piggyfoodie_hk的個人專頁

🍽 秘坊荔枝角青山道588-592號永盛工業大廈地下3號舖適逢今次🐽嚟到荔枝角，就決定瓹窿瓹罅去找尋吓好食嘅黃店💛偶而搵到呢間位於工廈地下窄巷嘅秘坊。雖然店舖嘅位置比較隱秘，開業亦只有一年多，但口碑好一樣帶嚟勁多捧場客，每次食飯時間都可以見到有廿、三十人喺度等外賣🥶而今次🐽就試咗幾款比較常見嘅車仔麵餸去睇吓佢嘅水準！🍽豬大腸辣魷魚滷水雞髀油麵 - 豬骨湯加麻辣醬[小辣] $47（🧡🧡🧡🤍）呢碗車仔麵份量十足，三款餸都食極都仲有🤤其實本身豬豬想試佢嘅招牌雞扒，但由於好賣到已經售罄哂，就唯有退而求其次揀左雞脾。幸好原隻滷水雞髀滷得肉質嫩滑又入味，而豬大腸亦滷得軟淋入味，而且洗得乾淨冇任何臭味💯辣魷魚就水準正常，口感爽脆。而湯底主要就靠佢嘅秘製麻辣醬提味，搭上爽彈嘅油麵，雖然只係小辣亦足夠掛上每條油麵🥴🍽煎蛋蘿蔔豬手粗麵 - 特濃茄湯 $43（🧡🧡🧡🤍）呢一碗就揀咗車仔麵必食嘅蘿蔔，鮮甜軟淋而且最重要係冇渣🤩而煎蛋就係兩大隻燶邊荷包蛋，兩隻煎蛋竟然只需八蚊，超值之選🤑而南乳豬手都煮得非常軟淋入味，但份量較少。特濃茄湯需要額外加$3，飲落除左蕃茄本身嘅味道一定加左茄膏，味道略甜，都幾啱我口味🤣總結: 性價比高，份量非常足料，豬大腸、蘿蔔及雞脾都值得一試！下次去一定要試到招牌雞扒！有食過嘅歡迎留言分享一下係咪真係好好味😋（5分滿分，🤍=0.5分）⁣⁣​環境 ：——————（外賣自取）價錢：🧡🧡🧡🤍味道：🧡🧡🧡🤍抵食指數：🧡🧡🧡🧡⁣⁣​ …查看更多

🍽鰹烏冬觀塘開源道60號駱駝漆大廈3期11樓O室長沙灣元洲街450/464號寶華閣地下4號舖佐敦彌敦道380號香港逸東酒店LG樓8號舖🐽黎到位於觀塘工廈嘅隱世烏冬店「鰹烏冬」食午餐，佢哋提供好多特別嘅烏冬，例如海苔、大麥、抹茶……但係好多口味下午已經賣晒，想品嚐嘅就要早啲嚟試！呢度嘅烏冬口感真係超級煙韌，完全係急凍烏冬俾唔到嘅口感，推薦大家一定要試吓手打烏冬😋😋骨付雞夏一鳥冬 （冷）$85 （🧡🧡🧡🤍）夏一鳥冬有豐富的配料，煙肉碎、生雞蛋、青瓜、紫菜……配合埋微酸嘅醬汁，食落好醒胃，啱晒夏天熱到冇咩食欲嘅日子🤤骨付雞係鰹烏冬嘅熱門菜式，一場嚟到當然要試一試！原來骨付雞係一隻大大隻嘅燒雞髀🍗，外皮燒得十分香脆，吃下去焦香又有蜂蜜的香甜。而雞肉落咗蒜蓉醃製，吃下去充滿蒜香，雞肉口感軟冧滑嫩，值得一試😋天婦羅柚子烏冬（冷） $104 （🧡🧡🧡）柚子烏冬係原味手打烏冬，另外加上一碗柚子汁。店家非常貼心把烏冬放在竹簾上，能夠隔走殘留在烏冬上的水份，視覺上亦充滿了日式風味。味道方面，柚子味香濃但是醬汁味道偏甜，而烏冬本身冇鹹味，所以味道比較單調🥲天婦羅入面有蝦、冬菇、茄子、多春魚以及魚肉，炸粉厚薄適中，食落去香脆而不油膩。關東煮 $32 （🧡🧡🧡🤍）關東煮食落去係醬油及清香鰹魚味，雖然細細一碗，但食材都幾豐富，有蛋、蘿蔔、高麗菜卷及竹輪。每樣食材都好入味，特別係高麗菜卷煮得非常軟冧，吸晒關東煮湯底嘅味道😋（5分滿分，🤍=0.5分）⁣⁣​環境 ：🧡🧡🧡價錢：🧡🧡🧡味道：🧡🧡🧡🤍抵食指數：🧡🧡🧡🤍⁣⁣​ …查看更多

