蚊蚊豬老火鍋 (已結業)

今日去咗深水埗到掃貨 順便食餐好嘅 眾所周知深水埗有好多好大眾化嘅餐廳 今日就同大家去呢間蚊蚊豬老火鍋度打邊爐首先就有一個海鮮拼盤 有白鱔青口鮑魚同埋蝦 全部都好新鮮 尤其是係白鱔 非常有魚油 食落又爽口 鮑魚竟然一啲都唔硬 但係就富有海水味 值得一讚跟住就食咗個雙冬羊腩煲 睇下就知道非常足料 有冬筍又有馬蹄等等嘅配料 全部都好入味 加上主角羊腩炆得非常軟非常滑 又有羊味唔太騷 好易入口 就算唔鍾意食羊嘅人都會一食上癮之後就食咗個手切牛頸脊 非常有咬口 鮮嫩嘅牛肉令人上癮 牛肉味非常重最後就要食埋個花膠雞鍋 花膠好補身 加上雞肉軟滑 為今餐劃上完美句號