德興雲南米線

今日去沙田買野, 先坐低食個下午茶, 叫左碗酸辣湯底翠肉瓜雲吞米線. 呢度既酸辣湯底同普通米線店的有好大分別, 佢只係在清湯上面加D酸菜粒同埋類似泰式辣醬的辣椒, 感覺唔正宗, 但點知食落原來味道都可以, 上面有唔少韭菜, 湯底入面仲有一兩粒肉碎...雖然我只係叫小辣, 但辣度都好夠, 食到標眼水...而翠肉瓜雲吞都幾多有5粒, 但咬落口唔覺有翠肉瓜, 只係食到一大舊豬肉咁, 味道OK 但口感麻麻..米線就真係煮得過火了, 就咁睇張相都見到米線好粗身...應該因為煮得太耐所以發漲了, 食落口都好林身....完全唔彈牙..唔知廚房係一時失手還是這裡的米線一向都係呢種口感呢..價錢$30 另加$5凍檸茶, 凍檸茶反而幾好飲. 整體OOKK啦..