🍽荳子 Beans荃灣海壩街99號地下🐽今次黎到荃灣嘅荳子Beans食午餐，相信大家對呢間黃店💛唔陌生，豬豬偵探早在幾年前係只有荃灣店嘅時候已經光顧過數次，估唔到過了幾年佢嘅分店已經遍佈港九新界，要讚嘅係食物品質竟然可以保持水準💯另一樣無變嘅就係店外長期大排長龍嘅情況，想嚟試下嘅朋友要有等半小時嘅心理準備🥶要投訴嘅係屯元天竟然一間分店都未有😭簡單介紹一下荳子Beans係以輕食為主，佢嘅意大利飯、意粉、甜點等都非常出色，今次我地仲試咗佢嘅All Day Breakfast，估唔到都幾高水準！黑松露軟殼蟹意大利麵 $98（🧡🧡🧡🧡）呢道意粉喺🐽每次嚟都會叫，要用好好食黎形容都不為過，上菜嘅一刻已經聞到濃濃嘅黑松露香氣，食落去黑松露香更喺口中瞬間爆發，醬汁配搭上彈牙嘅意粉濃而不膩，而主角軟殼蟹🦀亦炸得外脆內軟，再大隻少少就完美了，仲有幾種不同嘅菇係意粉入面，愛菌之人必定唔可以錯過🤩豪華英式全日早餐 $112（🧡🧡🧡🧡）呢個全日早餐非常豐富，入面每樣配料水準好高。尤其最有特色嘅就係入面嘅麵包轉用左窩夫，呢個冬甩型窩夫烘得外脆內軟，食落就好似啱啱整起嘅雞蛋仔咁充滿蛋香仲帶點蜂蜜味。拿破崙 (跟 set +$25)（🧡🧡🧡）一層層嘅酥皮非常鬆脆，夾層入面除左吉士醬仲夾雜些些紅莓醬幾有特色，甜甜酸酸咁幾醒胃🥴但對比起其他出品就稍為失色咗少少啦！（5分滿分，🤍=0.5分）⁣⁣​環境 ：🧡🧡🧡🧡價錢：🧡🧡🧡🧡味道：🧡🧡🧡🧡抵食指數：🧡🧡🧡🧡⁣⁣​ …查看更多

🍽 蒙麵紅磡差館里9-15號協輝大廈地下1號舖一提到紅磡嘅黃店💛呢一間蒙麵必定榜上有名，有嚟過嘅都知道呢間小店除左食物有性格，老闆本人亦都非常有性格，絕對喺全港獨一無二最有性格嘅車仔麵店🤪點解咁樣講呢，就係因為店舖貼滿「唔等得唔好幫襯，要好坐嘅可以去連鎖店」等各式各樣超串嘅標示😎而為何老闆咁有性格，呢間店一樣大排長龍呢？！就係憑著佢貨真價實、多款充滿心思嘅招牌菜💯 今次🐽就試左其最招牌嘅即叫即燒蜜汁叉燒串，蕃茄薯仔湯底及幾款蒙麵獨有嘅車仔麵餸！如果想知邊樣最正，就要睇到最後啦😛🍽特濃蕃茄薯仔湯底($12)+蒙麵($19)+五香牛筋($12)+蠔仔煎蛋($11)+鹵水大腸($12)（🧡🧡🧡🧡）呢個招牌自家製特濃蕃茄薯仔湯底超足料，附有幾舊蕃茄及一大舊薯仔。蕃茄湯濃而不膩，飲落好似平時屋企煲嘅老火湯，由於係車仔麵嘅湯底佢嘅調味會較濃味，但確保100%無味精，食完飲完都唔會好口渴！ 麵底方面，「蒙麵」係店舖自家製麵，口感其實就非常似平時食開嘅「真打烏冬」咁煙韌滑溜。配料方面，呢碗就叫左最常見嘅牛筋及大腸，鹵得非常入味軟淋，再加上佢地獨有嘅蠔仔煎蛋🤩煎蛋入面包住飽滿嘅蠔粒，每啖都充滿住蠔味🥰牛腩汁湯底米粉($14)+菜甫蛋角($10)+南乳豬手($12)+鹵水豆腐($9)（🧡🧡🧡🤍）另一碗就簡左最普遍嘅腩汁湯底，調味適中帶微微花椒八角嘅香氣，襯托起吸湯力十足嘅米粉也是不錯，當然不能媲美蕃茄湯，屬於正常水準。而配料中，可能🐽對傳統家庭菜情有獨鍾，認為三樣入面最出色嘅必定係菜甫蛋角，煎蛋配上菜甫真係絕配！呢樣餸亦喺坊間少有嘅心機餸，而南乳豬手及鹵豆腐都煮得非常軟淋入味！必食招牌-即叫即燒蜜汁叉燒串 $23/串（🧡🧡🧡🧡）呢度嘅叉燒串用了厚切梅頭肉去燒至全熟帶點焦脆，呢樣有賴老闆日積月累嘅經驗及對時間火喉嘅掌握。每舊叉燒都充滿蜜糖及微微焦香，惹味香口，勁似平時BBQ嘅灰火燒嘅成品。 叉燒有部份的確比較瘦，導致肉質口感比較硬實，亦都代表呢度嘅叉燒冇落太多坊間常用嘅「鬆肉粉」去醃製！整體而言味道/火喉掌握一絕，如果可以用更肥美嘅豬肉去做會更完美。但要理解用呢個價格成本黎講，老闆已經做得好完美！總結：必食推介為特濃蕃茄薯仔湯底，即叫即燒蜜汁叉燒串 及菜甫蛋角💯 其實每樣餸都係水準之上，但嚟到梗係要食啲比較獨特嘅招牌餸啦🤩（5分滿分，🤍=0.5分）⁣⁣​環境 ：🧡🧡🧡🤍價錢：🧡🧡🧡🤍味道：🧡🧡🧡🤍抵食指數：🧡🧡🧡🤍⁣⁣​ …查看更多

