自從食過一次太興的鮑汁雞翼撈公仔麵後，每隔一段時間都會掛住佢既味道！今日撞岩下午茶時間，又去回味下先。今次公仔麵煮得剛剛好，質地彈牙，鮑汁不會太多或太少，份量剛剛好夠撈晒個麵，抵讚！不過公仔麵的質地都唔係太穩定，有時會偏稔身，視乎當日廚房手勢和自己運氣吧
而鮑汁是否真的是鮑魚汁，我就冇考究了，淨係覺得個汁幾香幾好味又唔會太鹹，撈埋公仔麵食好夾就係囉～上面仲有三隻雞中翼，唔算太入味不過肉質都嫩滑，而且大大隻！還有兩棵小棠菜伴碟，感覺冇食咁多肉咁
跟餐仲有杯泡沫咖啡，都幾好飲，冇乜苦澀，不過我就唔小心落左兩包糖所以有點過甜，一包都夠晒了。
