Don_L的个人专页

之前幫襯咗呢度兩次, 食過午市同晚市都相當OK.今晚又帶埋友人去試其他菜式, 一向懶到出汁嘅我今次終於的起心肝寫寫食評. 原因好簡單, 用心做食物嘅餐廳買少見少, 絕對值得多啲人發掘到呢度.芝士年糕:一客有4件, 炸到金黃色, 色澤幾靚.做到外脆內軟嘅效果, 咬開入面有軟滑嘅年糕同埋流心芝士, 好香芝士味.炸菇條:平時比較少食炸菇條, 所以叫嚟試試, 好有驚喜.炸菇都幾大塊, 一入口係香脆嘅外層, 之後食到鮮甜軟嫩嘅菇條. 食落一啲都唔油膩.點埋一齊出場嘅醬油去食, 味道就更加豐富.櫻花蝦炒野菜:估唔到有超級勁多櫻花蝦, 所以成碟菜都好香, 特別係啲菇同翠玉瓜都吸晒櫻花蝦香味! 仲有唔少椰菜, 紅蘿蔔同洋蔥, 勁足料....$52好抵食!鐵板洋蔥豚肉:呢個嚟到嗰陣都係勁香.....用鐵板上 熱辣辣仲噴緊煙! 豚肉係用咗豚肉片, 肉質腍軟. 洋蔥夠熟唔會辣, 仲食到洋蔥嘅甜味, 撈埋啲汁一齊食好好味. 呢碟一樣好足料, 無論豚肉同洋蔥都有唔少.荔枝玫瑰梳打:呢度嘅飲品都做得好出色, 唔單止樣靚仲係堅好飲! 飲落去嘅感覺係清甜清新. 當我覺得兩層顏色嘅賣相已經好靚嘅時候,原來內有乾坤.....上層仲放咗啲紫紅色嘅圓波冰粒!好奇之下問一問店主點解粒冰係紫紅色, 原來係用咗玫瑰花浸水去製作!喺呢啲細節位就更感受到店主嘅用心.通常出面飲玫瑰梳打只係飲到杯野有玫瑰味, 最多見到有啲玫瑰乾花喺入面㗎咋.甜品時間: 無二三烙芙為咗迎合友人呢個朱古力控, 揀咗特濃朱古力味.食咗第一啖, 友人連環讚好  "個朱古力味好正!" 我都認同, 可可味真係好香醇, 餐牌上寫嘅"特濃朱古力味"交足功課.長型嘅烙芙外表似窩夫, 入口似泡芙, 質地鬆軟又好香.下次一定要試埋我本身想揀嘅抹茶紅豆味.…查看更多

今日去沙田買野, 先坐低食個下午茶, 叫左碗酸辣湯底翠肉瓜雲吞米線. 呢度既酸辣湯底同普通米線店的有好大分別, 佢只係在清湯上面加D酸菜粒同埋類似泰式辣醬的辣椒, 感覺唔正宗, 但點知食落原來味道都可以, 上面有唔少韭菜, 湯底入面仲有一兩粒肉碎...雖然我只係叫小辣, 但辣度都好夠, 食到標眼水...而翠肉瓜雲吞都幾多有5粒, 但咬落口唔覺有翠肉瓜, 只係食到一大舊豬肉咁, 味道OK 但口感麻麻..米線就真係煮得過火了, 就咁睇張相都見到米線好粗身...應該因為煮得太耐所以發漲了, 食落口都好林身....完全唔彈牙..唔知廚房係一時失手還是這裡的米線一向都係呢種口感呢..價錢$30 另加$5凍檸茶, 凍檸茶反而幾好飲. 整體OOKK啦..…查看更多

今晚買咗一樽"京都綠茶北海道紅豆布甸" ($15) 試食, 這樽布甸用的是磨沙透明膠樽, 拎上手都幾輕身. 雖然膠樽係方便些但我總覺得用玻璃樽載住的布甸係特別好吃的....不過幸好食落發覺呢隻布甸味道都好好食喎, 綠茶味好濃郁好香,  仲保留到原本的茶甘,  並唔係假假的綠茶味. 布甸口感也好滑, 比較軟身食落有種CREAMY的感覺, 也不會過甜. 慢慢食多幾啖之後就開始食到紅豆香味, 綠茶和紅豆味道是很匹配的, 有少少紅豆味之下綠茶味仲好味咗. 而布甸的底部更加放咗粒粒紅豆, 紅豆質感綿綿幾好食.食完之後聞下個樽入面仲有一陣綠茶香味...下次會再買! 哈哈! 鍾意食綠茶味既人應該會比like!…查看更多