🍽阿元來了 觀塘鴻圖道28號地下後座🐽今次黎到遠近馳名嘅台菜黃店-阿元來了食飯，呢度嘅裝潢充滿著台灣8,90年代嘅懷舊風，嚟到嘅感覺就好似置身台灣咁🤩食埋佢地古早味嘅台灣地道料理，可以輕輕減低大家思台之情😢推薦大家可以一試嘅：香菇肉羹米粉、阿元魯肉飯、刈包及蚵仔煎🤩爆蛋雞肉飯 $43（🧡🧡🧡）台灣傳統嘅嘉義雞肉飯通常係用火雞肉，再淋上雞油或醬汁，咀嚼起嚟香口而不乾柴。香港比較少台灣菜餐廳有賣雞肉飯，所以見到阿元來了有爆蛋雞肉飯，就即刻叫嚟試吓！阿元嘅雞肉絲絲分明，有點像台灣梁記雞肉飯，但很可惜的是阿元啲雞肉較乾，食落去未至於塞牙縫，但不夠軟嫩。雞肉飯配搭了酸菜以及秘製醬汁，吃下去頗有古早風味。香菇肉羹米粉 $48（🧡🧡🧡🤍）由於呢個係湯羹，因此湯嘅質感是比較稠的。帶有濃濃香菇味嘅湯汁可以完全掛喺米粉度，感覺有少少似麵線，唔同嘅係米粉質感會比較彈牙有口感。肉羹嘅份量都不少，配搭上香菇湯汁非常夾！鍾意食香菇嘅朋友一定唔可以錯過呢道！阿元魯肉飯 $43（🧡🧡🧡🤍）🐽食遍港九新界不同嘅魯肉飯，阿元來了則只僅次於老厝邊的魯肉飯，本偵探就認為一碗魯肉飯是否出色就在於魯肉夠唔夠肥，夠唔夠黏口呢兩大指標😋而呢度嘅魯肉用上左肥瘦適中嘅豬腩肉，肉汁亦足以滲漏每口飯，每啖都會被油脂黏口嘅感覺，份量亦非常充足，但是調味略為重手偏咸，我就比較喜歡吃偏甜的魯肉飯，因此評分會比老厝邊的稍低🤤 新竹貢丸湯 $20（🧡🧡🧡）呢個湯食落真係有去咗台灣嘅感覺！湯底有香濃嘅炸蒜頭味，飲落去覺得鹹咗少少，而貢丸正常發揮，口感彈牙有豬肉香。刈包 $32（🧡🧡🧡🤍）白雪雪嘅刈包表皮香甜柔軟，入面夾咗酸菜、肥豬肉以及花生碎。肥豬肉肥瘦適中，瘦嘅位置都軟滑，唔使驚膩，因為入面加入左酸菜能夠中和肥肉嘅油膩。鹹甜交織，又會吃到淡淡的花生味，味道充滿層次。梅粉雞扒 $45（🧡🧡🧡）雞扒嘅炸皮厚薄適中，雞肉軟嫩。豬豬偵探覺得雞扒其實炸得唔錯，但係梅粉就唔太啱口味🥲食落去酸酸甜甜得嚟又有一陣梅香，整體配搭上嚟覺得唔太夾。蚵仔煎 $37（🧡🧡🧡🤍）台灣蚵仔煎會加入太白粉令到口感更加煙韌，但係部份店比例調配得唔好，就會好似食鼻涕咁🥲🥲阿元嘅蚵仔煎蛋的份量比較多，而粉漿份量較少，吃下去充滿蛋香，順滑而粉漿輕。煎得微微焦香，蚵仔🦪脹卜卜，一啲都唔腥，口感十分Juicy。（5分滿分，🤍=0.5分）⁣⁣​環境 ：🧡🧡🧡🧡價錢：🧡🧡🧡🧡味道：🧡🧡🧡🤍抵食指數：🧡🧡🧡🤍⁣⁣​ …查看更多

