韌有口感 加上忌廉汁 令人食極都唔夠 鹹蛋黃忌廉醬蝦球貓耳朵粉 我本身都唔食鹹蛋黃但係呢個鹹蛋黃醬嘅蛋黃味唔太濃鬱所以失落令人容易啲接受 忌廉嘅香滑 完全融入喺貓耳朵粉入面 而且貓耳朵粉形狀可愛 搞到我都唔係好捨得食 蝦球亦都整得好彈牙 最後叫咗個酒心tiramisu 呢個整得唔太甜 所以唔太漏 甜甜哋 而且一切落去有好多酒流出嚟 幾特別…查看更多

大家都知道元朗出名多野食, 唔同地方既特色菜都有, 有大舖小店連鎖店, 之前趁住呢間"烤魚工房"推出8月優惠, 星期一至四12:00 - 17:00 任食配菜, 非常划算, 而且呢間烤魚店被譽為係香港烤魚界天花板, 裝修格局又走夜店風, 非常時尚, 聽講仲係年輕人必打卡網紅熱點店! 所以就決定同朋友食呢間啦! 首先就要自選一道烤魚, 有3種魚揀, 包括清江魚, 江團魚同海鱸魚. 我地就試左清江魚. 加上自選既香辣豆花湯, 我地都唔太食得辣既所以就叫左小辣. 辣度適中唔會辣到噴火. 而條魚都烤得好入味, 魚肉非常鮮嫩, 無泥味. 同一般既河魚非常唔同. 食左辣野又點可以唔叫返杯凍飲呢 我地叫左一杯芒果冰沙同一杯益力多冰沙. 益力多冰沙就比較酸, 好開胃. 芒果冰沙就甜d, 解辣一流. 而且仲有幾粒果肉, 好靚. 而冰沙慢慢溶化, 口感層次豐富 之後又叫左一客串燒, 非常多串, 而且只係$169, 有羊肉豬肉雞軟骨魷魚鬚同蛋條, 全部都有好香既孜然味道, 十分惹味可口. 最後又叫左一個紅糖糍粑, 好彈牙有咬口, 加上香甜既同糖同花生粉, 為呢一餐烤魚之旅劃上完美句號 呢間店果然名不虛傳, 係我心目中可以話係香港最正宗、最地道、最受香港年輕人歡迎的烤魚品牌店 無論環境口味同品質都係道地既大陸烤魚, 唔怪得可以媲美深圳探魚的烤魚, 而且成為連續6年既排隊王. 我地走既時候都已經非常多人係到等緊位. 全憑佢地用料新鮮而且口味驚艷…查看更多

今日去咗灣仔行街 見到呢間居酒屋 深夜都營業 星期四至星期六更加開到凌晨2點鐘 非常之方便附近上宵夜嘅朋友 雖然都已經幾夜 不過仲有幾多人喺度食緊嘢 我同朋友都想靜靜地 所以職員都好貼心咁帶咗我哋去個vip房度靜靜地食餐飯 首先有一個前菜 牛肉湯 係用牛舌黎整 肉質好細嫩 湯底亦都因為加咗黑椒嘅關係 幾惹味豬五花 肥肉同瘦肉分布平均 一層夾一層咁 層次好突出 而且燒完之後油脂逼哂出黎非常甘香雞肉棒 雞肉份量好足 加上特製既串燒醬汁 好好食燒牛小排 大家都知道牛小排係牛肉入面數一數二油脂重既部位 最岩就係燒 今次將牛小排既牛油溶化 再加上少少黑椒碎已經好惹味 原來再加少少秋葵 簡直畫龍點晴燒魷魚一夜干 同其他餐廳食到燒到乾既魷魚唔同 呢到燒到出面焦焦地 但內裡仲係有肉汁既 點少少海鹽已經鮮味十足沖繩豬肋骨湯麵 雖然好多人都唔會叫主食 但身為大胃王既我地又點會夠飽呢 呢個湯麵既麵質好有彈性 加上啲豬軟骨已經炆到啫喱狀 同開胃既子薑絲 真係好正鰻魚炒飯 用上富口感既珍珠米 淋上蛋味濃郁既日本蛋汁 加埋油脂同鮮味都頂級既鰻魚肉 成個配搭無論口感味道都令人十分滿足!…查看更多

今日又要喺公司度開ot啦 諗唔到食乜食中式點心都唔錯喎 荃灣鋿晶館平時午餐就食得多 外賣點心都第一次餐廳主打手工點心所有點心都係即叫即做 所以要等一陣先有得拎呀月半彎晶瑩鮮蝦餃 蝦餃皮薄有點煙煙韌韌嘅感覺 入面嘅餡料十分豐富有兩三隻爽口彈牙嘅鮮蝦秘製叉燒包 巨型叉燒包 包皮鬆軟 入面叉燒甜甜鹹鹹 肥瘦適中好姐潮州蒸粉果黑松露北菇燒賣皇 黑松露味同燒賣幾夾 一啲都唔會搶咗focus老爺子古法馬拉糕 勁大籠 好鬆軟而且香甜有咬口 帶點黑糖嘅味道係回憶呀…查看更多