十月底有天下午同朋友嚟呢度食個tea set聚一聚, 我地都要咗“澳坊芝士漢堡”, 入面好足料, 有蕃茄, 芝士, 生菜, 洋蔥, 酸瓜, 芥末醬, 牛肉! 成個漢堡包好高, 根本係唔可以拎住就咁食...唯有用刀叉切開再逐層食啦...塊牛都幾厚有肉汁, 溫度就微暖而已. 個漢堡其實都OK, 但我始終覺得要一層層咁食係冇左食漢堡包既意義....! 我反而鍾意佢個粗薯條多啲, 份量好多, 好味但略為鹹得滯, 同埋唔算熱辣辣, 如果薯條再熱啲就正啦.  同朋友坐卡位幾舒服, 服務都不錯, 唔覺唔覺傾下計都坐左2,3個鐘....配埋飲品$78未計加一  當係聚會地方幾唔錯啦!…查看更多

甜品癮起, 入左vcity呢間半熟睇睇..今次買左呢兩款:半熟朱古力撻雖然出左一段時間, 但之前淨係食開抹茶芝士撻同埋原味芝士撻, 都一直未試呢款! 一買完即刻在店內食埋先...原來好好味囉... 拎上手仲係暖暖地, 一咬真係不得了, 朱古力味好香濃!! 入面既朱古力餡保持一貫既半熟滑溜質地, 好似朱古力mousse咁, 撻面口感都正, 一樣好香朱古力味, 就連撻皮都有朱古力味,  唔係普通既牛油撻皮! 雖然全部都係朱古力味, 但好彩又唔會好甜, 所以食完一個都唔覺膩口~ 瞬間鯨吞一個冇難度! $22一個, 我覺得抵食過4,50蚊既心太軟好多..完熟水果蕃茄啫喱包裝盒好靚好吸睛, 原價好似賣$16定17, 而家買任何一樣野再+$9就買到了~ 咁抵就當然試試佢啦...回家後即刻試下! 口感幾特別, 唔係以前食開既四方果啫喱嗰種, 而係類似寒天嗰種口感.  味道黎講, 蕃茄味好香, 酸甜度亦恰到好處, 好清新既感覺, 幾好食, 有驚喜!! 鍾意食蕃茄味既人應該會比like…查看更多

上星期五晚到呢間餐廳食DINNER, 見到有個好抵既餐, 25蚊 一碟 仲包熱飲! 喺呢邊呢個價錢簡直係無敵平... 雖然份量比較細碟, 白飯份量較少, 但雞都有好幾件, 似下午茶的份量, 對於唔係好肚餓的我都夠食了. 雞件都OK, 算嫩滑, 味道鹹鹹地都幾夠味的. 白飯上面有少少蔥油, 個飯底有少少豉油, 用黎撈飯都幾好味. 白飯質地都煮得唔錯, 結實可口有咬勁總結: 呢個餐啱晒唔想食太飽又想食平D既人~…查看更多

是日到了這裡買下午茶..半熟抹茶芝士撻外表墨綠色加上小小焦糖啡色的抹茶芝士撻, 樣貌並不及原味芝士撻的金黃色吸引, 不過一咬之下發現牛油曲奇撻底香脆鬆化, 內裡的抹茶芝士餡質感好輕盈, 既像慕絲又像泡沫, 味道慢慢食到淡淡抹茶甘香, 感覺幾清新, 又包含了芝士的香味, 比預期中好味!! 半熟原味芝士蛋糕店員提供埋冰塊給我外帶以保存蛋糕的質感, 一盒五件, 每件都有張紙條圍住件蛋糕的外圍, 確保拎到回家每件蛋糕不會走樣~ 每件外型的骰蛋糕呈橢圓形, 放入口口感綿密幼滑, 然後濃郁的芝士香味就滲出來! 蛋糕質感輕柔, 沒有heavy的感覺, 一口氣食個三個都唔係問題, 蛋糕仲有少少濕潤嘅感覺, 唔會太乾身, 甜度都啱啱好, 真係好食 …查看更多

