大瀛喜日本料理

今日同朋友去咗旺角行街 朋友滿載而歸我就兩手空空 不過唔緊要啦為咗聚舊就梗係食埋飯先返屋企啦 行過見到呢間大瀛喜日本放題餐廳 好似質素幾好 最啱我哋兩個大食怪 所以就決定入去食飯

飲品甜品同凍嘅海鮮都應有盡有 款式齊備 值得一讚

蔥爆鱔 非常惹味 鱔肉可口彈牙

花膠雞 非常滋補 膠質好重

炸鮮奶 非常香脆可口 奶味濃郁

燒鰻魚 同出面食到嘅差唔多

西京燒 好脆口 魚肉油脂豐富 而且味道甜甜地 幾開胃

魚生 包括三文魚油甘魚赤蝦等等 全部都好新鮮甜美

羊架同芝士蝦都非常一流 好滿足