做嘢做得咁辛苦梗係要獎勵下自己啦 今日嚟到美孚新邨嘅呢間友樂鮨食omakase 餐廳開業冇耐 入面嘅裝修都好新淨 有壽司吧枱 亦有四人座位啱曬唔同人士嘅需要 裝修當然係行日式風格 非常簡約舒服前菜三點 菠菜撈蟹柳蟹肉玉子配咗蟹膏味增土佐啫喱紫蘇花水雲北海道真蠔「仙鳳趾」 土佐啫喱紫蘇花 口感超creamy 蠔味濃郁 海水味較濃薄切石垣鯛 上面有紫蘇 柚子皮配酸汁一齊食赤貝 加左竹炭鹽同埋青檸汁* 北海道牡丹蝦 加上蝦膏蝦腦用麵豉調味嘅醬汁* 鮮北寄貝深海池魚 加柚子胡椒大拖羅甲夾紫蘇葉同赤身 上面加上檸檬汁同竹炭鹽 再夾住香脆紫菜火炙銀鱈魚壽司火炙秋刀魚壽司上面加薑蓉蔥蓉紫蘇花白子鰤魚腩火炙左口魚邊北海道海膽配白蝦 香脆紫菜清酒蒸鮑魚上面加鮑魚肝醬淮山煮魚 魚片加牛蒡 蛋白炸茄子…查看更多

今日去完大坑做嘢 就一個人搵食啦經過呢間肉骨皇 見到裝修非常之有特色 於是就入去食下 餐廳係食星馬菜夠曬特別 入面嘅枱櫈都用咗好多木 非常有旅行嘅感覺海南雞飯 海南雞預先已經去骨十分貼心 個皮同肉非常嫩滑多汁 油飯 造型係金字塔咁 好得意 值得一讚 雞味濃郁同時帶點淡淡嘅椰香氣 再配上特調黑醬油撈飯 簡直絕配怡保咖啡骨 豬肋排預先炸過再沾上苦甜香氣十足嘅咖啡汁 外脆內多汁一啲都唔油膩 仲有份量超大建議兩個人先好叫怡保白咖啡 咖啡口感細滑奶味濃郁 同時不失咖啡香氣…查看更多

今日同朋友去咗觀塘度行街行到咁上下朋友就話肚餓咁我哋就不如食埋飯先啦見到呢間哈哈燒好似又有得玩又有得食幾正所以就決定入去食飯 環境都算幾闊落飲品同燒烤肉食都應有盡有啲蝦非常生猛 全部都大大隻 一睇就知道啖啖肉跟住店員就上咗一個牛肉拼盤 有美國雪花肥牛同埋牛柳粒 一睇就知道係靚嘢 因為油花均勻 食落更加滋味驚喜 油香豐富而且牛肉味都好重之後就到燒蝦嘅部分 啲蝦個頭非常大 好多膏而且肉質好爽口彈牙 值得一讚海鮮拼盤包括鮑魚帶子蝦等等 全部都好新鮮 值得一提既係鮑魚爽口得嚟唔算好硬 老人家都食得到…查看更多

今日同朋友去咗大圍行街 行到咁上下我朋友就話肚餓 不過因為疫情關係 而家冇堂食 所以就決定去買外賣 咁啱見到呢間千之味 價錢好大眾化 而且質素好似幾好 就決定入去買啦首先叫咗一個壽司拼盤 有三文魚 吞拿魚 帶子 甜蝦 蟹子同玉子等等 全部都好新鮮 尤其是係帶子 非常鮮甜 加上我最鍾意嘅左口魚裙邊 油分豐富 食落啖啖甘香 值得一讚之後就到今日嘅主角三文魚刺身 叫咗一盤50件嘅三文魚刺身 非常足料 睇相就知道好肥美 每一塊都係酒店級嘅三文魚刺身 於算我同朋友都係刺身控都唔係好食得曬 呢一餐真係好滿足…查看更多

今日老細約左我地食晚餐 佢帶我哋嚟到位於尖沙咀粵海酒店嘅呢間金燕島潮式酒家到食飯 係米芝蓮推介嘅傳統潮州中菜館餐廳裝修非常有中國特色用咗好多木屏風等等佢裝飾 典雅得黎私隱度十足 而且坐得非常舒服 服務態度一流黃金蟹棗 外皮炸到脆卜卜 入面係滿滿嘅蟹肉同蟹粉 食落非常有口感而且鮮味十足 我最鍾意加埋佢配搭嘅蜜糖 食落甜甜地更加可以中和到油膩感潮州炒粗麵 炒麵炒得夠乾身而且一啲都唔油膩 火喉十足師傅功力深厚呀 上面仲加上一啲素菜同肉絲 都幾豐富福果清心丸豆爽 係我最愛嘅甜品呀 味道清甜 入面有粒粒綠豆入口即化 清心丸煙煙韌韌口感特別…查看更多