今日在旺角經過這裡食個LATE LUNCH, 有下午茶套餐 $31, 一餸米線+兩隻烤雞翼+一杯豆漿.雞肉麻辣米線因為唔知佢辣度如何, 所以第一次就叫微辣試試先. 一放上枱, 好驚訝下午茶都有咁大碗! 熱辣辣聞落都幾香, 米線除了自選餸料還有腐皮、芽菜和韮菜, 份量都相當多, 令到整碗米線感覺蠻豐富. 呢度既米線係比譚仔粗身,質地偏林林地的, 自選餸料-雞肉雖然份量都有唔少, 但就有少少鞋, 唔係太好食. 湯底方面, 可能因為我叫了微辣, 所以麻辣味不明顯, 淨係食到有少少辣味. 而且食完米線都好口渴了一段時間, 相信味精都唔少..烤麻辣雞翼跟下午茶套餐有兩隻, SIZE略細隻, 不過係即叫即焗, 食落口香脆燙口, 內裡的雞肉都仲保持到肉質嫩滑, 麻辣香料幾惹味, 食完兩隻都有D唔夠喉. 下次會再食呢度既烤麻辣雞翼.…查看更多

自從食過一次太興的鮑汁雞翼撈公仔麵後，每隔一段時間都會掛住佢既味道！今日撞岩下午茶時間，又去回味下先。今次公仔麵煮得剛剛好，質地彈牙，鮑汁不會太多或太少，份量剛剛好夠撈晒個麵，抵讚！不過公仔麵的質地都唔係太穩定，有時會偏稔身，視乎當日廚房手勢和自己運氣吧而鮑汁是否真的是鮑魚汁，我就冇考究了，淨係覺得個汁幾香幾好味又唔會太鹹，撈埋公仔麵食好夾就係囉～上面仲有三隻雞中翼，唔算太入味不過肉質都嫩滑，而且大大隻！還有兩棵小棠菜伴碟，感覺冇食咁多肉咁跟餐仲有杯泡沫咖啡，都幾好飲，冇乜苦澀，不過我就唔小心落左兩包糖所以有點過甜，一包都夠晒了。…查看更多

曾經在沙田大快活食過好好食的魚柳早餐，今早到大圍照辦煮碗叫了魚柳滑蛋早餐。。點知中伏了！！一拎碟野埋位已經覺得塊魚柳個樣子和顏色有d古怪，點知切落去發覺真係完全唔脆的，原本諗住可能都係炸完放得耐又或者翻叮所以稔左，點知食落口就覺得魚肉好唔新鮮！好似霉霉地咁，仲有d粉紅色咁。 食左幾啖已經冇食了。好彩份滑蛋都保持水準幾好味幾嫩滑，塊多士就正常啦。反而杯咖啡有驚喜，原來大快活的咖啡幾好飲的，唔苦澀，幾香！下次唔會再在呢間大快活食魚柳…查看更多

今日和友人又來吃美味餃子, 二人點了10隻煎韭菜肉餃, 每人各10隻湯雲耳椰菜肉餃. 我再叫了一杯豆漿.煎韭菜肉餃:每隻都煎得好靚, 呈金黃色, 熱辣辣的好香口, 不過就難免會熱氣和油膩, 但真是十分美味, 每隻都大大隻, 比例上韭菜比豬肉多, 充滿韭菜香! 點少少枱上的自製菜脯豆豉辣椒醬就更加正, 有著豆豉的咸香, 少少辣, 為餃子添加了份惹味. 菜脯更增添了香脆爽口的口感. 湯雲耳椰菜肉餃:差不多每個食客都有食湯餃, 相信都是因為鍾情佢的湯底-野葛菜煲生魚豬骨湯吧! 確實幾好飲, 清甜無味精! 湯餃就更加食到餃子的皮滑和煙韌, 皮唔算好薄那種, 但就因為這種厚度才可以包住咁豐富的餡料吧, 每隻都有豐富的餡料, 菜的比例會比較多, 感覺更健康. 雲耳椰菜和豬肉三種食物配合起來原來很夾很好味, 個人黎講喜歡雲耳椰菜肉餃多過韭菜肉餃.豆漿:他們自家製的豆漿相當不錯, 飲落幾有豆味, 又唔會太甜!黎過好多次都係賣晒白菜餃....好想試下白菜餃呀! 下次試試要早點過來!…查看更多