🍽 神燈海鮮酒家 (佐敦)佐敦長樂街14-20號18廣場地下及1樓🐽在油麻地上海街嘅老神燈滿載了豬豬偵探嘅童年回憶，仲記得細個食完飯就會扮肚痛，扭計要爸爸媽媽抱返屋企🤣🤣而重開嘅神燈海鮮酒家就只係沿用番舊名，不過老闆都係舊神燈嘅忠實顧客，相信應該會有舊神燈嘅影子。柚醋舟山海蜇頭 $108（🧡🧡🧡🤍）清香撲鼻嘅柚子味，醋唔會太酸，但味道比較淡，係一個非常開胃嘅前菜。農家煙燻黑豚叉燒 $228（🧡🧡🧡🧡）呢個叉燒非常好食！非常好食！用咗梅頭半肥瘦嘅部位，肥嘅部位食落爽口，瘦嘅部位食落鬆軟。雖然燒的火候未夠，燶邊香脆的位置可以更多，但係肉味香濃，質感爽滑，又有麥芽糖的香甜，絕對值4分。豬腳仔 $88（🧡🧡🧡）豬腳仔比較普通，主要靠沾醬來調味，而且煮得太軟腍，口感不佳，豬腳仔的豬皮應該是彈牙爽口🧐薑蔥鮑魚煲 $380（🧡🧡🧡🤍）呢度嘅海鮮售價不菲😂一煲鮑魚寫明得四隻，剩下都靠蔥來搭救。不得不說呢度嘅小炒好有鑊氣，食落香口味濃，鮑魚的質感彈牙又帶點軟腍，很容易就可以咬開，唔會好似啲擦子膠咁😂豉椒炒蟶子皇 $240（🧡🧡🧡🤍）冇錯，呢度嘅蟶子皇亦都只有四隻😅不過就非常之大隻，比平時街市嘅蟶子皇更加大隻，食落好爽口同埋鮮甜😋味道方面有好香嘅豆豉味，調味足夠有鑊氣。唯一有少少扣分位就係蟶子食落去有少少沙，希望佢可以洗乾淨啲😅百花蒸酒釀遼參 $468（🧡🧡🤍）雖然只俾2.5分，但其實呢一道菜味道唔難食，只係調味比較淡，睇返呢一個價錢，窮L🐽就覺得唔太值😅呢道菜係蝦滑釀入遼參，蝦滑彈牙及遼參好有口感，但調味就好似係鹽加茨汁，而海參同埋蝦滑本來都係比較淡味嘅食材，味道較普通。台風粉新竹米粉 $118（🧡🧡🧡）呢度用嘅新竹米粉非常之幼細，廚師炒到黐埋一舊舊🥲食落去就冇乜口感。味道方面就唔錯，有鑊氣有蛋香味👍🏼（5分滿分，🤍=0.5分）⁣⁣​環境 ：🧡🧡🧡價錢：🧡🧡🤍味道：🧡🧡🧡🤍抵食指數：🧡🧡🧡⁣⁣​ …查看更多

