starjv的個人專頁

出街食一餐飯，我認為味道好壞都係其次，最基本要做到乾淨衛生，至少食完唔會肚痛肚痾貼錢買難受。今次食完呢間泰國人海南雞真係大開眼戒，食飯食到一半成日曱甴死屍浮上面，即時反胃兼想嘔，打電話去分店投訴，呀姐話要打比上頭問下，一等就等足幾十分鐘。管理層處理自家餐廳衛生情況簡直令感到心寒。首先，從頭到尾冇一句道歉，只在乎我地幾時拎返碗湯返去退返錢就想不了了之成件事。其次，從來冇問過我地拎任何相片，對產品出現問題彷彿毫不驚訝。又只著緊我地食左幾多，要多於一半先可以退回整餐飯既價錢，但試問食飯食到一半先見到有曱甴，又何來可以將一半以上既飯菜拎返分店退錢呢？我地都好反胃，好想將一半以上既飯菜嘔返出黎退錢呀！高層無疑係不近人情，不將食客感受、健康情況放係首位，更毫無同理之心，完全冇誠意去為食客解決問題。好難想像我地當日飲到有曱甴既冬陰功湯有幾多位食客同樣中招，又或者直頭係飲左落肚而不知情！該店既衛生情況同對待客人投訴既處理手法真係令人心寒。我自己食完後第二日仲有反胃同肚痾，亦需要停工一日！所有情況均有圖片作實，亦已報食環。各位食客自求多福！…查看更多

尖沙咀又新開左日本到港既燒肉店😍，一定一定要去試下啦！重點係睇完餐牌唔貴添，唔係任食都唔怕傷荷包！特上牛胸腹肉，只點左簡單調味，放上爐燒兩燒已經食得，就係中意食日本燒肉既原汁原味，唔洗點加調味都好好食！牛小排肉質鮮嫩，最緊要係油脂豐富，食落口感好好牛肋條用壺上都幾特別，兩大條牛肋條，肉質好靚，醃得好入味，燒完之後肉汁都係滿滿既豬肉都有點，但真係唔夠牛肉好食燒肉當然要配飯啦，呢個溫泉蛋飯係必點阿！滿滿既紫菜配上溫泉蛋，靜係撈埋黎食都自己食到一碗薯蓉都係必點，海量醬汁，口感係粒粒小薯，絕對唔係用粉開既薯蓉呢…查看更多

想食韓燒又唔想食大型連鎖店，所以就搵左呢間由韓國人自家經營既韓燒店。一入門口已經見到一大班真既韓國人食住燒肉睇緊波，睇黎質素有保證🤣有爐邊蛋同芝士任食🤤，芝士仲可以卷起啲肉一齊食增加風味拼盤有齊不同豬既部位，份量極大，同朋友一行四人最後都飽到上心口特別中意佢個豬扒🤣，超級厚，新鮮而且燒完之後仲好juicy仲點左生韓式炸雞，甜酸醬炸雞令人好開胃仲有芝士捲蛋，即叫即做，所以都等左一陣。切開係流心架🤤，爆晒芝士，必點！…查看更多

見到大家講綠火鍋咁吸引，當然都要黎挑戰下佢既辣度啦！好在朋友們都係同我一樣無火鍋不歡😂！雖然話湯底係綠色，但唔係因為佢加左色素，而係用上大量綠色植物、香菜去令湯底睇係黎係綠色，但同時十分之香！湯底唔似平時食開重慶或四川個種咁多辣油，反而係不油不膩，仲要重點係唔攻鼻，唔會要狂打乞嚏咁食一餐飯。丸類都係人手打，呢點值得加分。最中意佢個墨魚丸，夠爽口牛肉叫左細既份量，同樣新鮮，牛味好重相對上餃子較少，但皮薄餡靚午餐肉係每次邊爐必點😂，炸埋夠香脆，點少少湯食一流擺碟都好用心，排返一條魚既形態出黎😂食食下發現原來鍋底仲有豬紅！索晒啲香辣味道，食唔停口雞腸咁冷門既都有得叫…查看更多