今日同朋友去咗銅鑼灣做嘢加行街 行完之後我哋都好肚餓 所以就周圍搵嘢食 見到呢間大澳德發 裝修好似幾古典風 而且價錢都幾大眾化 所以就決定入去食埋飯先我哋叫咗個三寶招牌瑤柱走地雞 雞肉鮮嫩無比 出到嚟雖然骨都仲有少少紅色 不過絕對係雞肉嫩滑嘅保證 加上用料豐富嘅調味料同矜貴嘅乾瑤柱 令到成隻雞嘅鮮味更上一層樓三弄脆皮豬手 豬手經過炸嘅工序之後外脆內軟 加埋餐廳秘製嘅醬汁同調味料 呢隻豬手喺出面冇可能食得到椒鹽鮑魚 將堅韌爽口嘅鮑魚用椒鹽煮過 惹味得嚟又保持住鮑魚嘅鮮味香蒜焗生蠔 雖然生蠔冇乜海水味 但係加埋蒜蓉之後都幾好食…查看更多

今日同朋友一齊去咗尖沙咀行街 行完之後見到呢間鄧記川菜 朋友就話想食因為貪佢夠惹味 咁我就捨命陪君子一齊入去食飯啦首先叫咗個前菜 朋友叫咗個醬香桃仁 甘香嘅核桃肉炸咗之後加上甜甜嘅醬汁 係今餐裏面小數唔辣嘅菜式川爆黃鱔 鱔糊可能大家都食得多 呢個四川式嘅黃鱔炒得幾乾身 加上麻子同埋辣椒 非常惹味 送到好多碗飯老壇子膏蟹 蟹非常多膏 頂曬角 蟹味鮮甜幼滑 加上四川嘅獨特香料同辣味 令到成個菜式又香口又惹味香烤牛肋骨 牛肋骨係原條上 非常得體 加上肉都好多 牛肉味重 油脂甘香可口紅糖糍粑 唔太甜但口感煙韌可口 加上富豆味嘅黃豆粉 為今餐劃上完美句號…查看更多

今日同朋友去咗旺角行街 朋友滿載而歸我就兩手空空 不過唔緊要啦為咗聚舊就梗係食埋飯先返屋企啦 行過見到呢間大瀛喜日本放題餐廳 好似質素幾好 最啱我哋兩個大食怪 所以就決定入去食飯飲品甜品同凍嘅海鮮都應有盡有 款式齊備 值得一讚蔥爆鱔 非常惹味 鱔肉可口彈牙花膠雞 非常滋補 膠質好重炸鮮奶 非常香脆可口 奶味濃郁燒鰻魚 同出面食到嘅差唔多西京燒 好脆口 魚肉油脂豐富 而且味道甜甜地 幾開胃魚生 包括三文魚油甘魚赤蝦等等 全部都好新鮮甜美羊架同芝士蝦都非常一流 好滿足…查看更多

今日同朋友去咗尖沙咀周圍行街 又去九龍公園玩貓 非常開心 行完之後朋友話不如搵埋嘢食先返屋企啦 咁就去咗呢間炎丸水產度食飯 入面裝修非常日式 值得一讚首先叫咗一個炸蓮藕 炸得好香好脆身 只係多咗啲油 不過都幾好食嘅之後就有一個刺身 有三文魚 吞拿魚 油甘魚 帶子同埋海膽 全部都好新鮮肥美 尤其是係三文魚同海膽 三文魚嘅油脂非常豐富 海膽非常之甘甜可口 令人一食上癮磯燒鮑魚 鮑魚好新鮮 仲識郁 燒完之後好彈牙之後又叫咗杯荔枝梳打 都幾甜 唔錯雜菜烏冬 烏冬係讚岐烏冬 好彈牙爽口 加上健康新鮮甜美嘅蔬菜 為呢餐劃上完美句號…查看更多

今日去咗深水埗到掃貨 順便食餐好嘅 眾所周知深水埗有好多好大眾化嘅餐廳 今日就同大家去呢間蚊蚊豬老火鍋度打邊爐首先就有一個海鮮拼盤 有白鱔青口鮑魚同埋蝦 全部都好新鮮 尤其是係白鱔 非常有魚油 食落又爽口 鮑魚竟然一啲都唔硬 但係就富有海水味 值得一讚跟住就食咗個雙冬羊腩煲 睇下就知道非常足料 有冬筍又有馬蹄等等嘅配料 全部都好入味 加上主角羊腩炆得非常軟非常滑 又有羊味唔太騷 好易入口 就算唔鍾意食羊嘅人都會一食上癮之後就食咗個手切牛頸脊 非常有咬口 鮮嫩嘅牛肉令人上癮 牛肉味非常重最後就要食埋個花膠雞鍋 花膠好補身 加上雞肉軟滑 為今餐劃上完美句號…查看更多