法式布甸 $15 (🧡🧡🧡🤍)​ 今次豬豬偵探趕上「潮流」（其實已經紅咗一個月），排隊買咗嘉多利的法包布甸。當日我係平日一點半到達，門口已經排咗6個人了，排到出爐嘅兩點正嘅時候已經有50人😅當日氣溫攝氏33度，大家都在烈日當空下爆汗排隊，令豬豬偵探更加期待佢會有幾好食😋⚠️法式布甸每日只於下午2點正出爐一次，並限量150個🥶今次🐽試咗三個食法，分別係雪凍食、翻熱後微暖食、翻熱食。（排名係分先後㗎）🥇凍食而雪凍之後法包就變得鬆軟煙韌，咬落比較有麵包香，入面嘅布甸冷凍凝固，入口充滿蛋香帶點香草籽嘅香味。🥈翻熱後微暖食整返熱之後攤凍食，法包表皮會有少少脆，布甸流心得嚟又唔會變做液體咁👍🏼🥉翻熱食將佢放入氣炸鍋焗左3分鐘，法包變得香脆，呢個狀態之下嘅法包係最好食，但入面嘅布甸加熱之後變得非常流心，食多咗會變得好膩🥲（5分滿分，🤍=0.5分）⁣⁣​環境 ：不適用價錢：🧡🧡🧡🧡味道：🧡🧡🧡🤍抵食指數：🧡🧡🧡🤍…查看更多

🍽 燈籠滷味 銅鑼灣登龍街39號地下旺角亞皆老街8號朗豪坊4A樓10號舖🐽燈籠滷味一向都大排長龍，冇心機排隊嘅豬豬偵探好少會排呢啲出名嘅熱門食店。今次閑日中午都排左5-6個人，不過毒撚一人就可以直入啦🤣但一個人去就食唔到佢哋嘅蛋餅啦🥲聽說呢度嘅蛋餅係用手抓餅皮做，好多人都話好食過佢哋嘅招牌滷味😂豬脷、肝連、鴨胗、水蓮、冬粉 $83 (🧡🧡🧡🤍)​ 今次叫咗三款不同嘅內臟，豬脷同鴨胗正常發揮，而坊間少見嘅肝連就係豬嘅橫隔膜跟橫隔肌，口感有嚼勁但似食緊瘦肉，試一次就夠啦😅呢到竟然有香港非常少見的水蓮菜🤣口感爽脆，每啖咬落去都會嗦嗦聲🥴大家不妨一試！⚠️建議大家唔好叫咁多內臟，食到中間發現每樣餸嘅質感太相似，會開始有點膩😂 燈籠滷味嘅滷湯湯包由台灣直送，據說喺用桂皮、花椒等數十款香料食材熬製而成，本來期待佢嘅滷水會有帶甘香的五香味，但食落冇咩香氣，只有甜甜的醬油味😅（5分滿分，🤍=0.5分）⁣⁣​環境 ：🧡🧡🧡🤍價錢：🧡🧡🧡味道：🧡🧡🧡🤍抵食指數：🧡🧡🧡🤍⁣⁣​ …查看更多