麻辣配清湯湯底，麻辣揀左最辣，完全係有少少麻痺左條脷既感覺，亦好香牛油味，食列全身暖笠笠！每項配料都睇得出師傅有用心喎，呢點好值得加分作為薯仔控，咁切法真係好方便。夠薄快熟，唔洗次次打邊爐都食到飽晒先可以食薯仔同普通炸響鈴唔同，中間加左紫菜，好香口，成舊食落似小老闆紫菜既味，好特別冬天都係揀返啲養生飲品，清甜帶蘋果香，解渴朋友點既牛肉，中間包左芹菜，食落會有兩種口感必點既牛肉！好香好香牛味，而且脂肪分佈平均豬肉片都唔錯，每塊份量多爽脆黃喉，唔多地方有得食，打邊爐見到都係必點極足料韭菜餃，肉菜比例平均，咬落有肉汁甜品點左黑糬糍粑，好好味！好Q彈，仲要配上甜甜黑糖，必點…查看更多

咁凍既天氣只係想每晚都打邊爐😂。所以積極每晚都搵唔同邊爐打，呢個絕對可以再戰。先黎已經有大量醬料可以任揀，撈到岩自己口味冬天凍冰冰，見到有醉雞鍋揀諗都唔洗諗，即叫。上到黎見到好足料，酒味香濃藥材配料十足，湯底口味適中，食完一定暖笠笠主菜要左個炸魚皮，大塊香脆重頭戲之一既雞件🤤，完整成隻雞上，舊舊都連晒雞皮，放入湯底滾一滾，不得了大大隻廣島蠔配料選擇都好多其中見到油鴨脾比較少見，叫左一份黎試試。原來係招牌菜之一，過一過湯已經食得，香躁味香濃同樣都試左招牌之一既手切牛頸脊，肉味極香濃，亦唔會過份油膩，食多幾塊都唔怕濟…查看更多

又去尖沙咀覓食！今次做好晒資料搜集，知道呢間既生蠔做緊優惠，白酒都有優惠!當然要黎會一會佢啦主角之一既生蠔！$198一打蠔再加白酒，抵到爆！將半打加多$30變大蠔，同樣鮮甜，建議可以一戰薯條拼盤亦都好抵食，亦冇諗過咁大份，可以當餐前小食咁食見到餐牌推薦海膽多士，當然要試試。海膽份量及格，而且上枱時熱辣辣手，即叫即整。海膽味同芝士配合得天衣無縫羊架不過不失，肉汁夠多，但份量較細，兩啖就食晒最後點少得海鮮拼盤！鮑魚、青口、蝦同龍蝦等等都十分新鮮，坐係出面食海鮮、摸下酒杯底，感覺好正！值得再戰…查看更多

冬天係時候又打邊爐😚😚，辣一辣補一補先！今次係銅鑼灣覓食，地點都幾就腳，一上到去係門口已經聞到陣陣香辣味道，流晒口水。鍋底揀左一邊番茄清湯、一邊大辣，見到半鍋都滿江紅，好興奮個鍋好霸氣湯底除左唔少辣油之外亦有好多辣椒同花椒，辣得過癮而火鍋既配料都好特別，根據唔同既中國劇集或者節目去改名呢味就係舌尖上的蜀大俠，其實係牛舌黎既。建議牛舌可以放到辣鍋個一邊去煮，更加惹味，肉質爽滑花千骨，由腌製過既豬肋骨做成，面頭浸滿辣油，建議放到辣湯一邊煮，令當中既辣味更深一層最後當然都有點一般既肉類，同樣新鮮…查看更多

又係最愛既打邊爐❤️，今次揀左天后，食完仲可以去食多個糖水添，一舉兩得今次就揀左番茄湯底，果然冇失望，用料十足，未打邊爐都可以先飲一飲個湯配料選擇亦都好豐富而且高質素，雖然價錢唔係超抵，但好味程度真係一分錢一分貨每次打邊爐必點牛頸脊，中意佢肉味香濃，手切更加係大加分！再要多左個醉雞加入去，預先用酒浸過，酒味香濃次餘，肉質亦都嫩滑仲有一個刺身拼盤，有別於一般只係比三文魚。即炸鮮魚皮，超香脆，放落湯滾一滾不得了，吸晒湯底既鮮甜…查看更多

今次收工後去食，人流唔算超多，唔洗同人迫，同成班同事可以慢慢吹水先上左一個刺身拼盤，以火鍋作為主打既舖頭，刺身質素亦都算係唔錯，特別推薦帶子同三文魚，夠晒厚切再黎就係先食雞煲後打邊爐，雞煲揀左小辣，辣到都幾足，最正既係可以無限加雞，食到夠為止！由於人數都幾多，所以最後都加左一輪雞煲食完雞煲仲可以打邊爐，岩晒我地呢啲三心兩意既人。湯底揀左番茄同杏汁豬肺的，兩者都好出色、好夠濃郁配料亦都係任食！睇到差唔多有幾十款配料任食，加上飲品亦都係任飲，值得再戰！睇落好似好多盤，但可以按個人份量黎叫，每樣食啲，唔怕食唔晒…查看更多

容記由搬左舖黎太子，當然要捧下場啦！一行人先點左個燉湯，係准山杞子燉翅裙湯一啲都唔油膩之餘，感覺好滋補，見到用左真材實料去燉製而成仲有大量既翅裙呀！芥末牛柳粒！雖然叫說叫芥末，但味道唔算極重，有淡淡既芥末香，不刺鼻。牛柳亦煮得夠淋原條鐵板茄子亦都係好期待既一道菜，用左大量既洋蔥汁煮成，食落口茄子夠淋夠入味，將汁既精華都鎖左入茄子度招牌雞蛋焗魚腸，睇相好似好乾，但食落蛋好骨，魚腸好咬口，係送飯一流既首選。洗衣機蒜香骨咁出名當然唔可以唔點啦！睇好多報導都有介紹過，果然冇令人失望。好香口之餘咬入排骨中亦好juicy，值得為呢一道菜再黎容記！…查看更多

呢間放題質素真係極高，雖然要早一個星先book到，但食完真係覺得值回票價，已經諗定幾時再戰啦!!!首先會先上一個海鮮拼盤，盤內海鮮多而且高質素！食完仲可以再叫添睇下隻蟹，大過手掌出面既野食選擇亦都唔少，有沙律之餘仲有湯水、糖水等等簡飲左兩碗，味道唔錯，今次飲到既豬飲煲青紅蘿蔔放題既重頭戲之一，有刺身！除左必點既三文魚外仲有馬刀貝、帶子、甜蝦、象拔蚌等等，全部都夠晒新鮮鮮甜食緊刺身既時候海鮮都燒得差唔多😂原來仲可以叫侍應幫手去殻，服務好貼心大大粒帶子，海水味頗重，連續食左幾隻😂小食仲有紫薯天婦蘿簡，紫薯炸得夠乾身夠香口仲有新鮮生蠔燒！同樣有手掌咁大，叫人點忍口…查看更多

尖沙咀其實都有間日式居酒屋，不單止裝修極有格調外，食品質素亦都好唔錯，最重要既係位於尖沙咀地段但價錢一啲都唔貴，以食日本野黎講性價比好高呢！日式燒茄子，味道比一般既中國菜清淡，但茄子夠淋身，吸多好多汁入茄子度，好味！吉列豬肉薯餅，滿滿既豬肉同薯仔蓉，炸得香脆，夠晒熱辣辣壽司選擇都好多最中意佢既吞拿魚蓉，份量多之餘亦都好香甜仲有大大粒魚子天婦羅番薯，同店家自調既醬汁一齊上。番薯香甜，炸得乾身估佢唔到有燒大腸食😂，味道較重口味，中意飲酒就必點黎做下酒菜！…查看更多

是日又黎打邊爐！夏天都係戒唔甩邊爐，又中意食任食，所以成家人黎左荃灣覓食！除左肉之外，其餘火鍋配料都好多選擇喎，仲要同樣全部都全食，性價比頗高好多菇類、麵食、粟米、蔬菜等等麵係任食，仲要不時見到員工會fill返配料除左牛肉係主角外，豬肉都有不同部位選擇咩都叫黎試，任食唔肉赤仲有海鮮叫，蠔、蝦都大大隻刺身都有，好抵喎，食到呀媽好開心炸物都有，推薦炸雞翼，新鮮炸、味道不錯甜品都好有心思，連d24榴連pancake都有最滿意佢個抹茶雪糕…查看更多

閒日放假，訓到早餐都冇食，直接就去食午餐😂。酒鍋打邊爐都聽得多，原來仲有午餐既套餐選擇，多謝晒朋友既介紹！套餐中既主食可以簡日式刺身飯、小鍋既邊爐同埋中式既蒸飯，選擇極多！簡到眼花撩亂，最後點左個刺身飯！話明套餐，當然有前菜啦。但前菜都好多，除左有中湯外，仲有日式沙律、小籠包同埋刺身！飲品都係套餐包埋既，抵食喎！小籠包都係熱辣辣架，咬開爆汁主角刺身飯，以套餐黎講太抵食啦！大大片帶子同三文魚，食得出好鮮甜！不過個壽司飯就有啲硬，如果冇咁硬就滿分了仲有大大粒魚子結尾仲有牛乳布丁，好滿足！…查看更多