🍽 麺処一家 尖沙咀厚福街11號地舖🐽今次黎到麺処一家💛食午餐，呢間拉麵店竟敢只賣一種湯底-傳統嘅豚骨魚介醬油湯底，可見店主對其湯底嘅自信😳有睇過飲食男女嘅訪問就知道店主喺一位拉麵痴，為咗追夢放棄高薪厚職前往日本學師歸來開店。其湯底喺我喺香港食過嘅「最強豚骨魚介醬油湯」🤩下文的介紹會比較詳細，呢碗拉麵充滿了很多細微嘅心思！呢度雖然冇得揀湯底／麵底，但店家卻有3款推介供食客選擇，其實差別就只喺不同嘅拉麵叉燒，包括有火炙豬腩肉、慢煮豬肩肉及兩款雙併😋呢個時間小朋友先至要選擇，為食嘅豬挭喺揀雙拼（料理長の選択）啦！ 料理長の選択 $98 + 溏心蛋 $10 (🧡🧡🧡🧡🤍)​ 上面提到呢度嘅拉麵喺豚骨魚介醬油湯底，呢款湯底用上了大量嘅魚乾及豬骨熬製而成，每啖飲落去都充滿住豬骨濃厚黏口嘅質感，亦帶有魚介濃濃嘅魚鮮味🤩店家在湯底上亦有一個小心思，就是每碗麵都會加上少少秘製辣醬，除咗為湯底增添多一重味覺層次，亦減低豬骨濃湯帶來嘅膩感 😎怕辣嘅人睇到呢度唔洗擔心，因為辣醬嘅辣度很低，卻帶有香濃嘅香料味，而附在麵上嘅份量極少，基本上湯底亦不會帶任何辣味！ 而呢度嘅麵條選用幼直麵，口感非常爽彈，雖然幼直麵缺點亦好明顯，就喺掛湯能力乏乏，卻與呢度嘅超濃厚湯底相得益彰。可見店家有深思熟慮過麵條與湯底嘅配搭。而配料方面，每碗拉麵都會配有拉麵叉燒、筍、紫菜碎、蔥、洋蔥碎。值得一提是洋蔥同呢款湯底配搭得好好，增加多重口感之餘亦可減低因濃厚湯底帶來嘅負擔及膩感🤤至於拉麵叉燒 - 火炙豬腩肉及慢煮豬肩肉各有兩塊，相較之下慢煮豬肩肉更勝一籌，口感爽彈帶點黑椒嘅香氣💯而火炙豬腩肉則因厚度較薄，食唔到應該要食得到嘅肥豬油香，非常可惜🥲最後重點要講一下麺処一家除左佢嘅湯底做得非常出色外，溏心蛋超好食，重要嘅野要講三次：「溏心蛋超好食！」「溏心蛋超好食！」 呢度嘅溏心蛋熟度完美，蛋白非常入味，蛋黃流心帶有甜味，喺人生暫時食過最好食嘅溏心蛋🤪總結：湯底濃厚卻不膩，慢煮豬肩肉比火炙豬腩肉更出色，麵條及配料與湯底相輔雙成，最後就係「溏心蛋超好食！」必定要加配！（5分滿分，🤍=0.5分）⁣⁣​環境 ：🧡🧡🧡🧡價錢：🧡🧡🧡🧡味道：🧡🧡🧡🧡🤍抵食指數：🧡🧡🧡🧡⁣⁣​ …查看更多

🍽 Outdark 旺角彌敦道613號飛達商業中心2樓尖沙咀厚福街8號H8 17樓🐽因為韓劇而興起嘅炸雞同啤酒，真係令人諗起就流口水🤤今次嚟到位於旺角嘅outdark試下充滿韓味嘅美食！唔講唔知道原來outdark係韓國過江龍!喺韓國仲有50幾間分店㗎🐣🐣串串魚糕湯 $198 (🧡🧡🧡🤍)​ 呢一個鍋份量好多🤩會keep住加熱，所以同朋友慢慢食住傾偈，都唔驚會變凍。湯底幾清甜，材料有蘿蔔、魚餅、獅子狗卷、韓式粉絲等等。雖然食材都係普通的小食，但係令人諗起韓國的街頭小食，同朋友飲住燒酒，食住魚餅傾偈就最正啦🤓雙併 甜辣炸雞及香蒜蜜糖炸雞 $192（🧡🧡🧡🧡）呢到嘅炸雞應該係豬豬偵探食過最好食嘅炸雞了🍗（不過因為成日覺得香港的韓式炸雞唔好食，所以好少嘗試）雞皮炸得好香脆，厚薄適中，咬開香脆嘅外皮後，雞肉鮮嫩得流出汁來🤤成日食到韓式炸雞啲雞肉係冇味嘅，呢到的雞肉調味充足，表層淋上的醬汁分量恰到好處，甜辣醬更是另人欲罷不能。Strawberry Smoothie $45 (🧡🧡🤍)好甜🥲同埋唔夠凍，感覺更加甜。（5分滿分，🤍=0.5分）⁣⁣​環境 ：🧡🧡🧡🤍價錢：🧡🧡🧡味道：🧡🧡🧡🤍抵食指數：🧡🧡🧡🤍⁣⁣​…查看更多

🍽 LAB EAT Restaurant & Bar旺角彌敦道700號T.O.P. This is Our Place 5樓502號舖🐽一直想搵一間坐得舒服又就腳嘅黃店慶祝朋友生日，就被推薦到LAB EAT Restaurant & Bar用餐😋 ，一直都冇留意原來T.O.P.有間咁靚嘅西餐，仲發現坊間都勁多好評，重點喺呢到每道菜嘅擺盤勁靚🤩非常適合一班女仔食飯慶祝打卡🤣🥇炭燒澳洲BB羊架 $368 （🧡🧡🧡🧡）羊架係當晚最滿意嘅一道菜，充滿羊味但又唔會羶👍🏼火候掌握得啱啱好，五成熟入面仲係粉粉嫩嫩的，咬落去每啖都會帶點肉汁🤤最厲害嘅係佢嘅醬汁配搭呢道羊架真喺畫龍點晴，有乳酪、薄荷醬同埋Mustard，配搭唔同嘅醬料食都有唔同嘅風味。🥈慢煮西班牙八爪魚蟹膏意大利飯 $328 (🧡🧡🧡🤍)​ 呢道意大利飯入面有兩條勁粗嘅八爪魚鬚，經過慢煮嘅八爪魚非常軟淋，並不需要擔心咬唔開，而且每啖都充滿著八爪魚原本帶有嘅海洋鮮味😋意大利飯主要用蟹膏為主調味來煮，仲淋上少少墨魚汁，但蟹味唔算好重🧐值得一讚意大利飯嘅口感軟硬適中，最驚某啲餐廳自稱意大利飯但係煮到超級軟爛🤪🥉炭燒西班牙黑毛豬鞍肉 $388（🧡🧡🧡）豬鞍的火候控制得不錯，切開後還有些粉紅色。品質好嘅豬可以七成熟，所以唔洗擔心未熟透嘅問題！微生嘅豬鞍比起平時食嘅全熟豬扒較為軟淋滑溜！豬鞍帶有炭燒味但是調味就略嫌清淡，主要是靠沾芥末醬調味。配菜的菇類吃下去也有點苦。🍰意大利檸檬雪糕及蘋果水晶批 $138（🧡🧡🧡）蘋果水晶批係蘋果果肉製成的小糕點，同朋友不約而同感覺有點像馬蹄糕😂味道比較甜亦都只有蘋果味，可能食開蘋果蓉都會配搭玉桂粉，所以覺得這個水晶批有點單調。雪糕充滿檸檬味，味道帶點酸可以中和水晶批的甜味。上面有焦糖蛋白脆脆，提供不同的口感。🍹Narcissus $88 （🧡🧡🧡🤍）呢杯飲品色澤粉紅，配有乾燥檸檬，外表上已經拎咗滿分😍荔枝味嘅雪碧，酸酸甜甜再沁出淡淡玫瑰清香，非常清新。LAB EAT嘅飲品都做得好靚，鍾意小酌幾杯嘅大家不妨試吓呢度嘅Cocktail，侍應仲會用煙槍整出一個泡泡，打卡一流㗎😝（5分滿分，🤍=0.5分）⁣⁣​環境 ：🧡🧡🧡🤍價錢：🧡🧡🤍味道：🧡🧡🧡🤍抵食指數：🧡🧡🧡🤍⁣⁣​ …查看更多

🍽 老掌櫃東北菜館 荃灣海之戀商場2樓2006號舖🐽 一直聽聞老掌櫃嘅菜式分量多價錢平，特別係佢嘅片皮鴨，水準唔差又抵食，但係今次去完荃灣分店之後，感到十分失望......😥酸菜魚（龍利柳）$98 (🧡🧡🤍)​ 其實呢道酸菜魚調味唔差，魚片都幾滑，但出事嘅位係佢實在太多酸菜，而且啲酸菜非常咸又大嚿，一開始食都幾惹味，食到最後真係咸到口苦。北京填鴨（半隻） $168（🧡🧡🧡）老掌櫃嘅北京填鴨半隻的份量，的確係比坊間多，但係鴨肉比較乾身，外皮亦都唔係好脆，好似已經放咗好耐咁。而佢嘅薄餅皮亦都係比較乾身以及煙韌。（5分滿分，🤍=0.5分）⁣⁣​環境 ：🧡🧡🧡價錢：🧡🧡🧡味道：🧡🧡🤍抵食指數：🧡🧡🤍…查看更多

🍽 MOO MOO觀塘巧明街94-96號鴻圖中心地下1A號舖🐽 以前對漢堡包的印象就係連鎖店嗰啲乾乾扁扁嘅漢堡包，而家手工漢堡包店越開越多，大家終於可以食到有水準嘅漢堡🤣MOO MOO嘅漢堡包唔算太貴，食材新鮮又足料，平時放工同朋友嚟chill下都得☺️美式之堡 $63 (🧡🧡🧡🤍)​ 入面有安格斯牛肉、芝士、蕃茄、煙肉、生菜、秘製BBQ醬汁。 包皮係用充滿牛油味嘅軟包，烘得外脆內軟。牛肉漢堡扒好厚身，唔會好多筋亦都唔會好肥膩，但就略嫌唔夠juicy🤣煙肉都係比較厚，如果可以煎得脆少少就好啦！生菜同蕃茄都好新鮮～整體嘅配搭好match，濃郁得來又帶點清爽，加埋MOO MOO的秘製醬汁，將漢堡的味道昇華🤪魚full之堡 $62（🧡🧡🧡）豬豬偵探曾經都係魚柳包嘅fans，呢度嘅魚full之堡就係高配版嘅魚柳包，入面有塊超大超大嘅魚柳，肉質鮮嫩多汁，連鎖快餐店係完全不能比，不過魚柳冇調味，味道比較清淡，主要味道來自於醬汁🤣漢堡包用嘅醬汁係蜜糖芥末醬，可能自己食慣沙律醬酸酸甜甜嘅味道，覺得芥末醬就普通啦～跟餐 芝士肉醬薯條🍟+🥤$29 （🧡🧡🧡🤍）薯條炸到香脆熱辣辣，芝士味十分香濃，肉醬的份量可以鋪滿全部薯條🍟😋佢嘅味道比起平時食嘅芝士肉醬薯條更濃郁，正啊～（5分滿分，🤍=0.5分）⁣⁣​環境 ：🧡🧡🧡價錢：🧡🧡🧡味道：🧡🧡🧡🤍抵食指數：🧡🧡🧡⁣⁣​ …查看更多

🍽 十六座車仔麵 (旺角)旺角通菜街103號地舖🐽 16座車仔麵嘅裝修係模仿六七十年代公屋，車仔麵麵底選擇都有好多，有藜麥麵、烏冬、芫荽麵等等。車仔麵餸方面亦都有好多特色配料，例如金沙青、牛舌芯等，係值得一試嘅特色車仔麵。特別要提一提嘅喺下午茶時間，會有八折優惠，仲送埋豆漿，一碗三餸車仔麵只需要30幾蚊，真係時光倒流到十年前😂金沙青、牛爽、冬菇藜麥車仔麵 （腩汁）$54 (🧡🧡🧡)​ 今次叫咗兩個坊間車仔麵店少見嘅餸-金沙青及牛爽。金沙青即喺金沙骨嘅最表層，店舖標稱呢道餸口感爽滑，但金沙青嘅口感就同普通豬肉片冇分別，而且極少調味，就像在食平常用來滾湯的豬肉片🥲牛爽則是牛舌芯，雖然切得比較薄而口感的確爽脆。冬菇則是正常發揮，肥美且入味。而藜麥麵外表跟粗麵非常相似，隱約睇到內裏有藜麥粒，吃下去麵質比較硬身，下次試一試普通粗麵會不會較好食😂湯底方面較清淡，雖然加了腩汁，卻未有吃到平常腩汁香濃的味道。陳皮魚蛋、蘿蔔、騸牯牛腩車仔米線 （腩汁）$36 （🧡🧡🧡）另一碗喺豬豬偵探喺第二日黎十六座車仔麵食嘅，於下午茶時間用餐，所以會有八折優惠以及贈送豆漿。一個三餸車仔麵+飲品只係$36咋！陳皮魚蛋有陳皮香，口感比較實。蘿蔔香甜，吃下去也沒有渣渣。牛腩煮得軟冧入味，呢碗麵雖然係下午茶但份量並沒有減少。而今次嘅湯底比較有味，亦都食到腩汁的味道，應該係腩汁落得重手咗🤣（5分滿分，🤍=0.5分）⁣⁣​環境 ：🧡🧡🧡價錢：🧡🧡🧡🤍味道：🧡🧡🧡抵食指數：🧡🧡🧡⁣⁣​…查看更多

🍽 真‧章魚無雙 旺角彌敦道688號旺角中心1期2樓SB02號舖葵芳葵富路7號葵涌廣場2樓C07B號舖🐽 喺葵廣掃街就試得多，喺旺中掃街你又試過未呢？近年來旺中都開咗好多小食店，食物種類繁多，總有一樣啱你！今次嚟到好出名嘅真·章魚無雙，其實豬豬偵探已經食過幾次，佢哋嘅章魚燒好有日本風味，味道亦有好多款選擇，有機會就過嚟試吓啦😋真·蟹膏章魚燒 $42 (🧡🧡🧡🤍)​ 即叫即做的章魚燒上面鋪滿了滿滿的蟹膏以及沙律醬，這裏的章魚燒外皮薄而不爛，口感軟糯。內裏的章魚口感彈牙，蟹膏的鹹味和沙律醬的甜味融合，口味變得鹹鹹甜甜十分有層次。（5分滿分，🤍=0.5分）⁣⁣​環境 ：（不適用）價錢：🧡🧡🧡🤍味道：🧡🧡🧡🤍抵食指數：🧡🧡🧡🤍⁣⁣​…查看更多